bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Acts 5
Acts 5
Ika 2018 Bible
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
1
Okẹnnyẹ ohu ẹfan a wụ Ananayasị e rezighọ alị, ya lẹ Safaira nwunyẹ ẹ.
2
Ọ nọ bu mgbube egho o re ẹ tọ, wẹhẹni Ndị-ozi ahụn pụ-ichẹn hụn họdụnị; ya lẹ nwunyẹ ẹ kwerigbama mẹ ẹ.
3
Kanị Pita nọ sị, “Ananayasị, kị Ekwensụ nun'i tụ Mmọn-nsọ ntụ, mẹ i bu mgbube egho i re alị hụ tọ?
4
N'ị d'e re ẹ, ẹlẹ yụ nwọn ẹ? K'i regụ a, ẹlẹ yụ nwọn egho ẹ? K'i roni eje-ihiẹn nọ ẹnịna? Ẹlẹkwọ ịhịan k'ị tụ ntụnị, kanị Osolobuẹ!”
5
Ananayasị a nụ hụ ihiẹnni, ọ nọ dan alị, nwụnhụn. Okẹn egun tụ ndị ile nụn'a.
6
Ananayasị a nwụnhụn, ikorọbịa nọ pụha, kwama ozun ẹ, buru ẹ pụ d'e li.
7
Ihiẹn nọ kẹ mgbahunmẹ ọkụrọkụ ẹtọ a ghafegụ, nwunyẹ ẹ nọ banhan, o ke marịn ihiẹn mẹni.
8
Pita nọ jụ a, sị, “Ọnụ eghoni kẹ yụ lẹ di i re alị hụ?” Ọ nọ sị, “Ẹghẹẹ, ya rọ.”
9
Ya Pita nọ sị a, “Kị haịn ụnụ gi kweri nị ụnụ d'a chọ ihiẹn rị Mmọn-nsọ Di-nwọnni-ẹnyi ọnụ? Lee ẹ, ikorọbịa li di i lala: ụkụ wẹ e rugụọdẹ ọnụmụzọ; wẹ jẹnkọ d'e bupụzị yụ nwẹn!”
10
Ọ nọ dan alị ụkụ Pita ozigbo, nwụnhụn. Ikorọbịa ahụn a banhan, hụn a n'ọ nwụnhụngụọ, ya wẹ nọ buru ẹ pụ d'e li ẹ nọkunmẹ di ẹ.
11
Ya kẹ okẹn egun nọ tụma ndị ụka Kraịstị ile lẹ ndị ile nụ ihiẹn ndịnị.
12
Ogẹn hụ, Ndị-ozi ahụn pụ-ichẹn hụ a rụn ọrụn-atụmẹnya lẹ ihiẹn-nghọsị ichẹn-ichẹn imẹ igunrun ndị alị. Ndị ile kwerini hụ e zu Ẹtu-ụlọ Solomọnụ rị Ụlọ-nsọ.
13
Onwọnni onyẹ kwerilẹni egun nị tụ ẹhụ d'a bannị wẹ, ọsụọn'a nị ịhịan ile rị e ku oku wẹ ọhụnma.
14
Ndị bu ọda hụ e kwerini Di-nwọnni-ẹnyi nke-esi, a bannị wẹ, kẹ ikẹnnyẹ kẹ ikpoho.
15
Wẹ e bupụha ndị emu rị a kụ ọkpụzọ, e bu wẹ a tọ elu ute lẹ ihiẹn ndị ọzọ ịhịan gi e dinẹ, kẹni onyinyọn Pita kunrun ndị o k'e kunrun ọ ghafekọnị.
16
Igunrun ịhịan hụ a gha alị ndị nọhunmẹ Jerusalẹm a bịa, e wẹhẹ ndị emu rị a kụ lẹ ndị eje-mmọn rị e ye nsọngbu. Wẹ ile hụ a dịnhịn.
17
Ya kẹ onyẹ-isi nchụn-ẹjan nọ sị ọ gbakọ nkịtịn, ya lẹ ndị ile rị e sọnn'ẹ, ndị itu Sadusi ibe ẹ; wẹ nọ gi ẹnya-ụfụ sọn wẹ:
18
wẹ nọ nwụnrụn ndị-ozi ahụn pụ-ichẹn tụye imẹ ngan ịhịan ile.
19
Kanị, uhinhin hụ, mmọn-ozi Di-nwọnni-ẹnyi nọ kpọpụ ụzọ ụlọ-ngan, dupụha wẹ, sị wẹ,
20
“Jẹn ni Ụlọ-nsọ, ụnụ e wuzo ebẹhụ gwachanrịn ịhịan ile oku ndụn ọhụnnị.”
21
A nụ wẹ ihiẹnni, eki e fọnhụ, wẹ nọ banye Ụlọ-nsọ d'a kuzimẹ. Ogẹnni, onyẹ-isi nchụn-ẹjan nkẹ lẹ ndị ya lẹ wẹ wị a bịagụọ, kpọ Ọgwa Sahẹdrini, Ndị-isi Nkịkwama alị Izrẹlụ. Ya wẹ nọ zi ịhịan ụlọ-ngan d'e wẹhẹ Ndị-ozi hụ pụ-ichẹn.
22
Kanị, ogẹn ndị e lepụ Ụlọ-nsọ ẹnya wẹ zijẹn gi ru ebẹhụ, ahụnnị wẹ ndị-ozi hụ pụ-ichẹn imẹ ụlọ-ngan, wẹ nọ kinhẹn d'a gwa ndị-isi, sị,
23
“Kẹ ẹnyi ru ẹ, wẹ kpọkin ụlọ-ngan ọhụnma-ọhụnma; ndị nche turuhụ ọnụmụzọ, kanị ogẹn ẹnyi gi kpọpụ ụzọ, onwọnni onyẹ rị imẹ ẹ.”
24
Onyẹ-isi ndị e lepụ Ụlọ-nsọ ẹnya lẹ Ndị-isi nchụn-ẹjan a nụ ihiẹnni, ọ gba wẹ ngharị-ẹnya, wẹ hụ a jụ enwẹn wẹ ihiẹn rị e mẹni.
25
Ya onyẹ ohu nọ bịa d'a gwa wẹ, sị, “Lee n'ẹ, ndị ụnụ buche imẹ ụlọ-ngan turu imẹ Ụlọ-nsọ a kuzi wẹ!”
26
Ya kẹ onyẹ-isi nlepụ-ẹnya Ụlọ-nsọ lẹ ndị ọ kị nọ jẹnmẹ d'e wẹhẹ wẹ, kanị egun ndị rị ebẹhụ anịnị wẹ gi ikẹn mẹ ẹ, amamgbe w'e gi ọmụma magbu wẹ.
27
E wẹhẹ wẹ wẹ ọgwa, wẹ nọ bu wẹ tumẹ ihun Ndị-isi Nkịkwama ahụn zuni. Ya Onyẹ-isi nchụn-ẹjan nọ jụma wẹ ụtaa,
28
sị, “Ẹnyi a gbagụọnị ụnụ mkpịnsịn-ẹka ẹnya, sị ụnụ egizilẹ ẹfan onyẹni a kuzi? Lee n'ẹ nwan, ụnụ a kuzigbarịgụọ Jerusalẹm ile ihiẹnni, a chọ nị ụnụ bu ẹdeke okẹnnyẹni che ẹnyi isi.”
29
Pita lẹ Ndị-ozi ahụn pụ-ichẹn ibe ẹ nọ za wẹ, sị, “Chuku kẹ ẹnyi jẹnkọ d'e humẹni isi, ẹlẹ ịhịan.
30
Chuku ndị nẹdi ẹnyi kanị weli Jesu hụn ụnụ gbu ghahanị ihogbu ẹ elu osisi.
31
Osolobuẹ e weshigụọ a nwan elu, bu ẹ che ẹka-nni ẹ, ebẹhụ ọghọ rị, mẹmẹ ẹ Onyẹ-ndu lẹ Onyẹ-nzụọpụha, kẹni ndị Izrẹlụ gha ẹka a rogharị nwọnhẹn mgbagharị njọ wẹ.
32
Ẹnyi rị nwan a shịa ẹri ihiẹn ndịnị, ẹnyi lẹ Mmọn-nsọ hụn Osolobuẹ ye ndị e humẹn'ẹ isi.”
33
Kẹ wẹ nụ ihiẹnni, ize ze wẹ ọda-ọda, wẹ nọ chọ nị wẹ gbu wẹ.
34
Kanị onyẹ ohu imẹ wẹ ẹfan a wụ Gamaliẹlụ, hụn rị Itu-Farisi, nọ lihi ọtọ; onyẹ-nkuzi Iwu Mozizi k'ọ wụ; ịhịan ile a gbaye ẹ. Ọ nọ sị wẹ wepụgụ ndị-ozi ahụn pụ-ichẹn ezi ẹkẹrẹ.
35
Ya ọ nọ sị Ndị-isi Nkịkwama ibe ẹ, “Ikẹnnyẹ Izrẹlụ, lebankwọ nị ihiẹn ụnụ chọ nị ụnụ mẹ ikẹnnyẹ ndịnị ẹnya ọhụnma.
36
Ogẹn mbụ, onyẹ ohu w'a kpọ Tiodasị pụha, kpọ enwẹn ẹ ịhịan, ihiẹn nọ kẹ madụ nnụ nọ sọnmẹ ẹ. Kanị e gbu wẹ ẹ, ndị hụ sọnn'ẹ nọ gbayịya; ọhụn a gụ.
37
Ọhụn e mẹgụ, Judasị onyẹ Galili nọ pụha ogẹn hụ wẹ gi gụn ịhịan, ndị bu ọda nọzị sọnmẹ ẹ. E gbuzikwọ w'a, ndị rị e sọnn'ẹ a gbayịya.
38
“Imẹ okuni rị nwan alị, ndụnmọdụn m jẹnkọ d'e ye ụnụ wụ ọnwan: la nị ndịnị tọ! Hatu nị wẹ! Makẹni, omẹni ihiẹn wẹ bu obi mọbụ ihiẹn wẹ rị e mẹ gha ẹka ịhịan bịa, o k'a dan.
39
Kanị, omẹni ẹka Osolobuẹ k'ọ gha bịa, ụnụ asakọ ẹka kụsị wẹ; o ru ẹ tan, ọ wụrụ nị ụnụ rị a lụsọn Osolobuẹ ọgụn!” Ya wẹ nọ weri ndụnmọdụn a.
40
A kpọbanhan wẹ ndị-ozi ahụn pụ-ichẹn, fịan wẹ mkpịnsịn, gba wẹ mkpịnsịn-ẹka ẹnya, sị wẹ ekuzilẹ ihiẹn wẹ rị e gi ẹfan Jesu e ku; ya wẹ nọ hatu wẹ.
41
Ya kẹ ndị-ozi ahụn pụ-ichẹn nọ gha Ọgwa Ndị-isi Nkịkwama hụ pụha, a ghọghọ nị Osolobuẹ weri wẹ kẹ ndị furuni ebe ọ nọ nị wẹ narịn ifẹnrẹn makẹ Ẹfan Jesu.
42
Ụhụọhịn ile, kẹ imẹ Ụlọ-nsọ kẹ ụlọ-ụlọ, wẹ hụ a kuzi, e zi ozi nị Jesu wụ Onyẹ Hụ Osolobuẹ Tumẹ, akụsịnị wẹ kaka akpohu!
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28