bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Acts 11
Acts 11
Ika 2018 Bible
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 12 →
1
Omẹgụ, ndị-ozi ahụn pụ-ichẹn lẹ ndị ụka Judia ile nọ nụ nị ndị wụlẹni ndị Ju a nabanhangụọzị oku Osolobuẹ.
2
Ogẹn Pita gi nwan ru Jerusalẹm, ndị Ju kwa ugun kwerini Jesu nọ du ẹ kpemẹ,
3
sị, “Kị haịn i gi jẹn nke ndị kwalẹni ugun, sọndẹ wẹ ri ihiẹn-oriri?!”
4
Ya Pita nọ gi uri-uri kọwanị wẹ k'o dọn mẹ, sị,
5
“Ebe m rị e mẹ ekpere imẹ obodo Jọpa; ọ nọ kẹ sị ụran rọ bụ ẹlẹ ụran, m nọ hụn ọhụn: M nọ hụn ihiẹn nọ kẹ ẹkwa shịanị k'ọ gha elu-igwee lala nọkẹ sị wẹ dọdọn ẹ ntịn ẹnịnọ, ọ nọ ru ebe m rị.
6
E lekpọ m'a, m nọ hụn anụ ụkụ ẹnọ rị ichẹn-ichẹn lẹ anụ e ri anụ imẹ ẹ, lẹ ihiẹn ndị a rịnị lẹ nnụnụ e fe elu.
7
Ya kẹ m nọ nụ olu sị m, ‘Pita, lihi, gbu n'i ri.’
8
Kanị, m nọ sị, ‘Mba Di-nwọnni-ẹnyi, nị ihiẹn rụnị mọbụ ihiẹn ẹnyi a sọ abantuni m ọnụ.’
9
Kanị olu hụ a gha elu-igwee sịzị, ‘Ihiẹn Osolobuẹ mẹgụ n'ọ rị ọchan, akpọkwọl'a ihiẹn w'a sọ.’
10
Ihiẹnni e mẹpụ mgbe ẹtọ, wẹ nọ dọrị ihiẹn hụ ile shi elu-igwee.
11
“Ozigbo hụ, ikẹnnyẹ ẹtọ wẹ gha Sizaria zi ozi bịanị m nọ ru ụlọ ẹnyi rị.
12
Ya Mmọn-nsọ nọ sị m sọnmẹ wẹ, m'e tulẹ. Mmẹ lẹ ikẹnnyẹ isinni wụ umunẹ ẹnyi imẹ Kraịstị wị jẹn, ẹnyi nọ banye iwe okẹnnyẹ hụ.
13
Ọ nọ gwa ẹnyi k'o dọn hụn mmọn-ozi ohu turu iwe ẹ, sị a, ‘Zi ịhịan Jọpa d'a kpọha Saịmọnụ hụn w'a kpọ Pita.
14
O k'e zi i ozi yụ lẹ ikpụlọ i ile e gi nwọn nzụọpụha.’
15
Ogẹn m gi kumẹ, Mmọn-nsọ nọ hidankwasị wẹ k'o dọn hidankwasị ẹnyi isi-ibuzọ.
16
Ya m nọ nyanhan ihiẹn Di-nwọnni-ẹnyi ku: k'o dọn sị, ‘Mirin kẹ Jọnụ gi mẹ mirin-Chuku, kanị Mmọn-nsọ kẹ wẹ e gi mẹ ụnụ mirin-Chuku.’
17
O mẹ nwan nị Osolobuẹ ye wẹ oyiye ohu hụ o ye ẹnyi ogẹn ẹnyi gi kwerini Di-nwọnni-ẹnyi wụ Jesu Kristi, onyẹ kẹ m wụ hụn m'e gi gbọndọn Osolobuẹ!?”
18
A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”
19
Ndị ụka hụn gbayịya makẹ ukpokpo oku Stivini buhẹni ụka gbarukwọrị Finishịa, Saịprọsụ lẹ Antịọkụ, zikọ oziọma; kanị ndị Ju sụọ kẹ imẹrinmẹ wẹ zi oziọma.
20
Kanị, o nwọnghọ ikẹnnyẹ gha alị Saịprọsụ lẹ Saịrini lụaha imẹ ndị ụka gbayiyanị hụn ru nwan Antịọkụ, gwama ndị wụlẹni ndị Ju oku-Chuku, e zi wẹ ozi Di-nwọnni-ẹnyi wụ Jesu Kristi.
21
Makẹni ẹka Di-nwọnni-ẹnyi rị imẹ wẹ, ndị bu ọda nọ kweri, rogharị sọnmẹ Di-nwọnni-ẹnyi.
22
Ogẹn ndị ụka rị Jerusalẹm gi nụ a, wẹ nọ zi Banabasị Antịọkụ.
23
Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.
24
Banabasị wụ ezigbo ịhịan Mmọn-nsọ lẹ okukwe jun imẹ ẹ, nke wụnị ndị bugbu enwẹn wẹ ọda nọzị sọnmẹ Di-nwọnni-ẹnyi.
25
Ya kẹ Banabasị nọ jẹnmẹ Tasọsụ d'a chọ Sọlụ.
26
Ọ hụn a, ọ nọ wẹhẹ ẹ Antịọkụ. Uwẹ lẹ ndị ụka ahụn hụ e zu, wẹ hụ a kuzi igwerigwe, ọrọgbọ ahụa. Imẹ Antịọkụ kẹ wẹ nọ kpọma ndị nsọnmazụụn Kraịstị “Kristiansị,” ya wụ, “Ndị Nke Kraịstị.”
27
Ogẹn ahụn, o nwọn ndị-amụma gha Jerusalẹm bịa Antịọkụ.
28
Onyẹ ohu imẹ wẹ ẹfan a wụ Agabusu nọ lihi ọtọ, bu amụma ghahanị ikẹn Mmọn-nsọ, nị okẹn ụnwụn sikọ d'a mụgbarị ụwa ile. Amụmanị bụn ogẹn Klọdiọsụ gi kị alị-eze ndị Rom.
29
Ndị e sọn ụzọ Jesu nọ kwerigbama nị onyẹ-onyẹ jẹnkọ d'e wẹhẹ kẹ ẹka a han, nị wẹ zijẹnni ndị Ju kwerini Jesu hụn bi imẹ Judia.
30
Ya wẹ nọ nwan tụ ihiẹn kẹ wẹ dọn ku, we ihiẹn wẹ tụ ye Banabasị lẹ Sọlụ jẹnni ndị-isi ụka rị Jerusalẹm.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28