bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Ecclesiastes 8
Ecclesiastes 8
Ilonggo (Maayong Balita nga Biblia (2012))
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
1
Ang maalam lamang nga tawo amo ang nakahibalo kon ano gid ang kahulogan sang mga butang. Ang kaalam nagapanayanaya sang iya guya, kag nagakuha sang iya pagkurisong.
2
Tumana ang ginasiling sang hari, kag indi ka magdasudaso sa pagsaad sa Dios.
3
Ang hari makahimo sang bisan ano nga luyag niya, gani maghalin ka sa iya atubang kag indi ka magtener sa sinang makatalagam nga lugar.
4
Ang hari may awtoridad sa ginahimo niya, kag wala sing may makapamatok sang iya ginahimo.
5
Basta nga ginatuman mo ang iya mga ginamando indi ka maano, kag ang maalam nga tawo nakahibalo sang nagakaigo nga tion kag nagakaigo nga paagi sang paghimo sini.
6
May nagakaigo nga tion kag nagakaigo nga paagi sang paghimo sang bisan ano, pero diutay lang ang aton nahibaluan!
7
Wala sing bisan sin-o sa aton ang nakahibalo kon ano ang matabo, kag wala sang may makasugid sa aton.
8
Wala sing may makalikaw sa kamatayon, ukon makapaisol sang adlaw sang iya kamatayon. Amo ini ang inaway nga indi kita makapalagyo. Indi kita makadaya sa paglikaw sini.
9
Nakita ko ini tanan sang magpanumdom ako nahanungod sang mga butang nga ginahimo sa sini nga kalibutan sa diin ang pila ka mga tawo may gahom, kag ang iban nagaantos sa idalom nila.
10
Huo, nakita ko ang malaut nga mga tawo nga ginlubong sa ila mga lulobngan, pero sang pagpalauli sang mga naglubong, gindayaw nila ang mga ginlubong sa siudad mismo sa diin sila naghimo sang ila kalautan. Wala ini sing kapuslanan.
11
Ngaa bala ang mga tawo wala mahadlok maghimo sing mga sala? Tungod kay ang sala wala ginasiluti gilayon.
12
Ang isa ka makasasala makahimo sing 100 ka sala kag nagakabuhi man sia gihapon. Nahibaluan ko ang ginasiling nila: “Kon magtahod ka sa Dios, ang tanan manginmaayo,
13
pero indi ini maayo para sa malaut. Ang ila kabuhi kaangay sang landong, kag mapatay sila samtang pamatan-on pa, tungod kay wala sila nagatuman sa Dios.”
14
Pero kabuangan ini. Tan-awa ang nagakatabo sa kalibutan: kon kaisa ang matarong nga mga tawo amo ang nagabaton sang silot para sa malaut nga mga tawo kag ang malaut amo ang nagabaton sang balos para sa matarong. Nagasiling ako nga wala ini sing kapuslanan.
15
Gani, maayo pa nga ang tawo magkasadya, tungod kay ang iya lamang kalipay sa sini nga kabuhi amo ang pagkaon kag ang pag-inom, kag ang pagpangalipay. Amo ini ang mahimo niya samtang nagapangabudlay sia sa malip-ot nga kabuhi nga ginhatag sang Dios sa iya sa sini nga kalibutan.
16
Kon magtinguha ako nga magmaalam, kag maghibalo sang nagakatabo sa kalibutan, natalupangdan ko nga bisan magpulaw ka sa adlaw kag gab-i,
17
pero indi ka gid makahangop sang ginahimo sang Dios. Bisan daw ano ang pagtinguha mo, indi ka gid makahibalo sing bug-os. Ang maalam nga mga tawo ayhan makasiling nga nahibaluan nila, pero wala sila makahibalo.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
All chapters:
1
2
3
4
5
6
7
8
9
10
11
12