bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Ecclesiastes 10
Ecclesiastes 10
Ilonggo (Maayong Balita nga Biblia (2012))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
1
Ang patay nga mga langaw nagapabaho sang isa ka botelya nga agwa, kag ang diutay nga kabuangan nagapierde sang labing daku nga kaalam.
2
Kinaugali sang maalam nga tawo ang paghimo sang matarong, kag sang buangbuang sa paghimo sing sayop.
3
Ang iya kabuangan indi matago bisan sa mga dumoluong nga iya masugata kag ginapahibalo niya ang tanan nga buangbuang sia.
4
Kon ang imo pangulo maakig sa imo, indi pagbayai ang imo palangakuan. Ang dalagku nga mga sayop ayhan mapatawad kon magpakalinong ka lang.
5
Amo ini ang indi husto nga nakita ko sa kalibutan nga ginahimo sang mga pangulo.
6
Ang buangbuang nga mga tawo ginahatagan sang mataas nga mga palangakuan, samtang ang mga manggaranon wala ginasapaka.
7
Nakita ko nga ang mga ulipon amo ang nagasakay sa kabayo samtang ang mga prinsipe nagalakat nga daw mga ulipon.
8
Kon magkutkot ka sing buho, mahulog ka sa sini. Kon magguhab ka sa pader sa pagsulod, ang man-og magabuntog sa imo.
9
Kon maglukat ka sing bato, mapilas ka sini. Kon magbial ka sing kahoy, may katalagman ka nga mapilas.
10
Kon ang imo wasay mahabol kag wala mo ginabaira ini, dapat ka magpangusog sing tudo sa imo paggamit sini. Mas maayo ang magplano nga daan.
11
Wala sing pulos ang imo ihibalo sa pag-anta sang man-og kon nabuntog na niya ikaw.
12
Ang ginahambal sang maalam nga tawo nagahatag sa iya sing kadungganan, pero ang buangbuang ginaguba sang iya kaugalingon nga mga pulong.
13
Nagasugod sia sang binuang nga hambal, kag ang maabutan niya matuodtuod nga kabuangan.
14
Ang buangbuang nagapadaray lang sing hambal. Wala sing may nakahibalo kon ano ang madason nga mahanabo, kag wala sing may makasugid sa aton kon ano ang mahanabo sa tapos kita mapatay.
15
Ang tawo lamang nga buangbuang nga indi na makatultol sa pagpauli amo ang nagapatay sang iya kaugalingon sa pagpangabudlay.
16
Ang isa ka pungsod yara sa katalagman kon ang iya hari isa ka bata, kag kon ang iya mga pangulo magkinaon kag mag-ininom sa bug-os nga gab-i.
17
Ang isa ka pungsod mapalaron nga makaangkon sang isa ka hari nga makahimo sang iya mga desisyon, kag may mga pangulo nga nagakaon sa nagakaigo nga tion, nga nagapugong sang ila kaugalingon kag wala nagapahuboghubog.
18
Kon ang isa ka tawo tama katamad sa pagkaayo sang iya atop, magatulo ini, kag ang balay marusdak.
19
Ang pagkinaon nagalipay sa imo kag ang bino nagahatag sa imo sing kasadya, pero indi ka makatilaw sini kon wala ka sing kwarta.
20
Indi pagpakamalauta ang hari, bisan sa tago lang, kag indi pagpakamalauta ang manggaranon, bisan sa imo kwarto. Kay basi ang isa ka pispis magdala kag magsugid sang imo ginsiling.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
All chapters:
1
2
3
4
5
6
7
8
9
10
11
12