bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Acts 27
Acts 27
Ika 2018 Bible
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
1
Ogẹn wẹ gi kubepụ a nị ẹnyi k'e jẹn Itali, wẹ nọ bu Pọlụ lẹ ụfọdụ ndị-ngan che ẹka onyẹ-isi agha nta w'a kpọ Juliọsụ, hụn a kị ndị-agha ọgụn-isẹn imẹ itu-agha uku, “Itu-agha Siza”.
2
Ẹnyi ile nọ banye ụgbọ-mirin gha Adramitum bịa, hụn rị a kwademẹ n'o jẹn alị rị ichẹn-ichẹn rị mkpẹnrẹn Ohimin imẹ Ẹgbẹrẹ Eshịa hụn wẹ nọ a banye ụgbọ-mirin. Ụgbọ hụ nọ buru ẹnyi. Ẹnyi lẹ Arịstakusu onyẹ Tẹsalonika Ẹgbẹrẹ Masẹdonia wị.
3
Eki e fọn, ẹnyi nọ ru Sidọnụ. Juliọsụ nọ gi ẹka rị mma sọn Pọlụ, nị a jẹn d'a hụn ndị ọwụ a kẹni wẹ yen'ẹ ẹka.
4
Ẹnyi nọ gha ebẹhụ buli, ghasọnmẹ mkpẹnrẹn alị Saịprọsụ makẹni ufere ẹnyi kunrun rị e bukin ẹnyi azụụn, ọ nịnị ẹnyi gbasọnmẹ ahanmahan ohimin.
5
Ogẹn ẹnyi gi ghafegụ ẹhụ alị Silisia lẹ Pamfilia, ẹnyi nọ nwan fetu pụha Mira hụn rị Ẹgbẹrẹ Lisia.
6
Ebẹhụ kẹ onyẹ-isi ndị agha hụ nọ hụn ụgbọ-mirin gha Alẹzandrịa jẹnkọ Itali, ya ọ nọ bu ẹnyi ile che imẹ ẹ.
7
Ẹnyi nọ gbama ẹkẹrẹ-ẹkẹrẹ akpọhịn ole-lẹ-ole. Ọ fụkẹnmẹkẹ ẹnyi ọrụn nị ẹnyi d'e rudẹ Nidọsụ. Ogẹn ufere gilẹni nị ẹnyi jẹnshi ihun ibẹka ahụn, ẹnyi nọ ghasọnmẹ mkpẹnrẹn Samonẹ hụn rị alị Kriti. Ohimin nọhunmẹ alị Kriti.
8
Ẹnyi hụ a gha mkpẹnrẹn-mkpẹnrẹn, kanị ọ fụ ẹnyi ọrụn ọda nị ẹnyi d'e ru ebe w'a kpọ “Ebe-rị-ụgbọ-mma”, hụn nọchimẹ Lasịa.
9
Ogẹn a gharịọlẹ ọda-ọda: ndị Ju e bugụọdẹ ọnụ wẹ. Ya wụ, ogẹn eje-ẹbi gi a kpọ ohimin hụ e rugụọ. Ufiri ẹ, Pọlụ nọ dụn wẹ ọdụn: ọ sị wẹ,
10
“Ekele m ụnụ ile! A hụngụọ m'a nị ihiẹn bu ọda jẹnkọ d'e wiwi, tuhudẹ, omẹni ẹnyi sị nị ẹnyi gbasọnmẹ, ẹlẹdẹ ibu lẹ ụgbọ sụọ, kanị ndụn ẹnyi zị.”
11
Kanị onyẹ-isi agha nta gi ihiẹn onyẹ-isi ụgbọ lẹ onyẹ nwọn ụgbọ ku dọn karị oku Pọlụ.
12
Ebe o mẹ ni ebeni ụgbọ-mirin a nọdị arị mma ogẹn okẹn oyini mirin a kpụkpụrụnị gi e ziẹn, ndị ka ọda nọ kweri n'ọ ka mma nị ẹnyi jẹnmẹ, nị ikẹnkwọ ọ nị wẹ ru Finisi hụn ụgbọ e ziẹntọzị alị Kriti d'a nọdịgụ, makẹni Finisi bu ihun ohu zinmẹ ẹgbata ẹbamịn ọdịdan-ẹnyanwụn lẹ ẹbamịn-ugu, bu ihun ohu zinmẹ ẹgbata ẹbamịn ọdịdan-ẹnyanwụn ahụn lẹ ẹbamịn ndịdan-mirin.
13
Ogẹn ufere rẹbẹrẹbẹ hụn a gha ẹbamịn ndịdan-mirin a bịa gi femẹ, wẹ ro ni a hụn wẹ ihiẹn wẹ chọ; wẹ nọ tọpụ ụgbọ ebe wẹ limẹ ẹ, gbama mkpẹnrẹn Kriti.
14
Kanị o ke mẹ emẹ, okẹn ufere jọgbu enwẹn ẹ w'a kpọ “Ọ gha ẹbamịn-ugu e shi ọwụwa-ẹnyanwụn” nọ gha Kriti kpọha.
15
Ọ nọ kpọma ụgbọ hụ ọda-ọda, ọ nịzịnị wẹ hutọ ụgbọ hụ zinmẹ ẹ. Ya ẹnyi nọ la ụgbọ tọnị ufere, ufere e buru ẹnyi jẹnmẹ!
16
Ẹnyi e ru alị ohu mẹ ẹkẹrẹ w'a kpọ Kọda, hụn gbọndọnni ẹnyi ufere ẹkẹrẹ, wẹ nọ lịlịma dọzụnhanchanrịn ụgbọ-nta wẹ limẹye ụgbọ hụ.
17
Ya wẹ nọ dọbanhan ụgbọ-nta hụ imẹ ụgbọ. Wẹ nọ tụ eriri ye ihun ụgbọ hụ, we ẹ gha a okpuru, gi ẹ kẹnkẹnmẹ ẹ. Makẹni egun rị a tụ wẹ amamgbe w'a sụnkunmẹ ẹjan ubom-ohimin rị mkpẹnrẹn Sẹtisi; amamgbe ụgbọ ghazị a gbakẹnrin, wẹ nọ tọlụa ẹkwa wẹ tanma ufere gi e bu ụgbọ hụ. Kanị ufere hụkwọ e bu ụgbọ.
18
Makẹni ẹbi hụ a kpọkẹnmẹkẹ ẹnyi, ogẹn eki gi fọn, wẹ nọ tụma ibu e ye imẹ mirin.
19
Hụn m'ẹ akpọhịn ẹtọ, wẹ nọ gidẹ ẹka wẹ kpọn ihiẹn wẹ gi e dọnzi ụgbọ-mirin ye imẹ ohimin.
20
Ẹnyi nọlẹni hụn kẹ ẹnyanwụn kẹ kokisẹ akpọhịn ole-lẹ-ole, bụ ẹbi hụkwọ a kpọ ẹnyi ọda-ọda, ẹnyi erozini nị ẹnyi jẹnkọ d'a hụn isi pụha kaka.
21
Makẹni ẹfọ kpakin wẹ kete-ele-mgbe, Pọlụ nọ turu ọtọ imẹ igunrun wẹ, sị, “Ikẹnnyẹ, nkẹ ụnụ e gọn m ntịn nọdị Kriti. Omẹni ụnụ te gọn m ntịn, iwini ile eke ti nwan.
22
Kanị, m rị nwan a rịọ ụnụ, kwọndọn ni obi ụnụ makẹni onwọnni onyẹ jẹnkọ d'a nwụn imẹ ụnụ — ụgbọnị sụọ jẹnkọ d'a la iwi.
23
Makẹni mmọn-ozi hụn Chuku nwọnni m m rị a rụnnị ọrụn zihẹ a bịaghọ hụn uhinhin d'e kunrun m.
24
Ọ sị m, ‘Pọlụ! Atụlẹ egun, i k'e tururịrị ihun eze-kanị wụ Siza. Ọzọzị, Osolobuẹ e yegụọ ị ndụn ndị yụ lẹ wẹ rị imẹ ụgbọ: anwụnkọ wẹ.’
25
Kwọnkẹnmẹ ni nwan obi ụnụ, ikẹnnyẹ, makẹni m gi Osolobuẹ dọn ẹnya n'o jẹnkọ d'a rị k'o dọn gwa m,
26
kanị ụgbọnị apụhakọ, o k'a sụnkunmẹrịrị ẹjan.”
27
Imẹ uhinhin hụn m'ẹ akpọhịn mmẹnọ, ogẹn ẹbiri-mirin hụ gi bukọ ụgbọ ẹnyi elu Ohimin Adrịa, o ru ihiẹn nọkẹ etintinnaị abalị, ndị a rụn imẹ ụgbọ nọ kumẹ n'ọ nọ kẹ sị alị rị nsue.
28
Ya wẹ nọ gi eriri wẹ kẹnmẹye igwe lele kẹ mirin mihan, wẹ nọ hụn a n'o k'e luepụ ogwe-nkụ ẹnọ; a gbaberi wẹ, wẹ nọ lelezi ẹ, wẹ nọ hụn a n'o miruzini ẹrịra, n'o k'e luepụ ogwe-nkụ ẹtọ sụọ.
29
Ya egun nọ tụma wẹ nị ẹnyi jẹnkọ d'e ti ọmụma, wẹ nọ shi ibe azụụn, gbatọpụ eriri ihiẹn igwe ẹnọ ọnụ wẹ mẹ suẹn-suẹn-suẹn wẹ gi e limẹ ụgbọ, nị, ikẹnkwọ o zudọn alị, wẹ nọ rịọma nị eki fọn.
30
Kanị, ndị ahụn a rụn ọrụn imẹ ụgbọ nọ wetu ụgbọ-nta ye imẹ mirin, chọma nị wẹ gepụ, gi ụgbọ-nta ahụn gbapụ; wẹ hụ e mẹ nọ kẹ sị wẹ rị a gbatọpụ ihiẹn wẹ gi e limẹ ụgbọ hụn rị ihun.
31
Ya kẹ Pọlụ nọ sị onyẹ-isi agha nta lẹ ndị-agha a, “Mmanị ikẹnnyẹni nọdị imẹ ụgbọnị, ụnụ ile k'a nwụn.”
32
Ya kẹ ndị-agha hụ nọ bepụ eriri wẹ gi kwọndọn ụgbọ-nta hụ.
33
Ụzụtụntụn biribiri, Pọlụ nọ rịọ wẹ ri ihiẹn-oriri, ọ sị, “Tannị mẹ ẹ akpọhịn mmẹnọ obi kọnrin ụnụ elu ẹnịna, ẹfọ kpakin ụnụ, ụnụ erini ihiẹn-anaị.
34
Dodo ni nwan, ri ni ihiẹn-oriri, n'o yeghọnị ụnụ ẹka rị ndụn, onwọnni akpụ ntutu ohu rị ụnụ isi k'e tuhuni.”
35
O kugụ, ọ nọ weri brẹdi, ye Osolobuẹ ekele idẹnya wẹ ile, beri, rimẹ.
36
Ya ndụn nọ ban wẹ ile, wẹ nwẹn nọ rimẹ ihiẹn-oriri.
37
(Ẹnyi ile rị ụgbọ hụ rị madụ mmisin kwasị ọgụn-mmẹtọ — 276.)
38
Ogẹn wẹ ile gi rijunchanrịngụ ẹfọ, wẹ nọ tụ ọka-witi họdụ imẹ ụgbọ ye imẹ mirin makẹ ụgbọ gha a nyịnzị.
39
Eki e fọn, wẹ nọ legha alị wẹ marịnlẹni, hụnzịkwọ ngugu-mirin ẹjan rị mkpẹnrẹn alị hụ. Ya wẹ nọ sị wẹ k'a nyanban ụgbọ ebẹhụ, omẹni o k'a nị wẹ mẹ.
40
Wẹ nọ tọpụ igwe ndị hụ e zudọn alị ye imẹ mirin, a tọlụlụa wẹ eriri ndị hụn kwọndọnsọnmẹ amaran wẹ gi a nyan ụgbọ ahụn, e seshi wẹ ẹkwa rị ibe ihun ufere gi e bu ụgbọ elu buzinmẹchanrịn ufere n'o bushikẹnmẹdẹ ụgbọ ihun, ụgbọ-mirin hụ nọ dọn ihun ngugu-mirin.
41
Kanị ẹnyi nọ sụnkunmẹ ẹjan nọ kẹ mgbọn. Ibe ihun a tọ ebẹhụ, ọ rịzị e mẹhunmẹ, ẹbiri-mirin hụ a kpụkpọpụ ibe azụụn.
42
Ndị-agha hụ te nọ chọ nị wẹ gbukwama ndị-ngan hụ, amamgbe w'e gu mirin gbapụ.
43
Kanị, makẹni onyẹ-isi wẹ achọnị nị ihiẹn mẹ Pọlụ, ọ nịnị wẹ mẹ ihiẹn wẹ chọ. Ọ sị ndị ma gu mirin wẹ bu ụzọ pụ, wẹ tụban imẹ mirin gushi akpakalị,
44
ndị họdụnị e kwọndọnsọnmẹ ibe-osisi lẹ ibe ihiẹn ichẹn-ichẹn tikpọpụ imẹ ụgbọ hụ hụn ru wẹ ẹka, gi shiẹnrin elu mirin pụha. Ẹrịra kẹ wẹ ile mẹ ru akpakalị; onwọnni onyẹ nwụnhụnnị.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28