2 Kings 22

Mien Bible (Thai Script) © Thailand Bible Society, 2007

← Chapter 21 Jump to: Chapter 23 →

1โยสิยา ฝาว เหว่ย โหฒว ฮู่ง วั้ว หฒั่น, นิ่น ตุ๊ เหฮยียด หฮญัง. นิ่น เยียม เยลูซาเลม กุ๊น ฟ่า เหฒียบ เยี้ยด หฮญัง. นิ่น เญย มา เญย บั๋ว เห่ว เยดีดา, เซ โบดค้าด เมี่ยน, อาดายา เญย เซียะ.

2หฒิว เฒี้ยว หมั่ง, โยสิยา โหฒว ตุ๊ หอบ. นิ่น เอย เจี๊ยน นิ่น เญย อง-ถาย, ดาวิด, เญย เหยียด ฒู้ง เจ๊า ยั่ง, ไม้ มี่ง บย่าว, ไม้ มี่ง หฒาย.

3โยสิยา โหฒว ฮู่ง เหฒียบ เป๊ด หฮญัง วั้ว หฮญัง, นิ่น พ้าย เมซุนลาม เญย ฟุน, อาซาไลยา เญย ตอน, ซาฟาน โซว-ปิ๊ว, มี่ง หฒั่ง เฒี้ยว เญย เปย๊า, ก๊อง บั๋ว นิ่น,

4“มี่ง ล์อ ฮินคียา ต้ม ไซ เมี่ยน บั๋ว นิ่น ฝุน เหฑ่ง ต้อ ต้าย เฮยี้ยด หฒั่ง เฒี้ยว เญย เปย๊า เญย ญ่าน, ต้ง ฒั้ว แก้ง เมี่ยน เซียว แปะ ฝีง เญย วั้ว เต๋ย ญ่าน.

5เฒาะ วั้ว เต๋ย ญ่าน จิว ปุน หลิ่ว เล์ย หฒั่ง เฒี้ยว เญย เปย๊า เญย กุ๊น กง เมี่ยน. นิ่น บัว ฯฒฯ ไฮ่ คอย กง-ฒิ่น จิว ปุน หฒ่อ เฒี้ยว เญย เปย๊า เญย กง-เมี่ยน,

6เซ ปุน เดี๋ยง-หฒั่ง, โหฒว เปย๊า หฒั่ง, นั้น เนีย-ฒุน หฒั่ง, ปุน นิ่น บัว ม์าย เดี๋ยง, หย่า ม์าย หฒุ เหฒียง เญย หละเปย๊ย, เหว่ย หฒ่อ หฒั่ง เฒี้ยว เญย เปย๊า.

7มป่า เฒาะ ญ่าน จิว ปุน นิ่น บัว, ไม้ หฒุ เห่ว นิ่น บัว ฝาว แฒะ-ตาน, เหว่ย หฒุ นิ่น บัว เหฒียบ ฒัวะ เญย โหฒว.”

8ฮินคียา ต้ม ไซ เมี่ยน ก๊อง บั๋ว ซาฟาน โซว-ปิ๊ว, “เยียม หฒั่ง เฒี้ยว เญย เปย๊า เยีย ล์อ ปวัด เล์ย-หลัด โซว.” นิ่น ฯฒฯ จิว ปุน ซาฟาน. ซาฟาน โตะ หมั่ง.

9ซาฟาน โซว-ปิ๊ว ฯฒฯ หฑวน ฮู่ง เตี๋ย วั้ว ก๊อง บั๋ว นิ่น, “เม่ย เญย เจียน เฒาะ เยียม หฒั่ง เฒี้ยว เญย เปย๊า เญย ญ่าน จิว ปุน หฒ่อ วั้ว นอม เปย๊า เญย กุ๊น กง เมี่ยน.”

10ซาฟาน โซว-ปิ๊ว แอ๋ง ก๊อง บั๋ว ฮู่ง เตี๋ย, “ฮินคียา ไซ เมี่ยน ปุน หฌุ่น โซว เยีย.” ซาฟาน ฯฒฯ โตะ ปุน ฮู่ง เตี๋ย หมวัง.

11ฮู่ง เตี๋ย ไฮ์ เล์ย-หลัด โซว เญย หว่า ฯฒฯ เป๊ด นิ่น กั้น เญย ลุย.

12นิ่น พ้าย ฮินคียา ต้ม ไซ เมี่ยน เหธา ซาฟาน เญย ตอน, อาหิคัม, เหธา มีคายา เญย ตอน, อักโบ, เหธา ซาฟาน โซว-ปิ๊ว เหธา ฮู่ง เตี๋ย เญย หฒุ่น ฑุ่ย เมี่ยน, อาสายา,

13“มี่ง เหว่ย เยีย เหธา แปะ ฝีง เหธา ยูดา เญย หฒวัง เมี่ยน หน่าย เฒี้ยว เถา น้าย หฌุ่น โซว ก๊อง เญย หว่า. หลาย บัว เญย อง-ถาย ไม้ หมวัง น้าย หฌุ่น โซว เญย หว่า, ไม้ เอย เจี๊ยน น้าย หฌุ่น โซว ก๊อง บัว เญย เหยียด ฒู้ง หว่า, เฒี้ยว ฯฒฯ หฒะเก้ง! เฉีย เจี์ย ไห่ บัว.”

14ฮินคียา ต้ม ไซ เมี่ยน เหธา อาหิคัม เหธา อักโบ, ซาฟาน เหธา อาสายา มี่ง ล์อ โต่ว หว่า เมี่ยน มเซียะ ตอน, ฮุนดา, หย่า เหธา นิ่น ธ่าง ล่าง. ฮุนดา โหฒว โก๋ว หฒั่ง เฒี้ยว เญย เปย๊า เญย ลุย-โหว วั้ว เต้า ฮานฮัด เญย ฟุน, ที้กวา เญย ตอน, ซันลูม เญย เอ๊า, หย่า เยียม เซียง วั้ว คัง เยลูซาเลม ฒี่ง.

15ฮุนดา ก๊อง บั๋ว นิ่น บัว, “ เฒี้ยว, อิสะลาเอน เมี่ยน เญย ทิน-ฮู่ง, ฮนั้ง น้าย นอ ก๊อง, ‘อ๋อย หฒุ บั๋ว พ้าย เม่ย บัว ต้าย ล์อ เยีย วั้ว เต้า เมี่ยน,

16เฒี้ยว ฮนั้ง น้าย นอ ก๊อง. “หฒิว ยูดา ฮู่ง โตะ วั้ว หฌุ่น โซว เญย เหยียด ฒู้ง หว่า เยีย อ๋อย ปุน น้าย นอม ต๋อง เหธา น้าย นอม ต๋อง เญย แปะ ฝีง หฒุ เหฒะ หน่าน.

17เหว่ย หฒุ นิ่น บัว กวั่ง เยีย แอ๋ง ปั๊ว ฮูง ปุน เหญี่ย เญย เฒี่ยน, หย่า หล่ง นิ่น บัว กั้น เญย ปั์ว โหฒว ต้าย เญย หมิ่ว-ฝัง, เยีย เญย กะเฉีย ฯฒฯ แป๊ด ธ้วด ปุน น้าย นอม ต๋อง, หย่า ไม้ ไฮ่ ปุน กะเฉีย ฟิว.”’

18อ๋อย หฒุ บั๋ว ยูดา เญย ฮู่ง เตี๋ย, ต้ง พ้าย เม่ย บัว ต้าย หน่าย เฒี้ยว, “ เฒี้ยว, อิสะลาเอน เมี่ยน เญย ทิน-ฮู่ง, ฮนั้ง น้าย นอ ก๊อง เถา เม่ย ไฮ์ ลิ์ว วั้ว เต๋ย หว่า.

19‘เหว่ย หฒุ เม่ย ไฮ์ เยีย ฮนั้ง หาย นอ ก๊อง น้าย นอม ต๋อง เหธา น้าย นอม ต๋อง เญย เมี่ยน, หย่า ฮิ้ว ตุ๊ นิ่น บัว อ๋อย หฒุ เหฒียว, หฒุ ป่าย หว่าย, เม่ย ฯฒฯ ก๊อย เฮญี้ยว, เยียม เฒี้ยว เญย หฑะเฮมียน เหญี่ยม กั้น โหฒว ไฝ, เป๊ด เม่ย เญย ลุย-โหว หย่า ตอง เจี๊ยน เยีย เญี้ยม, เยีย ฯฒฯ หมวัง ไฮ์ เม่ย เญย หว่า.’ น้าย เซ เฒี้ยว ก๊อง เญย หว่า.

20‘เหว่ย น้าย เยีย อ๋อย ปุน เม่ย เกวย เสย ด่าง, ตุ๊ แป้ง ออน เญย หฒัง เจี๊ยน โฒ้ว. เม่ย เญย มฒีง ฯฒฯ ไม้ ตุ๊ ปวัด ต้ง เยีย อ๋อย ปุน น้าย นอม ต๋อง หฒุ เญย เหฒะ หน่าน.’” น้าย เต๋ย เมี่ยน ฯฒฯ ต้อ น้าย เต๋ย หว่า หฑวน มี่ง บั๋ว ฮู่ง เตี๋ย.

← Chapter 21 Jump to: Chapter 23 →