Mark 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1عَݣُونَكِنْنَنْ، سَيْ تَارُواْ مَيْ يَوَنْ غَسْكٜىٰ يَسَاكٜىٰ حَطُوَ؞ تُنْدَ بَاسُدَ أَبِنْدَ ذَاسُثِ، عِيسَىٰ يَكِرَا أَلْمَجِرَنْسَ وُرِنْسَ يَثٜىٰ مُسُ،

2«إِنَ جِنْ تَوْسَيِنْ جَمَعَرْ نَنْ، دُوانْ يَوْ ݣُونَ عُكُ كٜىٰنَنْ سُنَ تَرٜىٰدَنِ، كُمَ بَاسُدَ عَبِنْثِ؞

3إِنْ كُوَ نَسَلَّمٜىٰسُ سُتَڢِے غِدَا دَ يُنْوَ حَكَ، أَيْ، ذَاسُ كَاسَ أَ حَنْيَ؞ غَاشِ كُوَ، وَطَنْسُنْسُ سُنْ ذُواْ دَغَ نٜىٰسَ؞»

4أَلْمَجِرَنْسَ سُكَ أَمْسَ، سُكَثٜىٰ «أَ دَاجِ حَكَ، إِنَا ذَاعَ سَامِ عَبِنْثِنْ دَ ذَيْ عِيَ ثِيَرْدَ مُتَنٜىٰنَّنْ؟»

5عِيسَىٰ يَتَمْبَيٜىٰسُ ثٜىٰوَ «غُرَاسَ نَوَنٜىٰ كُكٜىٰ دَسُو؟» سُكَثٜىٰ «بَݣَويْ؞»

6سَيْ يَسَا تَارُوانْ مُتَنٜىٰ سُذَوْنَ عَڧَسَا؞ دَيَطَوْكِ غُرَاسَرْنَنْ بَݣَويْ، يَيِ غُواْدِيَ غَ اللَّهْ ، يَرَرَّبَ، يَيِ تَبَا أَلْمَجِرَنْسَ دُواْمِنْ سُبَا مُتَنٜىٰنْ، سُكَ كُوَ رَرَّبَ مُسُ؞

7سُنَ كُمَ دَ ڧأَنَانً كِيڢَيٜىٰ كَطَنْ؞ يَيِ غُواْدِيَ دُواْمِنْسُ كُمَ، يَثٜىٰ سُو مَا أَرَبَ وَتَارُوانْ؞

8مُتَنٜىٰنْ سُكَثِ، سُكَ ڧُواْشِ، حَرْ سُكَ طَوْكِ ضَغُواْوَرْ ثِكٜىٰ دَ ݣُونْدُنَ بَݣَويْ؞

9يَوَنْ وَطَنْدَ سُكَثِ كُوَ سُنْ كَيْ وَجٜىٰنْ دُبُو حُطُ؞ سَيْ يَسَلَّمٜىٰسُ؞

10نَنْ دَ نَنْ كُوَ يَشِغَ جِضْغٍ ضُوَ دَ أَلْمَجِرَنْسَ، يَتَڢِے يَنْكِنْ دَلْمَنُتَ؞

11ڢَرِسِيَاوَا سُكَذُواْ سُكَ ڢَارَ غَرْدَمَ دَشِ؞ سُنْ سُواْ سُڠُودَ عِيسَىٰ ، سَيْ سُكَ ضُواْڧٜىٰشِ يَنُونَ مُسُ وَتَ بَبَّرْ عَلَمَرْ دَ ذَاتَ بَيَّنَ إِيكُوانْسَ؞

12سَيْ يَيِ نُمْڢَشِ مَيْ ظُرْڢِ، يَثٜىٰ «دُوانْمٜىٰ كُو مُتَنٜىٰنْ زَامَانِنَّنْ كُكٜىٰ نٜىٰمَنْ غَنِنْ عَلَمَ؟ حَڧِيڧَ إِنَ غَيَ مُكُ، بَا وَتَ عَلَمَرْ دَ ذَاعَ نُونَاوَ مُتَنٜىٰنْ وَنَّنْ زَامَانِ؞»

13سَعَنً يَبَرْسُ، يَشِغَ جِضْغٍ ضُوَ، يَڧٜىٰتَرٜىٰ ذُوَا وَنْثَنْ هَيِنْ؞

14أَلْمَجِرَنْ عِيسَىٰ سُنْ مَنْتَ بَسُ كَٰوُاْ غُرَاسَبَ، سَيْ غُدَا طَيَ كَوَيْ وَنْدَ سُكٜىٰ دَشِ أَجِضْغٍ ضُوً؞

15عِيسَىٰ يَجَا مُسُ كُنّٜىٰ، يَثٜىٰ «كُكُلَ ڢَا، كُمَ كُيِ حَنْكَلِ دَ يِسْتِنْ ڢَرِسِيَاوَا دَ نَ هِرُدُسْ؞»

16سَيْ أَلْمَجِرَنْ سُكَ ڢَارَ تَطِ دَ جُونَ سُنَ ثٜىٰوَ «كُواْ سَبُواْدَ بَامُ دَ غُرَاسَ نٜىٰ يَڢَطِ حَكَ؟»

17دَ يَغَانٜىٰ مَغَنَرْ دَسُكٜىٰيِ، سَيْ عِيسَىٰ يَتَمْبَيٜىٰسُ «مٜىٰيَسَا كُكٜىٰ مَغَنَ عَكَنْ بَاكُ دَ غُرَاسَ؟ أَشٜىٰ، حَرْ يَنْذُ بَكُ غَانٜىٰبَ؟ بَكُ كُمَ ڢَهِمْتَبَ؟ ذُوثِيَارْكُ عَتَوْرَرٜىٰ تَكٜىٰ؟

18كُنَدَ إِدَانُو، بَكُ غَنِبَ؟ كُنَدَ كُنُّوَ، بَكُجِبَ؟ بَكُ تُنَ بَنٜىٰ؟

19أَ لُواْكَثِنْدَ نَكَكَّرْيَ وَمُتُمْ دُبُو بِيَرْ غُرَاسَرْنَنْ بِيَرْ ڢَا؟ ݣُونْدُنَ نَوَ كُكَ طَوْكَ ثِكٜىٰ دَ أَبِنْدَ يَرَغُ؟» سُكَ أَمْسَ ثٜىٰوَ «شَا بِيُ؞»

20«تُواْ، غُرَاسَ بَݣَويْ طِنَّنْ دَ نَكَكَّرْيَ وَمُتُمْ دُبُو حُطُ ڢَا؟ مَنْيَنْ ݣُونْدُنَ نَوَ كُكَ تَتَّارَ ثِكٜىٰ دَ غُڟَڟَّرِنْ؟» سُكَثٜىٰ مَسَ «بَݣَويْ؞»

21سَيْ عِيسَىٰ يَثٜىٰ مُسُ «تُواْ، حَرْ يَنْذُ بَكُ غَانٜىٰ مَغَنَاتَبَ؟»

22سُكَ ذُواْ بٜىٰڟَيْدَ، سَيْ عَكَ كَٰوُاْوَ عِيسَىٰ وَنِ مَكَهُواْ، عَكَ ضُواْڧٜىٰشِ يَتَٻَ مَكَهُوانْ؞

23يَكَامَ حَنُّنْ مَكَهُوانْ، يَكَيْشِ بَايَنْ غَرِ؞ دَيَتُواْڢَ مِيَوْ أَعِدَانُنْ مُتُمِنْ، يَتَٻَشِ دُواْمِنْ يَوَرْكَرْ دَشِ؞ سَيْ يَتَمْبَيٜىٰشِ يَثٜىٰ «كَنَ عِيَ غَنِنْ وَنِ أَبُ؟»

24سَيْ مَكَهُوانْ يَطَغَ كَيْ، يَثٜىٰ «إِنَ غَنِنْ مُتَنٜىٰ كَمْ، عَمَّا كَمَرْ عِتَتُوَ نَكٜىٰ غَنِنْسُ، سُنَ يَٰوُاْ؞»

25سَيْ عِيسَىٰ يَسَاكٜىٰ تَٻَ إِدَانُنْ مُتُمِنْ؞ مُتُمِنْ يَظُبَ عِدُواْ، عِدَنُونْسَ كُوَ سُكَ وَرْكٜىٰ، سَيْ يَغَ كُواْمٜىٰ سَرَيْ؞

26عِيسَىٰ يَسَلَّمٜىٰشِ يَتَڢِے غِدَا، يَثٜىٰ مَسَ «كَدَ كَكُواْمَ تَثِكِنْ غَرِ، كُواْ كَبِے تَثِكِنْ ڧَوْيٜىٰنْ؞»

27عِيسَىٰ دَ أَلْمَجِرَنْسَ سُكَ تَڢِے، سُكَ شِغَ ڧَوْيُكَنْ كَيْسَرِيَ ڢِلِبِے؞ أَ حَنْيَ كُوَ يَتَمْبَيِ أَلْمَجِرَنْسَ يَثٜىٰ «بِسَغَ ڢَطِنْ مُتَنٜىٰ، نِے وَنٜىٰنٜىٰ؟»

28سُكَ أَمْسَ سُكَثٜىٰ «وَطَنْسُ سُنْ ثٜىٰ كَيْ يَحْيَى مَيْ بَڢْتِسْمَ نٜىٰ، وَطَنْسُ كُوَ سُنَ ثٜىٰوَ كَيْنٜىٰ أَنَّبِے إِلْيَاسُ، وَطَنْسُ كُوَ سُنْ ثٜىٰ كَيْ وَنِ نٜىٰ دَغَ ثِكِنْ سَوْرَنْ أَنَّبَاوَا؞»

29سَيْ يَتَمْبَيٜىٰسُ «عَمَّا كُو ڢَا، وَنٜىٰنٜىٰنِے أَغَنِنْكُ؟» سَيْ بِتْرُسْ يَأَمْسَ يَثٜىٰ «كَيْ نٜىٰ أَلْمَسِيحُ ؞»

30عِيسَىٰ يَجَا مُسُ كُنّٜىٰ كَدَ سُغَيَ وَكُواْوَ لَابَرِنْسَ؞

31أَ لُواْكَثِنَّنْ، عِيسَىٰ يَڢَارَ كُواْيَ مُسُ يَدَّ طَنْ مُتُمْ ذَيْ شَا وُيَ إِرِ إِرِ؞ شُوغَبَنِّنْ جَمَعَ دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى ذَاسُڧِيشِ، حَرْ عَكَشٜىٰشِ، بَايَنْ ݣُونَ عُكُ كُمَ ذَيْ تَاشِ دَ رَيْ؞

32يَڢَطِ وَنَّنْ مَغَنَ أَ سَرَرِ؞ سَيْ بِتْرُسْ يَجَاشِ غٜىٰڢٜىٰ طَيَ، يَڢَارَ ڟَاوَتَا مَسَ؞

33عَمَّا عِيسَىٰ يَجُويَ يَدُوبِے سَوْرَنْ أَلْمَجِرَنْ، يَڟَاوَتَاوَ بِتْرُسْ يَثٜىٰ «كَرَبُ دَنِے، كَيْ شَيْطَنْ! كَنَ تُنَانِ كَمَرْ مُتُمْ نٜىٰ، بَكَمَرْ اللَّهْ بَ؞»

34سَعَنً يَكِرَا مُتَنٜىٰنْ كُسَ، تَرٜىٰدَ أَلْمَجِرَنْسَ، يَثٜىٰ مُسُ «دُكْ مَيْ سُواْ يَبِے نِے، سَيْ يَڧِ كَنْسَ، يَطَوْكِ غِثِّيٜىٰنْسَ، يَبِے نِے؞

35غَمَا دُكْ وَنْدَ يَكٜىٰسُواْ يَثٜىٰثِ رَنْسَ، ذَيْ رَسَشِ؞ عَمَّا دُكْ وَنْدَ يَرَسَ رَنْسَ سَبُواْدَنِ دَ كُمَ سَبُواْدَ لَابَرِ مَيْ دَاطِے، ذَيْثٜىٰثٜىٰشِ؞

36إِنَا أَمْڢَانِ مُتُمْ يَسَامِ دُكَنْ دُونِيَا عَبَاكِنْ رَنْسَ؟

37مٜىٰ كُمَ مُتُمْ ذَيْ عِيَ بَايَرْوَ أَمَيْمَكُوانْ رَنْسَ؟

38دُكْ وَنْدَ يَكٜىٰ جِنْ كُنْيَاتَادَ كُنْيَرْ مَغَنَاتَ أَوَنَّنْ زَامَانِ مَرَرْ أَمِنْثِ دَ كُمَ مَيْ يَوَنْ ذُنُوبِ، طَنْ مُتُمْ مَا ذَيْجِے كُنْيَرْسَ أَ لُواْكَثِنْ دَ ذَيْذُواْ ثِكِنْ طَوْكَكَرْ عُبَنْسَ تَرٜىٰدَ مَلاَىِٕكُ مَاسُ ڟَرْكِے؞»

← Chapter 7 Jump to: Chapter 9 →