Mark 6 — Hausa Arabic 2020 (أَتَّوْرَتْ دَ أَنَّبَاوَا)

1عِيسَىٰ يَبَرْ وُرِنْ يَكُواْمَ غَرِنْسَ، أَلْمَجِرَنْسَ كُوَ سُكَ تَڢِے تَرٜىٰدَشِ؞

2دَ رَانَرْ هُوتُ تَمَكُواْ تَيِ، سَيْ يَڢَارَ كُواْيَرْوَا أَ مَجَمِعَ؞ مُتَنٜىٰ دَيَوَ دَ سُكَ سَوْرَرٜىٰشِ، سُكَيِ مَامَاكِ سُنَ ثٜىٰوَ «إِنَا مُتُمِنَّنْ يَسَامِ وَطَنَّنْ أَبُبُوَ؟ وَثٜىٰ حِكِمَثٜىٰ عَكَ بَاشِ حَكَ حَرْ يَنَيِنْ أَبُبُوَنْ بَنْ مَامَاكِ؟»

3«وَنَّنْ بَشِينٜىٰ كَاڢِنْتَنَّنْبَ، طَنْ مَرْيَمُ، طَنْعُوَنْ سُو يَعْڧُوبَ دَ يُوسُڢَ دَ يَهُودَ دَ كُمَ سِيمَنْ؟ یَنْعُوَنْسَ مَتَ كُمَ بَ غَا سُو تَرٜىٰدَمُوبَ؟» سَيْ سُكَجِ هَوْشِنْسَ؞

4سَيْ عِيسَىٰ يَثٜىٰ مُسُ «أَيْ، أَنَّبِے بَايَ رَسَ دَرَجَ، سَيْدَيْ أَغَرِنْسَ دَ ثِكِنْ یَنْعُوَنْسَ دَ كُمَ مُتَنٜىٰنْ غِدَنْسَ؞»

5عِيسَىٰ بَيْ عِيَيِنْ وَنِ عَيْكِنْ بَنْ مَامَاكِ عَثَنْبَ، سَيْدَيْ يَوَرْكَرْدَ وَطَنْسُ مَرَسَ لَاڢِيَ كَطَنْ نٜىٰ كَوَيْ تَوُرِنْ تَٻَسُ؞

6يَيِ مَامَاكِ سَبُواْدَ رَشِنْ بَنْ‌غَسْكِيَرْسُ؞ سَيْ عِيسَىٰ يَظَظْذَاغَ ڧَوْيُكَ يَنَ كُواْيَرْوَا؞

7سَيْ يَكِرَا شَا بِيُنَّنْ، يَعَيْكٜىٰسُ بِيُ بِيُ، يَكُمَبَاسُ إِيكُواْ عَكَنْ ڧَظَامَنْ رُوحُواْحِ؞

8يَ عُمَرْثٜىٰسُ ثٜىٰوَ «كَدَ كُطَوْكِ وَنِ أَبُ دُواْمِنْ تَڢِيَرْ، كُواْ عَبِنْثِ، كُواْ جَكَ، كُواْ كُطِ مَا ءَأَلْجِهُنْكُ، سَنْدَا كَوَيْ ذَاكُ رِڧٜىٰ؞

9عَمَّا كُسَا تَاكَلْمِ، كَدَ كُمَ كُرِڧٜىٰ وَتَ رِغَا بَنْدَ وَدَّ تَكٜىٰ جِكِنْكُ؞

10دُكْ غِدَنْ دَ كُكَ سَوْكَ، كُذَوْنَ أَوُرِنْ حَرْ لُواْكَثِنْ دَ ذَاكُ بَرْ وَنَّنْ غَرِنْ؞

11دُكْ عِنْدَ بَعَ كَرْٻٜىٰكُبَ، عَكَ كُمَڧِ جِنْكُ، إِنْ ذَاكُ تَاشِ، سَيْ كُكَكَّٻٜىٰ ڧُورَرْ ڧَڢَاڢُنْكُ دُواْمِنْ يَذَمَ شَيْدَ عَكَنْسُ؞»

12حَكَ ڢَا سُكَتَاشِ، سُنَ وَعَظِ ثٜىٰوَ مُتَنٜىٰ سُتُوبَ؞

13سُكَ ڢِتَرْدَ أَلْجَنُ دَيَوَ، سُكَ كُمَ شَڢَاوَا مَرَسَ لَاڢِيَ دَيَوَ مَيْ، سُكَ كُمَ وَرْكَرْ دَسُو؞

14سَيْ سَرْكِے هِرُدُسْ يَجِ لَابَرِنْ، سَبُواْدَ سُونَنْ عِيسَىٰ يَبَظُو كُواْعِنَ؞ حَرْ وَطَنْسُ سُكَثٜىٰ «يَحْيَى مَيْ بَڢْتِسْمَ نٜىٰ عَكَ تَادَشِ دَغَ مَتَتُّو، شِے يَسَا يَكٜىٰدَ إِيكُوانْ يِنْ وَطَنَّنْ أَيُّكَنْ بَنْ مَامَاكِ؞»

15عَمَّا وَطَنْسُ سُكَثٜىٰ «أَنَّبِے إِلْيَاسُ نٜىٰ؞» وَطَنْسُ كُوَ سُكَثٜىٰ «أَعَ، وَنِ أَنَّبِے نٜىٰ دَبَمْ دَغَ ثِكِنْ أَنَّبَاوَنْ دَا؞»

16دَ هِرُدُسْ يَجِ مَغَنَرْ، سَيْيَثٜىٰ «أَيْ، يَحْيَى نٜىٰ، وَنْدَ نَثِرٜىٰ مَسَ كَيْ، عَكَ تَادَ شِ دَغَ مَتَتُّو!»

17غَمَا دَا هِرُدُسْ دَ كَنْسَ يَبَادَ عُمَرْنِ عَكَ كَمُواْ يَحْيَى، يَطَوْرٜىٰ شِ عَكُرْكُكُ؞ هِرُدُسْ يَيِ حَكَ سَبُواْدَ هِرُدِيَ، مَاتَرْ طَنْعُوَنْسَ ڢِلِبُسْ، وَدَّ شِ هِرُدُسْ يَ عَوْرَ؞

18دُوانْ دَا يَحْيَى يَيِ تَغَيَ وَ هِرُدُسْ ثٜىٰوَ «بَيْ كَمَاتَ كَعَوْرِ مَاتَرْ طَنْعُوَنْكَبَ؞»

19أَشٜىٰ، عِتَ هِرُدِيَ كُوَ تَنَ جِنْ ڢُشِنْ يَحْيَى أَ ذُوثِيَارْتَ، حَرْ تَاسُواْ تَكَشٜىٰشِ، عَمَّا بَتَسَامِ دَامَبَ،

20غَمَا هِرُدُسْ يَنَ ڟُواْرُوانْ يَحْيَى؞ يَسَنِ شِے مُتُمْ مَيْ أَدَلْثِے نٜىٰ، مَيْ ڟَرْكِے كُمَ، شِے يَسَا هِرُدُسْ يَرِڧٜىٰ يَحْيَى دَݣَوْ؞ يَكَنْ دَامُ دَيَوَ دُكْ لُواْكَثِنْ دَ يَحْيَى يَكٜىٰ مَغَنَ دَشِ، عَمَّا دُكْدَهَكَ يَكَنْجِ دَاطِنْ جِنْ مَغَنَرْسَ؞

21عَڧَرْشٜىٰ دَيْ تَسَامِ ظَرَڢِ؞ أَ رَانَرْ حَيْڢُوَرْ هِرُدُسْ، يَيِ بِكِ دُواْمِنْ هَكِمَنْسَ دَ سَرَاكُنَنْ يَاڧِنْسَ دَ كُمَ مَنْيَنْ غَلِيلِ؞

22دَ یَرْ هِرُدِيَ تَشِغُواْ تَيِ ضَوَ أَغَبَنْ هِرُدُسْ دَ بَڧِنْسَ، سُكَجِ دَاطِے ڨُورَيْ؞ سَيْ يَثٜىٰ «مٜىٰ كِكٜىٰسُواْ؟ كُواْمٜىٰ دَ كِكَ ضُواْڧَا، سَيْ إِنْ بَاكِ»؞

23حَرْ دَ ضَنْڟُوَا، سَرْكِے يَثٜىٰ وَيَارِنْيَرْ «دُكْ أَبِنْدَ كِكَ ضُواْڧَا ذَنْبَاكِ، كُواْ دَ رَبِنْ مُلْكٍ نٜىٰ؞»

24سَيْ تَڢِتَ تَثٜىٰ وَمَامَرْتَ «مٜىٰ ذَنْ ضُواْڧَا؟» مَامَرْ تَثٜىٰ «كَنْ يَحْيَى مَيْ بَڢْتِسْمَ؞»

25نَنْ دَ نَنْ تَغُدُ تَكُواْمَ وُرِنْ سَرْكِے تَثٜىٰ «إِنَ سُواْ يَنْذُ يَنْذُ كَبَانِ كَنْ يَحْيَى مَيْ بَڢْتِسْمَ عَثِكِنْ ݣُونُواْ؞»

26دَجِنْ وَنَّنْ، سَرْكِے يَدَامُ ڨُورَيْ، عَمَّا سَبُواْدَ ضَنْڟُوَارْدَ يَارِغَا يَايِ دَ كُمَ بَڧِنْسَ، بَيْسُواْ يَحَنَ مَتَبَ؞

27سَيْ يَعَيْكِ دُواْغَرِنْسَ دَ عُمَرْنِ يَكَٰوُاْ كَنْ يَحْيَى؞ مُتُمِنْ كُوَ يَتَڢِے يَثِرٜىٰ كَنْ يَحْيَى عَكُرْكُكُ؞

28يَكَٰوُاْ عَثِكِنْ ݣُونُواْ، يَبَا يَارِنْيَرْ، عِتَ كُوَ تَبَا مَامَرْتَ؞

29دَ أَلْمَجِرَنْ يَحْيَى سُكَجِ لَابَرِنْ، سَيْ سُكَذُواْ سُكَ طَوْكِ غَاوَرْسَ، سُكَبِنّٜىٰ؞

30مَنْذَنِّےنْ دَ عِيسَىٰ يَعَيْكَ أَدَا سُكَ كُواْمُواْ وُرِنْسَ، سُكَ ڢَطَا مَسَ دُكَنْ أَبُبُوَنْ دَ سُكَيِ دَ أَبِنْدَ سُكَ كُواْيَرْ؞

31غَاشِ كُوَ مُتَنٜىٰ دَيَوَ سُنَ تَكَيْوَ دَ كَٰوُاْوَ، حَرْ مَنْذَنِّےنْ بَسُ سَامِ دَامَرْ ثِنْ عَبِنْثِبَ، سَيْيَثٜىٰ مُسُ «كُذُواْ مُتَڢِے وُرِنْ دَ بَا كُواْوَ، دُوانْ كُطَنْ هُوتَ؞»

32سَيْ سُكَ شِغَ جِضْغٍ ضُوَ سُكَ تَڢِے وُرِنْدَ بَا كُواْوَ، سَيْ سُو كَطَيْ؞

33عَمَّا دَسُكٜىٰ بَرِنْ وُرِنْ، وَطَنْسُ مُتَنٜىٰ دَيَوَ سُكَ غَنْسُ، سُكَ كُمَ غَانٜىٰسُ؞ سَيْ سُكَبِے تُدُ سُنَ تَغُدُ دَ ڧَڢَا دَغَ غَرُرُوَ دُكَ، سُكَ رِغَاسُ ذُوَا؞

34دَسَوْكَرْ عِيسَىٰ سَيْ يَغَ تَارُواْ مَيْ يَوَ، يَكُمَجِ تَوْسَيِنْسُ، دُواْمِنْ سُنَ كَمَرْ تُمَكِنْ دَ بَاسُدَ مَكِيَايِ؞ سَيْ يَڢَارَ كُواْيَ مُسُ أَبُبُوَ دَيَوَ؞

35كُسَنْ ڢَاطُوَرْ رَانَ سَيْ أَلْمَجِرَنْسَ سُكَذُواْ وُرِنْسَ، سُكَثٜىٰ مَسَ «وَنَّنْ وُرِے ڢَا بَا كُواْوَ؞ غَاشِ كُوَ رَانَ تَكُسَنْ ڢَاطُوَ؞

36كَسَلَّمِ مُتَنٜىٰنْ سُشِغَ كَرْكَرَ دَ ڧَوْيُكَ نَكُرْكُسَ، سُسَيَ وَكَنْسُ أَبِنْدَ ذَاسُثِ؞»

37عَمَّا عِيسَىٰ يَأَمْسَ مُسُ يَثٜىٰ «كُو دَيْ، كُبَاسُ وَنِ أَبُ سُثِ مَنَ؞» سَيْ سُكَثٜىٰ مَسَ «وَتُواْ مُجٜىٰ مُسَيُواْ عَبِنْثِ نَكُطِنْ دَ عَكٜىٰ بِيَنْ لٜىٰبُرَ يِنِ طَرِے بِيُ، مُثِيَرْ دَسُو؟»

38يَثٜىٰ مُسُ «غُرَاسَ نَوَ كُكٜىٰ دَسُو؟ كُجٜىٰ كُدُوبَ؞» دَ سُكَ بِنْثِكَ سُكَثٜىٰ «غُرَاسَ بِيَرْ نٜىٰ دَ كِيڢِ بِيُ؞»

39سَعَنً عِيسَىٰ يَسَا أَلْمَجِرَنْسَ سُسَا مُتَنٜىٰنْ سُذَوْنَ ڧُنْ‌غِيَ ڧُنْ‌غِيَ أَطَنْيَرْ ثِيَوَ؞

40سَيْ سُكَ ذَوْنَ ڧُنْ‌غِيَ ڧُنْ‌غِيَ، وَطَنْسُ طَرِے طَرِے، وَطَنْسُ كُمَ حَمْسِنْ حَمْسِنْ؞

41دَ يَطَوْكِ غُرَاسَ بِيَرْ طِنْ دَ كِيڢِ بِيُنْ، سَيْ يَطَغَ كَيْ سَمَ، يَيِ غُواْدِيَ غَ اللَّهْ ، يَرَرَّبَ، يَيِتَبَا أَلْمَجِرَنْ، سُنَ كَيْوَ مُتَنٜىٰنْ؞ يَكُمَ رَبَوَ دُكَنْ مُتَنٜىٰنْ كِيڢِنَّنْ بِيُ؞

42دُكَ كُوَ سُكَثِ سُكَ ڧُواْشِ،

43حَرْ سُكَ تَتَّارَ غُڟَڟَّرِنْ غُرَاسَرْ دَ كِيڢِنْ، عَكَ سَامِ ݣُونْدُواْ غُواْمَشَا بِيُ ثِكٜىٰ؞

44يَوَنْ مُتَنٜىٰنْ دَ سُكَثِ وَنَّنْ عَبِنْثِ كُوَ مَظَا دُبُو بِيَرْ نٜىٰ؞

45نَنْ دَنَنْ عِيسَىٰ يَسَا أَلْمَجِرَنْسَ سُشِغَ جِضْغٍ ضُوَ سُرِغَاشِ حَيٜىٰوَ ذُوَا بٜىٰڟَيْدَ، شِيكُمَ يَسَلَّمِ تَارُوانْ؞

46بَايَنْدَ يَسَلَّمٜىٰسُ، سَيْيَهَوْ وَنِ تُدُ دُواْمِنْ يَيِ أَدُّعَ؞

47دَرَانَ تَڢَاطِ، جِضْغٍ يَنَ ڟَكِيَرْ تٜىٰكُ، عِيسَىٰ كُوَ يأَنَانً عَكَنْ تُدُ شِے كَطَيْ؞

48دَيَغَ سُنَ ڢَامَ دَ تُوڧِ، دُواْمِنْ إِسْكَ تَنَ غَابَادَسُو، مِصَالِنْ ڧَرْڢٜىٰ عُكُ نَدَرٜىٰ، سَيْغَاشِ يَنَ ذُوَا وُرِنْسُ، يَنَ تَاكَاوَ عَكَنْ ضُوً تٜىٰكُ؞ يَيِ كَمَرْ ذَيْ وُثٜىٰسُ؞

49عَمَّا دَ سُكَ غَنْشِ يَنَ تَڢِيَ عَكَنْ ضُوً، سَيْ سُكَيِ ڟَمَّنِ ڢَتَلْوَثٜىٰ، سُكَيِ إِيهُ،

50دُواْمِنْ دُكْ سُنْ غَنْشِ، سُكَ ڢِرْغِتَ؞ سَيْ نَنْ دَنَنْ يَيِ مُسُ مَغَنَ يَثٜىٰ «كَدَ كُدَامُ! نِنٜىٰ، كَدَ كُجِڟُواْرُواْ!»

51سَعَنً يَشِغَ ثِكِنْ جِضْغٍ دَسُو، إِسْكَرْ كُمَ تَݣُونْتَ؞ سَيْ مَامَاكِ يَكَامَسُ ڨُورَيْ،

52سَبُواْدَ بَسُسَنْ مٜىٰنٜىٰنٜىٰ مَعَنَرْ ثِيَرْدَ مُتَنٜىٰ دُبُو بِيَرْ نَنْبَ، غَمَا ذُوثِيَارْسُ بَتَڢَهِمْثِ مَعَنَرْبَ؞

53سَعَدَّ عِيسَىٰ دَ أَلْمَجِرَنْسَ سُكَ ڧٜىٰتَرٜىٰ تٜىٰكُنْ، سُكَ سَوْكَ عَيَنْكِنْ جَنِيسَرَتْ، سُكَ طَوْرٜىٰ جِضْغٍ عَبَاكِنْ تٜىٰكُنْ؞

54دَ ڢِتَرْسُ دَغَ جِضْغٍ ضُوً، سَيْ نَنْ دَنَنْ مُتَنٜىٰ سُكَ غَانٜىٰ، أَشٜىٰ، عِيسَىٰ نٜىٰ؞

55سُكَ يِتَغُدُ دَغَ كُواْعِنَ عَثِكِنْ يَنْكِنْ، سُكَيِ تَكَٰوُاْ مَرَسَ لَاڢِيَ عَكَنْ أَبِنْ ݣُونْثِيَرْسُ ذُوَا دُكْ عِنْدَ سُكَجِ عِيسَىٰ يَكٜىٰ؞

56دُكْ عِنْدَ يَتَڢِے كُمَ، بِرْنِ كُواْ ڧَوْيٜىٰ كُواْ ڢِيلَيٜىٰنْ ڧَوْيٜىٰ، سُكَنْ ݣُونْتَرْدَ مَرَسَ لَاڢِيَ عَبَاكِنْ كَاسُوَ، سُضُواْڧٜىٰشِ يَيَرْدَ مَرَسَ لَاڢِيَرْ سُتَٻَ كُواْ دَ بَاكِنْ رِغَرْسَ مَا؞ دُكَنْ وَطَنْدَ سُكَ تَٻَشِ كُوَ سُكَ وَرْكٜىٰ؞