2 Kings 21

Mien Bible (Thai Script) © Thailand Bible Society, 2007

← Chapter 20 Jump to: Chapter 22 →

1มะนัดเส ฝาว เหว่ย โหฒว ฮู่ง วั้ว หฒั่น, นิ่น ตุ๊ เหฒียบ เหญ่ย หฮญัง. นิ่น เยียม เยลูซาเลม กุ๊น ฮม์ เหฒียบ ฮม์ หฮญัง. นิ่น เญย มา เญย บั๋ว เห่ว เฮ้บซีบา.

2หฒิว เฒี้ยว หมั่ง นิ่น โหฒว หว่าย สี่. นิ่น เอย เจี๊ยน เฒี้ยว หฒุ่น ธ้วด อิสะลาเอน เมี่ยน เญย วั้ว ด่าง แหมง วั้ว เต๋ย ฝีงๆ เมี่ยน โหฒว กั้ม เฑี้ย ไห่ เญย สี่.

3นิ่น แอ๋ง เหธย เจี์ย ต้ง นิ่น เญย เตีย, เฮเซคียา, ป่าย หว่าย วั้ว เต๋ย เยียม ฮลัง หฒั่ง เฒี่ยน เญย ต๋อง. นิ่น แอ๋ง เหว่ย บาอัน เฒี่ยน เหธย เหฒี่ย-ต้อง, หย่า โหฒว อาเซลา เฒี่ยน เญ์ย เญย ฝัง, ฮนั้ง อิสะลาเอน เญย ฮู่ง, อาหับ, นอ. นิ่น ป๋าย หย่า หฒั่ง ลู่ง หฒั่ง เญย หญู่งๆ.

4นิ่น เยียม หฒั่ง เฒี้ยว เญย เปย๊า เหธย เหฒี่ย-ต้อง, เซ เยียม เฒี้ยว ก๊อง, “เยีย อ๋อย เหลียบ เยีย เญย เม่ง เยียม เยลูซาเลม,” วั้ว นอม ต๋อง.

5นิ่น เยียม หฒั่ง เฒี้ยว เญย เปย๊า อี นอม หลาด กะญั์ว เญย ต๋อง เหว่ย ลู่ง หฒั่ง เญย หญู่งๆ เหธย เหฒี่ย-ต้อง.

6นิ่น เฒาะ นิ่น กั้น เญย ตอน ปั๊ว เหฒี่ย, หย่า โหฒว ฟ้าด, หมั่ง แหม่ง, ก๊าน เฮย, โบ๊ว กว๋า. หฒิว เฒี้ยว หมั่ง นิ่น โหฒว หว่าย สี่ ธั้ม ไห่, ธัวะ เฒี้ยว เฉีย เจี์ย ไห่.

7นิ่น เฒาะ นิ่น หฒุ ต้าย วั้ว นอม อาเซลา เฒี่ยน เญ์ย เญย ฝัง อัน เจี๊ยน หฒั่ง เฒี้ยว เญย เปย๊า กะญั์ว. เซ น้าย นอม เปย๊า เฒี้ยว ก๊อง บั๋ว ดาวิด เหธา นิ่น เญย ตอน, ซาโลมอน, “เซ น้าย นอม เปย๊า เหธา เยลูซาเลม ฒี่ง เยีย เยียม ฝีงๆ อิสะลาเอน เมี่ยน บุด๋ง กิ๊น ธ้วด ต้าย เหลียบ เยีย กั้น เญย เม่ง เหว่ย เหยียด ลิ์ว.

8สี ก๊อง อิสะลาเอน เมี่ยน ไฝ ฟิม เอย เจี๊ยน เยีย หัด เญย เหยียด ฒู้ง หว่า โหฒว หย่า เอย เจี๊ยน เยีย เญย โปว, โมเซ, จิว ปุน นิ่น บัว เญย เหยียด ฒู้ง เล์ย-หลัด, เยีย ฒู้ง ไม้ ปุน นิ่น บัว หฒุ หฒุ่น ธ้วด.”

9มป่า นิ่น บัว ไม้ หมวัง. มะนัดเส แปง นิ่น บัว โหฒว หว่าย สี่ เก้า ธั้ม เฒี้ยว เยียม อิสะลาเอน เมี่ยน เญย วั้ว ด่าง แหมง เหมียด วั้ว เต๋ย ฝีงๆ เมี่ยน.

10เฒี้ยว หล่ง นิ่น เญย โปว, โต่ว หว่า เมี่ยน, ก๊อง,

11“ยูดา เญย ฮู่ง, มะนัดเส, โหฒว น้าย เต๋ย กั้ม เฑี้ย ไห่, โหยว ไห่ เญย สี่. นิ่น โหฒว เก้า หว่าย เยียม ด่าง นิ่น วั้ว เต๋ย อาโมไล เมี่ยน. นิ่น หล่ง นิ่น เญย หมิ่ว-ฝัง ปุน ยูดา เมี่ยน ป์าม ฒุ์ย ธั้ม ไห่.

12เหว่ย น้าย, เฒี้ยว, อิสะลาเอน เมี่ยน เญย ทิน-ฮู่ง, ก๊อง, ‘เยีย อ๋อย ปุน เยลูซาเลม เหธา ยูดา หฒุ ต้ม เหฒะ หน่าน. หาย เต้า ไฮ์ น้าย เต๋ย สี่, มน่อม ฯฒฯ หฆีง เหฑ่ง วั้ว.

13เยีย อ๋อย ตี่ง เยลูซาเลม เญย ฒุ์ย ฮนั้ง เยีย ตี่ง สะมาเลีย เญย ฒุ์ย นอ, หย่า ฮนั้ง เยีย ตี่ง อาหับ เญย เฒ้ย-ฟุน เญย ฒุ์ย. เยีย อ๋อย ซ้อด เยลูซาเลม ฮนั้ง เมี่ยน ซ้อด เยี้ยน นอ. ซ้อด ลิ์ว แอ๋ง ฆบ เจี๊ยน.

14เยีย อ๋อย กวั่ง เยีย เหฒ่ง เหฌี่ย เญย เมี่ยน, เฒาะ นิ่น บัว จิว ปุน นิ่น บัว เญย วิน-วั้ง. นิ่น บัว ฯฒฯ หฒุ วิน-วั้ง ลู้ นิ่น บัว, ธ้าง นิ่น บัว,

15เหว่ย หฒุ เอย เยีย หมั่ง, นิ่น บัว โหฒว หว่าย สี่ เยียม นิ่น บัว เญย อง-ถาย ธ้วด อียิบ เถา อี้ ฮนอย.’”

16ไม้ ตาน บัวะ น้าย. มะนัดเส ไต๋ คู้ เมี่ยน, ปุน ฑย้าม เหลี่ยว ธ้วด ธั้ม, ฒู้ง ปวั๊ง เยลูซาเลม เยียม น้าย ปูง มี่ง เถา วั้ว ปูง. ธ้วด ลิ์ว น้าย, นิ่น ปุน ยูดา เมี่ยน ป์าม ฒุ์ย, หฒิว เฒี้ยว หมั่ง นิ่น บัว ฯฒฯ โหฒว หว่าย สี่.

17มะนัดเส กุ๊น เญย เฒี่ยง โห่ โหฒว ลิ์ว เหฒ่ง เหฌี่ย เญย สี่, เหธา นิ่น โหฒว เญย เหยียด ฒู้ง, เหธา นิ่น ป์าม เญย ฒุ์ย, เฟี้ย เจี๊ยน ยูดา ฮู่ง เญย ฮู่ง โต้ว ตาน.

18มะนัดเส เกวย เสย หมี่ อ๊ะ, หย่า หฒัง เจี๊ยน เยียม นิ่น เญย ฮู่ง ติ่น เญย หฮวีง, เซ อุดซา เญย หฮวีง. นิ่น เญย ตอน, อาโมน, หฑิบ เจี๊ยน นิ่น โหฒว ฮู่ง.

19อาโมน ฝาว เหว่ย โหฒว ฮู่ง วั้ว หฒั่น, นิ่น เญย หฮญัง-เจ๊ย ตุ๊ หญี่ เหฒียบ เหญ่ย หฮญัง. นิ่น เยียม เยลูซาเลม กุ๊น อี หฮญัง. นิ่น เญย มา เญย บั๋ว เห่ว เมซุนเลเม้ด. เซ โย้ดบา เมี่ยน, ฮาลุด, เญย เซียะ.

20หฒิว เฒี้ยว หมั่ง, อาโมน โหฒว หว่าย สี่ ฮนั้ง นิ่น เญย เตีย, มะนัดเส, โหฒว นอ.

21นิ่น หฒวด นิ่น เญย เตีย เญย เหยียด ฒู้ง หญู่ง เฒ้ย โหฒว. นิ่น หฒั่ง หย่า ป๋าย นิ่น เญย เตีย หฒั่ง เญย หมิ่ว-ฝัง.

22นิ่น กวั่ง เฒี้ยว, นิ่น เญย เญย อง-ถาย เญย ทิน-ฮู่ง, ไม้ ยั่ง เฒี้ยว เญย เจ๊า.

23อาโมน เญย เจียน ต๊า หฒะเอ๋ย แหง่ง นิ่น ฯฒฯ เยียม ฮู่ง ติ่น กะญั์ว ไต๋ นิ่น.

24มป่า ยูดา เต่ย-ปูง เญย แปะ ฝีง ไต๋ ต้ง ต๊า หฒะเอ๋ย ไต๋ ฮู่ง เตี๋ย วั้ว เต๋ย เมี่ยน. นิ่น บัว หย่า เหลียบ อาโมน เญย ตอน, โยสิยา, ตี๊ นิ่น โหฒว ฮู่ง.

25อาโมน กุ๊น เญย เฒี่ยง โห่ โหฒว ลิ์ว เหฒ่ง เหฌี่ย เญย สี่ เฟี้ย เจี๊ยน ยูดา ฮู่ง เญย ฮู่ง โต้ว ตาน.

26นิ่น หฒัง เจี๊ยน อุดซา เญย หฮวีง, นิ่น กั้น เญย โฒ้ว. นิ่น เญย ตอน, โยสิยา, หฑิบ เจี๊ยน นิ่น โหฒว ฮู่ง.

← Chapter 20 Jump to: Chapter 22 →