bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Acts 2
Acts 2
Ika 2018 Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
1
O ru ụhụọhịn Mmẹmmẹ Pẹntikọsụ, ndị ile kwerini rị ụzọ ohu.
2
Idẹnmizi, ụzụn nọ kẹ okẹn ufere rị a kpọnị nọ gha elu-igwee bịa, jun mmụlọ wẹ nọdị.
3
Wẹ nọ hụn ihiẹn nọ kẹ ire ọkụn pụhasọnmẹni, nọkwasị onyẹ-onyẹ imẹ wẹ.
4
Mmọn-nsọ nọ jun imẹ wẹ ile, wẹ nọ gi asụsụ alị ndị ọzọ kumẹ, e kushi ikẹn kẹ Mmọn-nsọ dọn ye onyẹ onyẹ.
5
Ndị Ju e feshi Osolobuẹ ikẹn gha alị ile rị elu-ụwa bịa Jerusalẹm ogẹn ahụn d'a nọdị.
6
Ogẹn wẹ gi nụ ụzụnnị, igunrun ịhịan nọ gbakikomẹ. Ọ tụ wẹ ẹnya, makẹni onyẹ-onyẹ hụ a nụ kẹ wẹ rị a sụ asụsụ alị ọ gha bịa.
7
Ọ tụ wẹ ẹnya, gba wẹ ngharị-ẹnya ọda-ọda; wẹ nọ sị, “Ẹlẹ ndị Galili wụ ndịnị rị e ku oku?
8
Nanị onyẹ-onyẹ imẹ ẹnyi dọn nwan rị a nụ asụsụ alị wẹ nọ mụ a?
9
Kẹ ndị Patịa kẹ ndị Mẹdịa kẹ ndị Ẹlam; kẹ ndị bi Mẹsopotemịa lẹ Judia lẹ Kapadoshịa lẹ Pọntusu lẹ Eshịa
10
lẹ Frigia lẹ Pamfilia lẹ Ijiptu lẹ ẹgbẹrẹ Libia ndị hụ nọchimẹ Saịrini lẹ ndị bi alị ndị Rom,
11
kẹ ndị Ju kẹti-kẹti kẹ ndị gha ofufe ọzọ sọnmẹ ofufe ndị Ju; kẹ ndị gha alị Kriti bịa lẹ ndị Arabụ. Ẹnyi ile hụ a nụ kẹ wẹ rị e gi asụsụ ẹnyi e ku oku okẹn ọrụn-atụmẹnya Osolobuẹ rụnsọnmẹ.”
12
Ọ tụ wẹ ile ẹnya, gba wẹ ngharị-ẹnya; wẹ hụ a jụ ibe wẹ, “Kị ọnwan wụ?”
13
Kanị ndị ọzọ hụ a mụ ẹmụ, a sị, “E gigụọ wẹ manya ọhụn ragbu enwẹn wẹ!”
14
Ya kẹ Pita lẹ ndị-ozi pụ-ichẹn mmanaị ibe ẹ nọ lihi ọtọ, Pita nọ weshi olu elu gwa ndị hụ gbazuni oku: ọ sị wẹ, “Ndị Ju ibe m lẹ ndị ile bi Jerusalẹm, nị m kọwa nị ụnụ ihiẹnni rị e mẹni; gọnni m ntịn ọhụnma-ọhụnma.
15
Manya arị a tụ ndịnị kẹ ụnụ dọn rị e ro, kaka — o mẹkẹdẹ nwan ụtụntụn, ọkụrọkụ itenẹi sụọ rọhụ.
16
Mba! Ihiẹnni kẹ Osolobuẹ gi Juwẹlụ onyẹ-amụma ku, sị,
17
‘Osolobuẹ sị, “Ogẹn ikpanzụụn, m jẹnkọ d'e hu Mmọn-nsọ m kpu ịhịan ile. Ụmụ ụnụ ikẹnnyẹ lẹ ikpoho k'e bu amụma; ikorọbịa ụnụ k'a hụn ọhụn; ikẹnnyẹ-ọba ụnụ k'a rọ nrọ.
18
Ẹghẹẹ, ogẹn hụ, m k'e hu Mmọn-nsọ m kpu idibo m — kẹ ikẹnnyẹ kẹ ikpoho, e bu wẹ amụma.
19
M k'a ghọsịsọnmẹ ihiẹn atụmẹnya elu-igwere, ghọsịsọnmẹ ahịma elu-ụwa — kẹ ẹdeke kẹ ọkụn kẹ ẹnwụnrụn.
20
Ẹnyanwụn jẹnkọ d'a gba ishi, ifọn e nwunmẹ ẹdeke-ẹdeke, Ụhụọhịn Di-nwọnni-ẹnyi kebe ru, okẹn ụhụọhịn ahụn pụ ichẹn.
21
Ogẹn hụ, onyẹ ọwụlẹ hụn k'a kpọku ẹfan Di-nwọnni-ẹnyi k'e nwọn nzụọpụha.” ’
22
“Ndị Izrẹlụ, gọn ni ntịn ihiẹn m rị e ku! Jizọsị onyẹ Nazarẹtị wụ okẹnnyẹ hụn Osolobuẹ ghọsịchanrịn ụnụ ọhụnma-ọhụnma nị ya zihẹ ẹ — ghahanị ọrụn-atụmẹnya lẹ ahụnlele lẹ ihiẹn-nghọsị bu ọda o gi ẹ rụn imẹ igunrun ụnụ, hụn ụnụ marịn.
23
Kanị ihiẹn Osolobuẹ rotọ kaye nọ mẹ, ụnụ nọ we ẹ ye ndị alị ọzọ marịnlẹni Osolobuẹ, wẹ nọ kpọgbuni ụnụ ya elu obe.
24
Kanị Osolobuẹ nọ gha ọnwụn weli ẹ, gha ẹka ọnwụn gbapụha a, makẹni ọnwụn as'ẹka kwọndọn ẹ.
25
Defidi e kughọ oku ẹ, sị, ‘M'a hụn Di-nwọnni-ẹnyi ogẹn ile k'ọ nọyeni m; ebe o mẹ ni ọ rị m ẹka-nni, emẹhunmẹkọ m.
26
Ya haịn obi gi a sụọ m ụsụọ; ya haịn ẹbụ gi a rị m ọnụ. Ẹhụ m k'e zu nwan ikẹn, makẹni m nwọn olilẹnya.
27
Makẹni y'a lakọ m tọ alị-mmọn; y'a nịkọ Onyẹ-nsọ ị rehi.
28
Y'e mẹgụọ m marịn ụzọ ndụn; y'e mẹ m a ghọghọ nị mmẹ lẹ yụ rị.’
29
“Umunẹ m, m k'a gwapụ ụnụ nị nẹdi ẹnyi kanị wụ Defidi a nwụnhụnghọ, e li wẹ ẹ; ili ẹ rịkwọ nwan ebeni d'e ru tannị.
30
Kanị makẹni Defidi wụ onyẹ-amụma lẹni Defidi a marịngụọ nị Osolobuẹ kwe ẹ nkwa, kun enwẹn ẹ, n'o jẹnkọ d'e tumẹ nwa Defidi eze elu ukpo ẹ,
31
Defidi hụntọ ihiẹnni. Ya kẹ ọ nọ ku ẹ nị Kraịstị, Onyẹ Hụ Osolobuẹ Tumẹ, jẹnkọ d'a gha ọnwụn lihi, nị alanị w'a tọ imẹ ili lẹni ẹhụ a eretọnị imẹ ili.
32
Osolobuẹ a ghagụọ nwan ọnwụn weli Jesuni, ẹnyi ile rị ihun ụnụ kikẹnni gi ẹnya ẹnyi hụn a.
33
Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.
34
Makẹni Defidi aghanị ọnwụn lihi lashi elu-igwee, kama ya lẹ enwẹn ẹ e kughọd'a, sị, ‘Di-nwọnni-ẹnyi sị Di-nwọnni m, “Nọdị alị ẹka-nni m,
35
d'e ru mgbe m gi ndị-iṅẹnrẹn i mẹmẹ ihiẹn i gi a tụkwasị ụkụ.” ’
36
Ndị Izrẹlụ ile, ya we nwan ụnụ ẹnya nị Osolobuẹ e mẹọlẹ Jesuni ụnụ kpọgbu elu obe wụrụ Onyẹ nwọn ihiẹn ile lẹ Onyẹ-nzụọpụha hụ ụnụ rị e lee ẹnya a.”
37
Ogẹn wẹ gi nụ ihiẹnni, o gbu wẹ mgbu obi ọda-ọda. Wẹ nọ sị Pita lẹ ndị-ozi pụ-ichẹn ibe ẹ, “Umunẹ, kị ẹnyi e mẹ nwan?”
38
Pita nọ za wẹ, sị, “Onyẹ-onyẹ imẹ ụnụ ya rogharị, ni wẹ gi ẹfan Jizọs Kraịstị mẹ ẹ mirin-Chuku, Osolobuẹ a gbagharị a njọ, ogẹn ahụn, o nwọnhẹn oyiye hụ wụ Mmọn-nsọ.
39
Makẹni ụnụ kẹ Osolobuẹ kwe nkwanị n'o k'e zihẹ Mmọn-nsọ — ụnụ lẹ ụmụ ụnụ lẹ ndị rị ebe teni — onyẹ ọwụlẹ Di-nwọnni-ẹnyi wụ Osolobuẹ ẹnyi k'a kpọ oku.”
40
Pita a gwazịghọ wẹ ihiẹn bu ọda, gi ẹ dọ wẹ ẹka-ntịn, a sị wẹ, “Zụọpụha nị enwẹn ụnụ imẹ agbọnị zinlẹni!”
41
Wẹ nọ mẹ ndị ile nabanhan ozi ẹ mirin-Chuku. Ihiẹn nọ kẹ madụ nnụ-uku ẹtọ (3,000) banyeni wẹ ụhụọhịn hụ.
42
Ndịnị ile nọ bu enwẹn wẹ che nkuzi ndị-ozi hụ pụ-ichẹn, izu iko ofufe, iri Oriri-nsọ lẹ imẹ-ekpere.
43
Onyẹ-onyẹ hụ e gi egun Osolobuẹ e bi, Osolobuẹ hụ e gi ndị-ozi hụ pụ-ichẹn a rụn ọrụn-atụmẹnya lẹ ihiẹn-nghọsị bu ọda.
44
Ndị ile kwerini hụ e mẹgbama; onwọnni onyẹ kpọ ihiẹn ẹ nke ya sụọ.
45
W'e re alị lẹ ihiẹn ndị ọzọ wẹ nwọn, e ke egho ẹ e ye onyẹ-onyẹ kẹ mkpa wẹ dọn rị.
46
Wẹ hụ e gi obi ohu e zu imẹ Ụlọ-nsọ ụhụọhịn-ụhụọhịn; e ri Oriri-nsọ ụlọ-ụlọ; e gi ịghọghọ lẹ ịshịapụ-ẹfọ e rigbama ihiẹn-oriri iwe wẹ,
47
a ja Osolobuẹ mma; ihiẹn wẹ hụ a sụọ ịhịan ile. Ụhụọhịn-ụhụọhịn, Di-nwọnni-ẹnyi hụ e bucheni wẹ ndị hụn ọ rị a zụọpụha.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28