bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Ecclesiastes 6
Ecclesiastes 6
Ilonggo (Maayong Balita nga Biblia (2012))
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 7 →
1
Natalupangdan ko nga sa sini nga kalibutan wala nagakaigo ang ginahimo sa tawo nga daw indi niya mabatas.
2
Ang Dios nagahatag sa isa ka tawo sing manggad, kadungganan, kag pagkabutang, huo, ang tanan nga luyag sang tawo, pero wala sia paghatagi sang Dios sing kahigayunan sa pagpangalipay sini. Sa baylo, ang dumoluong amo ang magapangalipay sini. Wala ini sing kapuslanan, kag indi ini matarong.
3
Ayhan ang isa ka tawo makapamata sing 100, kag magkabuhi sing malawig, pero bisan daw ano kalawig sang iya pagkabuhi, kon wala sia sing kalipay, kag kon indi dungganon ang paglubong sa iya, ti makasiling ako nga ang bata nga natawo nga patay mas maayo pa sang sa iya.
4
Wala sing pulos ang pagkatawo sang bata kay nagakadto sia sa kadudulman, sa diin sia wala na ginadumdom.
5
Wala gid sia makakita sang kapawa sang adlaw, ukon makahibalo kon daw ano ang kabuhi, pero nakapahuway na sia.
6
Mas maayo pa sia sang sa tawo nga wala gid makapangalipay sa iya pagkabuhi, bisan nga ayhan magkabuhi sia sing 2,000 ka tuig. Kon sa bagay, sila nga duha magakadto sa amo man nga lugar.
7
Ang tawo nagapangabudlay agod may kaunon, pero ginakulang man sia gihapon.
8
Ano bala ang kinaayo sang maalam nga tawo sang sa buangbuang? Ano nga kinaayo ang mahatag sa imol nga tawo kon makahibalo sia sa pag-atubang sang kabuhi?
9
Wala ini sing kapuslanan, kaangay ini sang nagalagas ka sa hangin. Mas maayo pa nga magkuntento ka sang yara lang sa imo sang sa magsagad ka handom sang iban pa.
10
Ang bisan ano nga nagakatabo napat-od na nga daan, kag kita tanan nakahibalo nga ang isa ka tawo indi makasuay sa tawo nga mas makusog pa sang sa iya.
11
Sa nagalawig ang imo pagpakigsuay, labi nga wala pulos ini, kag wala ini nagahatag sa imo sing kaayuhan.
12
Ano ang pagkahibalo sang tawo kon ano ang labing maayo sa iya sa sining malip-ot kag wala pulos nga kabuhi niya, ang kabuhi nga umalagi lang kaangay sang landong? Ano ang pagkahibalo sang tawo sang matabo sa kalibutan sa tapos sia mapatay?
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 7 →
All chapters:
1
2
3
4
5
6
7
8
9
10
11
12