Mark 13

Hausa Arabic 2020 (أَتَّوْرَتْ دَ أَنَّبَاوَا)

← Chapter 12 Jump to: Chapter 14 →

1عِيسَىٰ يَنَ ڢِتُواْوَ كٜىٰنَنْ دَغَ هَيْكَلِ، سَيْ طَيَ دَغَ ثِكِنْ أَلْمَجِرَنْسَ يَثٜىٰ مَسَ «مَلَمْ، دُوبِے مَنْيَنْ دُووَڟُنَّنْ دَ غِنٜىٰ غِنٜىٰنَّنْ مَاسُ بَنْ مَامَاكِ!»

2سَيْ عِيسَىٰ يَثٜىٰ مَسَ «كَغَا دُكَنْ وَطَنَّنْ مَنْيَنْ غِنٜىٰ غِنٜىٰ؟ ذَاعَ رُشٜىٰسُ دُكَ؞ بَذَاعَبَرْ كُواْ دُوڟٜىٰ طَيَ عَكَنْ طَنْعُوَنْسَبَ؞»

3عِيسَىٰ يَنَ ظَوْنٜىٰ عَكَنْ تُدُنْ عِتَتُوَنْ ظَيْتُنْ وَنْدَ يَكٜىٰ ڢُسْكَنْتَرْ هَيْكَلِنْ، سَيْ بِتْرُسْ دَ يَعْڧُوبَ دَ يَحْيَى دَ أَنْدَرَوُسْ سُكَ تَمْبَيٜىٰشِ عَٻُواْيٜىٰ، سُكَثٜىٰ،

4«كَغَيَ مَنَ، يَوْشٜىٰ نٜىٰ ذَاعَيِ وَطَنَّنْ أَبُبُوَ؟ وَثٜىٰ عَلَمَ ثٜىٰ ذَاعَ غَنِ أَ لُواْكَثِنْ دَسُكٜىٰ شِرِنْ ڢَرُوَ؟»

5سَيْ عِيسَىٰ يَثٜىٰ مُسُ «كُلُورَ ڢَا، كَدَ وَنِ يَرُوطٜىٰكُ؞

6مُتَنٜىٰ دَيَوَ ذَاسُذُواْ عَثِكِنْ سُونَنَ، سُنَ ثٜىٰوَ سُونٜىٰنِ، حَرْ سُرُوطِ مُتَنٜىٰ دَيَوَ؞

7عِدَنْ كُمَ كُكَجِ لَابَرِنْ يَاڧٜىٰ يَاڧٜىٰ دَ جِيتَ جِيتَرْسُ، كَدَ حَنْكَلِنْكُ يَتَاشِ؞ دُواْلٜىٰنٜىٰ وَنَّنْ يَڢَرُ، عَمَّا ڧَرْشٜىٰنْ بَيْ ذُواْ بَتُكُنَ؞

8أَلْعُمَّ ذَاتَ تَاسَرْ وَ أَلْعُمَّ، مُلْكِ يَتَاسَرْ وَمُلْكِ؞ ذَاعَيِ تَرَوَرْ ڧَسَا أَوُرَارٜىٰ دَبَمْ دَبَمْ، ذَاعَ كُمَيِ يُنْوَ؞ عَمَّا دُكْ وَطَنَّنْ بَ عَيْنِحِنْ عَذَابَرْ بَنٜىٰ؞ مَسُواْمِنْ عَذَابَنٜىٰ كَوَيْ؞

9«سَيْ كُكُلَ دَ كَنْكُ، دُوانْ ذَاسُ كَيْكُ كُواْتُ عَكُمَيِ مُكُ دُوكَ أَ مَجَمِعُ؞ ذَاعَكَيْكُ غَبَنْ شُوغَبَنِّ دَ سَرَاكُنَ سَبُواْدَ سُونَنَ، دُواْمِنْ كُشَيْدَ لَابَرِ مَيْ دَاطِے أَغَبَنْسُ؞

10عَمَّا كَاڢِنْ ڧَرْشٜىٰنْ يَذُواْ، دُواْلٜىٰنٜىٰ عَيِ وَدُكَنْ أَلْعُمَّيْ شٜىٰلَرْ لَابَرِنَّنْ مَيْ دَاطِے؞

11دُكْ لُواْكَثِنْ دَ سُكَ كَامَكُ سُكَ كَيْكُ كُواْتُ، كَدَ كُدَامُ عَكَنْ أَبِنْدَ ذَاكُ ڢَطَا؞ كُدَيْ ڢَطِ دُكْ أَبِنْدَ يَذُواْ مُكُ أَوَنَّنْ لُواْكَثِ، دُواْمِنْ بَكُونٜىٰ كُكٜىٰ مَغَنَبَ، رُوحُ مَيْ ڟَرْكِے نٜىٰ؞

12طَنْعُوَ ذَيْبَادَ طَنْعُوَنْسَ عَكَشٜىٰشِ، بَابَ كُمَ يَبَادَ طَنْسَ؞ یَیَ كُمَ ذَاسُ تَيَرْ وَ إِيَايٜىٰنْسُ حَرْ سُسَا عَكَشٜىٰسُ؞

13كُواْوَ ذَيْڧِيكُ سَبُواْدَ سُونَنَ؞ عَمَّا دُكْ وَنْدَ يَجِمْرٜىٰ حَرْ ذُوَا ڧَرْشٜىٰ، ذَيْ ڟِيرَا؞»

14«ذَاكُ غَ أَبِنْ ڧَظَنْتَا مَيْ كَٰوُاْ هَلَّكَرْوَ دَيَكٜىٰ كَٰوُاْ رُشٜىٰوَ يَنَ ڟَيٜىٰ أَوُرِنْ دَ بَيْ كَمَاتَبَ؞ بَرِ مَيْ كَرَاتُ يَغَانٜىٰ؞ تُواْ، سَيْ وَطَنْدَ سُكٜىٰ ثِكِنْ يَنْكِنْ يَهُودِيَ سُغُدُ ذُوَا ثِكِنْ دُوَڟُو؞

15وَنْدَ يَكٜىٰ كَنْ رُڢِنْ طَاكِ كُمَ كَدَ يَسَوْكُواْ يَشِغَ ثِكِنْ غِدَا وَيْ ذَيْ طَوْكِ وَنِ أَبُ؞»

16«وَنْدَ يَكٜىٰ أَغُواْنَ كُمَ كَدَ يَكُواْمَ وَيْ ذَيْ طَوْكِ مَيَاڢِنْسَ؞

17كَيْتُوانْ مَاتَا مَاسُثِكِ دَ مَاسُ غُواْيُواْ أَوَنَّنْ لُواْكَثِ!

18كُيِ أَدُّعَ كَدَ أَبُبُوَنَّنْ سُڢَرُ أَ لُواْكَثِنْ سَنْيِ؞

19عَݣُونَكِنْنَنْ ذَاعَيِ وَتَ عَذَابَ مَيْ ذَاڢِ سُواْسَيْ وَدَّ بَعَتَٻَيِبَ تُنْ ڢَرْكُوانْ لُواْكَثِنْ دَ اللَّهْ يَحَلِثِّ دُونِيَا، حَرْ ذُوَا يَنْذُ؞ بَكُوَ ذَاعَ ڧَارَ يِنْ إِرِنْتَبَ حَرْ أَبَدَا؞

20دَابَدُوانْ عُبَنْ‌غِجِ يَضَغٜىٰ ݣُونَكِنَّنْبَ دَا بَا طَنْ أَدَمْ دَ ذَيْ ڟِيرَا؞ عَمَّا سَبُواْدَ تَوْسَيِنْ وَطَنْدَ يَذَاٻَا، سَيْ يَضَغٜىٰ ڟَوُانْ ݣُونَكِنْ؞

21«أَ لُواْكَثِنَّنْ دُكْ وَنْدَ يَثٜىٰ مُكُ، ‹دُوبَ، غَ أَلْمَسِيحُ نَنْ!› كُواْ، ‹دُوبَ، غَاشِ ثَنْ!› كَدَ كُيَرْدَ؞

22أَلْمَسِيحً ڧَضْيَا دَ أَنَّبَاوَنْ ڧَضْيَا ذَاسُ ڢِڢِّتُواْ، ذَاسُ نُونَ عَلَمُ دَ أَيُّكَنْ بَنْ مَامَاكِ، دُواْمِنْ سُرُوطِ مُتَنٜىٰ حَرْ مَا دَ وَطَنْدَ عَكَ ذَاٻَا، عِدَنْ ذَيْ يِوُ؞

23سَبُواْدَ حَكَ، كُلُورَ! نَغَيَ مُكُ دُكَنْ كُواْمٜىٰ تُنْدَ وُرِے؞»

24«عَمَّا عَݣُونَكِنْنَنْ، وَتُواْ بَايَنْ عَذَابَرْ نَنْ مَيْ ذُوَا، « ‹رَانَ ذَاتَيِ دُهُ؞ وَتَ كُمَ بَذَيْ يِ حَصْكٜىٰبَ؞

25تَوْرَرِ ذَاسُدِنْ‌غَ ڢَاطُوَ دَغَ سَمَ؞ ذَاعَكُمَ غِرْغِظَ إِيكُواْكِنْ سَرَرِنْ سَمَ؞›

26«سَعَنً ذَاعَ غَ طَنْ مُتُمْ يَنَ ذُوَا عَثِكِنْ غِرْغِجٜىٰ دَ إِيكُواْ مَيْغِرْمَ دَ طَوْكَكَ؞

27سَعَنً ذَيْ عَيْكُواْ مَلاَىِٕكُنْسَ سُتَتَّارُواْ وَطَنْدَ يَذَاٻَا دَغَ غَبَسْ دَ يَمَّ دَ كُدُ دَ أَرٜىٰوَ، وَتُواْ دَغَ وَنَّنْ إِيَاكَرْ دُونِيَا ذُوَا وَنْثَنْ؞»

28«كُكُواْيِ وَنِ أَبُ دَغَ إِتَاثٜىٰنْ ٻَوْرٜىٰ؞ عِدَنْ رَسَّنْسَ سُنْ ڢَارَ سَاكٜىٰوَ، سُنَ ڢِتَرْدَ سَابُوانْ غَنْيٜىٰ، كُنْ سَنْ دَامِنَ تَيِكُسَ كٜىٰنَنْ؞

29حَكَكُمَ عِدَنْ كُكَغَ وَطَنَّنْ أَبُبُوَ سُنَ ڢَرُوَ، كُسَنْ لُواْكَثِ يَيِ كُسَ، يَنَدَبْ دَ بَاكِنْ ڧُواْڢَ؞

30حَڧِيڧَ إِنَ غَيَ مُكُ، مُتَنٜىٰنْ زَامَانِنَّنْ بَذَاسُ مُتُبَ، سَيْ دُكْ أَبُبُوَنَّنْ سُنْ ڢَرُ؞

31سَمَ دَ دُونِيَا ذَاسُ ڧَارٜىٰ، عَمَّا كَلْمَتَ بَذَاتَ ڧَارٜىٰبَ كُواْ كَطَنْ؞

32«عَمَّا بَاوَنْدَ يَسَنْ رَانَرْ، كُواْ عَڧَرْڢٜىٰ نَوَنٜىٰ وَنَّنْ ذَيْ ڢَرُ، كُواْ مَلاَىِٕكُنْ دَسُكٜىٰ سَمَ، كُواْ طَنْ، سَيْدَيْ عُبَنْ كَطَيْ؞

33كُلُورَ، كُذَوْنَ دَ شِرِ، دُواْمِنْ بَكُسَنْ لُواْكَثِ، كُواْ عَڧَرْڢٜىٰ نَوَنٜىٰ وَنَّنْ ذَيْ ڢَرُبَ؞

34كَمَرْ مُتُمْ نٜىٰ مَيْ تَڢِيَ، إِنْ يَتَاشِ، يَكَنْ بَادَ غِدَنْ أَ حَنُّنْ بَايِنْسَ، كُواْوَنّٜىٰنْسُ دَ عَيْكِنْ دَ ذَيْ يِ؞ سَعَنً يَڢَطَا وَمَيْغَادِنْ ڧُواْڢَ يَذَوْنَ أَشِرْيٜىٰ؞

35سَبُواْدَ حَكَ، كُذَوْنَ دَ شِرِ، دُوانْ بَكُسَنْ لُواْكَثِنْ دَ مَيْغِدَنْ ذَيْ دَاوُاْبَ؞ غَمَا ذَيْ عِيَ دَاوُاْوَ كُواْ دَ يَمَّ، كُواْ دَ ڟَكَرْ دَرٜىٰ، كُواْ دَ ثَارَرْ ظَكَرَ، كُواْ كُوَ دَ سَڢٜىٰ؞

36كَدَ يَذُواْ بَا لَابَرِ، يَسَامٜىٰكُ كُنَ بَرْثِ؞

37أَبِنْ دَ نَكٜىٰ غَيَ مُكُ، إِنَ غَيَ وَكُواْوَ نٜىٰ، كُذَوْنَ دَ شِرِ!»

← Chapter 12 Jump to: Chapter 14 →