2 Kings 7

Mien Bible (Thai Script) © Thailand Bible Society, 2007

← Chapter 6 Jump to: Chapter 8 →

1มป่า เอลีซา ก๊อง, “เม่ย บัว หมวัง เฒี้ยว เญย หว่า ม่าะ! เฒี้ยว ฮนั้ง น้าย นอ ก๊อง, ‘ฌัง ฮนอย เล่ย ไม้ โก น้าย นอม เฒี่ยง โห่, เยียม สะมาเลีย เญย ฒี่ง แก้ง, เสี่ย เมาะ บ๊วน หม่าย ตุ๊ หญี่ ฒิ่น เล่ง ญ่าน. เหฒียบ ฮม์ เมาะ เบย้า บาลี หย่า หม่าย ตุ๊ หญี่ ฒิ่น เล่ง ญ่าน.’”

2ม่าย เต้า ฮู่ง เตี๋ย เญย ซิน-เฮลน แปง ก๊อง, “หมั่ง ม่าะ! เฒี้ยว ปุน ลู่ง แก้ง ฆอย เหฑ่ง, ฒู้ง ไม้ ไฮ่ ม่าย น้าย หญู่ง สี่ ซ่าะ?” เอลีซา เตา, “เม่ย กั้น เญย มฒีง ตุ๊ ปวัด มป่า เม่ย ไม้ ตุ๊ หญั่น เหยียด เต๋ย.”

3เยียม ฒี่ง แก้ง ด่าง ม่าย เปยย เต้า ปุ๊ด ก้ม ฮู้ แป่ง เญย เมี่ยน. นิ่น บัว ล่าน ก๊อง บั๋ว ล่าน, “บัว เหว่ย หาย ติ่ว เฒว์ย เจี๊ยน น้าย ฒั้ว ไต่?

4สี ก๊อง บัว ก๊อง, ‘บัว เปียะ ฒี่ง ม่าะ!’ เยียม วั้ว ฒี่ง หง่อ หฮนาง, บัว หย่า หฒุ ไต่. สี ก๊อง บัว เฒว์ย เจี๊ยน น้าย, บัว หย่า หฒุ ไต่. ฮนั้ง หน่าย, ต้าย ม่าะ! บัว มี่ง ซีเลีย เมี่ยน เญย เธี้ยง. สี ก๊อง นิ่น บัว เลี่ยว บัว เญย แหม่ง ฯฒฯ ตุ๊ เฒี่ยง. สี ก๊อง นิ่น บัว ไต๋ บัว, บัว ฯฒฯ หฒุ ไต่.”

5เถา เหฑียม-ย่าง เญย เฒี่ยง โห่, นิ่น บัว มี่ง ซีเลีย เมี่ยน เญย เธี้ยง. เถา เธี้ยง กะเฮลน, ไม้ ปวัด เหยียด เต้า เมี่ยน เยียม วั้ว,

6เหว่ย หฒุ เฒี้ยว ปุน ซีเลีย เมี่ยน เญย แปง หมวัง ไฮ์ เบ๊าะ จ๋า เญย ม์า-เธีย เหธา ม์า เหธา ต้ม แปง-กวั้น เญย เฉีย บุย. นิ่น บัว ฯฒฯ ล่าน บั๋ว ล่าน, “หมั่ง ม่าะ! อิสะลาเอน เญย ฮู่ง ธี้ง ฮิดไท เมี่ยน เญย ฮู่ง เหธา อียิบ เญย ฮู่ง ต้าย เบ๊าะ บัว.”

7เหฑียม-ย่าง เญย เฒี่ยง โห่ นิ่น บัว ฯฒฯ เปย๋า, กวั่ง เจี๊ยน นิ่น บัว เญย ด๊บ-ลิ่ว, นิ่น บัว เญย ม์า เหธา ล่อ. นิ่น บัว เฒียง หน่าย กวั่ง เจี๊ยน ด๊บ-ลิ่ว เธี้ยง เปย๋า หมี่ อ๊ะ.

8วั้ว เต๋ย ปุ๊ด ก้ม ฮู้ แป่ง เญย เมี่ยน มี่ง เถา เธี้ยง กะเฮลน เปียะ นอม ด๊บ-ลิ่ว. นิ่น บัว โหย่ว หญั่น โหย่ว ฮบ, แอ๋ง เฒาะ เจียม ญ่าน เหธา ลุย-โหว ต้อ มี่ง ปี๋ง เจี๊ยน. นิ่น บัว แอ๋ง หฑวน ต้าย เปียะ กั้น นอม ด๊บ-ลิ่ว, เฒาะ เยียม วั้ว นอม เญย กะน้าย ฟี่ ฮนั้ง เญย ต้อ มี่ง ปี๋ง.

9ฆะฮ้า นิ่น บัว ล่าน ก๊อง บั๋ว ล่าน, “บัว ฮนั้ง น้าย โหฒว เซ ไม้ หอบ. อี้ ฮนอย ม่าย คู้ เฝียน. สี ก๊อง บัว ไม้ บั๋ว เมี่ยน แอ๋ง ฒั้ว เถา ลู่ง ฌัง, ฒุ์ย ฯฒฯ ด๊อด หฒุ บัว อ๊ะ. ต้าย ม่าะ! บัว อี้ หฒั่น มี่ง บั๋ว ฮู่ง เตี๋ย เญย เจียน.”

10นิ่น บัว ฯฒฯ มี่ง เห่ว ฒั้ว ฒี่ง แก้ง เญย เมี่ยน หย่า บั๋ว นิ่น บัว, “เยีย บัว เปียะ ซีเลีย เมี่ยน เญย ด๊บ-ลิ่ว เธี้ยง. ไม้ ปวัด หาย เต้า เมี่ยน หย่า ไม้ ไฮ์ หาย เต้า เญย เฉีย บุย. ขูง ม่าย ม์า เหธา ล่อ โด้ เจี๊ยน วั้ว. ด๊บ-ลิ่ว หย่า ฮนั้ง วั้ว.”

11ฒั้ว แก้ง เญย เมี่ยน ฯฒฯ เห่ว, หย่า ม่าย เมี่ยน บั๋ว เถา ฮู่ง ติ่น.

12ลู่ง ม์วน หฒั่น ฮู่ง เตี๋ย เจี์ย ซิน บั๋ว นิ่น เญย เจียน, “เยีย บั๋ว เม่ย บัว, ซีเลีย เมี่ยน ฮนั้ง หาย นอ โหฒว ปุน บัว. นิ่น บัว ฮิ้ว ตุ๊ บัว หง่อ หฮนาง, นิ่น บัว ฯฒฯ ธ้วด เธี้ยง ปี๋ง เจี๊ยน เธี้ยง กะเฮลน. นิ่น บัว ฮนั้ม ต้าย, ‘นิ่น บัว ด่ง หาย ฒู้ง อ๋อย ธ้วด ฒี่ง.’ นิ่น บัว ฯฒฯ เลี่ยม นั่ง เญย เฒาะ เยีย บัว แอ๋ง เปียะ ฒี่ง อ๊ะ.”

13ม่าย เต้า นิ่น เญย เจียน ก๊อง บั๋ว ฮู่ง เตี๋ย, “ปุน เต๋ย เมี่ยน เก้ ปยา เต้า เยียม ฒี่ง กะญั์ว เหฒ่ง เหฌี่ย เญย ม์า, มี่ง หมั่ง ก๋า ฮนั้ง หาย นอ. สี ก๊อง นิ่น บัว หฒุ ไต่, นิ่น บัว ฯฒฯ ฮนั้ง เยียม น้าย เหฒ่ง เหฌี่ย เญย อิสะลาเอน เมี่ยน ไต่ นอ. เซ ฮนั้ง เยียม น้าย หฒุ ไต่ มี่ง เญย อิสะลาเอน เมี่ยน. โท้ พ้าย เต๋ย เมี่ยน มี่ง หมั่ง ก๋า.”

14นิ่น บัว ฯฒฯ พ้าย อี นอม ม์า-เธีย เหธา ม์า มี่ง หฒุ่น ซีเลีย เญย แปง-กวั้น. ฮู่ง เตี๋ย จา หว่า ก๊อง, “เม่ย บัว มี่ง หมั่ง ก๋า ม่าย หาย หญู่ง สี่ ธ้วด.”

15นิ่น บัว ฯฒฯ กัน เจี๊ยน ซีเลีย แปง มี่ง เถา จอแดน ด้าย. เฒี่ยง ติ้ว เจ๊า ปวัด ซีเลีย เมี่ยน ก๊าน เปย๋า เญย เฒี่ยง โห่ กวั่ง เญย ลุย-โหว เหธา จา-สี่. น้าย เต๋ย โต่ว เฝียน เมี่ยน ฯฒฯ หฑวน มี่ง บั๋ว ฮู่ง เตี๋ย.

16หฒวัง เมี่ยน ฯฒฯ ธ้วด มี่ง ลู้ ซีเลีย เมี่ยน เญย เธี้ยง. ฮนั้ง หน่าย เสี่ย เมาะ บ๊วน หม่าย ตุ๊ หญี่ ฒิ่น เล่ง ญ่าน. เหฒียบ ฮม์ เมาะ เบย้า บาลี หย่า หม่าย ตุ๊ หญี่ ฒิ่น เล่ง ญ่าน. ฮนั้ง เฒี้ยว ก๊อง เจี๋ย เญย หว่า นอ.

17ฮู่ง เตี๋ย พ้าย เยียม นิ่น เญย ซิน-เฮลน วั้ว เต้า แปง ฒั้ว ฒี่ง แก้ง. ฒั้ว แก้ง เญย เฒี่ยง โห่ นิ่น หฒุ ธ้าย ไต่ หมี่ อ๊ะ, ฮนั้ง ฮู่ง เตี๋ย มี่ง ทิน-ฮู่ง เญย เมี่ยน เญย เปย๊า ทิน-ฮู่ง เญย เมี่ยน จา-ด่าง ก๊อง เญย หว่า นอ.

18สี่ ธ้วด ต้าย ฮนั้ง ทิน-ฮู่ง เญย เมี่ยน ก๊อง บั๋ว ฮู่ง เตี๋ย. นิ่น ก๊อง, “ฌัง ฮนอย เล่ย ไม้ โก น้าย นอม เฒี่ยง โห่, เยียม สะมาเลีย เญย ฒี่ง แก้ง, เสี่ย เมาะ เบย้า หม่าย ตุ๊ หญี่ ฒิ่น เล่ง ญ่าน. เหฒียบ ฮม์ เมาะ เบย้า บาลี หย่า หม่าย ตุ๊ หญี่ ฒิ่น เล่ง ญ่าน.”

19วั้ว เต้า แปง-เปย๊ย ฒิ่น ด่าง ก๊อง บั๋ว ทิน-ฮู่ง เญย เมี่ยน “หมั่ง ม่าะ! ไม้ กุ๊น เฒี้ยว ปุน ลู่ง แก้ง ฆอย เหฑ่ง, ฒู้ง ไม้ ไฮ่ ม่าย น้าย หญู่ง สี่ ซ่าะ?” ทิน-ฮู่ง เญย เมี่ยน เตา, “เม่ย กั้น เญย มฒีง ตุ๊ ปวัด มป่า เม่ย ไม้ ตุ๊ หญั่น เหยียด เต๋ย.”

20หฒะเก้ง ธ้วด ต้าย ฮนั้ง หน่าย นอ, เหว่ย หฒุ เยียม วั้ว ฒี่ง แก้ง นิ่น หฒุ หฒวัง เมี่ยน ธ้าย ไต่ หมี่ อ๊ะ.

← Chapter 6 Jump to: Chapter 8 →