bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Acts 23
Acts 23
Ika 2018 Bible
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
1
Pọlụ nọ bu ẹnya tụma Ndị-isi Nkịkwama hụ, sị, “Umunẹ m, e giọlẹ m obi rị ọchan bi elu m idẹnya Osolobuẹ d'e ru tannị.”
2
Ya onyẹ-isi nchụn-ẹjan wụ Ananayasị nọ sị ndị nọkunmẹ Pọlụ fịan a ihiẹn ọnụ.
3
Ya Pọlụ nọ sị a, “Osolobuẹ k'a fịan yụ nwẹn ihiẹn, ụsụọ ẹjan rịlẹni mma wẹ te nzụn!! Ị gi nwan Iwu e kin m ikpe, bụ ị hụ a dan Iwu ebe ị nọ sị wẹ fịan m ihiẹn?!”
4
Ndị hụ nọchimẹ Pọlụ nọ sị a, “Egun a n'ị kpari onyẹ-isi nchụn-ẹjan Osolobuẹ?”
5
Pọlụ nọ sị, “Umunẹ m, amarịn m nị onyẹ-isi nchụn-ẹjan rọ; makẹni Ẹkụkwọ-nsọ sị, ‘Ekujalẹ oku onyẹ-ndu ụnụ.’ ”
6
Ogẹn Pọlụ gi hụn a nị ụfọdụ Ndị-isi Nkịkwama hụ wụ ndị itu Sadusi, ụfọdụ wụ ndị Itu-Farisi, o weshi olu elu, sị, “Umunẹ, m wụ onyẹ Farisi maị, nwa onyẹ Farisi! Wẹ rị e kpe m ikpeni makẹ olilẹnya m nwọn nị ndị nwụnhụnnị jẹnkọ d'e lihi!”
7
Ogẹn o gi ku okuni, ndị itu-Farisi lẹ ndị itu-Sadusi rị imẹ Ndị-isi Nkịkwama hụ nọ dọma ndọndọ, ọgwa nọ kebe.
8
Makẹni ndị Sadusi kweri nị ndị nwụnhụnnị ara lihi, ndị mmọn-ozi arị, mmọn arị. Kanị, ndị Farisi kweri nị wẹ ẹtịtọ rị arị.
9
Ọgbaghara e jun ọgwa hụ: ụfọdụ ndị-nkuzi Iwu rị itu Farisi e lihi ọtọ, dọ okuni, dọshi ẹ ikẹn, a sị, “Ẹnyi ahụnnị eje-ihiẹn okẹnnyẹni mẹ. Onyẹ ma kẹ mmọn mọbụ mmọn-ozi gwa a oku?!”
10
Ogẹn isusu hụ gi kẹnrẹn, egun nọ bịa onyẹ-isi agha kanị nị w'e d'a dọkịka Pọlụ, ya ọ nọ sị ndị-agha a wẹ d'e gi ikẹn napụha wẹ Pọlụ, wekin ẹ idumu ndị-agha.
11
Uhinhin hụ, Di-nwọnni-ẹnyi nọ pụha d'e wuzo ihun Pọlụ, sị a, “Kwọndọn obi i, n'o nwọnni ihiẹn k'a napụ ị ashịalẹni m ẹri imẹ Rom k'i dọn nwan shịanị m'a imẹ Jerusalẹm ebeni.”
12
Eki e fọn ụtụntụn, ụfọdụ ndị Ju nọ zugbama, kun Osolobuẹ, sị erikọ wẹ, arakọ wẹ, d'e ru ni e gbugụ wẹ Pọlụ.
13
Wẹ karị madụ ọgụnnaị zu izuni.
14
Ya wẹ nọ jẹnburu Ndị-isi nchụn-ẹjan lẹ Ndị-isi, sị wẹ, “Ẹnyi e kungụọ Osolobuẹ kwe nkwa nị ẹnyi erikọ ihiẹn ọwụlẹ d'e ru ni ẹnyi e gbugụ Pọlụ.
15
Ụnụ lẹ Ndị-isi Nkịkwama, zi ni nwan ozi jẹnni onyẹ-isi agha kanị, n'o wẹhẹni ụnụ Pọlụ. Kun'ẹ nọkẹ sị ụnụ chọ nị ụnụ lebankẹnmẹ oku ẹ ẹnya; ẹnyi nwẹn a kwademẹgụọ nị ẹnyi gbu ẹ o gini d'e ru ebeni.”
16
Kanị okorọbịa ohu wụ nwa-nwẹnẹ Pọlụ okpoho a nụ oku eje-umẹni wẹ zu, ya ọ nọ shi idumu ndị-agha d'a gwa Pọlụ.
17
Pọlụ nọ kpọ onyẹ-isi agha nta ohu rị ebẹhụ, sị a, “We okorọbịanị jẹnni onyẹ-isi agha kanị, n'o nwọn ihiẹn o k'a gwa a.”
18
Onyẹ-isi agha nta hụ nọ weri okorọbịa hụ d'e kunrun onyẹ-isi agha kanị, sị, “Onyẹ-ngan wụ Pọlụ kpọ m, sị m wẹhẹn'i nwata-okẹnnyẹni n'o nwọn ihiẹn o k'a gwa ị.”
19
Onyẹ-isi agha hụn kanị nọ kwọndọn nwata hụ ẹka, we ẹ shi ụsụọ, jụma a, “K'i nwọn y'a gwa m?”
20
Ọ nọ sị a, “Ndị-ndu ndị Ju e kwerigbamagụọ nị wẹ k'a sị ị wẹhẹ Pọlụ Ọgwa Ndị-isi Nkịkwama ekile, nọkẹ sị ndị-isi chọ nị wẹ lebankẹnmẹ oku ẹ ẹnya.
21
Kanị, egọnkwọlẹ wẹ ntịn, makẹni ikẹnnyẹ wẹ karị ọgụnnaị warị ọfịa e che ẹ. E kungụọ wẹ Osolobuẹ, nị erikọ wẹ, arakọ wẹ d'e ru mgbe wẹ gbugụ a; a kwademẹgụọ wẹ nwan e che n'i kweri wẹhẹ ẹ.”
22
Onyẹ-ndu agha kanị nọ sị a, “Agwakwọlẹ onyẹ ọwụlẹ nị y'a gwagụọ m.” Ya ọ nọ sị okorọbịa hụ lama.
23
Ya onyẹ-isi agha kanị nọ kpọ ndị-isi agha nta ẹbụọ a kị ndị agha ọgụn-isẹn, ọgụn-isẹn, sị wẹ, “Kwademẹ ni nị ụnụ jẹn Sizaria: weri ni ndị-agha ọgụn-iri e gi ụkụ e jẹn, ndị-agha iri kwasị ọgụn-ẹtọ e gi ẹshin a lụ agha lẹzi ndị-agha ọgụn-iri e gi obo a lụ agha. Kwademẹ ni nị ụnụ gi ọkụrọkụ itenẹi ukinkinni jẹnmẹ;
24
kwademẹ ni ni Pọlụ ẹshin o k'e nyin, ụnụ e du ẹ jẹnni Gọvanọ wụ Fẹlisi; anịkwọlẹ ni ihiẹn ọwụlẹ mẹ ẹ.”
25
Ya onyẹ-isi agha kanị nọ de ẹkụkwọ-ozini:
26
“Mmẹ, Klọdiọsụ wụ Laịsịasị rị e dejẹnni Gọvanọ wụ Fẹlisi; e kele m'i.
27
Ndị Ju kwọndọn okẹnnyẹni, a chọ nị wẹ gbu ẹ. Ogẹn m gi marịn nị nwa-di-alị Rom rọ, ya m nọ weri ndị-agha d'a gbapụha a.
28
Makẹni m chọ nị m marịn ihiẹn wẹ rị a man'a ikpe, m nọ we ẹ jẹn Ọgwa Ndị-isi Nkịkwama wẹ.
29
A hụn m'a nị oku Iwu wẹ kẹ wẹ rị a man'a ikpe; n'o nwọnni ihiẹn o mẹ hụn w'e gi tụ a ngan mọbụ gbu ẹ.
30
Ogẹn ozi gi ru m ntịn nị wẹ zun'ẹ eje-umẹ, m nọ sị nị m zihẹ n'i y'ẹ ozigbo. A gwagụọ m ndị-ikpe ẹ d'e kunrun i, nị wẹ nọ idẹnya ị ku ihiẹn wẹ sị nị ya k'o mẹ.”
31
Ya kẹ ndị-agha hụ nọ mẹ ihiẹn o ku, gi uhinhin we Pọlụ shikwọrị Antipatrisi,
32
eki e fọn, ndị gi ụkụ nọ lakin, hapụ ndị gi ẹshin nị wẹ lẹ Pọlụ wịrị.
33
E ru wẹ Sizaria, wẹ nọ we ẹkụkwọ-ozi hụ ye Gọvanọ, we Pọlụ ye ẹ.
34
Ọ gụngụ ẹkụkwọ-ozi hụ, ọ nọ jụ Pọlụ kẹ elee Ẹgbẹrẹ k'ọ wụ imẹ alị-eze Rom. Ogẹn o gi nụ nị onyẹ Ẹgbẹrẹ Silisia rọ,
35
ọ nọ sị, “Ndị-ikpe i bịa, a nụ m ọnụ ị.” Ọ nọ sị ndị-agha kwọndọngụ a imẹ obi-eze Gọvanọ ebẹhụ, obi-eze ahụn Hẹrọdụ tụn ebẹhụ.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28