bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Acts 8
Acts 8
Ika 2018 Bible
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
1
Sọlụ a kwadọnghọ wẹ kẹ wẹ rị e gbu Stivini. Gha ụhụọhịn hụ jẹnmẹ, wẹ nọ kpokpomẹ ndị ụka rị Jerusalẹm ọda-ọda. Wẹ ile nọ gbayịya, gbashisọnmẹ ẹgbẹrẹ Judia lẹ Sameria — wezụka ndị-ozi hụ pụ-ichẹn.
2
Ogẹn wẹ gi magbu Stivini, ikẹnnyẹ e feshi Osolobuẹ ikẹn nọ bịa d'e buru ozun ẹ d'e li; wẹ nọ kwan ọda-ọda kwanshi elu nị Stivini a nwụnhụn.
3
Kanị Sọlụ nkẹ hụ a lụ nọ kụsị ụka Jesu, a gha ụlọ-ụlọ a dọkpụnpụha ikẹnnyẹ lẹ ikpoho kweri ni Jesu, e bu wẹ e che ụlọ-ngan.
4
Ogẹn hụ, ndị hụn gbayịyanị hụ e zi oziọma ebe-lẹ-ebe wẹ ru.
5
Filipu nkẹ nọ jẹn isi-obodo Sameria, gwa wẹ oku Kraịstị.
6
Ogẹn igunrun rịsọnmẹ ebẹhụ gi nụ ihiẹn Filipu rị e ku, hụnzị ọrụn-atụmẹnya ọ rị a rụn, wẹ ile nọ gọn ẹ ntịn,
7
makẹni eje-mmọn rị imẹ ndị bu ọda hụ a gha imẹ wẹ a pụha, yikọ oro; ndị ọrọ lẹ ndị ngụrọ bu ọda hụ a dịnhịn,
8
okẹn ịghọghọ e jun obodo hụ.
9
Ogẹn ahụn, okẹnnyẹ ohu ẹfan a wụ Saịmọnụ bi obodo hụ. O gi ọgụn e mẹ ihiẹn a tụ ndị Sameria ile ẹnya; ọ hụ a kpọ enwẹn ẹ okẹn ịhịan.
10
Wẹ ile e gọn ẹ ntịn, kẹ onyẹ uku kẹ onyẹ-nta, a sị, “Okẹnnyẹni ya gi Ikẹn Osolobuẹ ahụn w'a kpọ ‘Okẹn-ikẹn.’ ”
11
Wẹ hụ e gọn ẹ ntịn makẹni o tekẹmẹkẹ o gi ọgụn e mẹ ihiẹn a tụ wẹ ẹnya.
12
Ogẹn wẹ gi kweri oziọma Alị-eze Osolobuẹ lẹ ẹfan Jizọs Kraịstị hụn Filipu rị e zi, wẹ nọ mẹ wẹ mirin-Chuku, kẹ ikẹnnyẹ kẹ ikpoho.
13
Saịmọnụ lẹ nwẹn ẹ nọ kwerizidẹ; e mẹgụ w'a mirin-Chuku, ọ nọ sọnhunmẹmẹ Filipu; okẹn ọrụn-atụmẹnya lẹ ihiẹn-nghọsị ọ rị a hụn Filipu rị a rụn hụ a tụ a ẹnya ọda-ọda.
14
Ogẹn ndị-ozi hụ pụ-ichẹn hụn rị Jerusalẹm gi nwan nụ nị ndị Sameria a nabanhangụọ oku Osolobuẹ, wẹ nọ zijẹnni wẹ Pita lẹ Jọnụ.
15
Ogẹn wẹ gi ru ebẹhụ, wẹ nọ mẹni ndị kwerini ekpere nị wẹ nwọnhẹn Mmọn-nsọ —
16
(makẹni imẹ wẹ ile o ke nwọn hụn Mmọn-nsọ hidankwasị, wẹ gihụ ẹfan Di-nwọnni-ẹnyi wụ Jizọsị mẹ wẹ mirin-Chuku.)
17
Ya Pita lẹ Jọnụ nọ bu ẹka kwasị wẹ, wẹ nọ nwọnhẹn Mmọn-nsọ.
18
Ogẹn Saịmọnụ gi hụn nị Ndị-ozi hụ pụ-ichẹn buhụ ẹka kwasị wẹ, e nwọnhẹn wẹ Mmọn-nsọ, ọ nọ wẹhẹ egho n'o ye wẹ:
19
ọ sị, “Yezi ni mmẹ nwẹn ikẹnni, kẹni, m buhụ ẹka kwasị ịhịan, o nwọnhẹn Mmọn-nsọ.”
20
Pita nọ sị a, “Ịyụ lẹ egho i la iwi! Makẹni i ro n'ị k'a saẹka gi egho ṅọnrin oyiye Osolobuẹ!
21
Y'a rị imẹ ihiẹnni, onwọnzikwọnị ihiẹn runi i imẹ ẹ, makẹni obi i ezinrinni ẹnya Osolobuẹ.
22
Rogharịkwọ nwan eje-ihiẹnni i mẹ, y'e mẹ ekpere, rịọ Di-nwọnni-ẹnyi; ikẹnkwọ ọ gbagharị ị iroroni.
23
Makẹni a hụnọlẹ m nị eje ẹnya-ụfụ gi i, nị njọ kẹnzikwọ ị ẹgbụn.”
24
Saịmọnụ nọ sị Pita lẹ Jọnụ, “Dodo ni, mẹ ni ni m ekpere, rịọ Di-nwọnni-ẹnyi, makẹ ihiẹnni ụnụ ku gha e mẹ m.”
25
Ogẹn Pita lẹ Jọnụ gi shịagụnị Di-nwọnni-ẹnyi ẹri, zigụ ozi Di-nwọnni-ẹnyi, wẹ nọ lakin Jerusalẹm, zikọ oziọma imẹ obodo mẹsọnmẹ ẹkẹrẹ-ẹkẹrẹ bu ọda rị alị Sameria.
26
Ya mmọn-ozi Di-nwọnni-ẹnyi nọ sị Filipu, “Lihi, shi ụzọ hụ rị ẹbamịn ndịdan-mirin hụn gha Jerusalẹm pụ Gaza.” (W'a ra ghaka ụzọnị.)
27
Ya ọ nọ lihi, jẹnmẹ. Ọ nọ kunrun onyẹ Ẹtiopịa. Okẹnnyẹni wẹ wara wụ iho-aza hụn e dọnmẹ egho lẹ ihiẹn ile okpoho wụ Kandesi eze Ẹtiopịa nwọn. Ọ bịa Jerusalẹm d'e fe ofufe.
28
Ọ lakọ nwan alakọ; ọ nọdị alị imẹ ụgbọ-anyịnyan a, gụnkọ Ẹkụkwọ Azaya onyẹ-amụma.
29
Mmọn-nsọ nọ sị Filipu, “Jẹn d'a nọkunmẹchanrịn ụgbọ-anyịnyan hụ.”
30
Ya Filipu nọ gbakunrun ụgbọ-anyịnyan hụ, nụ kẹ okẹnnyẹ hụ rị a gụn Ẹkụkwọ Azaya onyẹ-amụma. Ọ nọ jụ a, sị, “Ị hụ nwan a ghọta ihiẹn ị rị a gụn?”
31
Okẹnnyẹ hụ nọ za, sị, “Nanị m'e dọn ghọta omẹni a kọwanịnị wẹ m'a?” Ọ nọ rịọ Filipu n'o nyinhẹn d'e du ẹ nọdị imẹ ụgbọ-anyịnyan hụ.
32
Ọ rị a gụn ebẹhụ Ẹkụkwọ-nsọ nọ sị, “Wẹ nọ duru ẹ nọkẹ atụnrụn wẹ dukọ d'e gbu; ọ gba wẹ nkịtịn kẹ atụnrụn wẹ rị a kọ ẹṅẹnrẹn dọn a gba nkịtịn.
33
Wẹ nọ kpari ẹ; wẹ nọ ma a ikpe — bụ onwọnni ihiẹn o mẹ. Onyẹ jẹnkọ d'e kuzi oku ụmụ a, ebe o mẹni wẹ gbuchu ẹ egbuchu elu ụwa?”
34
Okẹn-okporo hụ nọ sị Filipu, “Dodo, gwa m, onyẹ kẹ onyẹ-amụmanị rị e ku oku ẹ? Ya lẹ enwẹn ẹ ra onyẹ ọzọ?”
35
Ya kẹ Filipu nọ gha ebẹhụ okẹnnyẹ hụ rị a gụn zimẹ ẹ oziọma banyeni Jizọsị.
36
E jẹnbe wẹ, wẹ nọ hụn mirin; okẹn-okporo hụ nọ sị, “Lee mirin ebeni! Kị k'a han m emẹlẹ mirin-Chuku?”
37
[Filipu nọ sị a, “Omẹni y'e gighọ obi i ile kweri, nị wẹ mẹghọ ị mirin-Chuku.” Ọ nọ za, sị, “E kwerighọ m nị Jesu Kristi wụ Nwa Osolobuẹ.”]
38
Ya okẹn-okporo nọ sị onyẹ rị a nyann'a ụgbọ-anyịnyan hụ kụsị; okẹn-okporo lẹ Filipu nọ banye imẹ mirin, Filipu nọ mẹ ẹ mirin-Chuku.
39
Ogẹn wẹ gi gha imẹ mirin pụha, idẹnmizi, Mmọn-nsọ Di-nwọnni-ẹnyi nọ jụrụ Filipu; okẹn-okporo hụ ahụnzịn'a, ya okẹn-okporo hụ nọ gi ịghọghọ jẹnmẹ ebe o jẹnkọ.
40
Ebe Filipu nkẹ nọzị hụn enwẹn ẹ wụ Azọtusu. Ọ nọ jẹnsọnmẹ, zikọ oziọma imẹ obodo ile rị ẹgbẹrẹ hụ d'e ru n'ọ pụha Sizaria.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28