Mark 14

Hausa Arabic 2020 (أَتَّوْرَتْ دَ أَنَّبَاوَا)

1سَوْرَنْ ݣُونَ بِيُ عَيِ بِكٍ ڧٜىٰتَرٜىٰوَ دَ بِكٍ غُرَاسَرْ مَرَرْ يِسْتِ، سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَ نٜىٰمِ حَنْيَ سُكَامَ عِيسَىٰ عَٻُواْيٜىٰ، سُكَشٜىٰشِ؞

2عَمَّا سُنَ ثٜىٰوَ «بَدَيْ أَ لُواْكَثِنْ بِكِبَ، دُواْمِنْ كَدَ مُتَنٜىٰ سُتَادَ ضِكِثِ؞»

3عِيسَىٰ يَنَ بٜىٰتَنِ أَغِدَنْ وَنِ مُتُمْ وَنْدَ عَكٜىٰثٜىٰدَشِ سِيمَنْ مَيْ ثُوتَرْ ڢَتَرْ جِكِے؞ يَنَ ثِنْ عَبِنْثِ كٜىٰنَنْ، سَيْغَا وَتَ مَثٜىٰ تَذُواْ دَ وَتَ یَرْ ݣُولَبَرْ دَ عَكَيِ دَ دُوڟٜىٰنْ عُواْنِسْ ثِكٜىٰ دَ مَنْ ڧَنْشِ مَيْ ڟَادَ سُواْسَيْ وَنْدَ عَكَيِ دَ نَرْدِ ظَلَّ؞ سَيْ تَڢَشٜىٰ ݣُولَبَرْ تَظُبَ مَنْ عَكَنْ عِيسَىٰ؞

4وَطَنْسُ كُوَ دَسُكٜىٰ وُرِنْ سُكَجِ هَوْشِ، سُكَثٜىٰوَ جُونَ «يَيَ عَكَ ٻَاتَ وَنَّنْ مَيْ حَكَ؟

5دَ أَنْسَيَرْ دَشِ كُوَ دَ أَنْسَامِ يَوَنْ كُطِنْ دَ عَكٜىٰ بِيَنْ لٜىٰبُرَ يِنِ طَرِے عُكُ عَبَا تَلَكَاوَا، أَيْ دَيَڢِ!» سَيْ سُكَ ڟَاوَتَا وَمَاتَرْ سُواْسَيْ؞

6عَمَّا عِيسَىٰ يَثٜىٰ «كُبَرْتَ مَنَ؞ دُوانْمٜىٰ كُكٜىٰ دَامُنْتَ؟ أَيْ، أَبُ مَيْݣَوْ نٜىٰ تَيِمِنِ؞

7مَاسُ بُڧَاتَ سُنَ تَرٜىٰدَكُو كُلُّمْ؞ كُواْ يَوْشٜىٰ كُكٜىٰسُواْ، كُنَ عِيَيِ مُسُ أَلْحٜىٰرِ، عَمَّا بَكُلُّمْ نٜىٰ نَكٜىٰ تَرٜىٰدَكُوبَ؞

8تَايِ إِيَاكَثِنْ ڧُواْڧَرِنْتَ؞ تَا شَاڢَ جِكِينَ دَ مَيْ دُواْمِنْ شِرِنْ بِنّٜىٰوَتَ؞

9حَڧِيڧَ إِنَ غَيَ مُكُ، دُكْ عِنْدَ ذَاعَيِ شٜىٰلَرْ لَابَرِنَّنْ مَيْ دَاطِے عَدُونِيَا دُكَ، ذَاعَ دِنْ‌غَ ڢَطِنْ أَبِنْدَ مَثٜىٰنَّنْ تَيِ دُواْمِنْ تُنَاوَا دَ عِتَ؞»

10أَنَانً، سَيْ يَهُودَ إِسْكَرِيُواْتِ طَيَ دَغَ ثِكِنْ أَلْمَجِرَيْ شَا بِيُنَّنْ، يَجٜىٰ وُرِنْ مَنْيَنْ ڢِرِسْتُواْثِے دُواْمِنْ يَبَادَ عِيسَىٰ أَغَرٜىٰسُ؞

11دَسُكَجِ حَكَ سُكَيِ مُرْنَ سُواْسَيْ، حَرْ سُكَيِ أَلْڧَوَرِ ذَاسُبَا شِ كُطِ؞ يَهُودَ كُوَ يَڢَارَ نٜىٰمَنْ حَنْيَ دُواْمِنْ يَبَاشٜىٰشِ؞

12أَ رَانَرْ ڢَرْكُواْ تَبِكٍ غُرَاسَرْ مَرَرْ يِسْتِ، وَتُواْ رَنْ دَ عَكَنْ يَنْكَ طَنْ ضَغُواْ نَبِكٍ ڧٜىٰتَرٜىٰوَ، سَيْ أَلْمَجِرَنْ عِيسَىٰ سُكَ تَمْبَيٜىٰشِ سُكَثٜىٰ «إِنَا كَكٜىٰسُواْ مُجٜىٰ مُشِرْيَ مَكَ ثِنْ بِكٍ ڧٜىٰتَرٜىٰوَ؟»

13سَيْ يَعَيْكَ أَلْمَجِرَنْسَ غُدَا بِيُ، يَثٜىٰمُسُ «كُشِغَ غَرِ؞ ثَنْ ذَاكُ غَمُ دَ وَنِ مُتُمْ يَنَ طَوْكٜىٰ دَ تُلُنْ ضُوَ؞ كُبِيشِ؞

14دُكْ غِدَنْدَ يَشِغَ، كُثٜىٰ وَمَيْغِدَنْ، ‹مَلَمْ يَنَ تَمْبَيَ ثٜىٰوَ إِنَا طَاكِنْ دَ ذَيْثِ بِكٍ ڧٜىٰتَرٜىٰوَ دَ أَلْمَجِرَنْسَ؟›

15شِے كُوَ ذَيْ نُونَ مُكُ وَنِ بَبَّنْ طَاكِنْ سَمَ وَنْدَ عَكَ غَمَ ڠَرَنْسَ دُوانْ بِكٍ؞ أَوُرِنْ ذَاكُ شِرْيَ مَنَ عَبِنْثِ؞»

16سَيْ أَلْمَجِرَنْ سُكَتَاشِ، سُكَ شِغَ ثِكِنْ غَرِ، سُكَ كُوَ سَامِ أَبُبُوَ كَمَرْ يَدَّ عِيسَىٰ يَڢَطَا مُسُ؞ سَيْ سُكَ شِرْيَ عَبِنْثِنْ بِكٍ ڧٜىٰتَرٜىٰوَ؞

17دَ يَمَّ تَيِ، عِيسَىٰ دَ أَلْمَجِرَنْسَ شَا بِيُنَّنْ سُكَذُواْ غِدَنْ؞

18سُنَ ثِنْ عَبِنْثِ كٜىٰنَنْ، سَيْ عِيسَىٰ يَثٜىٰ «حَڧِيڧَ إِنَ غَيَ مُكُ، طَيَ دَغَ ثِكِنْكُ ذَيْ بَاشٜىٰنِ، وَنْدَ يَنْذُ يَكٜىٰ ثِنْ عَبِنْثِ تَرٜىٰدَنِ؞»

19سَيْ أَلْمَجِرَنْ سُكَ ڢَارَ بَڧِنْ ثِكِ، سُنَ ثٜىٰ مَسَ دَ طَيَ طَيَ «كُواْ نِنٜىٰ؟»

20عِيسَىٰ يَأَمْسَ، يَثٜىٰ «طَيَ دَغَ ثِكِنْكُ شَا بِيُنَّنْ نٜىٰ دَيْ، وَنْدَ مُكٜىٰثِ دَغَ ڨُورْيَ طَيَ؞

21طَنْ مُتُمْ ذَيْ مُتُ، كَمَرْ يَدَّ يَكٜىٰ أَرُبُوثٜىٰ غَمٜىٰدَشِ؞ عَمَّا كَيْتُوانْ وَنْدَ ذَيْبَادَ طَنْ مُتُمْ! ذَيْ ڢِيٜىٰوَ مُتُمِنَّنْ دَمَا بَعَ حَيْڢٜىٰشِيبَ؞»

22سُنَ ثِكِنْ ثِنْ عَبِنْثِ، سَيْ عِيسَىٰ يَطَوْكِ غُرَاسَ، يَيِ غُواْدِيَ غَ اللَّهْ ، يَكَكَّرْيَ، يَبَا أَلْمَجِرَنْسَ، يَثٜىٰ «كُكَرْٻَ، وَنَّنْ جِكِينَ نٜىٰ؞»

23بَايَنْ وَنَّنْ كُمَ، يَطَوْكِ ݣُوڢْ نَضُوً إِنَبِے يَيِ غُواْدِيَ غَ اللَّهْ ، يَبَاسُ؞ دُكَنْسُ كُوَ سُكَشَا دَغَ ثِكِ؞

24سَعَنً يَثٜىٰ مُسُ «وَنَّنْ جِنِنَ نٜىٰ؞ جِنِ نَثِكَرْ يَرْجٜىٰجٜىٰنِيَرْ؞ ذَاعَ ظُبَرْ دَشِ سَبُواْدَ مُتَنٜىٰ دَيَوَ؞

25إِنَ غَيَ مُكُ غَسْكِيَ، بَذَنْ ڧَارَ شَنْ ضُوً إِنَبِنَّنْبَ، سَيْدَيْ أَ رَانَرْ دَ ذَنْشَا وَنِ سَابُوانْ أَمُلْكٍ اللَّهْ ؞»

26بَايَنْدَ سُكَ رٜىٰرَ وَاڧَا، سَيْسُكَ ڢِتَ سُكَ تَڢِے تُدُنْ عِتَتُوَنْ ظَيْتُنْ؞

27عِيسَىٰ يَثٜىٰ وَ أَلْمَجِرَنْسَ «دُكَنْكُ ذَاكُ غُدُ كُبَرْنِ، كَمَرْ يَدَّ عَكَ رُبُوتَ ثٜىٰوَ « ‹ذَنْ بُغِ مَكِيَايِنْ، تُمَكِنْ كُمَ ذَاسُ غُدُ؞› »

28«عَمَّا بَايَنْدَ نَتَاشِ دَغَ مَتَتُّو، ذَنْ رِغَاكُ ذُوَا غَلِيلِ؞»

29سَيْ بِتْرُسْ يَثٜىٰ مَسَ «كُواْ دُكَنْسُ سُنْ غُدُ سُنْ بَرْكَ، نِے كَمْ، بَذَنْ بَرْكَبَ؞»

30عِيسَىٰ يَثٜىٰ مَسَ «غَسْكِيَ إِنَ غَيَ مَكَ، يَوْ، عَثِكِنْ دَرٜىٰنَّنْ، كَاڢِنْ ظَكَرَ يَيِ ثَارَ سَوْ بِيُ، ذَاكَيِ مُسُونْ سَنِنَ سَوْ عُكُ؞»

31عَمَّا بِتْرُسْ يَيِ تَمَيْمَيْتَاوَا دَ ڧَرْڢِے يَنَ ثٜىٰوَ «كُواْ دَ ذَاعَ كَشٜىٰنِ تَرٜىٰدَكَيْ، بَذَنْيِ مُسُونْ سَنِنْكَبَ سَمْ؞» دُكَنْ سَوْرَنْ أَلْمَجِرَنْسَ مَا سُكَ ڢَطِ حَكَ؞

32سُكَ تَڢِے وَنِ وُرِنْ دَ عَكٜىٰ ثٜىٰ دَشِ غٜىٰڟٜىٰمَنِ وَتُواْ، وُرِنْ مَڟٜىٰوَرْ یَیَنْ ظَيْتُنْ، سَيْ عِيسَىٰ يَثٜىٰ وَ أَلْمَجِرَنْسَ «كُذَوْنَ أَنَنْ؞ ذَنْجٜىٰ إِنْيِ أَدُّعَ؞»

33سَيْ يَطَوْكِ بِتْرُسْ دَ يَعْڧُوبَ دَ يَحْيَى تَرٜىٰ دَشِ؞ أَنَانً، سَيْ يَڢَارَ دَامُوَ ڨُورَيْ، حَرْ جِكِنْسَ يَيِ سَنْيِ؞

34سَيْ يَثٜىٰ مُسُ «بَڧِنْ ثِكِ دَيَكٜىٰ أَ رَيْنَ ذَيْ عِيَ كَشٜىٰنِ؞ كُذَوْنَ أَنَنْ، كُيِ ڟَرُواْ؞»

35دَ يَجٜىٰ غَبَ كَطَنْ، سَيْ يَڢَاطِ عَڧَسَا، يَيِ أَدُّعَ يَثٜىٰ، عِدَنْ يَا يِوُ، أَطَوْكٜىٰ مَسَ وَنَّنْ لُواْكَثِنْ وَهَلَ؞

36يَثٜىٰ «أَبَّ، عُبَا، كُواْوَنٜىٰ أَبُ مَيْيِوُوَ نٜىٰ أَغَرٜىٰكَ؞ كَطَوْكٜىٰ مِنِ وَنَّنْ ݣُوڢْ نَوَهَلَ؞ دُكْدَهَكَ دَيْ، كَيِ أَبِنْدَ كَكٜىٰسُواْ، بَ أَبِنْدَ نِے نَكٜىٰسُواْبَ؞»

37بَايَنْ وَنَّنْ، سَيْ يَدَاوُاْ يَسَامِ أَلْمَجِرَنَّنْ عُكُ سُنَ بَرْثِ؞ سَيْ يَثٜىٰ وَ بِتْرُسْ «بِتْرُسْ، كَنَ بَرْثِ نٜىٰ؟ أَشٜىٰ، بَذَاكَ عِيَ ڟَرُواْ كُواْ دَ أَوَ طَيَبَ؟

38كُيِ ڟَرُواْ كُنَ كُمَ أَدُّعَ دُواْمِنْ كَدَ كُڢَاطَ ثِكِنْ جَرَّبَ؞ لَلَّيْ رُوحُ يَطَوْكَ، عَمَّا جِكِنْ بَا ڧَرْڢِے؞»

39سَيْ يَسَاكٜىٰ كُواْمَاوَا، يَيِ أَدُّعَ، يَنَ مَيْمَيْتَ مَغَنَرْ دَا؞

40سَعَنً يَسَاكٜىٰ دَاوُاْوَ، يَسَامٜىٰسُ سُنَ بَرْثِ دُوانْ عِدَنُونْسُ سُنْثِكَ دَ بَرْثِ سُواْسَيْ؞ سُكَ كُمَ رَسَ أَبِنْدَ ذَاسُ ڢَطَا مَسَ؞

41سَيْ يَجٜىٰ يَدَاوُاْ، نَعُكُ كٜىٰنَنْ، يَثٜىٰ مُسُ «حَرْ يَنْذُ بَرْثِ كُكٜىٰيِ كُنَ هُوتَوَا؟ شِكٜىٰنَنْ! لُواْكَثِ يَيِ دَ ذَاعَ بَادَ طَنْ مُتُمْ غَ حَنُّنْ مَاسُ ذُنُوبِ؞

42كُتَاشِ مُتَڢِے! غَا مَيْ بَاشٜىٰنِ نَنْ يَ إِسُواْ!»

43عِيسَىٰ يَنَ ثِكِنْ مَغَنَ كٜىٰنَنْ، سَيْغَا يَهُودَ، طَيَ دَغَ ثِكِنْ أَلْمَجِرَنْسَ شَا بِيُنَّنْ، يَا ذُواْ تَرٜىٰدَ مُتَنٜىٰ دَيَوَ سُنَ رِڧٜىٰ دَ تَكُبَ دَ سَنْدُنَ؞ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى دَ شُوغَبَنِّ نٜىٰ سُكَ تُرُواْسُ؞

44يَهُودَ، وَنْدَ ذَيْ بَاشٜىٰشِ كُوَ، يَارِغَا يَشِرْيَ مُسُ عَلَمَ ثٜىٰوَ «وَنْدَ ذَنْ سُمْبَثٜىٰ شِ، شِينٜىٰ مُتُمِنْ؞ كُكَامَشِ كُتَڢِے؞ كُرِڧٜىٰشِ دَݣَوْ؞»

45دَ ذُوَانْ يَهُودَ، سَيْ يَمِيڧٜىٰ ذُوَا وُرِنْ عِيسَىٰ ، يَثٜىٰ مَسَ «مَلَمْ!» سَيْ يَسُمْبَثٜىٰ شِ؞

46سَيْ مُتَنٜىٰنْ كُوَ سُكَ كَامَ عِيسَىٰ سُكَ رِڧٜىٰشِ دَ ڧَرْڢِے؞

47عَمَّا طَيَ دَغَ ثِكِنْ أَلْمَجِرَنْ عِيسَىٰ وَنْدَ يَكٜىٰ ڟَيٜىٰ كُسَ، يَظَارٜىٰ تَكُواْبِنْسَ، يَسَارِ بَاوَنْ بَبَّنْ ڢِرِسْتِ، يَيَنْكٜىٰ مَسَ كُنّٜىٰ؞

48عِيسَىٰ يَثٜىٰ مُسُ «كُنْڢِتُواْ دَ تَكُبَ دَ سَنْدُنَ كُكَامَنِ سَيْ كَثٜىٰ طَنْ ڢَشِ؟

49كُواْوَثٜىٰ رَانَ إِنَ تَرٜىٰدَكُو أَ هَيْكَلِ إِنَ كُواْيَرْوَا، بَكُكَامَ نِبَ؞ بَا كُواْمٜىٰ؞ أَنْيِ حَكَنٜىٰ ڢَا دُواْمِنْ أَنَّبْثِنْ رُبُوتَثِّيَرْ مَغَنَرْ اللَّهْ يَثِكَ؞»

50دَغَ نَنْ دُكَنْ أَلْمَجِرَنْ سُكَ بَرْشِ، سُكَ غُدُ؞

51أَݣَويْ وَنِ سَوْرَيِ يَبِے عِيسَىٰ ، بَاشِ دَ رِغَا، سَيْ مَيَاڢِ كَوَيْ؞ دَمُتَنٜىٰنْ سُكَيِ ڧُواْڧَرِنْ كَامَشِ،

52سَيْ يَبَرْ مَيَاڢِنْسَ أَ حَنُّنْسُ يَغُدُ ڟِرَرَ؞

53سُكَ كَيْ عِيسَىٰ وُرِنْ بَبَّنْ ڢِرِسْتِ، سَيْ مَنْيَنْ ڢِرِسْتُواْثِے دَ شُوغَبَنِّ دَ كُمَ مَلَمً كُواْيَرْوَرْ مُوسَٰى سُكَ تَارُ دُكْ أَوُرِنْ؞

54بِتْرُسْ كُمَ يَبِے عِيسَىٰ ، عَمَّا دَغَ نٜىٰسَ؞ يَبِے شِ حَرْ ثِكِنْ ڢِيلِنْ غِدَنْ بَبَّنْ ڢِرِسْتِ طِنْ؞ أَوُرِنْ يَذَوْنَ تَرٜىٰدَ مَاسُ غَادِ، يَنَ جِنْ طُمِنْ وُتَا؞

55مَنْيَنْ ڢِرِسْتُواْثِے دَ سَوْرَنْ یَنْ مَجَلِسَ سُنَ تَنٜىٰمَنْ وَنِ أَبُ دَ ذَاعَيِ شَيْدَ عَكَنْ عِيسَىٰ ثٜىٰوَ يَيِ لَيْڢِے دُواْمِنْ سُكَشٜىٰشِ، عَمَّا بَسُ سَامُبَ؞

56مُتَنٜىٰ دَيَوَ كَمْ سُنْيِ شَيْدَرْ ڧَضْيَا، عَمَّا بَاكِنْسُ بَيْذُواْ طَيَبَ؞

57دَغَ بَايَ وَطَنْسُ سُكَتَاشِ ڟَيٜىٰ، سُكَيِ وَ عِيسَىٰ شَيْدَرْ ڧَضْيَا سُكَثٜىٰ،

58«مُنْجِ يَثٜىٰ، وَيْ ذَيْ رُشٜىٰ هَيْكَلِنَّنْ دَ مُتَنٜىٰ سُكَ غِنَا، يَغِنَ وَنِ ثِكِنْ ݣُونَ عُكُ، وَنْدَ بَغِنِنْ مُتُمْبَ؞»

59دُكْدَهَكَ دَيْ شَيْدَرْسُ بَتَذُواْ طَيَبَ؞

60سَيْ بَبَّنْ ڢِرِسْتِ يَتَاشِ يَڟَيَ أَڟَكِيَرْسُ، يَتَمْبَيِ عِيسَىٰ ، يَثٜىٰ «بَاكَدَ وَتَ أَمْسَ؟ شَيْدَرْ دَسُكٜىٰ بَايَرْ عَكَنْكَ ڢَا؟»

61عَمَّا عِيسَىٰ يَيِ شِضُ، بَيْبَاشِ كُواْ أَمْسَبَ؞ سَيْ بَبَّنْ ڢِرِسْتِ طِنْ يَسَاكٜىٰ تَمْبَيَرْسَ «كُواْ كَيْنٜىٰ أَلْمَسِيحُ طَنْ مَيْ أَلْبَرْكَ؟»

62عِيسَىٰ يَأَمْسَ يَثٜىٰ «نِنٜىٰ؞ «كُمَ ذَاكُغَ طَنْ مُتُمْ ظَوْنٜىٰ أَ حَنُّنْ دَامَ نَ مَيْ إِيكُواْ ، يَنَ كُمَ ذُوَا ثِكِنْ غِرْغِجٜىٰ نَسَرَرِنْ سَمَ؞»

63سَيْ بَبَّنْ ڢِرِسْتِ يَيَاغٜىٰ رِيغُنَنْسَ، يَثٜىٰ «وَثٜىٰ شَيْدَ كُمَ مُكٜىٰ بُڧَاتَ؟

64كُنْ دَيْ جِ صَاٻُوانْدَ يَيِ وَ اللَّهْ! مٜىٰنٜىٰنٜىٰ رَعَيِنْكُ؟» سَيْ دُكَنْ مُتَنٜىٰ سُكَ يَنْكٜىٰ مَسَ شَرِيعَ ثٜىٰوَ عَكَشٜىٰشِ؞

65وَطَنْسُ مَا سُكَ ڢَارَ تُواْتُّواْڢَ مَسَ مِيَوْ، سُكَ طَوْرٜىٰ مَسَ إِدَانُو، سُكَ كُمَ مَمَّرٜىٰشِ، سُنَ ثٜىٰ مَسَ «ڢَطَا وَنْدَ يَمَرٜىٰكَ!» مَاسُ غَادِ كُمَ سُكَ يِتَيِ مَسَ دُوكَ؞

66بِتْرُسْ كُوَ يَنَ ڧَسَا أَ ڢِيلِنْ غِدَنْ، سَيْ وَتَ يَارِنْيَ عَثِكِنْ مَعَيْكَتَنْ بَبَّنْ ڢِرِسْتِ تَذُواْ وُرِنْ؞

67دَتَغَ بِتْرُسْ يَنَ جِنْ طُمِنْ وُتَا، سَيْ تَدُوبٜىٰشِ دَݣَوْ، تَثٜىٰمَسَ «أَيْ، كَيْ مَا كَنَ تَرٜىٰدَ عِيسَىٰ بَنَظَرٜىٰتْ نَنْ!»

68عَمَّا بِتْرُسْ يَيِ مُسُو، يَثٜىٰ «بَنْ سَنْ مَا أَبِنْدَ كِكٜىٰ مَغَنَبَ؞ بَنْ غَانٜىٰبَ سَمْ!» دَ ڢَطِنْ حَكَ، سَيْ يَتَاشِ يَجٜىٰ ذَوْرٜىٰنْ غِدَنْ؞ نَنْ دَ نَنْ سَيْ ظَكَرَ يَيِ ثَارَ؞

69دَ يَارِنْيَرْ تَسَاكٜىٰ غَنْشِ أَوُرِنْ، سَيْ تَڢَطَا وَ وَطَنْدَ سُكٜىٰ ڟَيٜىٰ أَوُرِنْ «وَنَّنْ مَا طَيَ دَغَ ثِكِنْسُنٜىٰ؞»

70سَيْ بِتْرُسْ يَسَاكٜىٰيِنْ مُسُو كُمَ؞ بَايَنْ طَنْ لُواْكَثِ كَطَنْ، وَطَنْدَ سُكٜىٰ ڟَيٜىٰ كُسَدَ بِتْرُسْ سُكَثٜىٰ مَسَ «بَاشَكَّ، كَيْ مَا طَيَ دَغَ ثِكِنْسُنٜىٰ؞ كَيْ بَمُتُمِنْ غَلِيلِ بَنٜىٰ؟»

71عَمَّا بِتْرُسْ يَڢَارَ ذَاغِ يَنَ لَعَنْتَ كَنْسَ، يَنَ ضَنْڟُوَا كُمَ أَغَبَنْسُ، يَنَ ثٜىٰوَ «بَنْ مَا سَنْ مُتُمِنَّنْ دَ كُكٜىٰ مَغَنَرْسَبَ؞»

72نَنْ دَ نَنْ سَيْ ظَكَرَ يَيِثَارَ سَوْ نَبِيُ؞ سَيْ بِتْرُسْ يَتُنَ دَ مَغَنَرْ دَ عِيسَىٰ يَڢَطَا مَسَ ثٜىٰوَ «كَاڢِنْ ظَكَرَ يَيِثَارَ سَوْ بِيُ، ذَاكَيِ مُسُونْ سَنِنَ سَوْ عُكُ؞» دَ يَتُنَ وَنَّنْ مَغَنَ، سَيْ يَڢَشٜىٰ دَ كُوكَا؞

← Chapter 13 Jump to: Chapter 15 →