bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Matthew 11
Matthew 11
Ilonggo (Maayong Balita nga Biblia (2012))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 12 →
1
Sa tapos matudloan ni Jesus ang iya dose ka mga gintuton-an kon ano ang ila himuon, naghalin sia sa sadto nga lugar sa pagpanudlo kag pagwali sa malapit nga mga banwa didto.
2
Si Juan nga manugbautiso ginbilanggo sa sadto nga tion. Sang nakabati sia nahanungod sang mga hinimuan sang Cristo, ginpadala niya ang iban sang iya mga gintuton-an kay Jesus.
3
Nagpamangkot sila, “Sugiri kami, ikaw bala ang ginsiling ni Juan nga magaabot, ukon magapaabot pa kami sing lain?”
4
Si Jesus nagsabat, “Balik kamo kag sugiri ninyo si Juan sang inyo nabatian kag nakita:
5
ang mga bulag makakita, ang mga piang makalakat, ang mga aruon ginaayo, ang mga bungol makabati, ang mga patay ginabanhaw, kag ang Maayong Balita ginawali sa mga imol.
6
Daw ano ka malipayon ang tawo nga wala nagapangduhaduha sa akon!”
7
Sang paghalin na sang mga gintuton-an ni Juan, si Jesus nagsiling sa mga tawo nahanungod kay Juan: “Ano ang ginapaabot ninyo nga makita sang pagkadto ninyo kay Juan didto sa desierto? Tigbaw bala nga ginahapayhapay sang hangin?
8
Ano bala ang ginkadto ninyo nga tan-awon? Isa bala ka tawo nga nagabayo sing malahalon? Ang mga tawo nga nagabayo sang kasubong sina nagaestar sa mga palasyo!
9
Sugiri ninyo ako, ano gid bala ang inyo ginkadto agod tan-awon? Isa bala ka propeta? Huo, nagasiling ako sa inyo, labi pa sang sa isa ka propeta ang inyo nakita.
10
Kay si Juan amo ang ginatumod sini nga kasulatan: ‘Ipadala ko ang akon mensahero nga magauna sa imo kag magaaman sang imo alagyan.’
11
Dumdoma ninyo ini! Sa mga nagkalatawo wala na sing may magsobra pa sang sa kay Juan nga manugbautiso. Pero ang labing diutay sa Ginharian sang langit mas daku pa sang sa iya.
12
Sugod sang pagwali ni Juan nga manugbautiso tubtob sa sini nga adlaw ang Ginharian sang langit nag-antos sa mapintas nga mga paghingabot, kag ginaagaw ini sang mapintas nga mga tawo sa pakusog.
13
Ang tanan nga mga propeta kag ang Kasugoan ni Moises nagtagna nahanungod sang Ginharian sang langit tubtob sa panahon ni Juan.
14
Kon buot kamo magpati sang ila mensahe, si Juan amo si Elias nga gintagna nga magaabot.
15
Gani, magpamati kamo kon may mga dulonggan kamo!
16
“Karon, sa ano ko bala ipaanggid ang mga tawo sa sini nga mga inadlaw? Kaangay sila sang mga kabataan nga nagapinungko sa tiendahan kag nagasinggitanay,
17
‘Nagtukar kami sa inyo sing plawta, pero wala kamo magsaot! Naghaya kami, pero wala kamo maghibi!’
18
Sang nag-abot si Juan, nagpuasa sia kag wala mag-inom sing bino, kag nagsiling sila, ‘Ginagamhan sia sang demonyo!’
19
Sang nag-abot ang Anak sang Tawo, nagkaon kag nag-inom sia, kag nagsiling sila, ‘Tan-awa ninyo ini nga tawo! Palakaon sia kag palahubog, abyan sang mga manugsukot sang buhis kag sang iban nga mga makasasala!’ Pero ang kaalam sang Dios mapamatud-an paagi sa mga binuhatan sini.”
20
Dayon ginpangkondenar ni Jesus ang mga banwa sa diin naghimo sia sang kalabanan sang iya mga milagro tungod kay ang mga tawo didto wala maghinulsol sang ila mga sala.
21
“Makaluluoy ka man, Corazin! Makaluluoy ka man, Betsaida! Kay kon ang mga milagro nga ginhimo sa inyo ginhimo sa Tiro kag Sidon, dugay na kuntani ang mga tawo didto nagabayo sang sako kag nagbutang sing abo sa ila mga ulo sa pagpakita nga nagbiya sila sa ila mga sala!
22
Gani dumdoma ninyo nga sa Adlaw sang Paghukom, mas magamaluloy-on pa ang Dios sa mga tawo sang Tiro kag Sidon sang sa inyo!
23
Kag ikaw Capernaum luyag ka bala nga bayawon pa langit? Itagbong ka sa impierno! Kay kon ang mga milagro nga nahimo sa imo ginhimo sa Sodoma, kuntani ang Sodoma ara pa tubtob sa sini nga adlaw!
24
Dumdoma ninyo nga sa Adlaw sang Paghukom mas magamaluloy-on pa ang Dios sa Sodoma sang sa inyo!”
25
Sa sadto nga tion si Jesus nagsiling, “O Amay, Ginoo sang langit kag duta! Nagapasalamat ako sa imo tungod kay ginpahayag mo sa mga di-maalam ang gintago mo sa mga maalam kag sa may mataas nga mga tinun-an.
26
Huo, O Amay, kay amo ini ang imo nahamut-an nga himuon.
27
“Ang akon Amay nagtugyan sa akon sang tanan nga mga butang. Wala sing may nakakilala sa Anak luas ang Amay, kag wala man sing may nakakilala sa Amay luas ang Anak kag ang bisan sin-o nga luyag ipahayag sang Anak ang Amay.
28
“Palapit kamo sa akon, tanan kamo nga ginabudlayan kag ginabug-atan, kag papahuwayon ko kamo.
29
Itakod ang akon gota sa inyo kag magtuon kamo sa akon, tungod kay ako malulo kag mapainuboson sing tagipusoon, kag makapahuway kamo.
30
Kay ang akon gota nga ihatag sa inyo mahapos, kag ang akon karga mamag-an.”
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28