Proverbs 2

Mien Bible (Thai Script) © Thailand Bible Society, 2007

← Chapter 1 Jump to: Chapter 3 →

1เยีย เญย ตอน อ้า! สี ก๊อง เม่ย ฒิบ เยีย เญย หว่า, โก๋ว หลง เยีย หัด เญย หลี่ง,

2เม่ย แปง มน่อม หมวัง ธง-เม่ง เญย หว่า, หย่า หฒะเก้ง อ๋อย เปียะ เฮญี้ยว.

3เฒ์ย เญย, สี ก๊อง เม่ย เห่ว เจี๊ยน โท้ อ๋อย เม่ง แปะ, หย่า ธ้วด เฉีย โท้ ปุน เปียะ เฮญี้ยว,

4สี ก๊อง เม่ย ล์อ ธง-เม่ง ฮนั้ง ล์อ ญ่าน, ฒิ่ม ล์อ ธง-เม่ง ฮนั้ง ฒิ่ม ล์อ ปี๋ง เจี๊ยน เญย ฒิ่น ฒ่อย,

5ฮนั้ง หน่าย เม่ย ฯฒฯ เม่ง แปะ ท่าย เฒี้ยว, หย่า ฮิ้ว ตุ๊ ทิน-ฮู่ง.

6เหว่ย หฒุ เฒี้ยว เหธย ธง-เม่ง ปุน เมี่ยน, นิ่น เญย ฑุ่ย ก๊อง เญย หว่า ม่าย ว่วน ฒาง หย่า ปุน เมี่ยน เปียะ เฮญี้ยว.

7นิ่น เซียว ธง-เม่ง เหว่ย เถง เฮญี้ยว หฒีง วั้ว เต๋ย, นิ่น ฮนั้ง ท้อง-ป้าย เปว เจี๊ยน เหฒียบ ฒัวะ เญย เมี่ยน.

8นิ่น โก๋ว แป้ง ฟิม เมี่ยน เญย เจ๊า, หย่า เปว เจี๊ยน กัน หลง นิ่น วั้ว เต๋ย เญย เจ๊า-โหล่ว.

9วั้ว หฒั่น เม่ย ฯฒฯ เม่ง แปะ หาย หญู่ง หอบ เญย, แป้ง ฟิม เญย, หฒีง เญย, เซ เหยียด ฒู้ง หลง เญย เจ๊า,

10เหว่ย หฒุ ธง-เม่ง อ๋อย เปียะ เม่ย เญย เฮญี้ยว, ว่วน ฒาง หย่า ปุน เม่ย เญย เฮญี้ยว คู่ เยียม.

11ไกว เญย เจ๊า อ๋อย เปว เจี๊ยน เม่ย, เปียะ เฮญี้ยว เญย เจ๊า หย่า โก๋ว เจี๊ยน เม่ย,

12แอ๋ง เหฌียว เม่ย เปย๋า ดุ๊ด เอ๊าะ เมี่ยน เญย เจ๊า เหธา ก๊อง-แปะ เญย เมี่ยน.

13น้าย หญู่ง เมี่ยน กวั่ง โหฒว หอบ เญย เจ๊า, กัน หฮมวัง เญย เจ๊า-โหล่ว ยั่ง.

14นิ่น บัว อะเฮน้ย โหฒว เอ๊าะ สี่, หย่า อ๋อย ไห่ เอ๊าะ เมี่ยน โหฒว เญย เจ๊า.

15นิ่น บัว เญย เจ๊า เงา ฌ้วด, นิ่น บัว โหฒว เญย เจ๊า เพียน หมี่ อ๊ะ.

16เม่ย ฯฒฯ ตุ๊ ซิ้ม ฆอย เหฮยียน โหฆ เญย เอ๊า, เซ เปย๋า ดุ๊ด ฑุ่ย บย่าง, หยัวะ เมี่ยน เญย มเซียะ ตอน.

17นิ่น กวั่ง หฮญัง-เจ๊ย หลุน เญย เฒี่ยง โห่ หล่ง ต้าย เญย โหฆ, หย่า หละคุ เหธา นิ่น เญย ทิน-ฮู่ง แล์ง เจี๋ย เญย แหง่ง หว่า.

18สี ก๊อง มี่ง นิ่น เญย เปย๊า, เม่ย ฯฒฯ กัน หฒุ ไต่ เญย เจ๊า. มี่ง นิ่น วั้ว เซ หูง เจี๊ยน เยี่ยม เกน มี่ง.

19ตะฟ่าน มี่ง นิ่น วั้ว เญย เมี่ยน ไม้ ม่าย เหยียด เต้า ตุ๊ หฑวน, หย่า ไม้ ม่าย เหยียด เต้า ตุ๊ หฑวน เถา เฒี่ยง แหม่ง เญย เจ๊า.

20เหว่ย น้าย เม่ย อ๋อย หฒุ ยั่ง เมี่ยน หลง เมี่ยน เญย เจ๊า, กัน หลง โหฒว หอบ เญย เจ๊า-โหล่ว.

21เหว่ย หฒุ เฮญี้ยว หฒีง เญย เมี่ยน ตุ๊ เยียม เต่ย-ปูง, ไม้ ม่าย ต๋อง เฆ่ม เญย เมี่ยน หย่า ตุ๊ เยียม วั้ว.

22มป่า เอ๊าะ เมี่ยน อ๋อย หฒุ ไพ กวั่ง, ไม้ ตุ๊ เยียม เต่ย-ปูง. ห่อย เมี่ยน เญย เมี่ยน อ๋อย หฒุ เหมียด ฮนั้ง แปง เมี้ย เญย กอน นอ.

← Chapter 1 Jump to: Chapter 3 →