Proverbs 8

Mien Bible (Thai Script) © Thailand Bible Society, 2007

← Chapter 7 Jump to: Chapter 9 →

1ธง- เม่ง เห่ว เจี๊ยน ไม้ เฒ์ย? เม่ง แปะ เญย เจ๊า เห่ว เฉีย โฮล เญย ไม้ เฒ์ย?

2นิ่น เยียม เจ๊า-เฮลน ฮลัง เญย ต๋อง, โซ้ว เจี๊ยน จ๊าบ-ม์า เจ๊า.

3นิ่น เยียม เปียะ ฒี่ง เญย หลาด แก้ง กะเฮลน, เยียม เปียะ แก้ง เญย ต๋อง เห่ว บุย เญย ก๊อง,

4“หฒวัง เมี่ยน อ้า! เยีย เห่ว เม่ย บัว. เยีย หูง เจี๊ยน เหยียด ฒู้ง ป้าม เมี่ยน เห่ว.

5ไม้ ฮิ้ว หาย หญู่ง เญย เมี่ยน อ้า! เม่ย บัว อ๋อย หฒุ โหะ ไกว. เมี่ยน หฮงง เมี่ยน อ้า! เม่ย บัว เญย เฮญี้ยว อ๋อย หฒุ เม่ง แปะ.

6หมวัง ม่าะ! เยีย อ๋อย ก๊อง หลง ไห่ เญย หว่า. หาย หญู่ง หอบ เญย อ๋อย เยียม เยีย เญย ฑุ่ย ธ้วด,

7เหว่ย หฒุ เยีย เญย ฑุ่ย อ๋อย ก๊อง เฒียน เล์ย, เยีย เญย ฑุ่ย เหมย กั้ม เฑี้ย ไห่ เอ๊าะ เญย เจ๊า.

8เยีย เญย ฑุ่ย ก๊อง เญย เหยียด ฒู้ง หว่า หอบ เญย, ไม้ ม่าย เหยียด เต๋ย เงา ไฟ ฌ้วด.

9เหว่ย ไฮ่ เปียะ เฮญี้ยว เญย เมี่ยน, น้าย เต๋ย เหยียด ฒู้ง หว่า เซ หฒะ เญย. เหว่ย ตุ๊ ว่วน ฒาง เญย เมี่ยน, น้าย เต๋ย หว่า เซ หอบ เญย.

10กิ๊น หล่ง เยีย หฌาว เญย หว่า ไม้ เฒ์ย ญ่าน, กิ๊น ว่วน ฒาง ไม้ เฒ์ย เฒียน เจียม,

11เหว่ย หฒุ ธง-เม่ง เซ เก้า หลง เจี๋ย หละเปย๊ย-จ๋าย, ต้ง เม่ย อ๋อย เญย เหยียด ฒู้ง กะน้าย ไม้ ไฮ่ เป๊ย ตุ๊ ธง-เม่ง.

12“เยีย เซ ธง-เม่ง. เยีย ปุน เมี่ยน ไฮ่ ฮนั้ม ตุ๊ ทง, ม่าย ว่วน ฒาง หย่า ไกว.

13ท่าย เฒี้ยว เญย เจ๊า เซ ฑอง เอ๊าะ เญย สี่. เยีย ฑอง เธง-โฮล, โหฒว เหมา เญย สี่, โหฒว เอ๊าะ เญย เจ๊า เหธา ก๊อง-แปะ ดั๊ว เมี่ยน เญย หว่า.

14เยีย ไฮ่ เถง ต๊า หฒะเอ๋ย, ม่าย ธง-เม่ง หลง. เยีย ไฮ่ เม่ง แปะ หย่า ม่าย ชะ.

15ฮู่ง เตี๋ย ปั่ง เยีย กุ๊น. โหฒว โฮล เญย เมี่ยน ปั่ง เยีย เหลียบ แป้ง ฟิม เญย เล์ย.

16โม์ว เต้า เปย๊ย เฒ้ย เหธา โหฒว โฮล เญย เมี่ยน ปั่ง เยีย กุ๊น ลู่ง เดี๊ย.

17ฮนั้ม เยีย วั้ว เต๋ย, เยีย หย่า ฮนั้ม นิ่น บัว, เจี้ยน ล์อ เยีย วั้ว เต๋ย หย่า ล์อ ตุ๊ ปวัด.

18ฒิ่น ฒ่อย เหธา ฌัง-หล่าง เยียม เยีย, หย่า ม่าย เยียม ตุ๊ ว้วน เญย ฟุ-โหละ เหธา กง-ฟิม.

19เม่ย เยียม เยีย ตุ๊ ต้าย เญย เซ เก้า หลง เจี๋ย เจียม, ฒู้ง เก้า หลง เจี๋ย เฒียน ไห่ เญย เจียม, เยีย ธ้วด เญย หย่า เก้า หลง เจี๋ย เฒียน ญ่าน.

20เยีย ยั่ง โหฒว หอบ เญย เจ๊า, กัน แป้ง ฟิม เญย เจ๊า-โหล่ว.

21เยีย ปุน ฮนั้ม เยีย วั้ว เต๋ย หฑิบ ฒิ่น ฒ่อย ปุน นิ่น เซียว จ๋าย เญย กะน้าย เญย ต๋อง ปวั๊ง เหฑ่ง.

22“ เฒี้ยว เจี์ย กอน โหฒว นิ่น เญย กง วั้ว หฒั่น, นิ่น เหฒย เยีย ด่าง เจี๋ย, เซ นิ่น โล์-ฮนอย โหฒว ต้าย เญย ต้าว หญู่ง กง.

23เยียม โล์-ฮนอย ต้ง ธอ วั้ว, ไม้ แก้ง ม่าย ป้าม เกน วั้ว หฒั่น นิ่น เหลียบ เยีย เจี์ย ต้าย.

24ไม้ แก้ง ม่าย ค้อย, ไม้ แก้ง ม่าย ววม ธั้ม เญย ววม-ฒี้ง เยีย ธ้วด เสย ต้าย อ๊ะ.

25ต้ม บง ไม้ แก้ง ตุ๊ เยียม ตี่ง, ฟิ้ว-บง หย่า ไม้ แก้ง ม่าย, เยีย ฒู้ง ธ้วด เสย.

26เยีย ธ้วด เสย ด่าง ทิน-ฮู่ง เหฒย เดา เหธา ลี่ง เต่ย. ลู่ง เดี๊ย ติ๊ เตียน เญย เนีย-บูง หย่า ไม้ แก้ง ม่าย.

27นิ่น เหลียบ ลู่ง หย่า เกว๊ด ฮวีง ก๋อม ค้อย-หมิ่น เญย ลู่ง กอน วั้ว หฒั่น, เยีย เยียม หน่าย.

28นิ่น ปุน ลู่ง กู้ หงว่าย เยียม ตุ๊ ว้วน, หย่า เหลียบ เดา-เดี๊ย เญย ววม-ฒี้ง วั้ว หฒั่น,

29นิ่น ตี่ง ค้อย เญย กั๊บ-จ๋าย เหว่ย ปุน ววม ไม้ เจี๋ย ด่าง นิ่น หัด เญย หว่า, นิ่น หย่า เหลียบ ตี่ง เดา เญย กอน-โด๊ะ,

30วั้ว หฒั่น เยีย เยียม นิ่น เญย กะเฮลน ฮนั้ง เต้า หฒั่ง เมี่ยน. นิ่น ฮนอยๆ เหว่ย เยีย อะเฮน้ย, เยีย หย่า หฒั่นๆ เยียม นิ่น เญย หฑะเฮมียน เฌียน-โย่ว ไห่.

31เยีย อะเฮน้ย นิ่น เญย ป้าม เกน, หย่า อะเฮน้ย ไห่ ป้าม เมี่ยน.

32“เยีย เญย ตอน อ่า, อี้ หฒั่น หมวัง เยีย ม่าะ! เอย เจี๊ยน เยีย เญย เจ๊า โหฒว วั้ว เต๋ย ม่าย ออน-เหลาะ.

33อ๋อย หฒุ หมวัง เยีย หฌาว เญย หว่า ฯฒฯ ตุ๊ ธง-เม่ง, ไม้ ตู๋ง ปู๋ง หลอ.

34หมวัง เยีย เญย หว่า วั้ว เต้า ม่าย ออน-เหลาะ, นิ่น ฮนอยๆ เยียม เยีย เญย แก้ง ด่าง หมั่ง, เยียม เยีย เญย แก้ง กะเฮลน ฒั้ว.

35หาย เต้า ล์อ ปวัด เยีย ฯฒฯ ตุ๊ แหม่ง เฒี่ยง. เฒี้ยว หย่า หอบ เฮญี้ยว นิ่น.

36มป่า หาย เต้า ล์อ ไม้ ปวัด เยีย, ฯฒฯ ห่อย หฒุ กั้น. ฑอง เยีย วั้ว เต๋ย เหยียด ฒู้ง อะเฮน้ย หฒุ ไต่ เญย เจ๊า.”

← Chapter 7 Jump to: Chapter 9 →