bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Acts 20
Acts 20
Ika 2018 Bible
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
1
Ogẹn isusu hụ gi kụsịgụ, Pọlụ nọ kpọkikomẹ ndị e sọn Ụzọ-Jesu; ọ gbagụ wẹ umẹ, sịgụ wẹ nọdị ọhụnma, ọ nọ shi Masẹdonia.
2
Ọ ghagbarịgụ ẹgbẹrẹ hụ ile, kugụ ihiẹn bu ọda gi gba ndị kwerini Jesu azụụn hụ umẹ, ọ nọ shi alị Grisi;
3
ọ nọ nọdị Grisi ebẹhụ ifọn ẹtọ. Ogẹn o gi nwan chọ n'o gi ụgbọ-mirin lakin Ẹgbẹrẹ Siria, ọ nọ marịn nị ndị Ju zun'ẹ eje-umẹ, ọ nọ gwarị sị n'ọ ghashi Masẹdonia lakin Siria.
4
Ịya lẹ ndịnị wị: Sopata nwa Paịrusu, onyẹ Bẹrịa; Arịstakusu lẹ Sekọndusu, ndị Tẹsalonika; Gayọsụ onyẹ Debẹ; lẹ Timoti; lẹzi ndị Eshịa wụ Taịkikọsụ lẹ Trofimọsụ.
5
Wẹ nọ bu ụzọ jẹnmẹ Trasị d'e cheri ẹnyi lẹ Pọlụ.
6
Ogẹn mmẹmmẹ Brẹdi nwọnlẹni yisti o gi a fụ a ghafegụ, ẹnyi nwẹn nọ gi ụgbọ-mirin gha Filipi buli, hụn m'ẹ akpọhịn isẹn, ẹnyi nọ kunrun wẹ imẹ Trasị; ẹnyi nọ nọdị ebẹhụ izuka ohu.
7
O ru ụhụọhịn ibuzọ imẹ izuka (hụn wụ nwan Sọnde), ogẹn ẹnyi gi nọgbama nị ẹnyi ri Oriri-nsọ, Pọlụ nọ gwama wẹ oku; ebe o mẹ ni eki fọnhụ, ọ lama, ọ nọ kusọnmẹ oku hụ d'e ru imẹ abalị.
8
Ukpẹ e bughọ ọda mmughẹ hụ rị ibe-elu ẹnyi nọ rị e zu.
9
Okorọbịa ohu ẹfan a wụ Yutikọsụ nọdị alị elu windo. Ogẹn Pọlụ gi kube oku, ezigbo ụran nọ tụma Yutikọsụ; ọ tụbe ẹ, ọ nọ buru ẹ. Ọ nọ gha windo ụlọ hụ mẹ wẹ agba ẹtọ dan; a bịa wẹ d'e weli ẹ, wẹ nọ hụn n'ọ nwụnhụngụọ.
10
Pọlụ nọ hidan: o hulụa, fiedọn Yutikọsụ, sị, “Atụlẹ ni egun, nị ọ hụ ndụn.”
11
Ya Pọlụ nọ shizi ibe-elu hụ ẹnyi nọ e zu. O bebegụ brẹdi Oriri-nsọ yegụ ẹnyi ri, ọ nọ gwabiezi wẹ oku eki e we fọn; ya kẹ ọ nọ jẹnmẹ.
12
Wẹ nwẹn nọ weri nwata-okẹnnyẹ hụ lẹ ndụn lama. Ihiẹnni gba wẹ umẹ ọda-ọda.
13
Ẹnyi nwẹn nọ banye ụgbọ-mirin jẹnmẹgụ obodo Asọsụ, ebe Pọlụ jẹnkọ d'a nọ banyeni ẹnyi imẹ ụgbọ-mirin hụ. Ẹnịna kẹ Pọlụ ku ẹ, makẹni ọ chọ n'ọ gha akpakalị.
14
Mgbe o gi nwan kunrun ẹnyi imẹ Asọsụ, ọ nọ banyeni ẹnyi imẹ ụgbọ-mirin hụ, ẹnyi lẹ ịya nọ shi Mitilẹni.
15
Ẹnyi nọzị gi ụgbọ-mirin gha ebẹhụ buli, eki e fọn, ẹnyi nọ ru ebẹhụ bu ihun zinmẹ Kịọsụ; eki e fọnzi, ẹnyi nọ ru Samọsụ; eki e fọnzi, ẹnyi nọ ru Miletusu.
16
Ẹnyi akụbannị Ẹfẹsọsụ makẹni Pọlụ a kwademẹgụọ nị ẹlẹ o k'a banye Ẹfẹsọsụ, amamgbe ọ gha e bie imẹ Eshịa — makẹni ọ rị a hụhụ n'ọ kẹrẹn'a ru Jerusalẹm ụhụọhịn Mmẹmmẹ-Pẹntikọsụ — omẹni ọ rị nfe.
17
Pọlụ nọ gha Miletusu zi wẹ d'a kpọ ndị-isi ụka Ẹfẹsọsụ bịa d'e kunrun ẹ.
18
A bịagụ wẹ, ọ nọ sị wẹ, “Ụnụ lẹ enwẹn ụnụ a marịnghọ kẹ m dọn bi ogẹn ahụn ile m gi rị imẹ igunrun ụnụ, ghakwọrị ụhụọhịn ibuzọ m zọ ụkụ ye imẹ Eshịa;
19
kẹ m dọn welụachanrịn enwẹn m alị, gi ẹnya-mirin fe Di-nwọnni-ẹnyi, e dingbuchanrịn nsọngbu ile bịanịnị m yeni eje-umẹ ndị Ju zuni m;
20
ụnụ a marịnzịghọ nị egini m egun seri isi m ihiẹn m marịn k'e yeni ụnụ ẹka; a kuzi m ụnụ ihun ịhịan ile lẹ ụlọ-ụlọ —
21
a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.
22
“Kanị, m jẹnkọ nwan Jerusalẹm nọkẹ onyẹ Mmọn-nsọ tụ eriri ye olu sekpụnkọ; a marịn m ihiẹn k'e kunrunni m ebẹhụ.
23
Ihiẹn m marịnhụ wụ nị Mmọn-nsọ hụ a gwa m'a imẹ obodo ọwụlẹ nị ngan lẹ nsọngbu rị e che m.
24
Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.
25
“Lee n'ẹ nwan: a marịnghọ m nwan nị imẹ ụnụ ile m nọ imẹ igunrun wẹ zi ozi Alị-eze onwọnni hụn jẹnkọ d'a hụnzịnị m.
26
M rị nwan a gwa ụnụ tannị n'o nwọnni onyẹ ọwụlẹ imẹ ụnụ ẹdeke ẹ rị m isi.
27
A gwachanrịngụọ m ụnụ ihiẹn ile wụ uche Osolobuẹ k'ọ nọ — eserini m isi latọ hụn ọwụlẹ.
28
Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.
29
A marịnghọ m nị m pụgụ, eje-ẹwọrọ k'a bịa imẹ igunrun ụnụ d'e ripụ atụnrụn.
30
Ụfọdụ imẹ ụnụ jẹnkọ d'a fịma ezioku kẹni wẹ dọrị ndị nsọnmazụụn Jizọsị.
31
We ni nwan ẹnya ru alị; nyanhan nị nị ezuni m ikẹn ọrọgbọ ahụa ẹtọ, kẹ uhinhin kẹ efinnaị, ebe m rị e gi ẹnya-mirin a dọ onyẹ ọwụlẹ ẹka-ntịn.
32
“M rị nwan e bu ụnụ e che ẹka Osolobuẹ lẹ ozi banyeni ọhụnma a, ozi ẹ hụn k'a s'ẹka tụn ụnụ kẹ ụlọ mẹ ụnụ turu — weye ụnụ ihiẹn runi ụnụ imẹ ndị nsọ Osolobuẹ ile.
33
“Onwọnni onyẹ egho ẹ mọbụ goru ẹ mọbụ ẹkwa a la m ẹnya.
34
Ụnụ lẹ enwẹn ụnụ a marịnghọ nị m gi ẹka m lụrụ ihiẹn mmẹ lẹ ndị mmẹ lẹ wị gi bi.
35
E gigụọ m ihiẹnni ile ghọsị ụnụ n'o furu ni ẹnyi a rụnshi ọrụn ikẹn ẹrịra e gi e yeni ndị zelẹni ẹka, a nyanhan oku Di-nwọnni-ẹnyi wụ Jesu lẹ enwẹn ẹ ku, sị, ‘Iyeni ka ngọzi a wụ karị ịnarịnnị.’ ”
36
Ogẹn Pọlụ gi kugụ, ya lẹ wẹ nọ sekpu alị, ọ nọ mẹ ekpere.
37
Wẹ ile hụ a kwan ẹkwan, a kwanshi elu, e fiedọn Pọlụ, e susu ẹ ọnụ.
38
Ihiẹn kachanrịn wẹ a fụ wụ nị ọ sị nị a hụnkọzị w'a. Ya wẹ nọ du ẹ d'e ru ebe ụgbọ-mirin rị.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28