Proverbs 11

Mien Bible (Thai Script) © Thailand Bible Society, 2007

← Chapter 10 Jump to: Chapter 12 →

1เฒี้ยว ฑอง ไห่ แหว่ง เมี่ยน เญย เหฑียง, มป่า แป้ง ฟิม เญย เหฑียง-ต้อ ปุน นิ่น อะเฮน้ย.

2เมี่ยน โหฒว เหมา ฯฒฯ ม่าย ไญ้ เญย สี่ กัน เจี๊ยน ต้าย, มป่า เหญี่ยม กั้น โหฒว ไฝ เญย เมี่ยน ม่าย ธง-เม่ง.

3เฮญี้ยว หฒีง เญย เมี่ยน ม่าย เหฒียบ ฒัวะ เญย เจ๊า ต้อ นิ่น บัว, มป่า เฮญี้ยว เงา เฮญี้ยว ฌ้วด เญย เมี่ยน โหฒว ไม้ เหฒียบ ฒัวะ เญย สี่ ปุน กั้น หฒุ เหมียด.

4หฒุ ทิน-ฮู่ง โน์ว เญย ฮนอย, ฒิ่น ฒ่อย เถง ไม้ ตุ๊ หาย หญู่ง, มป่า โหฒว ตุ๊ หอบ เญย สี่ ไฮ่ เหฌียว เมี่ยน เปย๋า ดุ๊ด ไม้ หฒุ ไต่.

5ไม้ ม่าย ต๋อง เฆ่ม เญย เมี่ยน โหฒว เฮญี้ยว หฒีง, ฯฒฯ ต้อ นิ่น ยั่ง หฒะ เญย เจ๊า, มป่า เอ๊าะ เมี่ยน หลาย นิ่น โหฒว เญย เอ๊าะ สี่ ปุน นิ่น ดอบ.

6เฮญี้ยว หฒีง เญย เมี่ยน โหฒว ตุ๊ หอบ ฯฒฯ เหฌียว ตุ๊ นิ่น, เฮญี้ยว ไม้ หฒีง เญย เมี่ยน หั่น เญย สี่ ฮลบ เจี๊ยน นิ่น.

7เอ๊าะ เมี่ยน ไต่ มี่ง, นิ่น ม่าย ลั่ม ฮนั้ม เญย เหธา เจี๊ยน หฒุ เหมียด, เมี่ยน หว่าย เมี่ยน ฮนั้ม อ๋อย ตุ๊ เญย หย่า ป่าย เหฑ่ง หมี่ อ๊ะ.

8คู้ เมี่ยน ตุ๊ เหฌียว เปย๋า ดุ๊ด ขวน น่าน, ต๋าว หฑวน เอ๊าะ เมี่ยน ปวั้ง หฒุ โค้ว หน่าน.

9ไม้ เขา ทิน-ฮู่ง เญย เมี่ยน หล่ง ฑุ่ย ก๊อง เญย หว่า ป่าย หว่าย นิ่น เญย จวั่ง ล์าง เมี่ยน, มป่า คู้ เมี่ยน เญย ว่วน ฒาง ไฮ่ เหฌียว ตุ๊ นิ่น.

10คู้ เมี่ยน ตุ๊ หลง, ฒี่ง เญย เมี่ยน เฌียน-โย่ว, เอ๊าะ เมี่ยน หฒุ เหมียด หฒวัง เมี่ยน เฌียน-โย่ว เญย เห่ว.

11เหว่ย คู้ เมี่ยน ตุ๊ ฟุ, ฒี่ง ฯฒฯ ตุ๊ เมี่ยน ท่าย, มป่า หลาย เอ๊าะ เมี่ยน เญย ฑุ่ย ก๊อง เญย หว่า, ฒี่ง หฒุ เบี๊ยน เหฑ่ง.

12หาย เต้า หมั่ง เผีย จวั่ง ล์าง เมี่ยน เซ ฮนั้ม ไม้ ทง หาย หญู่ง เญย เมี่ยน. มป่า เปียะ เฮญี้ยว เญย เมี่ยน เซ้ก เหฑียะ เญย.

13เจี๋ย น้าย เจี๋ย วั้ว ก๊อง เฮ่น หว่า เญย เมี่ยน ก๊อง ธ้วด เกม เจี๊ยน เญย เจ๊า, มป่า ปู๋ง ตุ๊ เฮญี้ยว เญย เมี่ยน เกม เจี๊ยน ไม้ หอบ หฒุ ก๊อง เญย สี่.

14ไม้ ม่าย เมี่ยน ต้อ, แปะ ฝีง ฯฒฯ หฒุ ป่าย เหฌี่ย, มป่า ม่าย ธ่าง ล่าง เญย เมี่ยน ธั้ม, ฯฒฯ ตุ๊ แป้ง ออน เญย เยียม.

15หาย เต้า เปว กั้น เต้า เมี่ยน ฒู้ง อ๋อย หฒุ โค้ว อ๊ะ. มป่า หาย เต้า ฑอง เปว เมี่ยน เญย เจ๊า ฯฒฯ เยียม ตุ๊ ว้วน.

16เฮญี้ยว หลง, เหฑว่ย เญย มเซียะ ตอน ตุ๊ เมี่ยน ท่าย, โหฒว โตะ เญย มจั่ง ตอน ขูง ตุ๊ ปุ๊ด ฒ่อย.

17ค้อ-เลี่ยน เมี่ยน เญย เมี่ยน เถง กั้น ตุ๊ หลง, มป่า โหฒว โตะ เญย เมี่ยน ห่อย หฒุ กั้น.

18เอ๊าะ เมี่ยน เญย กง-ฒิ่น เซ้ด เมว์ย เซ ไม้ ตุ๊ หาย หญู่ง, มป่า เมี่ยน โหฒว หอบ เญย เจ๊า, ด่ง หาย ฒู้ง ตุ๊ ฒี่ง เหญ่ย.

19หาย เต้า เหลียบ เฮญี้ยว โหฒว คู้ สี่ ฯฒฯ ตุ๊ แหม่ง เฒี่ยง, หาย เต้า ล์อ เอ๊าะ เญย สี่ ฯฒฯ หฒุ ไต่.

20เฮญี้ยว ปู๊ ล่ง ปู๊ ตั๊ง เญย เมี่ยน, เฒี้ยว โหยว ไห่, มป่า โหฒว ตุ๊ หอบ เญย เมี่ยน ปุน นิ่น อะเฮน้ย.

21อ๋อย หฒุ ฮิ้ว ตี่ง, เอ๊าะ เมี่ยน ไม้ ไฮ่ เปย๋า ไม้ ดุ๊ด หฒุ ตี่ง ฒุ์ย, มป่า คู้ เมี่ยน ฒู้ง อ๋อย ตุ๊ เหฌียว.

22มเซียะ ตอน เหฑว่ย มป่า เฒียะ ไม้ ตุ๊ หาย หญู่ง หอบ เซ ฮนั้ง นอม เจียม-ควีง หธุน เจี๊ยน ตู์ง เญย บะฒอง.

23คู้ เมี่ยน อ๋อย เญย, เซ้ด เมว์ย ตุ๊ หลง, เอ๊าะ เมี่ยน ม่าย ลั่ม ฮนั้ม เญย, เซ้ด เมว์ย หฒุ ทิน-ฮู่ง โน์ว.

24ม่าย ล่าน เมี่ยน โหฒว เฮญี้ยว จั๊ง หย่า กุ๊น โหฒว กุ๊น ปุ๊ด ฒ่อย. ม่าย ล่าน โหฒว เฮญี้ยว เหบ, หอบ หฒุ ปุน เญย นิ่น ไม้ ปุน, มป่า กุ๊น โหฒว กุ๊น จ่ม.

25เฮญี้ยว จั๊ง เญย เมี่ยน อ๋อย ตุ๊ ปู๋ง-หฒัวะ. หาย เต้า ปุน ววม เมี่ยน ฮบ, เมี่ยน ฯฒฯ ปุน ววม นิ่น ฮบ.

26หาย เต้า แหง่ง เจี๊ยน ไม้ หม่าย ล่าง หฒิ, นิ่น หฒุ เมี่ยน เหฒียว. หาย เต้า แล์ง หม่าย ฯฒฯ ตุ๊ เมี่ยน ปวัง หว่า.

27หาย เต้า เจี้ยน ล์อ โหฒว หลง เญย เจ๊า ฯฒฯ ตุ๊ เมี่ยน ท่าย, มป่า หาย เต้า ล์อ เอ๊าะ เญย สี่ วั้ว เต้า ฯฒฯ หฒุ เอ๊าะ สี่.

28หาย เต้า เขา นิ่น กั้น เญย ฒิ่น ฒ่อย ฒู้ง หฒุ ดอบ, มป่า คู้ เมี่ยน อ๋อย หวั่ง เสียง ฮนั้ง เดี๋ยง-น่อม เญี์ยม.

29หาย เต้า โหฒว ปุน กั้น เญย ฮมวั้ง ต่อย หฒุ โค้ว, เซ้ด เมว์ย ไม้ ตุ๊ หาย หญู่ง, เมี่ยน หฮงง เมี่ยน หย่า อ๋อย หฒุ โหฒว ธง-เม่ง เมี่ยน เญย โปว.

30คู้ เมี่ยน โหฒว เญย สี่ เซ ปุน เมี่ยน ม่าย แหม่ง เฒี่ยง, มป่า เมี่ยน ป์าม เล์ย-หลัด ฯฒฯ ห่อย เมี่ยน กวั่ง แหม่ง.

31สี ก๊อง คู้ เมี่ยน เยียม ป้าม เกน หฒิว โหฒว เญย วิ่น ปุน นิ่น, เอ๊าะ เมี่ยน เหธา ฒุ์ย-เมี่ยน หฒิว โหฒว เญย หฒุ วิ่น ปุน ด่ง หาย ธั้ม!

← Chapter 10 Jump to: Chapter 12 →