Proverbs 26

Mien Bible (Thai Script) © Thailand Bible Society, 2007

← Chapter 25 Jump to: Chapter 27 →

1เธง เมี่ยน หฮงง เมี่ยน เซ ไม้ ผุย, ฮนั้ง ฆาย กอง ตุ้ย ซอง, ไฟ เซียว แกง-หฒวัง เญย เฒี่ยง โห่ ตุ้ย บยู่ง.

2เหฒียว เมี่ยน หย่า ไม้ ม่าย กอน-แป๋ง หย่า เหฒียว ไม้ หฒุ, ฮนั้ง เหนาะ เหมย ไฟ เหนาะ บะหิน ได๋ มี่ง ได๋ ต้าย หย่า ไม้ หฑบ นอ.

3ปย๊า-ปิน หล่ง เบ๊าะ ม์า, ฮั่น โค้ว ฟับ ล่อ เญย ฑุ่ย แป๋ง, ปย๊า หล่ง เบ๊าะ เมี่ยน หฮงง เมี่ยน เญย ติ ต์าน.

4ไม้ ตู๋ง เตา เมี่ยน หฮงง เมี่ยน หฒิว นิ่น หฮงง เญย หว่า, เหฑีย เม่ย กั้น ฯฒฯ เหธา นิ่น ฟี่ ฮนั้ง.

5อ๋อย หฒุ เตา เมี่ยน หฮงง เมี่ยน หฒิว นิ่น หฮงง เญย หว่า, เหฑีย เอย นิ่น เญย มฒีง หมั่ง, นิ่น ฝุน นิ่น กั้น ม่าย ธง-เม่ง.

6หาย เต้า ปั่ง เมี่ยน หฮงง เมี่ยน ฝูง เฝียน, เซ ฮนั้ง ฮงะ กั้น เญย เหฒา ดุ๊ด ฯฒฯ ห่อย กั้น.

7ธง-เม่ง หว่า เยียม เมี่ยน หฮงง เมี่ยน เญย ฑุ่ย เซ ไม้ ลั่ม หล่ง, ฮนั้ง เหฒา ไบ เมี่ยน เญย เหฒา ไม้ ลั่ม หล่ง.

8เธง เมี่ยน หฮงง เมี่ยน เซ ฮนั้ง เฒาะ หละเปย๊ย เฮยี้ยด เจี๊ยน ด๊บ-ฮลาง.

9ธง-เม่ง หว่า เยียม เมี่ยน หฮงง เมี่ยน เญย ฑุ่ย, ฮนั้ง ฌิ้ม เยียม ติ๊ว ฆวิน เมี่ยน เญย ปั์ว.

10หาย เต้า ธี้ง เจี๋ย เจ๊า เญย เมี่ยน หฮงง เมี่ยน ไฟ ติ๊ว ฆวิน เมี่ยน, เซ ฮนั้ง ป๊วน จวัง-หฒิน เญย เมี่ยน หละไกว้ ป๊วน ปุน หฒวัง เมี่ยน หฒุ มุน.

11เมี่ยน หฮงง เมี่ยน โหฒว หฮงง เญย สี่, โหฒว ลิ์ว แอ๋ง โหฒว, เซ ฮนั้ง จู๊ หฑวน มี่ง หญั่น นิ่น โล้ เญย กะน้าย.

12เม่ย ปวัด เมี่ยน ฝุน นิ่น กั้น ม่าย ธง-เม่ง ไฟ? เมี่ยน หฮงง เมี่ยน ฒู้ง ม่าย ลั่ม ฮนั้ม เก้า ธั้ม นิ่น.

13เมี่ยน เหลว่ย เมี่ยน ก๊อง, “ม่าย เซี่ยน เยียม วั้ว เจ๊า! ม่าย เต้า เซี่ยน เยียม วั้ว จาย-ห่อง.”

14แก้ง หนาบ ฮนั้ง หาย นอ ปุน แก้ง คอย มี่ง คอย ต้าย, เมี่ยน เหลว่ย เมี่ยน เปว๋ย เจี๊ยน โหธว ฮนั้ง วั้ว นอ เบี๊ยน มี่ง เบี๊ยน ต้าย.

15เมี่ยน เหลว่ย เมี่ยน เญย ปั์ว ตั๊บ เปียะ หฑ่อม, โป้ว ฝาว กั้น เญย ฑุ่ย นิ่น ฒู้ง เฆ่ม โค้ว ไห่.

16เมี่ยน เหลว่ย เมี่ยน หฒิว กั้น เญย มฒีง หมั่ง นิ่น ม่าย ธง-เม่ง, เก้า ธั้ม เสี่ย เต้า เตา ตุ๊ หอบ เญย เมี่ยน.

17เมี่ยน แฑง จ๋า เญย สี่ ไม้ เกวน หฒุ บัว, บัว หย่า มี่ง หละเญ้า, เซ ฮนั้ง จู๊ เจี๋ย เจ๊า, เมี่ยน หละไกว้ แปง จู๊ เญย มน่อม.

18หาย เต้า ดั๊ว นิ่น เญย จวั่ง ล์าง เมี่ยน หย่า ก๊อง, “เยีย ก๊อง อะหฑย่าว ฮนั้ง เหลาะ!” นิ่น เซ ฮนั้ง ปุ๊ด-ดิน เมี่ยน ฒอย โต์ว-ป๊า เหธา ฟอง-ธัง, เหธา ปุน เมี่ยน หฒุ ไต่ เญย กะน้าย.

20ไม้ ม่าย ฒ่าง, โต์ว ฯฒฯ ไต่ หมี่ อ๊ะ. หาย เดา ไม้ ม่าย เมี่ยน ก๊อง หว่า-ซับ หว่า-ฮู้, แฑง จ๋า เญย เจ๊า ฯฒฯ ตี้ง อ๊ะ.

21แฑง จ๋า เญย เมี่ยน แฑง จ๋า ปุน สี่ ธ้วด, ฮนั้ง โต์ว-ถาน จา เจี๊ยน โต์ว เหธา ฒ่าง ตั๊บ เจี๊ยน เหฒียะ เจี๊ยน โต์ว เญย โต์ว-เหฑ่า.

22ก๊อง หว่า-ซับ ต้าน เมี่ยน เญย หว่า, เซ ฮนั้ง ตุ๊ หญั่น อ๋า คู้ เญย กะน้าย, นะ เหฌี่ย เถา กะเซีย.

23ฑุ่ย กาม เฮญี้ยว เธี้ยว, เซ ฮนั้ง เนีย-มอ ฑ้าด เจี๊ยน หลิ่ว นอ.

24เมี่ยน ฑอง เมี่ยน หย่า หล่ง ฑุ่ย กั้น หญู่ง ก๊อง. เยียม เฮญี้ยว นิ่น ขูง ดั๊ว เมี่ยน ฮนั้ง.

25นิ่น ก๊อง คู่ หมวัง เญย หว่า เม่ย ไม้ ตู๋ง เสียน นิ่น, เหว่ย หฒุ เยียม นิ่น เญย เฮญี้ยว ม่าย เสี่ย หญู่ง กั้ม เฑี้ย เญย สี่.

26ไม้ กุ๊น นิ่น หล่ง กู๊ ไกว๋ เญย หฒะเอ๋ย ปวัง เจี๊ยน นิ่น แฑง เญย เจ๊า, นิ่น เญย เอ๊าะ สี่ อ๋อย เยียม เมี่ยน ธั้ม กั๊บ ฒุ้น เญย ต๋อง ธ้วด ต้าย.

27หาย เต้า เว้ด ค้วด, กั้น ฯฒฯ ด๊อด เปียะ ค้วด กะญั์ว. หาย เต้า ฟ้ง หละเปย๊ย, หละเปย๊ย แอ๋ง อ๋อย ต๋าว ฆาง ดั๊บ นิ่น.

28เมี่ยน เญย ฑุ่ย ก๊อง-แปะ ห่อย นิ่น ฑอง เญย เมี่ยน. หล่ง ฑุ่ย หละไกว้ เธง เมี่ยน หย่า ป่าย หว่าย เมี่ยน.

← Chapter 25 Jump to: Chapter 27 →