2 Kings 17

Mien Bible (Thai Script) © Thailand Bible Society, 2007

1อาหัด โหฒว ยูดา เญย ฮู่ง เหฒียบ เหญ่ย หฮญัง วั้ว หฮญัง, เอลา เญย ตอน, โฮเซยา, เยียม สะมาเลีย ฝาว เหว่ย โหฒว อิสะลาเอน เญย ฮู่ง หย่า กุ๊น ดั้ว หฮญัง.

2หฒิว เฒี้ยว หมั่ง, นิ่น โหฒว หว่าย สี่ มป่า ไม้ ฮนั้ง ฒิ่น ด่าง วั้ว เต๋ย อิสะลาเอน ฮู่ง.

3อัดซีเลีย เญย ฮู่ง, แซนมาเนเส, ต้าย เบ๊าะ นิ่น, มป่า โฮเซยา เหญี่ยม เมา, หฮญังๆ หย่า ปุน ญ่าน นิ่น.

4มป่า อัดซีเลีย ฮู่ง ฮิ้ว ตุ๊ โฮเซยา แหง่ง นิ่น เหว่ย หฒุ โฮเซยา ปุน เมี่ยน มี่ง ล์อ อียิบ เญย โส ฮู่ง, ไม้ ฝูง ญ่าน มี่ง ปุน อัดซีเลีย เญย ฮู่ง ฮนั้ง เหยียด หฮญัง เจี๋ย เหยียด หฮญัง ฝูง นอ. แซนมาเนเส ฯฒฯ เฒาะ นิ่น หววน เจี๊ยน โล่ อ๊ะ.

5อัดซีเลีย เญย ฮู่ง แอ๋ง เบ๊าะ เปียะ ปวั๊ง อิสะลาเอน เต่ย-ปูง หย่า เว่ย เจี๊ยน สะมาเลีย ปัว หฮญัง.

6โฮเซยา โหฒว ฮู่ง ตะจั๊ว หฮญัง วั้ว หฮญัง, อัดซีเลีย เญย ฮู่ง ธ้าง ตุ๊ สะมาเลีย. นิ่น กว๊าด อิสะลาเอน เมี่ยน มี่ง อัดซีเลีย, ปุน นิ่น บัว เยียม ฮาลาอา ฒี่ง เหธา ฮาโบ ด้าย เฮลน เญย โกซาน เหธา มีเดีย เมี่ยน เญย ฒี่ง.

7น้าย เต๋ย เหยียด ฒู้ง สี่ ธ้วด ต้าย เหว่ย หฒุ อิสะลาเอน เมี่ยน ป์าม ฒุ์ย ต่อง เฒี้ยว, นิ่น บัว เญย ทิน-ฮู่ง, ต้ง ต้อ นิ่น บัว ธ้วด อียิบ เต่ย-ปูง, เล่ย ดุ๊ด อียิบ เญย ฟาโล ฮู่ง เญย ปั์ว-เดี๊ย. นิ่น บัว หฒั่ง เหญี่ย เญย เฒี่ยน

8หย่า เอย เจี๊ยน เฒี้ยว หฒุ่น ธ้วด นิ่น บัว เญย วั้ว ด่าง แหมง วั้ว เต๋ย ฝีงๆ เมี่ยน เญย เล์ย, เหธา อิสะลาเอน เญย ฮู่ง เหลียบ เญย เล์ย-เหญ่ย.

9อิสะลาเอน เมี่ยน เป่ย เดี๊ย โหฒว ไม้ เป๋น เญย สี่ ต่อง เฒี้ยว, นิ่น บัว เญย ทิน-ฮู่ง. นิ่น บัว เยียม นอมๆ มู้ง เหว่ย กั้น เหธย เยียม ฮลัง หฒั่ง เฒี่ยน เญย ต๋อง, เยียม ม่าย ล่าว ฒั้ว เญย ต๋อง เถา เว่ย ว้วน เญย ฒี่ง.

10เยียม นอมๆ บง-นี้ง เหธา ติ้วๆ ต้ม เดี๋ยง กะเดี๊ย นิ่น บัว เหลียบ หฒั่ง เฒี่ยน เญย หละเปย๊ย เหธา หฒั่ง อาเซลา เฒี่ยน เญ์ย เญย ฝัง.

11เยียม ฮลัง หฒั่ง เฒี่ยน เญย นอมๆ ต๋อง นิ่น บัว ปั๊ว ฮูง, ฮนั้ง เฒี้ยว หฒุ่น ธ้วด นิ่น บัว เญย วั้ว ด่าง แหมง วั้ว เต๋ย ฝีงๆ เมี่ยน. นิ่น บัว โหฒว หว่าย สี่ ธัวะ เฒี้ยว เฉีย เจี์ย.

12นิ่น บัว ป๋าย หมิ่ว-ฝัง, ต้ง เฒี้ยว บั๋ว นิ่น บัว, “ไม้ ตู๋ง ฮนั้ง น้าย นอ โหฒว.”

13เฒี้ยว หล่ง นิ่น เญย หฒวัง โต่ว หว่า เมี่ยน เหธา ก๊อง ฒิ่น โฮ์ หว่า เญย เมี่ยน ต๊น อิสะลาเอน เมี่ยน เหธา ยูดา เมี่ยน, “อ๋อย หฒุ กวั่ง เม่ย บัว โหฒว หว่าย เญย เจ๊า. อ๋อย หฒุ กัน เยีย เญย หลี่ง เหธา เล์ย-หลัด, เอย เจี๊ยน เยีย หัด เม่ย บัว เญย อง-ถาย หมวัง เญย เล์ย, ต้ง เยีย หล่ง เยีย เญย โปว, หฒวัง โต่ว หว่า เมี่ยน, จิว ปุน เม่ย บัว เญย เล์ย.”

14มป่า นิ่น บัว ไม้ หมวัง. นิ่น บัว เฮญี้ยว แหง่ง ฮนั้ง นิ่น บัว เญย อง-ถาย, ไม้ เสียน เขา เฒี้ยว, นิ่น บัว เญย ทิน-ฮู่ง.

16นิ่น บัว กวั่ง เฒี้ยว, นิ่น บัว เญย ทิน-ฮู่ง, หัด เญย เหยียด ฒู้ง เล์ย-หลัด, เหว่ย นิ่น บัว กั้น โต๋ อี เต้า เฒี่ยน เป๋น ง่ง ตอน เญย ฝัง หย่า โหฒว นอม อาเซลา เฒี่ยน เญ์ย เญย ฝัง. นิ่น บัว ป๋าย ลู่ง หฒั่ง เญย หญู่งๆ กะน้าย หย่า หฒั่ง บาอัน เฒี่ยน.

17นิ่น บัว เฒาะ นิ่น บัว เญย น่าม โญ์ว หล่ง โต์ว ปั๊ว เหฒี่ย ฝ่ง ห่อ. นิ่น บัว โบ๊ว กว๋า, โหฒว ฟ้าด, หย่า หม่าย กั้น หฒิว เฒี้ยว หมั่ง โหฒว หว่าย สี่, ธัวะ เฒี้ยว เฉีย เจี์ย ไห่.

18เหว่ย น้าย เฒี้ยว โน์ว! ไห่ อิสะลาเอน เมี่ยน, หฒุ่น นิ่น บัว ธ้วด, ไม้ ปุน เยียม นิ่น เญย หฑะเฮมียน. ขูง เหฒ่ง ยูดา ฝีง ฮนั้ง.

19เลี่ยม ยูดา หย่า ไม้ เอย เฒี้ยว, นิ่น บัว เญย ทิน-ฮู่ง เญย เล์ย-หลัด. นิ่น บัว กัน อิสะลาเอน เมี่ยน เหลียบ ต้าย เญย เล์ย.

20เฒี้ยว ฯฒฯ เฆ่ม อิสะลาเอน เมี่ยน เญย หฒวัง แปะ ฝีง, ปุน นิ่น บัว หฒุ โค้ว หย่า เฒาะ นิ่น บัว จิว ปุน ธ้าง นิ่น บัว วั้ว เต๋ย เมี่ยน เญย ปั์ว-เดี๊ย, หฒุ่น นิ่น บัว ธ้วด นิ่น เญย หฑะเฮมียน.

21เฒี้ยว เป๊ด อิสะลาเอน ธ้วด ดาวิด เญย โต้ว ฒง ลิ์ว, นิ่น บัว ฯฒฯ เหลียบ เนบัด เญย ตอน, เยโลโบอัม, โหฒว นิ่น บัว เญย ฮู่ง. เยโลโบอัม แปง อิสะลาเอน เมี่ยน กวั่ง, ไม้ กัน เฒี้ยว, หย่า ปุน นิ่น บัว ป์าม ฒุ์ย โฮล ไห่.

22อิสะลาเอน เมี่ยน กัน เจี๊ยน เยโลโบอัม ป์าม เญย เหยียด ฒู้ง ฒุ์ย, นิ่น บัว ไม้ กวั่ง,

23เถา ฆะฮ้า เฒี้ยว หฒุ่น นิ่น บัว ธ้วด, ไม้ ปุน เยียม นิ่น เญย หฑะเฮมียน, ฮนั้ง นิ่น หล่ง นิ่น เญย โปว, หฒวัง โต่ว หว่า เมี่ยน, ก๊อง เญย หว่า นอ. อิสะลาเอน เมี่ยน ฯฒฯ เยียม กั้น เญย เต่ย-ปูง หฒุ กว๊าด มี่ง เถา อัดซีเลีย เต่ย-ปูง, หธ่อ เยียม หน่าย เถา อี้ จ๋า ฮนอย.

24อัดซีเลีย เญย ฮู่ง เซียว เยียม บาบีโลน, คูทา, อับวา, ฮามัด เหธา เสฟานวาอิม เญย เมี่ยน มี่ง เหลียบ งว์า-กอน เยียม สะมาเลีย เญย มู้ง ตี๊ อิสะลาเอน เมี่ยน. นิ่น บัว ฯฒฯ ตุ๊ เหฑ่ง สะมาเลีย หย่า เยียม สะมาเลีย เญย นอมๆ มู้ง.

25โธะ โหะ เยียม เจี๊ยน วั้ว เญย เฒี่ยง โห่, นิ่น บัว ไม้ หฒั่ง เฒี้ยว. เฒี้ยว ฯฒฯ ปุน เซี่ยน ต้าย เยียม นิ่น บัว บุด๋ง. เซี่ยน หย่า หงาด เต๋ย วั้ว เต๋ย เมี่ยน ไต่.

26ม่าย เมี่ยน บั๋ว อัดซีเลีย เญย ฮู่ง, “เม่ย ต้อ มี่ง เหลียบ งว์า-กอน เยียม สะมาเลีย เญย นอมๆ มู้ง วั้ว เต๋ย เมี่ยน ไม้ ฮิ้ว ตุ๊ วั้ว นอม เต่ย-ปูง เญย เฒี่ยน เญย เล์ย-ฝีง, นิ่น ฯฒฯ ปุน เซี่ยน ต้าย เยียม นิ่น บัว บุด๋ง หงาด ไต่ นิ่น บัว, เหว่ย หฒุ วั้ว เต๋ย เมี่ยน ไม้ ฮิ้ว ตุ๊ วั้ว เต้า เฒี่ยน อ๋อย นิ่น บัว ฮนั้ง หาย นอ โหฒว.”

27อัดซีเลีย เญย ฮู่ง ฯฒฯ พ้าย หว่า ก๊อง, “เฒาะ เต้า เยียม สะมาเลีย ธ้าง ต้าย เญย ไซ เมี่ยน ปุน นิ่น หฑวน มี่ง เยียม หน่าย หฌาว แปะ ฝีง ฮิ้ว ตุ๊ วั้ว นอม เต่ย-ปูง เญย เฒี่ยน เญย เล์ย-ฝีง ฮนั้ง หาย นอ.”

28ม่าย เต้า เยียม สะมาเลีย หฒุ กว๊าด มี่ง เญย ไซ เมี่ยน ฯฒฯ มี่ง เยียม เบดเอน หฌาว นิ่น บัว ฮนั้ง หาย นอ หฒั่ง เฒี้ยว.

29มป่า ฝีงๆ เมี่ยน หธ่อ เหฒย นิ่น บัว กั้น เญย เฒี่ยน, ออน เจี๊ยน สะมาเลีย เมี่ยน โหฒว ต้าย เยียม ฮลัง หฒั่ง เฒี่ยน เญย นอมๆ ต๋อง.

30บาบีโลน เมี่ยน เหฒย สุกโค้ดเบโน้ด เฒี่ยน เญย ฝัง, คูทา เมี่ยน เหฒย เนกัน เฒี่ยน เญย ฝัง, ฮามัด เมี่ยน เหฒย อาซิมา เฒี่ยน เญย ฝัง.

31อับวา เมี่ยน เหฒย นิบหัด เหธา ทานทัก เฒี่ยน เญย ฝัง, เสฟานวาอิม เมี่ยน หล่ง โต์ว ปั๊ว นิ่น บัว เญย ฝุเจว๊ย ปุน เสฟานวาอิม เญย เฒี่ยน, อัดลัมเมเล้ก เหธา อานัมเมเล้ก.

32นิ่น บัว หฒั่ง เฒี้ยว หย่า เยียม นิ่น บัว บุด๋ง กิ๊น ธ้วด เหฒีย ฝีง เมี่ยน เญย เมี่ยน ออน โหฒว ไซ เมี่ยน เยียม ฮลัง หฒั่ง เฒี่ยน เญย ต๋อง ฟู-สู.

33นิ่น บัว หฒั่ง เฒี้ยว โหย่ว ฟู-สู กั้น เญย เฒี่ยน, หฒิว นิ่น บัว เยียม หาย ฝีง หฒุ กว๊าด ต้าย เญย เมี่ยน เญย เล์ย.

34เถา อี้ จ๋า ฮนอย นิ่น บัว หธ่อ กัน ฒิ่น ด่าง เญย โล์-เล์ย โหฒว. นิ่น บัว ไม้ หฒั่ง เฒี้ยว หย่า ไม้ เอย เจี๊ยน เฒี้ยว จิว ปุน ยาโค้บ เญย เฒ้ย-ฟุน เญย หลี่ง เหธา เล์ย-หลัด เหธา เล์ย เหธา หัด เญย หว่า, ต้ง นิ่น ธ้วด บั๋ว เห่ว อิสะลาเอน, เญย เฒ้ย-ฟุน.

35เฒี้ยว เหธา อิสะลาเอน เมี่ยน เหลียบ แหง่ง หว่า วั้ว หฒั่น นิ่น หัด นิ่น บัว, “ไม้ ตู๋ง หฒั่ง กั้น เต้า เฒี่ยน, ไม้ ตู๋ง เกว่ย เหฌี่ย ป๋าย, ไม้ ตู๋ง ฟู-สู ไฟ ฝ่ง ห่อ เหฒี่ย ปุน นิ่น บัว.

36เม่ย บัว อ๋อย หฒุ หฒั่ง เฒี้ยว, ต้ง ซูง ธ้วด นิ่น เฮ้น ไห่ เญย ปั์ว หล่ง ต้ม ชะ ต้อ เม่ย บัว ธ้วด อียิบ เต่ย-ปูง. อ๋อย หฒุ เกว่ย เหฌี่ย ป๋าย นิ่น, ฝ่ง ห่อ เหฒี่ย ปุน นิ่น.

37อ๋อย หฒุ หฒั่นๆ ไฝ ฟิม, เอย เจี๊ยน นิ่น เฟี้ย ปุน เม่ย บัว เญย หลี่ง เหธา เล์ย-หลัด เหธา เล์ย เหธา หัด เญย หว่า. ไม้ ตู๋ง หฒั่ง กั้น เต้า เฒี่ยน.

38ไม้ ตู๋ง หละคุ เยีย เหธา เม่ย บัว เหลียบ เญย แหง่ง หว่า, หย่า ไม้ ตู๋ง หฒั่ง เหญี่ย เญย เฒี่ยน.

39ต๋าว หฑวน อ๋อย หฒุ หฒั่ง เฒี้ยว, เม่ย บัว เญย ทิน-ฮู่ง. นิ่น ฒู้ง อ๋อย เหฌียว เม่ย บัว เปย๋า ดุ๊ด เม่ย บัว เญย เหยียด ฒู้ง วิน-วั้ง เญย ปั์ว-เดี๊ย.”

40มป่า นิ่น บัว ไม้ หมวัง. นิ่น บัว กัน ฒิ่น ด่าง เญย เจ๊า โหฒว.

41ฮนั้ง หน่าย, น้าย เต๋ย เมี่ยน หฒั่ง เฒี้ยว หย่า ฟู-สู นิ่น บัว เญย หมิ่ว-ฝัง. นิ่น บัว เญย ตอน-เจว๊ย เฒ้ย-ฟุน หย่า ฮนั้ง น้าย นอ หฒวด เจี๊ยน นิ่น บัว เญย อง-ถาย โหฒว เถา อี้ จ๋า ฮนอย.

← Chapter 16 Jump to: Chapter 18 →