Proverbs 25

Mien Bible (Thai Script) © Thailand Bible Society, 2007

← Chapter 24 Jump to: Chapter 26 →

1เยียม น้าย มี่ง หย่า เป๋น ซาโลมอน เญย ธง-เม่ง หว่า, ต้ง ยูดา ฮู่ง, เฮเซคียา, เญย เมี่ยน เธว ต้าย.

2เฒาะ สี่ เกม เจี๊ยน เป๋น ทิน-ฮู่ง เญย ฌัง-หล่าง, มป่า ฮู่ง เตี๋ย เญย ฌัง-หล่าง เซ นิ่น เฒาะ สี่ ฒ่า ธ้วด ต้าย.

3ลู่ง ด่ง หาย ฮลัง, เดา ด่ง หาย โด, ฮู่ง เตี๋ย เญย เฮญี้ยว หย่า ฮนั้ง วั้ว นอ ฒ่า ไม้ โถว.

4เฒาะ ธ้วด ญ่าน ไฆ้, ญ่าน หฒั่ง ฯฒฯ ตุ๊ ญ่าน ต๊า ธ้วด กะน้าย.

5เฒาะ ฆอย เยียม ฮู่ง เตี๋ย เญย หฑะเฮมียน เญย เอ๊าะ เมี่ยน, นิ่น เญย ฮู่ง เหว่ย ฯฒฯ ปั่ง แป้ง ฟิม เญย เจ๊า เหลียบ กอน-โด๊ะ ว้วน.

6เยียม ฮู่ง เตี๋ย เญย หฑะเฮมียน ไม้ ตู๋ง ท่าย กั้น โฮล, ไฟ โซ้ว เจี๊ยน โหฒว โฮล เญย เมี่ยน เญย ต๋อง,

7เหว่ย หฒุ ม่าย เมี่ยน ก๊อง, “ฝาว น้าย โอ่,” เซ เก้า หลง ตอง เจี๊ยน โหฒว โฮล เญย เมี่ยน หฒุ เมี่ยน เห่ว เม่ย ถุย เหฌี่ย.

8เม่ย เญย มฒีง ปวัด เญย ไม้ ตู๋ง เซี้ยบๆ เญย ต้อ มี่ง วั้ว สี่ ต้อง. เหฑีย ม่าย กั้น เญย จวั่ง ล์าง เมี่ยน ต้าย ปุน เม่ย หฒุ ไญ้, เซ้ด เมว์ย เม่ย ฮนั้ง หาย นอ โหฒว?

9สี ก๊อง เม่ย เหธา เต้า จวั่ง ล์าง เมี่ยน แฑง, อ๋อย หฒุ เหธา นิ่น เบ่น ซูง, หย่า ไม้ ตู๋ง ต้อ นิ่น เกม เจี๊ยน เญย สี่ มี่ง ก๊อง.

10เหฑีย หมวัง ไฮ์ เญย เมี่ยน ปุน เม่ย หฒุ ไญ้. เม่ย หว่าย เญย เม่ง เต้า หย่า ไม้ ไฮ่ หลง อ๊ะ.

11ก๊อง เหยียด โจ๋ว หว่า ผุย ตุ๊ หอบ เฒี่ยง โห่, เซ ฮนั้ง นอม หล่ง เจียม โหฒว ต้าย เญย เปี๊ยว เหลาะ เจี๊ยน ญ่าน เหลาะ.

12ธง-เม่ง เมี่ยน ขวิน ม่าย มน่อม อ๋อย หมวัง เญย เมี่ยน เซ ฮนั้ง เจียม-ปั์ว-โด๊ะ-แฑง ไฟ เฒียน เจียม โหฒว ต้าย เญย เซียว-เซ้ด.

13เหฒียบ ฒัวะ เญย โต่ว เฝียน เมี่ยน ปุน พ้าย นิ่น วั้ว เต๋ย เฒี้ยว เญย เฮญี้ยว ฟี้ง, ฮนั้ง เซียว แกง-หฒวัง เญย เฒี่ยง โห่ ม่าย ซอง เถง ล่าง.

14เมี่ยน ปู๋ง หว่า-เหมา ก๊อง อ๋อย ฝูง ฒี่ง เหญ่ย มป่า ไม้ ฝูง, เซ ฮนั้ง ม่าย บ๋วน ม่าย หฑยาว หย่า ไม้ ม่าย บยู่ง.

15หล่ง หน่อย หยัวะ ตุ๊ โหฒว โฮล เญย เมี่ยน. ก๊อง หว่า ส่วน ฒู้ง ไฮ่ ปุน นิ่น เญย เฮญี้ยว เมา เหฌี่ย.

16สี ก๊อง เม่ย ตุ๊ เมว์ย-ต้อง อ๋อย หฒุ หญั่น หอบ. หญั่น ธั้ม เจี๋ย จ๋า นอ, เหฑีย ไฮ่ โล้ ธ้วด.

17เม่ย อ๋อย หฒุ เล่าๆ มี่ง หฑุ่น เม่ย เญย จวั่ง ล์าง เมี่ยน เญย เปย๊า ฮนั้ง. ไม้ เฒย แอ๊ะ, เหฑีย เม่ย ปุน นิ่น ไฮ์ โค้ว นิ่น ฯฒฯ ฑอง เม่ย อ๊ะ.

18โหฒว จ๊า ฒอง-เหฒง ห่อย จวั่ง ล์าง เมี่ยน วั้ว เต้า เซ ฮนั้ง เบ๊าะ จ๋า เญย เดี๋ยง-ด๋น ไฟ หฑุ ด๊าว ไฟ ฟอง-ธัง ไหล่.

19หฒุ เหฒะ หน่าน เญย เฒี่ยง โห่ เขา ไม้ เหฒียบ ฒัวะ เญย เมี่ยน เซ ฮนั้ง ญ่า ฆวะ ไฟ เหฒา หว่าย.

20หาย เต้า ป๋าว ฑูง ปุน เฮญี้ยว มุน เฮญี้ยว เฑ่า เญย เมี่ยน หมวัง, เซ ฮนั้ง จวั๊ง เญย ฮนอย ไจ๊ ลุย, หย่า ฮนั้ง เฒาะ ววม-ซุย โต๋ เหฌี่ย หฒุ มุน เญย ต๋อง.

21สี ก๊อง เม่ย เญย วิน-วั้ง เฮญี้ยว เซีย, อ๋อย หฒุ ปุน หฮนาง นิ่น หญั่น. สี ก๊อง นิ่น จาง ฆ้าด, อ๋อย หฒุ ปุน ววม นิ่น ฮบ.

22เม่ย ฮนั้ง น้าย โหฒว นิ่น ฯฒฯ ไญ้ อ๊ะ, เฒี้ยว หย่า อ๋อย ปุน ฒี่ง เหญ่ย เม่ย.

23ป๊ะ ปูง เญย หฑยาว ต้อ บยู่ง ต้าย, เมี่ยน ก๊อง หว่า-ฮู้ หย่า ธัวะ เมี่ยน เฉีย เจี์ย.

24เยียม เปย๊า-ง่อ กู้ หงว่าย เญย เก๊าะ หธ่อ เก้า หลง เหธา หฒั่นๆ แฑง จ๋า เญย มเซียะ ตอน จวั่ง เปย๊า เยียม.

25ม่าย หลง เญย เฝียน เยียม โก เญย เต่ย-ปูง ต้าย, เซ ฮนั้ง จาง ฆ้าด เญย เฒี่ยง โห่ ฮบ ววม-หนัม นอ.

26คู้ เมี่ยน เหญี่ยม เซวย ปุน เอ๊าะ เมี่ยน เซ ฮนั้ง โหฌะ เญย ววม-ญ่วน ไฟ ไล่ ฮลบ เญย ววม-ฒี้ง.

27หญั่น เมว์ย-ต้อง ธั้ม เซ ไม้ หย่าว. ล์อ เมี่ยน ท่าย กั้น หย่า ไม้ เป๋น.

28เมี่ยน ไม้ ไฮ่ กุ๊น ไม้ ตุ๊ กั้น, เซ ฮนั้ง บาง หว่าย เญย ฒี่ง ไม้ ม่าย ฒี่ง หลาด.

← Chapter 24 Jump to: Chapter 26 →