Mark 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1بَايَنْ یَنْ ݣُونَكِے، عِيسَىٰ يَسَاكٜىٰ كُواْمَ وَ كَڢَرْنَهُمْ، سَيْ مُتَنٜىٰ سُكَجِ لَابَرِ يَنَ غِدَا؞

2مُتَنٜىٰ دَيَوَ سُكَ تَارُ، حَرْ بَا سَوْرَنْ وُرِے، كُواْ عَبَاكِنْ ڧُواْڢَ مَا؞ عِيسَىٰ يَنَ ڢَطَا مُسُ كَلْمُواْمِنْ اللَّهْ ؞

3سَيْغَا مُتُمْ حُطُ سُكَذُواْ، سُنَ كُوَ طَوْكٜىٰ دَ وَنِ شَنْيَيّٜىٰ؞

4دَ سُكَ كَاسَ شِغَرْ دَشِ ذُوَا وُرِنْ عِيسَىٰ سَبُواْدَ يَوَنْ مُتَنٜىٰ، سَيْ سُكَ بُوطٜىٰ رُڢِنْ غِدَنْ دَيْدَيْ عِنْدَ عِيسَىٰ يَكٜىٰ؞ دَ سُكَ هُودَ رُڢِنْ، سَيْ سُكَ سَوْكَرْ دَ مُتُمِنْ، دُكْ دَ تَبَرْمَرْسَ؞

5دَ عِيسَىٰ يَغَ بَنْ‌غَسْكِيَرْسُ سَيْيَثٜىٰ وَشَنْيَيّٜىٰنْ «طَانَ، أَنْ‌غَاڢَرْتَا مَكَ ذُنُبَنْكَ؞»

6تُواْ، وَطَنْسُ مَلَمً كُواْيَرْوَرْ مُوسَٰى سُنَ ظَوْنٜىٰ أَوُرِنْ، سُنَ تَتُنَانِ عَثِكِنْ ذُوثِيَارْسُ،

7سُنَ ثٜىٰوَ «دُوانْمٜىٰ مُتُمِنَّنْ يَكٜىٰ مَغَنَ حَكَ؟ أَيْ، يَنَ وَ اللَّهْ صَاٻُواْ نٜىٰ! وَ يَكٜىٰدَ إِيكُوانْ غَاڢَرْتَا ذُنُوبِ إِنْ بَ اللَّهْ كَطَيْبَ؟»

8نَنْ دَ نَنْ عِيسَىٰ يَغَانٜىٰ أَبِنْدَ سُكٜىٰ تُنَانِ أَ ذُوثِيَارْسُ، سَيْيَثٜىٰ مُسُ «مٜىٰيَسَا كُكٜىٰيِنْ إِرِنْ وَطَنَّنْ تُنَانِ؟

9وَنّٜىٰ يَڢِ سَوْڧِ، عَثٜىٰ وَمَيْ ثِيوُاْنَّنْ، ‹أَنْ غَاڢَرْتَا مَكَ ذُنُبَنْكَ،› كُواْ كُوَ عَثٜىٰ، ‹تَاشِ كَطَوْكِ تَبَرْمَرْكَ كَيِ تَڢِيَ؟›

10عَمَّا إِنَ سُواْكُسَنِ ثٜىٰوَ طَنْ مُتُمْ يَنَدَ إِيكُواْ يَغَاڢَرْتَ ذُنُبَيْ عَدُونِيَا؞» سَيْ يَثٜىٰوَ شَنْيَيّٜىٰنْ،

11«نَثٜىٰمَكَ، تَاشِ، كَطَوْكِ تَبَرْمَرْكَ كَتَڢِے غِدَا؞»

12نَنْ دَ نَنْ يَتَاشِ، يَطَوْكِ تَبَرْمَرْسَ، يَڢِتَ؞ دُكَنْ مُتَنٜىٰ كُمَ سُنَ كَلُّوانْسَ، سُنَ مَامَاكِ، سُنَ طَوْكَكَ اللَّهْ سُنَ ثٜىٰوَ «بَمُتَٻَ غَنِنْ وَنِ أَبُ كَمَرْ حَكَبَ؞»

13عِيسَىٰ يَسَاكٜىٰ ڢِتَ يَجٜىٰ بَاكِنْ تٜىٰكُنْ غَلِيلِ؞ مُتَنٜىٰ دَيَوَ سُكَ تَارُ كٜىٰوَيٜىٰ دَشِ، يَكُوَ كُواْيَ مُسُ؞

14يَنَ وُثٜىٰوَ سَيْ يَغَ لَوِ طَنْ هَلْڢَ يَنَ ظَوْنٜىٰ أَوُرِنْ كَرْٻَرْ هَرَاجِ؞ سَيْ عِيسَىٰ يَثٜىٰ مَسَ «بِينِ؞» سَيْ يَتَاشِ يَبِے شِ؞

15وَتَرَانَ، عِيسَىٰ يَنَثِنْ عَبِنْثِ أَغِدَنْ لَوِ؞ وَطَنْسُ مَاسُ كَرْٻَرْ هَرَاجِ دَ وَطَنْسُ مَاسُ ذُنُوبِ دَيَوَ سُنَثِ تَرٜىٰ دَشِ دَ أَلْمَجِرَنْسَ، غَمَا مُتَنٜىٰ دَيَوَ دَغَ ثِكِنْسُ نٜىٰ سُكَبِيشِ؞

16وَطَنْسُ مَلَمً كُواْيَرْوَرْ مُوسَٰى وَطَنْدَ سُو ڢَرِسِيَاوَا نٜىٰ، سُكَغَ يَنَ ثِنْ عَبِنْثِ تَرٜىٰدَ مَاسُ ذُنُوبِنَّنْ دَ مَاسُ كَرْٻَرْ هَرَاجِ؞ سَيْ سُكَ تَمْبَيِ أَلْمَجِرَنْسَ سُكَثٜىٰ «مٜىٰيَسَا يَكٜىٰثِ تَرٜىٰدَ مَاسُ كَرْٻَرْ هَرَاجِ دَ مَاسُ ذُنُوبِ؟»

17دَجِنْ حَكَ، عِيسَىٰ يَثٜىٰمُسُ «مَاسُ لَاڢِيَ بَاسَ بُڧَاتَرْ لِكِتَ، سَيْدَيْ مَرَسَ لَاڢِيَ؞ بَنْ ذُواْ دُوانْ إِنْكِرَا مَاسُ أَدَلْثِبَ، سَيْدَيْ مَاسُ ذُنُوبِ؞»

18تُواْ، أَلْمَجِرَنْ يَحْيَى مَيْ بَڢْتِسْمَ دَ نَ ڢَرِسِيَاوَا سُنَيِنْ أَظُمِ، سَيْ وَطَنْسُ مُتَنٜىٰ سُكَذُواْ سُكَ تَمْبَيِ عِيسَىٰ سُكَثٜىٰ «مٜىٰيَسَا أَلْمَجِرَنْ يَحْيَى دَ نَ ڢَرِسِيَاوَا سُكَنْيِ أَظُمِ، عَمَّا نَاكَ بَاسَ يِ؟»

19سَيْ عِيسَىٰ يَأَمْسَ مُسُ يَثٜىٰ «أَبُواْكَنْ أَنْ‌غُواْ سُكَنْيِ أَظُمِ أَ لُواْكَثِنْ دَ أَنْ‌غُواْ يَكٜىٰ تَرٜىٰدَ سُونٜىٰ؟ أَيْ، سَعَدَّ أَنْ‌غُواْ يَكٜىٰ تَرٜىٰدَسُو بَذَاسُيِ أَظُمِبَ؞

20لُواْكَثِ يَنَ ذُوَا دَ ذَاعَ طَوْكِ أَنْ‌غُوانْ عَبَرْسُ؞ تُواْ، أَ لُواْكَثِنّٜىٰ ذَاسُيِ أَظُمِ؞

21«بَا مَيْ ڢَاثِنْ ڟُواْهُوَرْ رِغَا دَ سَابُوانْ يَدِ؞ عِدَنْ كُوَ يَيِ، سَيْ سَابُوانْ يَدِنْ يَنَطٜىٰ ڟُواْهُوَرْ رِغَرْ، حَرْ يَاغٜىٰوَرْ تَڢِے تَدَا مُونِ؞

22كُمَ بَاوَنْدَ ذَيْظُبَا سَابُوانْ ضُوً إِنَبِے عَثِكِنْ ڟُواْڢَڢِّنْ سَلْكُنَ؞ عِدَنْ يَا يِهَكَ، سَيْ ضُوً إِنَبِنْ يَڢَرْڢَشٜىٰ سَلْكُنَنْ، عَكُمَيِ هَسَرَرْ سَلْكُنَنْ دُكْ دَ ضُوً إِنَبِنْ؞ أَيْ، سَابُوانْ ضُوً إِنَبِے، سَيْ سَابَبِّنْ سَلْكُنَ؞»

23أَنَانً أَ رَانَرْ هُوتُ تَمَكُواْ عِيسَىٰ دَ أَلْمَجِرَنْسَ سُنَ وُثٜىٰوَ تَغُواْنَكِنْ حَڟِنْ أَلْكَمَ؞ سُنَ ثِكِنْ تَڢِيَ سَيْ أَلْمَجِرَنْسَ سُكَ ڢَارَ كَرْيَ وَطَنْسُ كَنْ أَلْكَمَ؞

24سَيْ ڢَرِسِيَاوَا سُكَثٜىٰ مَسَ «دُوبَ أَبِنْدَ أَلْمَجِرَنْكَ سُكٜىٰيِ؞ دُوانْمٜىٰ سُكٜىٰيِنْ أَبِنْدَ كُواْيَرْوَرْ مُوسَٰى تَهَنَيِ أَ رَانَرْ هُوتُ تَمَكُواْ؟»

25عِيسَىٰ يَأَمْسَ يَثٜىٰ «أَشٜىٰ، بَكُ تَٻَ كَرَنْتَ أَبِنْدَ دَاوُدَ يَيِبَ، أَ لُواْكَثِنْ دَ يُنْوَ تَدَمٜىٰشِ كُمَ يَنَ ثِكِنْ رَشِ، شِ دَ أَبُواْكَنْ تَڢِيَرْسَ؟

26أَ زَامَانِنْ دَ أَبِيَتَرْ يَكٜىٰ بَبَّنْ ڢِرِسْتِنٜىٰ، دَاوُدَ يَشِغَ وُرِنْ سُجَّدَ، يَثِ غُرَاسَرْ دَ عَكَ كٜىٰٻٜىٰ، وَنْدَ بَيْ كَمَاتَ كُواْوَ يَثِبَ، سَيْدَيْ ڢِرِسْتُواْثِے كَطَيْ؞ حَرْ مَا يَبَا أَبُواْكَنْ تَڢِيَرْسَ!»

27سَيْ عِيسَىٰ يَثٜىٰ مُسُ «أَيْ، أَنْيِ رَانَرْ هُوتُ تَمَكُواْ دُواْمِنْ مُتُمْ نٜىٰ، بَعَيِ مُتُمْ دُواْمِنْ رَانَرْ هُوتُ بَ؞

28أَيْ، طَنْ مُتُمْ عُبَنْ‌غِجِ نٜىٰ حَرْ مَا دَ نَرَانَرْ هُوتُ تَمَكُواْ؞»

← Chapter 1 Jump to: Chapter 3 →