bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Acts 9
Acts 9
Ika 2018 Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
1
Kanị Sọlụ nkẹ hụkwọ a ban mban n'o k'e gbuchanrịn ndị ile e sọn Ụzọ Di-nwọnni-ẹnyi. O jẹnburu onyẹ-isi nchụn-ẹjan,
2
sị a deye ẹ ẹkụkwọ-ozi jẹnni ụlọ-ofufe ndị Ju ile rịkwọrị Damaskọsụ, kẹni, ọ hụn onyẹ ọwụlẹ rị e sọn Ụzọ-Jesu ebẹhụ, o kẹnmẹhẹn wẹ Jerusalẹm, ọsụọn'a okẹnnyẹ mọbụ okpoho.
3
Ogẹn o gi nwan jẹnkọ, nọchimẹmẹ Damaskọsụ, idẹnmizi, ukpẹ nọ gha elu-igwee nwunkpu ẹ.
4
Ọ nọ dan; ọ nọ nụ olu hụn sị a, “Sọlụ, Sọlụ, k'ị rị e kpokponi m?”
5
Ọ nọ sị, “Di-nwọnni m, onyẹ k'ị wụ?” Olu hụ nọ sị, “Mmẹ wụ Jizọsị ị rị e kpokpo.
6
Ka lihi nwan n'ị banye imẹ obodo; wẹ k'a gwa ị ihiẹn i k'e mẹ.”
7
Ikẹnnyẹ ya lẹ wẹ wị turuhụ ebẹhụ, o ri wẹ ọnụ, makẹni wẹ hụ a nụ olu hụ bụ ahụnnị wẹ onyẹ ọwụlẹ.
8
Ya Sọlụ nọ lihi ọtọ: ẹnya a hụkwọ e ti, kanị ọ rịzị e legha ụzọ. Wẹ nọ kwọndọn ẹ ẹka, we ẹ ban obodo Damaskọsụ.
9
O leghanị ụzọ, o rini, ọ ranị, ọrọgbọ akpọhịn ẹtọ.
10
Imẹ Damaskọsụ, o nwọn onyẹ nsọnmazụụn Kraịstị w'a kpọ Ananayasị. Ọ nọ hụn ọhụn ebe Di-nwọnni-ẹnyi nọ kpọ a, “Ananayasị!” ya nwẹn nọ za, sị, “Di-nwọnni-ẹnyi, e lee m.”
11
Di-nwọnni-ẹnyi nọ sị a, “Lihi n'i jẹn Ọgbara-ogbe ahụn w'a kpọ Streti. I ru iwe Judasị, y'a jụ ukwere onyẹ Tasọsụ ẹfan a wụ Sọlụ. Ọ rị e mẹ ekpere kikẹnni,
12
ọ hụnghọlẹ ọhụn ebe okẹnnyẹ ohu ẹfan a wụ Ananayasị banhan, bu ẹka kwasị a, kẹni ọ leghamazị ụzọ.”
13
Kanị Ananayasị nọ za, sị, “Di-nwọnni-ẹnyi, ndị bu ọda a gwaọlẹ m oku okẹnnyẹni lẹ eje-ihiẹn ile o mẹ ndị-nsọ ị rị Jerusalẹm.
14
Ọ rị nwan ebeni makẹni onyẹ-isi nchụn-ẹjan e yegụọ a ikẹn n'o gi nwụnrụn ndị ile a kpọku ẹfan ị.”
15
Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;
16
mmẹ lẹ enwẹn m jẹnkọ d'a ghọsị a okẹn afụnfụn ẹfan m k'e buhẹn'ẹ.”
17
Ananayasị nọ jẹnmẹ. O ru ebẹhụ, ọ nọ banye imẹ ụlọ ahụn, bụ ẹka kwasị Sọlụ, sị a, “Sọlụ nwẹnẹ m, Di-nwọnni-ẹnyi wụ Jesu hụn ị hụn ụzọ k'i lala zihẹ m kẹni i leghamazị ụzọ lẹni Mmọn-nsọ jun imẹ i.”
18
Ozigbo hụ, ihiẹn nọkẹ okpukpu-azụn nọ gha Sọlụ ẹnya danpụha, ọ nọ leghamazị ụzọ. Ya ọ nọ lihi, wẹ nọ mẹ ẹ mirin-Chuku.
19
O ri ihiẹn-oriri, ndụn nọ ban a. Ya lẹ ndị nsọnmazụụn Kraịstị rị Damaskọsụ nọ nọdị akpọhịn ole-lẹ-ole.
20
Ozigbo, ọ nọ kumẹ oku Jesu imẹ ụlọ-ofufe ndị Ju rịsọnmẹ ebẹhụ, a sị wẹ, “Ịya wụ Nwa Osolobuẹ!”
21
Ọ tụ wẹ ile nụn'a ẹnya, wẹ hụ a sị, “Ọnwan ẹlẹ okẹnnyẹnẹi te rị e kpokpo ndị a kpọku ẹfannị imẹ Jerusalẹm? Ẹlẹ ya k'ọ bịanị nwan ebeni, kẹni ọ kẹnmẹnrin wẹ jẹnni ndị-isi nchụn-ẹjan?”
22
Kanị ẹka Sọlụ hụ e zewaye, ndị Ju bi Damaskọsụ asanị ẹka gburi ọnụ a, makẹni ọ hụ a ghọsịchanrịn nị Jizọsị wẹ rị e ku oku ẹ wụ Kraịstị Onyẹ ahụn Osolobuẹ tumẹ.
23
Ọ nọbe, ndị Ju nọ zun'ẹ umẹ nị wẹ gbu ẹ.
24
Kanị Sọlụ nọ nụ ihiẹn wẹ romẹ. Wẹ hụ e che nche ọnụ-mgbọn rịsọnmẹ obodo hụ uhinhin lẹ efinnaị nị wẹ gbu ẹ.
25
Kanị ndị kweri oku ẹ rị e sọnn'ẹ nọ gi imẹ uhinhin bu ẹ che imẹ ụkpalị, gha oghe rị mgbọn obodo hụ dọtu ẹ alị.
26
Ogẹn o gi ru Jerusalẹm, o te chọ n'ọ banyeni ndị nsọnmazụụn Jesu, kanị egun ẹ rị a tụ wẹ ile makẹni ekwerini wẹ n'o họnringụọ onyẹ nsọnmazụụn Jesu.
27
Ya kẹ Banabasị nọ we Sọlụ jẹnni ndị-ozi ahụn pụ-ichẹn, kọwanị wẹ kẹ Sọlụ dọn hụn Di-nwọnni-ẹnyi ụzọ, kọwazịnị wẹ nị Di-nwọnni-ẹnyi a gwagụọ Sọlụ oku; ọ gwazị wẹ kẹ Sọlụ dọn ku oku ẹfan Jizọsị imẹ Damaskọsụ, e ku ẹ e kushi ẹ ikẹn.
28
Ya Sọlụ nọ bannị wẹ, e sọn wẹ e bi imẹ Jerusalẹm. Ọ hụ e ku oku Di-nwọnni-ẹnyi, e kushi ẹ ikẹn.
29
Ọ hụzị e sọn ndị Ju gha obodo ebo lụaha e ku, e sọn wẹ a dọ ndọndọ; kanị wẹ hụ a chọ nị wẹ gbu ẹ.
30
Ogẹn ndị kwerini Kraịstị gi marịn nị wẹ rị a chọ nị wẹ gbu ẹ, wẹ nọ we ẹ shi Sizaria, sị a lashi Tasọsụ.
31
Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.
32
Ogẹn Pita gi rị e jẹnhunmẹ d'a hụn ndị ile kwerini, ọ nọ jẹn d'a hụn ndị-nsọ, ndị itu-Kraịstị, bi obodo Lida.
33
Ebẹhụ k'ọ nọ hụn okẹnnyẹ ohu ẹfan a wụ Ẹnasị hụn dinẹ kete ahụa ẹsatọ ịnwaịn, makẹni ọrọ kinmin ẹ.
34
Pita nọ sị a, “Ẹnasị, Jesu Kristi a zụọgụọ ị; lihi, heri ute i!” Ya ọ nọ lihi ọtọ ozigbo!
35
Ndị ile bi Lida lẹ Sharọnụ a hụn Ẹnasị n'o lihigụọ, wẹ nọ rogharị, sọnmẹ Di-nwọnni-ẹnyi.
36
Imẹ Jọpa, o nwọn okpoho ohu ẹfan a wụ Tabita hụn wụ onyẹ nsọnmazụụn Jesu (Asụsụ Griki, Tabita wụ Dọkasị hụn wụ Ele). Tabita e mẹ ọghọ ọda-ọda, o yeni ndị igbẹnnyẹ ẹka ọhụnma-ọhụnma.
37
Emu a kụma a, ọ nọ nwụnhụn. A wụgụ w'a ẹhụ, wẹ nọ bu ẹ dinẹ mmughẹ rị ibe elu.
38
Lida nọkunmẹ Jọpa; ndị nsọnmazụụn Jesu a nụ nị Pita rị Lida, wẹ nọ zi ikẹnnyẹ ẹbụọ d'a rịọ a, sị, “Dodo, bịa obodo ẹnyi ozigbo!”
39
Ya Pita nọ lihi, sọnmẹ wẹ. E ru w'ẹ, wẹ nọ w'ẹ shi mmughẹ hụ rị ibe elu. Ikpoho ile di wẹ nwụnhụn e fihunmẹ Pita, a kwan ẹkwan, a ghọsị a ẹwuru tueni lẹ ẹkwa ndị ọzọ Dọkasị kpa k'ọ rị ndụn.
40
Pita nọ sị wẹ ile pụ; ọ nọ gbu osekpu, mẹ ekpere. Ya ọ nọ gbehutọ, bu ihun zimẹ ozun hụ, sị, “Tabita, lihi.” Ya Tabita nọ shịapụ ẹnya; ọ hụn Pita, ọ nọ nọdị alị.
41
Pita nọ kwọndọn ẹ ẹka, weli ẹ. Ya Pita nọ kpọ ndị itu-Kraịstị lẹ ikpoho ndị ahụn di wẹ nwụnhụn, we Tabita ghọsị wẹ, wẹ nọ hụn a n'ọ rịzị ndụn.
42
Ya ihiẹnni nọ kpọgbarị Jọpa ile, ndị bu ọda nọ kwerini Di-nwọnni-ẹnyi.
43
Pita nọ nọdị Jọpa akpọhịn ole-lẹ-ole iwe onyẹ w'a kpọ Saịmọnụ, hụn a rụn ọrụn akpụkpọ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28