2 Kings 14

Mien Bible (Thai Script) © Thailand Bible Society, 2007

← Chapter 13 Jump to: Chapter 15 →

1เยโฮอาหาด เญย ตอน, เยโฮอาด, โหฒว อิสะลาเอน เญย ฮู่ง อี หฮญัง วั้ว หฮญัง, โยอาด เญย ตอน, อามาซิยา, ฝาว เหว่ย โหฒว ยูดา เญย ฮู่ง.

2อามาซิยา โหฒว ฮู่ง วั้ว หฒั่น, นิ่น เญย หฮญัง-เจ๊ย ตุ๊ หญี่ เหฒียบ ฮม์ หฮญัง. นิ่น เยียม เยลูซาเลม กุ๊น หญี่ เหฒียบ จั๊ว หฮญัง. นิ่น เญย มา เญย บั๋ว เห่ว เยโฮอัดดิน, เซ เยลูซาเลม ฒี่ง เญย เมี่ยน.

3หฒิว เฒี้ยว หมั่ง, อามาซิยา โหฒว ตุ๊ หอบ มป่า ไม้ ฮนั้ง นิ่น เญย อง-ถาย, ดาวิด, โหฒว เญย. นิ่น เอย นิ่น เญย เตีย, โยอาด, เญย หญู่ง เฒ้ย โหฒว หญู่งๆ.

4มป่า นิ่น ไม้ แธะ เยียม ฮลัง หฒั่ง เฒี่ยน เญย ต๋อง. แปะ ฝีง หธ่อ เยียม วั้ว ฝ่ง ห่อ เหฒี่ย หย่า ปั๊ว ฮูง.

5โหฒว เกา, อามาซิยา เยี้ยด ตุ๊ กุ๊น กั๊วะ ว้วน เญย, นิ่น ฯฒฯ เฒาะ ต้ง ฒิ่น ด่าง ไต๋ นิ่น เญย เตีย วั้ว เต๋ย เจียน, ไต๋ เหฑ่ง หมี่ อ๊ะ.

6มป่า นิ่น ไม้ ไต๋ ต้ง ไต๋ นิ่น เญย เตีย วั้ว เต๋ย เจียน เญย ตอน หฒิว เฟี้ย เจี๊ยน โมเซ เญย เล์ย-หลัด โซว. เฒี้ยว หัด เญย หว่า ก๊อง, “ไม้ ตู๋ง เหว่ย ตอน-เจว๊ย โหฒว เญย ฒุ์ย ไต๋ เตี๋ย หม่า. หย่า ไม้ ตู๋ง เหว่ย เตี๋ย หม่า โหฒว เญย ฒุ์ย ไต๋ ตอน-เจว๊ย. เก๊าะ-เมี่ยน อ๋อย หฒุ เหว่ย เก๊าะ-เมี่ยน เญย ฒุ์ย หฒุ ไต่.”

7อามาซิยา เยียม เฑ้า-ฮ์อง ไต๋ ไต่ เหยียด หว่าน เต้า เอโดม เมี่ยน, หย่า เบ๊าะ ฮี่ง เฒาะ ตุ๊ เซเอลา ฒี่ง, แอ๋ง ทิ้ว ฒี่ง เญย บั๋ว เห่ว โย้กเทเอน. น้าย นอม ฒี่ง หธ่อ ฮนั้ง น้าย นอ เห่ว เถา อี้ จ๋า ฮนอย.

8อามาซิยา พ้าย โต่ว เฝียน เมี่ยน มี่ง ล์อ เยฮู เญย ฟุน, เยโฮอาหาด เญย ตอน, อิสะลาเอน เมี่ยน เญย ฮู่ง, เยโฮอาด, ก๊อง บั๋ว นิ่น, “ต้าย ม่าะ! บัว อี เต้า เฮมียน ต๋อย เฮมียน เบ๊าะ จ๋า.”

9มป่า อิสะลาเอน เญย ฮู่ง, เยโฮอาด, แอ๋ง พ้าย โต่ว เฝียน เมี่ยน มี่ง บั๋ว ยูดา เญย ฮู่ง, อามาซิยา, “ม่าย ฒู่ง ฌิ้ม เยียม เลบานอน บง ปุน หว่า มี่ง บั๋ว ติ้ว เยียม เลบานอน บง เญย สีดา ฒ่ง เดี๋ยง, ‘ปู๋ง เม่ย เญย เซียะ ปุน เยีย เญย ตอน หล่ง โหฒว เอ๊า.’ ฆะฮ้า ม่าย เต้า เฮยี่ย ฒ่อย เจี๋ย เจ๊า ธ้าย หว่าย วั้ว ฒู่ง ฌิ้ม.

10เม่ย หฒะเก้ง เบ๊าะ ฮี่ง เอโดม เมี่ยน หมี่ อ๊ะ. อี้ หฒั่น เม่ย ฯฒฯ เธง-โฮล อ๊ะ. อ๋อย หฒุ ปวั๊ง เฮญี้ยว เม่ย ตุ๊ ต้าย เญย ฌัง-หล่าง หย่า เยียม เจี๊ยน เปย๊า ม่าะ! เหว่ย หาย ติ่ว เจี์ย เฮญี้ยว ธัวะ สี่ ปุน เม่ย กั้น เหธา ยูดา เต่ย เหยียด ฒู้ง หฒุ ป่าย?”

11มป่า อามาซิยา ไม้ หมวัง น้าย เต๋ย หว่า. อิสะลาเอน เญย ฮู่ง, เยโฮอาด, ฯฒฯ ต้าย เยียม ยูดา เต่ย เญย เบดเซเม้ด มู้ง, เหธา ยูดา เญย ฮู่ง, อามาซิยา, ต๋อย เฮมียน เบ๊าะ จ๋า.

12ยูดา ฯฒฯ เซวย อิสะลาเอน. เก๊าะ-เมี่ยน เปย๋า เจี๊ยน หฑวน เก๊าะ-เมี่ยน เญย เปย๊า.

13เยียม เบดเซเม้ด มู้ง, อิสะลาเอน เญย ฮู่ง, เยโฮอาด, เฒาะ อาหัดยา เญย ฟุน, โยอาด เญย ตอน, ยูดา เญย ฮู่ง, อามาซิยา. ฆะฮ้า เยโฮอาด มี่ง เยลูซาเลม แธะ หว่าย ฒี่ง หลาด เยียม เอฟาอิม หลาด แก้ง มี่ง เถา เก๊าะ แก้ง, ดาว เฝย แป๊ะ เดาะ.

14นิ่น เฒาะ เหฑ่ง เยียม หฒั่ง เฒี้ยว เญย เปย๊า กะญั์ว เหธา เยียม ฮู่ง ติ่น เซียว จ๋าย เญย กะน้าย เญย ต๋อง เญย เจียม ญ่าน เหธา จา-ต๋อง. นิ่น หย่า เฒาะ เต๋ย เมี่ยน มี่ง โหฒว ต๋อง-ต้าว ฯฒฯ หฑวน สะมาเลีย ฒี่ง หมี่ อ๊ะ.

15เยโฮอาด โหฒว เหฒ่ง เหฌี่ย เญย สี่ เหธา นิ่น เญย ชะ, เลี่ยม นิ่น เหธา ยูดา เญย ฮู่ง, อามาซิยา, เบ๊าะ จ๋า เญย สี่, เฟี้ย เจี๊ยน อิสะลาเอน ฮู่ง เญย ฮู่ง โต้ว ตาน.

16เยโฮอาด เกวย เสย หมี่ อ๊ะ, หย่า เหธา อิสะลาเอน เญย ฮู่ง หฒัง เจี๊ยน สะมาเลีย. นิ่น เญย ตอน, เยโลโบอัม, แอ๋ง หฑิบ เจี๊ยน นิ่น โหฒว ฮู่ง.

17อิสะลาเอน เญย ฮู่ง, เยโฮอาหาด, เญย ตอน, เยโฮอาด, เกวย เสย ลิ์ว, ยูดา เญย ฮู่ง, โยอาด เญย ตอน, อามาซิยา, หธ่อ เฒี่ยง เจี๊ยน เหฒียบ ฮม์ หฮญัง.

18อามาซิยา โหฒว เหฒ่ง เหฌี่ย เญย สี่ เฟี้ย เจี๊ยน ยูดา ฮู่ง เญย ฮู่ง โต้ว ตาน.

19เยียม เยลูซาเลม ม่าย เมี่ยน เป่ย เดี๊ย ธ่าง ล่าง อ๋อย แหง่ง อามาซิยา, นิ่น ฯฒฯ เปย๋า มี่ง ลาคี้ด ฒี่ง, มป่า นิ่น บัว พ้าย เมี่ยน มี่ง เถา ลาคี้ด, เยียม วั้ว ไต๋ นิ่น.

20นิ่น บัว หล่ง ม์า ทอ นิ่น เญย เซย หฑวน เยลูซาเลม, เหธา นิ่น เญย อง-ถาย หฒัง เจี๊ยน เยียม ดาวิด เญย ฒี่ง.

21ยูดา เญย หฒวัง แปะ ฝีง เหลียบ อาซาลิยา หฑิบ เจี๊ยน โหฒว ฮู่ง ตี๊ นิ่น เญย เตีย, อามาซิยา. วั้ว หฒั่น อาซาลิยา ตุ๊ เหฒียบ หลัวะ หฮญัง.

22อามาซิยา เกวย เสย หมี่ อ๊ะ. ฆะฮ้า อาซาลิยา ตุ๊ เหธย เจี์ย เอลัด ฒี่ง แอ๋ง ฝูง หฑวน ปุน ยูดา.

23โยอาด เญย ตอน, อามาซิยา, โหฒว ยูดา เญย ฮู่ง เหฒียบ ฮม์ หฮญัง วั้ว หฮญัง, เยโฮอาด เญย ตอน, เยโลโบอัม, เยียม สะมาเลีย ฝาว เหว่ย โหฒว อิสะลาเอน เญย ฮู่ง หย่า กุ๊น เฝย เหฒียบ เยี้ยด หฮญัง.

24เอย เฒี้ยว หมั่ง นิ่น โหฒว หว่าย สี่, ไม้ กวั่ง เนบัด เญย ตอน, เยโลโบอัม, โหฒว เญย เหยียด ฒู้ง ฒุ์ย, ต้ง นิ่น ปุน อิสะลาเอน เมี่ยน ป์าม เญย ฒุ์ย.

25เซ ต้ง น้าย เต้า ฮู่ง แอ๋ง เบ๊าะ ตุ๊ เต่ย-ปูง หฑวน, ปุน อิสะลาเอน เญย กั๊บ-จ๋าย เยียม เลโบฮามัด มี่ง เถา อาลาบา เญย ค้อย, ฮนั้ง เฒี้ยว, อิสะลาเอน เญย ทิน-ฮู่ง, หล่ง นิ่น เญย โปว, เซ เยียม กัดเฮเฟ เญย โต่ว หว่า เมี่ยน, อามิดไท เญย ตอน, โยนา, ก๊อง เญย หว่า.

26เหว่ย หฒุ เฒี้ยว หมั่ง ปวัด อิสะลาเอน เญย หฒวัง เมี่ยน, ไม้ กุ๊น โหฒว โน่ว ไฟ ไม้ โหฒว โน่ว เญย, หฒุ เสี่ยว โค้ว หย่า ไม้ ม่าย หาย เต้า เถง.

27เฒี้ยว หย่า ไม้ ก๊อง นิ่น อ๋อย เฒาะ อิสะลาเอน เญย บั๋ว เยียม ลู่ง เดี๊ย ซ้อด กวั่ง, นิ่น ฯฒฯ หล่ง เยโฮอาด เญย ตอน, เยโลโบอัม, เหฌียว นิ่น บัว.

28เยโลโบอัม โหฒว เหฒ่ง เหฌี่ย เญย สี่, เหธา นิ่น โหฒว เญย เหยียด ฒู้ง, เหธา นิ่น เญย ชะ, นิ่น ฮนั้ง หาย นอ เบ๊าะ จ๋า, ฮนั้ง หาย นอ ตุ๊ ต้ง ฒิ่น ด่าง เป๋น ยูดา เญย ดามัดกัด ฒี่ง เหธา ฮามัด ฒี่ง หฑวน ต้าย เป๋น อิสะลาเอน เญย, น้าย เต๋ย เหยียด ฒู้ง สี่, เฟี้ย เจี๊ยน อิสะลาเอน ฮู่ง เญย ฮู่ง โต้ว ตาน.

29เยโลโบอัม เกวย เสย หมี่ อ๊ะ, นิ่น เญย ตอน, เสคาลิยา, หฑิบ เจี๊ยน นิ่น โหฒว ฮู่ง.

← Chapter 13 Jump to: Chapter 15 →