Proverbs 5

Mien Bible (Thai Script) © Thailand Bible Society, 2007

← Chapter 4 Jump to: Chapter 6 →

1เยีย เญย ตอน อ้า! อ๋อย หฒุ หล่ง เฮญี้ยว ฒิบ เยีย ธง-เม่ง เญย หว่า, แปง มน่อม หมวัง เยีย เปียะ เฮญี้ยว เญย หว่า.

2ฮนั้ง หน่าย เม่ย ไฮ่ เอย เจี๊ยน ไกว เญย เจ๊า, เม่ย เญย ฑุ่ย เหมย เปว เจี๊ยน ว่วน ฒาง.

3เหว่ย หฒุ เหฮยียน โหฆ เญย มเซียะ ตอน เญย ฑุ่ย เหมย เดี๊ยบ เจี๊ยน เมว์ย-ต้อง. นิ่น เญย หว่า เก้า บย่าง กะลั้น โย่ว,

4มป่า เซ้ด เมว์ย นิ่น ด่ง ยั่ง เม์ว อิม, หย่า ไหล่ ฮนั้ง อี แหมง หฑุ ไหล่.

5นิ่น เญย เหฒา เหฌี่ย มี่ง หฒุ ไต่, นิ่น เญย เหฒา-เบี่ย หูง เจี๊ยน เยี่ยม เกน มี่ง.

6นิ่น หย่า ไม้ เหง ล์อ ตุ๊ แหม่ง เฒี่ยง เญย เจ๊า. นิ่น เญย เจ๊า โย่ว มี่ง โย่ว ต้าย, นิ่น กั้น หย่า ไม้ ฮิ้ว.

7เยีย เญย ตอน อ้า! อี้ หฒั่น หมวัง เยีย ม่าะ! ไม้ ตู๋ง ปู๋ง ด๊อด เยีย เญย ฑุ่ย ก๊อง เญย หว่า.

8เม่ย เญย เจ๊า อ๋อย หฒุ เล่ย โก น้าย เต้า มเซียะ ตอน, ไม้ ตู๋ง มี่ง นิด ฟัด นิ่น เญย เปย๊า เญย แก้ง.

9เหฑีย เม่ย เฒาะ เม่ย เญย ฌัง-หล่าง จิว ปุน กั้น เต้า, เฒาะ เม่ย เญย หฮญัง-โสว ปุน ไม้ ค้อ-เลี่ยน เญย เมี่ยน.

10เหฑีย ไม้ ฮิ้ว เญย เมี่ยน หญั่น เหฑ่ง เม่ย เญย ชะ, เม่ย ล่าว หลุ่ย ตุ๊ ต้าย เญย หย่า เปียะ กั้น ฝีง เมี่ยน เญย เปย๊า.

11เถา เม่ย เญย เซ้ด เมว์ย ฮนอย, อ๊อ เหธา ซิน หยุ เหฑ่ง, เม่ย ฯฒฯ ฌุ่น เจี๊ยน เยียม.

12เม่ย ฯฒฯ ก๊อง, “ฒิ่น ด่าง เยีย ฑอง ไห่ เบ๊าะ หฌาว เญย เจ๊า, เยีย เญย เฮญี้ยว หย่า หมั่ง เผีย ก๊อง-หฌาว เญย หว่า.

13เยีย ไม้ หมวัง เยีย เญย ฟิน-แซง เญย หว่า หย่า ไม้ ปู๋ง มน่อม หมวัง หฌาว เยีย วั้ว เต๋ย.

14เยีย เยียม กั๊บ ฒุ้น เญย หฒวัง เมี่ยน บุด๋ง อ๊า ลั่ม หฒุ ป่าย หว่าย.”

15เม่ย อ๋อย หฒุ ฮบ กั้น เญย เซียว ววม-ค้วด เญย ววม, ฮบ กั้น เญย ววม-ฒี้ง เญย ววม-ต้าย.

16เม่ย เญย ววม-ฒี้ง เมี์ยน ธ้วด กะเหญี่ย, เม่ย เญย โด๊ะ เหลี่ยว เหฌี่ย จาย-ห่อง เซ หอบ เญย ไฟ?

17ขูง อ๋อย หฒุ เหว่ย เม่ย กั้น ดุ เต้า ฮนั้ง, ไม้ ตู๋ง ปุน กะเหญี่ย เญย เมี่ยน จวั่ง เจี๊ยน หล่ง.

18โท้ ปุน เม่ย เญย ววม-ฒี้ง ตุ๊ ฟุ, หย่า อะเฮน้ย เม่ย หลุน เญย เฒี่ยง โห่ ตุ๊ ต้าย เญย เอ๊า.

19นิ่น เซ เหฑว่ย ไห่, เฒี่ยง ตุ๊ ซูง เญย มเซียะ ตอน. นิ่น เญย หญอ หฒั่นๆ ปุน เม่ย ปวั๊ง เฮญี้ยว. นิ่น ฮนั้ม ไห่ ฯฒฯ ปุน เม่ย เฌียน-โย่ว เถา ต้าว.

20เยีย เญย ตอน อ้า! เม่ย ฝู่ง อ๋อย หฒุ ปุน เหฮยียน โหฆ เญย มเซียะ ตอน วัก เม่ย? เหว่ย หาย ติ่ว ชัม เจี๊ยน ปวั้ง เลี่ยว เญย เอ๊า?

21เหว่ย หฒุ เฒี้ยว เญย มฒีง หมั่ง เจี๊ยน เมี่ยน เญย เจ๊า, นิ่น ฒ่า หมั่ง เมี่ยน เญย เหยียด ฒู้ง เจ๊า-โหล่ว.

22เอ๊าะ เมี่ยน โหฒว เญย เอ๊าะ สี่ ฮลบ หฒุ นิ่น, นิ่น เญย ฒุ์ย ฮนั้ง ฮลาง นอ โด้ เจี๊ยน นิ่น.

23นิ่น ไม้ หล่ง เมี่ยน หฌาว เญย หว่า ฯฒฯ หฒุ ไต่. หลาย นิ่น ปะหละ หฮงง, นิ่น หฒุ มี่ง ต่อง เจ๊า.

← Chapter 4 Jump to: Chapter 6 →