Mark 16

Hausa Arabic 2020 (أَتَّوْرَتْ دَ أَنَّبَاوَا)

← Chapter 15 Jump to:

1دَ رَانَرْ هُوتُ تَمَكُواْ تَوُثٜىٰ، مَرْيَمُ دَغَ مَغَدَلَ دَ مَرْيَمُ مَامَرْ يَعْڧُوبَ دَ كُمَ سَلُواْمِ، سُكَ سَيُواْ كَايَنْ ڧَنْشِ دُواْمِنْ سُجٜىٰ سُشَاڢَ وَ جِكِنْ عِيسَىٰ ؞

2أَ رَانَرْ ڢَرْكُواْ تَمَكُواْ دَ سَسَّڢٜىٰ وَجٜىٰنْ ڢِتُواْوَرْ رَانَ سُكَ تَڢِے كَبَرِنْ؞

3دَ سُكٜىٰ كَنْ حَنْيَ، سُكَثٜىٰ وَجُونَ «وَ ذَيْ تُرٜىٰ مَنَ دُوڟٜىٰنْ دَغَ بَاكِنْ كَبَرِنْ؟»

4عَمَّا دَ سُكَ كَيْ وُرِنْ، سُكَ طَغَ كَيْ سُكَغَ، أَشٜىٰ، أَنْرِغَا أَنْتُرٜىٰ دُوڟٜىٰنْ؞ بَبَّنْ دُوڟٜىٰ نٜىٰ كُوَ؞

5دَ سُكَ شِغَ كَبَرِنْ، سَيْ سُكَغَ وَنِ سَوْرَيِ أَ ظَوْنٜىٰ أَغٜىٰڢٜىٰنْ دَامَ دَ ڢَرَرْ رِغَا أَجِكِنْسَ، سَيْ سُكَجِڟُواْرُواْ؞

6سَيْ سَوْرَيِنْ يَثٜىٰ مُسُ «كَدَ كُيِ مَامَاكِ؞ كُنَ نٜىٰمَنْ عِيسَىٰ بَنَظَرٜىٰتْ وَنْدَ عَكَ غِثِّيٜىٰ؟ أَيْ، يَتَاشِ؞ بَايَ نَنْ؞ غَا عِنْدَ عَكَ ݣُونْتَرْ دَشِ!

7يَنْذُ سَيْ كُتَڢِے كُغَيَوَ أَلْمَجِرَنْسَ، حَرْ دَ بِتْرُسْ، ثٜىٰوَ ذَيْ رِغَاسُ ذُوَا غَلِيلِ، عَثَنْ نٜىٰ ذَاسُ غَنْشِ كَمَرْ يَدَّ يَڢَطَا مُسُ؞»

8مَاتَانْ كُوَ سُكَ ڢِتَ دَ غُدُ، سُنْ رُوطٜىٰ سُنَ ضَوَرْ جِكِے؞ بَسُ كُمَ ڢَطَا وَكُواْوَ كُواْمٜىٰبَ، دُواْمِنْ سُنَ جِنْ ڟُواْرُواْ؞ [

9دَ عِيسَىٰ يَتَاشِ دَغَ مَتَتُّو دَ سَسَّڢٜىٰ أَ رَانَ تَڢَرْكُواْ تَمَكُواْ، يَڢَارَ نُونَ كَنْسَ غَ مَرْيَمُ دَغَ مَغَدَلَ، وَتُواْ مَثٜىٰنَّنْ دَ عِيسَىٰ يَڢِتَرْ مَتَ دَ أَلْجَنُ بَݣَويْ؞

10عِتَ كُوَ تَتَڢِے تَڢَطَا وَمُتَنٜىٰنْ دَسُكٜىٰ تَرٜىٰدَشِ تُنْدَا، وَطَنْدَ سُكٜىٰ بَڧِنْ ثِكِ سُنَ تَكُوكَا؞

11عَمَّا دَ سُكَجِ ثٜىٰوَ عِيسَىٰ يَنَدَ رَيْ، حَرْ مَا تَغَنْشِ، بَسُ بَادَ غَسْكِيَابَ؞

12بَايَنْ حَكَ عِيسَىٰ يَثَنْجَ كَمَنِّ يَنُونَ كَنْسَ غَ وَطَنْسُ بِيُ دَغَ ثِكِنْ أَلْمَجِرَنْ أَ لُواْكَثِنْ دَسُكٜىٰ تَڢِيَ ڧَوْيٜىٰ؞

13سَيْ بِيُنَّنْ سُكَ كُواْمَ سُكَ ڢَطَا وَسَوْرَنْ، عَمَّا حَرْ يَنْذُ سُكَڧِ سُيَرْدَ دَ لَابَرِنْ؞

14دَغَ بَايَ عِيسَىٰ يَنُونَ كَنْسَ غَ شَا طَيَنْ أَدَيْدَيْ لُواْكَثِنْ دَسُكٜىٰثِنْ عَبِنْثِ؞ سَيْ يَڟَاوَتَا مُسُ عَكَنْ رَشِنْ بَنْ‌غَسْكِيَرْسُ دَ تَوْرِنْ كَنْسُ، دُوانْ بَسُ غَسْكَتَ وَطَنْدَ سُكَ غَنْشِ بَايَنْ تَاشِنْسَبَ؞

15يَكُمَ ثٜىٰمُسُ «كُتَڢِے كُواْعِنَ أَدُكَنْ دُونِيَا، كُيِ وَدُكَنْ یَنْ أَدَمْ شٜىٰلَرْ لَابَرِنَّنْ مَيْ دَاطِے؞

16دُكْ وَنْدَ يَبَادَ غَسْكِيَ، عَكَ كُمَيِ مَسَ بَڢْتِسْمَ، ذَيْسَامِ ثٜىٰتُواْ؞ عَمَّا دُكْ وَنْدَ يَڧِ بَادَ غَسْكِيَ ذَاعَ حُكُنْتَ شِ؞

17غَا أَبُبُوَنْ دَ مَاسُبِينَ ذَاسُيِ دُوانْ شَيْدَرْ غَسْكِيَرْسُ؞ عَثِكِنْ سُونَنَ ذَاسُ ڢِتَرْدَ أَلْجَنُ، ذَاسُ كُمَيِ مَغَنَ دَ سَابَبِّنْ هَرْسُنَ؞

18ذَاسُ طَوْكِ مَثِيظَيْ دَ حَنُّوَنْسُ؞ عِدَنْ كُمَ سُكَشَا دَڢِ، بَذَيْ يِمُسُ كُواْمٜىٰبَ؞ ذَاسُ كُمَسَا حَنُّوَنْسُ عَكَنْ مَرَسَ لَاڢِيَ، سُوَرْكٜىٰ؞»

19بَايَنْدَ عُبَنْ‌غِجِ عِيسَىٰ يَيِ مُسُ وَنَّنْ جَوَابِے، سَيْ عَكَ طَوْكٜىٰشِ عَكَ كَيْشِ ثِكِنْ سَمَ، يَذَوْنَ أَ حَنُّنْ دَامَ نَ اللَّهْ ؞

20أَلْمَجِرَنْ كُوَ سُكَ ڢِتَ، سُكَيِ تَوَعَظِ كُواْعِنَ؞ عُبَنْ‌غِجِ كُوَ يَيِ عَيْكِ تَرٜىٰدَسُو، يَنَ تَبَّتَرْ دَ غَسْكِيَرْ مَغَنَرْسُ تَوُرِنْ عَلَمُ مَاسُ بَنْ مَامَاكِنْدَ يَسَاسُ سُكَيِ تَرٜىٰدَ مَغَنَرْ؞]

← Chapter 15 Jump to: