Mark 9

Hausa Arabic 2020 (أَتَّوْرَتْ دَ أَنَّبَاوَا)

1يَكُمَثٜىٰ مُسُ «غَسْكِيَ، إِنَ غَيَ مُكُ، أَݣَويْ وَطَنْسُ دَسُكٜىٰ ڟَيٜىٰ أَنَنْ وَطَنْدَ بَذَاسُ مُتُ بَ، سَيْ سُنْ‌غَ مُلْكٍ اللَّهْ يَبَيَّنَ دَ إِيكُواْ؞»

2بَايَنْ ݣُونَ شِدَ عِيسَىٰ يَطَوْكِ بِتْرُسْ دَ يَعْڧُوبَ دَ يَحْيَى، يَكَيْسُ كَنْ وَنِ بَبَّنْ تُدُ مَيْ ڟَوُاْ عِنْدَ سُكَ كَسَنْثٜىٰ سُو كَطَيْ؞ أَنَانً سَيْ كَمَنِّنْسَ يَثَنْجَ أَغَبَنْسُ،

3رِيغُنَنْسَ كُمَ سُكَيِ ڢَرِ ڢَتْ سُنَ ڨَلِّ، يَدَّ بَا مَيْ وَنْكِنْ دَ ذَيْ إِيَيِنْسُ حَكَ عَدُونِيَا؞

4سَيْغَا أَنَّبِے إِلْيَاسُ دَ أَنَّبِے مُوسَٰى سُكَ بَيَّنَ أَغَرٜىٰسُ، سُنَ مَغَنَ دَ عِيسَىٰ ؞

5سَيْ بِتْرُسْ يَثٜىٰ وَ عِيسَىٰ «مَلَمْ، يَيِݣَوْ دَمُكٜىٰ نَنْ، بَرِ مُيِ بُكُّواْكِ عُكُ، طَيَ دُواْمِنْكَ، طَيَ دُواْمِنْ أَنَّبِے مُوسَٰى، طَيَ كُمَ دُواْمِنْ أَنَّبِے إِلْيَاسُ؞»

6يَرَسَ أَبِنْدَ ذَيْ ڢَطَا نٜىٰ، دُواْمِنْ شِ دَ سَوْرَنْ أَلْمَجِرَنْ سُنْ جِڟُواْرُواْ ڨُورَيْ؞

7سَيْغَا وَنِ غِرْغِجٜىٰ يَا ذُواْ يَا رُڢٜىٰسُ، عَكَ كُمَجِ وَتَ مُرْيَ دَغَ ثِكِنْ غِرْغِجٜىٰنْ، تَنَ ثٜىٰوَ «وَنَّنْ شِينٜىٰ طَانَ، وَنْدَ نَكٜىٰ ڧَوْنَ؞ كُسَوْرَرٜىٰشِ!»

8بَا لَابَرِ دَ سُكَ دُدُّوبَ، بَسُ ڧَارَ غَنِنْ كُواْوَ بَ، سَيْ عِيسَىٰ كَطَيْ تَرٜىٰدَسُو؞

9دَ سُنَ ثِكِنْ غَنْ‌غَرُواْوَ دَغَ تُدُنْ، سَيْ عِيسَىٰ يَجَا مُسُ كُنّٜىٰ كَدَ سُغَيَ وَكُواْوَ أَبِنْدَ سُكَ غَنِ، سَيْ طَنْ مُتُمْ يَتَاشِ دَغَ مَتَتُّو تُكُنَ؞

10دُواْمِنْ حَكَ سُكَ بَرْ وَنَّنْ مَغَنَرْ، سُنَ تَمْبَيَرْ جُونَ كُواْ مٜىٰنٜىٰنٜىٰ عِيسَىٰ يَكٜىٰ نُڢِ دَ «تَاشِ دَغَ مَتَتُّو»؞

11عَڧَرْشٜىٰ سُكَ تَمْبَيٜىٰشِ سُكَثٜىٰ «تُواْ، دُوانْمٜىٰ مَلَمً كُواْيَرْوَرْ مُوسَٰى سُكٜىٰثٜىٰوَ سَيْ أَنَّبِے إِلْيَاسُ يَڢَارَ ذُوَا، سَعَنً أَلْمَسِيحُ يَذُواْ؟»

12عِيسَىٰ يَأَمْسَ يَثٜىٰ «غَسْكِيَ نٜىٰ أَنَّبِے إِلْيَاسُ ذَيْ ڢَارَ ذُوَا دُواْمِنْ يَشِرْيَ كُواْمٜىٰ؞ عَمَّا أَنْكُمَ رُبُوتَ عَثِكِنْ مَغَنَرْ اللَّهْ ثٜىٰوَ طَنْ مُتُمْ ذَيْشَا وُيَ إِرِ إِرِ، ذَاعَ كُمَ وُلَڧَنْتَ شِ؞ كُواْ بَهَكَبَ؟

13أَيْ، إِلْيَاسُ يَا رِغَا يَاذُواْ، مُتَنٜىٰ سُكَ كُمَيِ مَسَ دُكْ أَبِنْدَ سُكَغَ دَامَ، كَمَرْ دَيْ يَدَّ عَكَ رُبُوتَ ذَيْ ڢَرُ؞»

14دَ عِيسَىٰ دَ أَلْمَجِرَنَّنْ عُكُ سُكَ كُواْمَ وُرِنْ سَوْرَنْ أَلْمَجِرَنْ، سَيْ سُكَ غَ بَبَّنْ تَارُواْ يَكٜىٰوَيٜىٰسُ؞ مَلَمً كُواْيَرْوَرْ مُوسَٰى كُمَ سُنَ غَرْدَمَ دَسُو؞

15دَ غَنِنْ عِيسَىٰ سَيْ دُكْ تَارُوانْ سُكَيِ مَامَاكِ ڨُورَيْ دَ غَسْكٜىٰ، سُكَتَاشِ دَ غُدُ سُكَجٜىٰ سُكَ غَيْشٜىٰشِ؞

16عِيسَىٰ يَتَمْبَيِ أَلْمَجِرَنْسَ يَثٜىٰ «غَرْدَمَرْ مٜىٰ كُكٜىٰيِ دَسُو؟»

17سَيْ وَنِ مُتُمْ دَغَ ثِكِنْ تَارُوانْ يَأَمْسَ مَسَ، يَثٜىٰ «مَلَمْ، غَاشِ نَكَٰوُاْ مَكَ طَانَ، وَنْدَ يَكٜىٰدَ رُوحُ نَذَمَنْ بٜىٰبٜىٰ عَثِكِنْسَ؞ رُوحٌ يَنَ حَنَ شِ مَغَنَ؞

18دُكْ لُواْكَثِنْ دَ أَبِنْ يَتَاشِ، يَكَنْ جٜىٰڢَرْ دَشِ عَڧَسَا؞ يَكَنْ سَا شِ يَڢِدَّ كُمْڢَ عَبَاكِ، يَنَ كُمَ ثِظُوانْ هَڧُواْرَ، جِكِنْسَ كُمَ يَمِيڧٜىٰ دَ ڧَرْڢِے؞ نَيِ وَ أَلْمَجِرَنْكَ مَغَنَ سُڢِتَرْ دَشِ، عَمَّا سُنْ كَاسَ؞»

19عِيسَىٰ يَأَمْسَ مُسُ يَثٜىٰ «كُو مُتَنٜىٰنْ زَامَانِنَّنْ، مَرَسَ بَنْ‌غَسْكِيَ، حَرْ ذُوَا يَوْشٜىٰ ذَنْ ذَوْنَ تَرٜىٰدَكُو؟ حَرْ يَوْشٜىٰ كُمَ ذَنْ جِمْرٜىٰ دَكُو؟ كُكَٰوُاْ مِنِ يَرُوانْ؞»

20سَيْ سُكَ كَٰوُاْ مَسَ يَرُوانْ؞ دَ رُوحٌ يَغَ عِيسَىٰ ، نَنْ دَنَنْ سَيْ يَبُغِ يَرُوانْ، جِكِنْسَ يَنَ ضَوَ، يَڢَاطِ يَنَ تَبِرْغِمَ، بَاكِنْسَ كُمَ يَنَ تَڢِدَّ كُمْڢَ؞

21سَيْ عِيسَىٰ يَتَمْبَيِ بَابَنْ يَرُوانْ «تُنْ يَوْشٜىٰ وَنَّنْ أَبُ يَسَامٜىٰشِ؟» بَابَنْ يَثٜىٰ «تُنْ يَنَ ڧَرَمِ؞

22يَكَنْ جٜىٰڢَ شِ أَوُتَادَ ثِكِنْ ضُوَ، دُوانْ دَيْ يَكَشٜىٰشِ؞ عَمَّا إِنْ ذَاكَ عِيَيِنْ وَنِ أَبُ، كَجِ تَوْسَيِنْمُ كَتَيْمَكٜىٰمُ؞»

23عِيسَىٰ يَثٜىٰ مَسَ «دُوانْمٜىٰ كَكٜىٰ تَمْبَيَ كُواْ ذَنْعِيَ؟ أَيْ، دُكَنْ أَبُ مَيْيِوُوَ نٜىٰ غَ وَنْدَ يَكٜىٰ بَادَ غَسْكِيَ؞»

24نَنْ دَ نَنْ سَيْ بَابَنْ يَرُوانْ يَطَغَ مُرْيَ يَثٜىٰ «نَا بَادَ غَسْكِيَ، كَتَيْمَكٜىٰنِ إِنْڧَارَ غَسْكَتَاوَا!»

25دَ عِيسَىٰ يَغَ مُتَنٜىٰ سُنَ تَظُوَ دَ غُدُ، سَيْ يَڟَاوَتَا وَڧَظَامِنْ رُوحٌ يَثٜىٰ مَسَ «كَيْ رُوحُ مَيْ حَنَ يَرُواْنَّنْ يِنْ مَغَنَ، نَعُمَرْثٜىٰكَ كَڢِتَ دَغَ ثِكِنْسَ، كَدَ كَسَاكٜىٰ شِغَ ثِكِنْسَ كُمَ؞»

26أَلْجَنِنْ كُوَ يَيِ إِيهُ، يَكُمَ جِجِّغَ يَرُوانْ سُواْسَيْ، سَعَنً يَڢِتَ؞ يَرُوانْ كُمَ يَݣُونْتَ كَمَرْ غَاوَا، حَرْ مَا يَوَنْثِنْ مُتَنٜىٰ سُكَثٜىٰ «أَيْ، يَمُتُ؞»

27عَمَّا عِيسَىٰ يَكَامَ حَنُّنْسَ يَطَغَ شِ، يَكُوَ تَاشِ أَڟَيٜىٰ؞

28دَ عِيسَىٰ يَشِغَ ثِكِنْ غِدَا، أَلْمَجِرَنْسَ سُكَ تَمْبَيٜىٰشِ عَٻُواْيٜىٰ، سُكَثٜىٰ «دُوانْمٜىٰ مُو مُكَ كَاسَ ڢِتَرْدَ رُوحٌ؟»

29عِيسَىٰ يَأَمْسَ، يَثٜىٰ «أَيْ، إِرِنْ وَنَّنْ رُوحٌ بَايَ ڢِتَ سَيْ دَ أَدُّعَ؞»

30سَيْ عِيسَىٰ دَ أَلْمَجِرَنْسَ سُكَ بَرْ وُرِنْ، سُكَ ثِيغَبَدَ تَڢِيَ، سُكَ وُثٜىٰ تَثِكِنْ غَلِيلِ؞ عِيسَىٰ بَيْسُواْ وَنِ يَسَنْ عِنْدَ سُكٜىٰ بَ،

31دُواْمِنْ يَنَ كُواْيَوَ أَلْمَجِرَنْسَ ثٜىٰوَ «ذَاعَ بَادَ طَنْ مُتُمْ غَ حَنُّنْ مُتَنٜىٰ، ذَاسُ كُوَ كَشٜىٰشِ؞ بَايَنْ ݣُونَ عُكُ كُمَ ذَيْ تَاشِ؞»

32عَمَّا بَسُ غَانٜىٰ دَ أَبِنْدَ يَكٜىٰ نُڢِبَ، سُنَ كُمَجِنْ ڟُواْرُواْ سُتَمْبَيٜىٰشِ؞

33سُكَ كَيْ كَڢَرْنَهُمْ؞ دَ عِيسَىٰ يَشِغَ غِدَا سَيْ يَتَمْبَيِ أَلْمَجِرَنْسَ يَثٜىٰ «عَكَنْمٜىٰ كُكٜىٰ غَرْدَمَ أَ حَنْيَ؟»

34عَمَّا سُكَيِ شِضُ، دُوانْ أَ حَنْيَ سُنْيِ غَرْدَمَ عَكَنْ كُواْ وَنٜىٰنٜىٰ مَڢِے غِرْمَ عَثِكِنْسُ؞

35سَيْ عِيسَىٰ يَذَوْنَ، يَكِرَا شَا بِيُنَّنْ، يَثٜىٰ مُسُ «دُكْ وَنْدَ يَكٜىٰسُواْ يَذَمَ نَڢَارِ، دُواْلٜىٰنٜىٰ يَذَمَ نَڧَرْشٜىٰ دُكَ، يَذَمَ مَيْيِ وَكُواْوَ حِدِمَ كُمَ؞»

36يَطَوْكِ وَنِ ڧَرَمِنْ يَرُواْ يَسَاشِ يَڟَيَ أَڟَكِيَرْسُ؞ سَعَنً يَطَوْكٜىٰشِ يَضُنْ‌غُمٜىٰ شِ، يَثٜىٰ مُسُ،

37«دُكْ وَنْدَ يَكَرْٻِ ڧَرَمِنْ يَرُواْ كَمَرْ وَنَّنْ سَبُواْدَ سُونَنَ، نِنٜىٰ يَكَرْٻَ؞ وَنْدَ يَكَرْٻٜىٰنِ كُمَ، بَنِے يَكَرْٻَبَ، وَنْدَ يَعَيْكُواْنِنٜىٰ يَكَرْٻَ؞»

38أَنَانً، سَيْ يَحْيَى يَثٜىٰمَسَ «مَلَمْ، مُنْ‌غَ وَنِ يَنَ ڢِتَرْدَ أَلْجَنُ دَ سُونَنْكَ، مُكَ كُوَ هَنَشِ، دُواْمِنْ شِ بَايَ ثِكِنْمُ؞»

39عَمَّا عِيسَىٰ يَثٜىٰ «كَدَ كُهَنَشِ؞ أَيْ، بَاوَنْدَ ذَيْ يِوَنِ عَيْكِنْ بَنْ مَامَاكِ عَثِكِنْ سُونَنَ يَكُمَيِ بَڧَرْ مَغَنَ عَكَيْنَ نَنْ دَنَنْ؞

40أَيْ، دُكْ وَنْدَ بَايَ غَابَادَمُو، نَامُنٜىٰ؞

41إِنَ غَيَ مُكُ غَسْكِيَ، دُكْ وَنْدَ يَبَاكُ ضُوً شَا، كُواْ ݣُوڢْ طَيَ، دُواْمِنْ كُو نَ أَلْمَسِيحُ نٜىٰ، غَسْكِيَ إِنَ غَيَ مُكُ، بَذَيْ رَسَ لَادَنْسَبَ كُواْ كَطَنْ؞»

42«ذَيْ ذَمَ أَبِنْ تَوْسَيِ غَ وَنْدَ يَسَا طَيَ دَغَ ثِكِنْ يَارَا ڧَنَانَنَّنْ مَاسُ بَادَ غَسْكِيَ غَرٜىٰنِ يَيِ ذُنُوبِ؞ ذَيْڢِ مَسَ ݣَوْ أَطَوْرَ مَسَ بَبَّنْ دُوڟٜىٰنْ نِڧَ أَوُيَ، أَ جٜىٰڢَشِ ثِكِنْ تٜىٰكُ؞

43عِدَنْ كُوَ حَنُّنْكَ يَنَ سَاكَ كَيِ ذُنُوبِ، سَيْ كَيَنْكٜىٰشِ مَنَ! يَڢِ ݣَوْ كَشِغَ رَيْ نَهَرْ أَبَدَا دَ حَنُّ طَيَ دَ كَبَرْ دُكَنْ حَنُّوَنْكَ كَشِغَ غِدَنْ وُتَادَ حَنُّ بِيُ؞ وُتَرْ كُمَ بَذَاعَ عِيَ كَشٜىٰتَبَ؞

44أَوُرِنْ كُوَ، ڟُڟُواْڟِنْ دَسُكٜىٰ ثِنْسُ بَاسَ مُتُوَ، وُتَرْ كُمَ بَذَاعَ عِيَ كَشٜىٰتَبَ؞

45عِدَنْ كُمَ ڧَڢَرْكَ تَنَ سَاكَ كَيِ ذُنُوبِ، سَيْ كَيَنْكٜىٰتَ مَنَ! يَڢِ ݣَوْ كَشِغَ رَيْ نَهَرْ أَبَدَا دَ ڧَڢَا طَيَ دَ كَشِغَ غِدَنْ وُتَادَ ڧَڢَا بِيُ؞

46أَوُرِنَّنْ دَيْ ڟُڟُواْڟِنْ دَسُكٜىٰ ثِنْسُ بَاسَ مُتُوَ، وُتَرْ كُمَ بَذَاعَ عِيَ كَشٜىٰتَبَ؞»

47عِدَنْ كُمَ عِدُوانْكَ نٜىٰ يَنَ سَاكَ كَيِ ذُنُوبِ، سَيْ كَثِرٜىٰشِ؞ يَڢِ ݣَوْ كَشِغَ مُلْكٍ اللَّهْ دَ عِدُواْ طَيَ دَ أَ جٜىٰڢَكَ غِدَنْ وُتَادَ عِدُواْ بِيُ؞

48أَوُرِنْ، « ‹ڟُڟُواْڟِنْ دَسُكٜىٰ ثِنْسُ بَاسَ مُتُوَ، وُتَرْ كُمَ بَذَاعَ عِيَ كَشٜىٰتَبَ؞›

49«ذَاعَ ڟَبْتَثٜىٰ كُواْوَ دَ وُتَا، كَمَرْ يَدَّ عَكٜىٰ ڟَبْتَثٜىٰ هَدَايَ دَ غِشِرِ؞

50«غِشِرِ أَبُ نٜىٰ مَيْݣَوْ، عَمَّا عِدَنْ غِشِرِ يَرَبُ دَ دَاطِنْسَ دَمٜىٰ ذَاكُ ڠَرَشِ؟ سَيْ كُكَسَنْثٜىٰ دَ غِشِرِ عَثِكِنْكُ، كُيِ ذَمَنْ لَاڢِيَ دَ جُونَ؞»

← Chapter 8 Jump to: Chapter 10 →