Mark 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1ڢَرِسِيَاوَا دَ وَطَنْسُ مَلَمً كُواْيَرْوَرْ مُوسَٰى دَغَ عُرُوشَلِيمَ سُكَذُواْ سُكَ تَارُ وُرِنْ عِيسَىٰ ؞

2سَيْ سُكَ لُورَ وَطَنْسُ أَلْمَجِرَنْسَ سُنَ ثِنْ عَبِنْثِ دَ حَنُّوَ مَرَسَ ڟَبْتَ، وَتُواْ بَسُوَنْكٜىٰ حَنُّ بِسَغَ أَلْعَٰدَبَ؞

3غَاشِ ڢَرِسِيَاوَا حَرْ دَ سَوْرَنْ يَهُودَاوَا بَاسَثِنْ عَبِنْثِ سَيْ سُنْ وَنْكٜىٰ حَنُّ سَرَيْ تُكُنَ، بِسَغَ أَلْعَادُنْ دَتَّاوَا؞

4إِنْ سُكَ كُواْمُواْ دَغَ كَاسُوَ كُوَ، بَاسَثِنْ عَبِنْثِ سَيْ سُنْيِ وَنْكَ تُكُنَ؞ أَݣَويْ كُمَ وَطَنْسُ أَلْعَادُ دَيَوَ دَ سُكَ غَادَ، سُكٜىٰ كِيَايٜىٰوَا، كَمَرْ وَنْكٜىٰ وَنْكٜىٰنْ ݣُوڢُنَ دَ تُݣُونٜىٰ دَ تُلُنَنْ تَغُلَّ؞

5سَيْ ڢَرِسِيَاوَا دَ مَلَمً كُواْيَرْوَرْ مُوسَٰى سُكَ تَمْبَيِ عِيسَىٰ «دُوانْمٜىٰ أَلْمَجِرَنْكَ بَاسَ بِنْ أَلْعَادُنْ دَتَّاوَا عَمَّا سُنَ ثِنْ عَبِنْثِ دَ حَنُّوَ مَرَسَ ڟَبْتَ؟»

6سَيْ يَأَمْسَ يَثٜىٰ «دَيْدَيْ نٜىٰ عِشَايَ يَيِ أَنَّبْثِ عَكَنْكُ مُنَاڢُكَيْ! كَمَرْ يَدَّ يَكٜىٰ أَرُبُوثٜىٰ ثٜىٰوَ « ‹مُتَنٜىٰنَّنْ ڢَا، دَ بَاكِنْسُ نٜىٰ كَوَيْ سُكٜىٰ غِرْمَمَ نِے، عَمَّا ظُكَاتَنْسُ سُنْيِ نٜىٰسَ دَنِے؞

7عَبَنْظَ سُكٜىٰيِ مِنِ سُجَّدَ؞ سُنَ كُواْيَرْ دَ دُواْكُواْكِنْ مُتَنٜىٰ، أَمَڟَيِنْ كَلْمَرْ اللَّهْ ؞› »

8«كُنْ بَرْ أَبِنْدَ اللَّهْ يَثٜىٰ عَيِ، كُنَ بِنْ أَلْعَادُنْ مُتَنٜىٰ؞»

9سَيْ يَثٜىٰ مُسُ «لَلَّيْ كَمْ كُنْ عِيَ بَرِنْ عُمَرْنِنْ اللَّهْ دُواْمِنْ كُبِے أَلْعَادُنْكُ!

10غَمَا مُوسَٰى يَثٜىٰ، ‹كَغِرْمَمَ بَابَنْكَ دَ مَامَرْكَ،› كُمَ، ‹وَنْدَ يَذَاغِ بَابَنْسَ كُواْ مَامَرْسَ دُواْلٜىٰنٜىٰ عَكَشٜىٰشِ؞›

11عَمَّا كُكَنْ بَرْ مُتُمْ يَڨَلٜىٰ إِيَايٜىٰنْسَ أَ لُواْكَثِنْ دَسُكٜىٰ دَ بُڧَاتَ، يَثٜىٰ، ‹دُكْ أَبِنْدَ دَا ذَاكُ سَامُ أَوُرِينَ نَارِغَا نَا كٜىٰٻٜىٰ وَ اللَّهْ كُواْ؞›

12تَهَكَ كُكَ حَنَ شِ يَتَيْمَكِ بَابَنْسَ كُواْ مَامَرْسَ؞

13تَهَكَ كُنَ مَيْدَ كَلْمَرْ اللَّهْ وُاْڢِ سَبُواْدَ أَلْعَادُنْ دَ كُكٜىٰكُواْيَ وَيَارَنْكُ؞ حَكَكُمَ كُكٜىٰيِنْ أَبُبُوَ دَيَوَ؞»

14سَيْ عِيسَىٰ يَسَاكٜىٰ كِرَنْ جَمَعَ، يَثٜىٰ مُسُ «كُسَوْرَرَتَ دُكَنْكُ، كُكُمَ غَانٜىٰ دَݣَوْ؞

15أَبِنْ دَيَكٜىٰ شِغَ ثِكِنْ مُتُمْ دَغَ وَجٜىٰ بَ شِينٜىٰ يَكٜىٰ ڧَظَنْتَرْدَ مُتُمْ أَغَبَنْ اللَّهْ بَ، أَبِنْدَ يَكٜىٰ ڢِتُواْوَ دَغَ ثِكِنْ مُتُمْ، شِينٜىٰ يَكٜىٰ ڧَظَنْتَرْدَ مُتُمْ أَغَبَنْ اللَّهْ ؞

16دُكْ مَيْكُنّٜىٰنْجِ، بَرِ يَجِ؞»

17سَعَدَّ يَرَبُ دَ تَارُوانْ يَشِغَ غِدَا، أَلْمَجِرَنْسَ سُكَ تَمْبَيٜىٰشِ مَعَنَرْ وَنَّنْ كُواْيَرْوَا؞

18يَأَمْسَ يَثٜىٰ «أَشٜىٰ، كُو مَا بَكُ غَانٜىٰبَ؟ بَكُ غَانٜىٰ ثٜىٰوَ دُكْ أَبِنْدَ يَشِغَ ثِكِنْ مُتُمْ دَغَ وَجٜىٰ بَايَ عِيَ ڧَظَنْتَرْدَ مُتُمْ أَغَبَنْ اللَّهْ ،

19غَمَا بَثِكِنْ ذُوثِيَارْسَ يَكٜىٰ شِغَبَ، عَمَّا ثِكِنْ ثِكِنْسَ نٜىٰ، سَعَنً يَكُمَ ڢِتَ دَغَ جِكِنْسَ؟» أَوَنَّنْ مَغَنَرْ عِيسَىٰ يَنُونَ ثٜىٰوَ كُواْوَنٜىٰ إِرِنْ عَبِنْثِ مَرَرْ ڧَظَنْتَنٜىٰ؞

20يَثِيغَبَدَ ثٜىٰوَ «أَبِنْ دَيَكٜىٰ ڢِتُواْوَ دَغَ ثِكِنْ مُتُمْ، شِينٜىٰ يَكٜىٰ ڧَظَنْتَرْدَ مُتُمْ؞

21دُوانْ دَغَ ثِكِنْ ذُوثِيَارْ مُتُمْ نٜىٰ مُوغَيٜىٰنْ تُنَانِ سُكٜىٰ ڢِتُواْوَ، كَمَرْ سُو لَلَتَ دَ سَاتَادَ كِسَنْ كَيْ دَ ظِنَ،

22دَ ݣُوطَيِ دَ مُغُنْتَادَ رُوطُ دَ حَلِنْ نٜىٰمَنْ جِنْ دَاطِے نَرَشِنْ كُنْيَا دَ كِيشِ دَ ٻَاتَ سُونَ دَ غِرْمَنْ كَيْ دَ كُمَ وَوَنْثِ؞

23دُكْ وَطَنَّنْ مُوغَيٜىٰنْ أَبُبُوَ دَغَ ثِكِنْ ذُوثِيَا سُكٜىٰ ڢِتُواْوَ، سُنَ كُوَ ڧَظَنْتَرْدَ مُتُمْ؞»

24دَغَ نَنْ سَيْ عِيسَىٰ يَتَاشِ يَتَڢِے يَنْكِنْ تَيَ دَ سِدُوانْ؞ يَشِغَ وَنِ غِدَا، بَيْكُوَسُواْ كُواْوَ يَسَنِبَ؞ عَمَّا دُكْدَهَكَ ٻُواْيٜىٰوَرْسَ بَيْيِوُبَ؞

25نَنْ دَ نَنْ سَيْ وَتَ مَثٜىٰ وَدَّ یَرْتَ ڧَرَمَ تَكٜىٰدَ ڧَظَامِنْ رُوحُ تَجِ لَابَرِنْسَ؞ تَا ذُواْ تَاڢَاطِ أَغَبَنْسَ؞

26مَاتَرْ كُوَ بَهٜىٰلٜىٰنِيَ ثٜىٰ؞ عَيَنْكِنْ ڢِنِكِيَ عَكَ حَيْڢٜىٰتَ، عَثِكِنْ ڧَسَرْ سُورِيَ؞ سَيْ تَاضُواْڧِ عِيسَىٰ يَڢِتَرْ وَ یَرْتَ أَلْجَنِنْ؞

27عِيسَىٰ يَثٜىٰمَتَ «بَرِ یَیَ سُثِ سُڧُواْشِ تُكُنَ، بَ دَيْدَيْ بَنٜىٰ عَكْوَاشِ عَبِنْثِنْسُ عَبَا كَرْنُكَ؞»

28عَمَّا مَاتَرْ تَأَمْسَ تَثٜىٰ «عِ، حَكَنٜىٰ، مَلَمْ، عَمَّا أَيْ، كَرْنُكَ سُكَنْثِ أَبِنْدَ يَكٜىٰ ڢَاطُوَ دَغَ تٜىٰبُرِنْ يَارَا؞»

29سَيْ يَثٜىٰمَتَ «سَبُواْدَ وَنَّنْ أَمْسَ دَ كِكَ بَايَرْ، كِتَڢِے غِدَا، أَلْجَنِنْ يَرَبُ دَ یَرْكِ؞»

30سَيْ تَكُواْمَ غِدَا تَغَ یَرْتَ عَݣُونْثٜىٰ أَغَدُواْ، أَلْجَنِنْ كُوَ يَرَبُ دَ عِتَ؞

31سَيْ عِيسَىٰ يَڢِتَ دَغَ يَنْكِنْ تَيَ، يَبِے تَ سِدُوانْ يَجٜىٰ تٜىٰكُنْ غَلِيلِ؞ أَ حَنْيَ، يَذُواْ يَنْكِنْ غَرُرُوَ غُواْمَ؞

32عَثَنْ عَكَ كَٰوُاْ مَسَ وَنِ كُرْمَ، وَنْدَ دَݣَرْ يَكَنْيِ مَغَنَ؞ سُكَ ضُواْڧٜىٰشِ يَتَٻَ مُتُمِنْ دُواْمِنْ يَوَرْكَرْ دَشِ؞

33عِيسَىٰ يَجَا كُرْمَنْ غٜىٰڢٜىٰ عِنْدَ بَا كُواْوَ، سَيْ يَسَا يَڟُنْسَ عَكُنُّوَنْسَ، يَتُواْڢَ مِيَنْ، يَكُمَ تَٻَ هَرْشٜىٰنْسَ دَ مِيَونْ؞

34سَعَنً يَطَغَ كَيْ سَمَ يَيِ نُمْڢَشِ مَيْ ظُرْڢِ، يَثٜىٰ مَسَ « إِڢَّتَ!» وَتُواْ «بُوطٜىٰ!»

35دَ ڢَطِنْ حَكَ سَيْ كُنُّوَنْ مُتُمِنْ سُكَ بُوطُ، أَبِنْدَ يَطَوْرٜىٰ هَرْشٜىٰنْسَ كُمَ يَكُنْثٜىٰ، سَيْ يَڢَارَ مَغَنَ دَݣَوْ؞

36عِيسَىٰ يَجَا مُسُ كُنّٜىٰ كَدَ سُڢَطَا وَكُواْوَ، عَمَّا دَ يَنَ هَنَاسُ، سُو كُمَ سُنَ ڧَارَ بَظَ لَابَرِنْ؞

37مُتَنٜىٰ سُكَ ثِكَ دَ مَامَاكِ، سُكَثٜىٰ «كَيْ، يَايِ كُواْمٜىٰ دَݣَوْ! حَرْ مَا يَسَا وَطَنْدَ دَا سُكٜىٰ كُرْمَ سُنَ جِنْ مَغَنَ، وَطَنْدَ دَا سُكٜىٰ بٜىٰبٜىٰ كُمَ سُنَيِنْ مَغَنَ؞»

← Chapter 6 Jump to: Chapter 8 →