Numbers 1

Ilonggo (Maayong Balita nga Biblia (2012))

Jump to: Chapter 2 →

1Sa nahauna nga adlaw sang ikaduha nga bulan sa ikaduha nga tuig sa tapos ang mga tawo sang Israel makahalin sa duta sang Ehipto, ang Ginoo naghambal kay Moises didto sa Tolda sang iya presensya sa Desierto sang Sinai. Nagsiling sia:

2“Ikaw kag si Aaron kinahanglan magpangsenso sang mga tawo sang Israel, suno sa mga kabarangayan kag mga panimalay. Listahon ninyo ang mga ngalan sang tanan nga mga lalaki

3nga nagaedad sing baynte ka tuig paibabaw nga sarang makapakig-away para sa pungsod.

4Magpabulig ka sa isa ka pangulo sang barangay gikan sa tagsa ka tribo.”

5Amo ini ang mga lalaki nga mga pangulo sang ila mga tribo, nga ginpili gikan sa katilingban para sa sini nga bulohaton:

6Tribo Pangulo sang barangay Ruben Elizur, anak ni Sedeur Simeon Selumiel, anak ni Zurisadai Juda Naason, anak ni Aminadab Isacar Netanel, anak ni Zuar Zabulon Eliab, anak ni Helon Efraim Elisama, anak ni Amiud Manases Gamaliel, anak ni Pedazur Benjamin Abidan, anak ni Gideoni Dan Ahiezer, anak ni Amisadai Aser Pagiel, anak ni Ocran Gad Eliasaf, anak ni Deuel Neftali Ahira, anak ni Enan

7Sa bulig sining dose ka mga lalaki si Moises kag si Aaron

8nagtawag sing tingob sang bug-os nga katilingban sa nahauna nga adlaw sang ikaduha nga bulan kag naglista sang tanan nga mga tawo suno sa mga kabarangayan kag mga panimalay. Ang mga ngalan sang tanan nga mga lalaki nga nagaedad sing baynte ka tuig ukon labaw pa, ginlista kag gin-isip,

9suno sa ginsugo sang Ginoo. Sa Desierto sang Sinai ginlista ni Moises ang mga tawo.

10Ang mga lalaki nga nagaedad sing baynte ka tuig paibabaw nga makasarang sa pagpakig-away para sa pungsod ginlista ang ila mga ngalan suno sa kabarangayan kag panimalay halin sa tribo ni Ruben, ang panganay nga anak ni Jacob. Ang kadamuon nila amo ang masunod:

11Tribo Kadamuon Ruben 46,500 Simeon 59,300 Gad 45,650 Juda 74,600 Isacar 54,400 Zabulon 57,400 Efraim 40,500 Manases 32,200 Benjamin 35,400 Dan 62,700 Aser 41,500 Neftali 53,400 Kabug-osan: 603,550

12Ang mga Levita wala ginlista upod sa iban nga mga tribo, 48tungod kay ang Ginoo nagsiling kay Moises: 49“Kon magpangsenso kamo sang mga lalaki nga sarang makapakig-away para sa pungsod, indi ninyo pag-ilakip ang tribo ni Levi. 50Sa baylo himua ninyo ang mga Levita nga tulogyanan sang Tolda sang akon presensya kag sang tanan nga mga gamit sini. Sila amo ang magadala sini kag sang tanan nga mga gamit sini, magaalagad sa sini kag magapatindog sang ila mga tolda sa palibot sini. 51Kon maghalin na kamo sang inyo kampo, ang mga Levita magaguba sang Tolda kag magapatindog sini liwat sa tagsa ka bag-o nga kampo. Ang bisan sin-o nga iban nga magpalapit sa Tolda pagapatyon. 52Ang iban nga mga Israelinhon magapatindog sang kampo suno sa ila grupo, ang tagsa ka tawo upod sa iya grupo kag sa idalom sang iya kaugalingon nga bandera. 53Pero ang mga Levita magapatindog sang ila kampo sa palibot sang Tolda sang akon presensya sa pagbantay sini, agod nga wala sing isa nga makapalapit kag manginkabangdanan sang akon pagkaakig kag paghalit sa katilingban sang Israel.” 54Gani ang mga tawo sang Israel nagtuman sang tanan nga ginsugo sang Ginoo kay Moises.

Jump to: Chapter 2 →