bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Ecclesiastes 1
Ecclesiastes 1
Ilonggo (Maayong Balita nga Biblia (2012))
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
1
Amo ini ang mga ginsiling sang Manugwali nga anak ni David, ang hari sa Jerusalem.
2
Ang kabuhi wala sing kapuslanan, wala gid sing kapuslanan, ang siling sang Manugwali. Wala sing kapuslanan, ang tanan wala gid sing kapuslanan.
3
Nagapangabudlay ka sa bug-os mo nga kabuhi, nagahimakas, kag ano bala ang makuha mo sini?
4
Ang mga kaliwatan nagaabot kag nagataliwan, pero ang kalibutan amo man sa gihapon.
5
Ang adlaw nagabutlak kag nagatunod sa gihapon, kag nagadali sa pagbalik sa lugar diin magasugod ini liwat.
6
Ang hangin nagahuyop sa bagatnan, nagahuyop sa aminhan, nagabuyong-buyong ini kag nagabalik liwat.
7
Ang tubig sa tanan nga suba nagailig sa dagat, pero ang dagat wala nagakapuno. Ang tubig nagabalik sa mga suba sa diin ini naghalin, kag nagailig ini liwat.
8
Ang tanan nga butang nagapalapyo sa tawo, ang pagkalapyo nga indi masaysay. Ang aton mga mata indi mabusog sang ila ginatan-aw, kag ang aton mga dulonggan indi maayawan sang ila ginapamatian.
9
Ang natabo sang una matabo man liwat. Ang nahimo sang una pagahimuon liwat. Wala sing bag-o nga butang sa bug-os nga kalibutan.
10
Nagasiling sila, “Tan-awa, yari ang bag-o nga butang!” Indi ina matuod! Yara na ina sang una, sang wala pa kita matawo.
11
Wala sing may nagadumdom sang natabo sang nagliligad, kag sa mga adlaw nga palaabuton wala sing may magadumdom sang matabo sumugod karon kag sa sadto nga tion.
12
Ako, ang Manugwali, naghari sa bug-os nga Israel didto sa Jerusalem.
13
Nagpamat-od ako sa pag-usisa kag sa pagtuon sang tanan nga mga butang nga ginahimo sa sini nga kalibutan. Ang Dios naghatag sa aton sing mapait nga kapalaran.
14
Nakita ko ang tanan nga ginahimo sa sini nga kalibutan, kag sugiran ko ikaw, nga ang tanan wala sing kapuslanan. Daw pareho lang nga nagalagas ikaw sang hangin.
15
Ang tiko indi mo mapatadlong kag indi mo maisip ang mga butang nga wala dira.
16
Nagsiling ako sa akon kaugalingon, “Nanginbantog ako nga tawo kag labi pa kaalam sa bisan kay sin-o nga naggahom una sa akon sa Jerusalem. Nahibaluan ko kon ano gid ang kaalam kag ihibalo.”
17
Nagpamat-od ako sa paghibalo sang kinatuhay sang ihibalo kag kabuangan, kaalam kag pagkabuangbuang. Pero akon nasapwan nga daw pareho lang ini nga nagalagas man ako sang hangin.
18
Kon nagadugang ang imo kaalam, nagadugang man ang imo palaligban. Kon nagadugang ang imo nahibaluan, nagadugang man ang imo kasakit.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
All chapters:
1
2
3
4
5
6
7
8
9
10
11
12