Proverbs 21

Jinghpaw Common Language Bible © Bible Society of Myanmar, 2009

← Chapter 20 Jump to: Chapter 22 →

1Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

2Nang galaw ai amu lam magup, teng man nga ai nga nna nang myit la mai nga ai; dai Madu gaw na a maw mawn ai myit hpe jep yu nga ai lam, myit dum u.

3Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

4Tara n lang ai masha ni gaw shanhte a myit tsaw myit dap ai hte gumrawng gumtawng ai myit ni hta up hkang da ai hkrum nga ma ai, dai gaw yubak rai nga ai.

5Bungli masing hpe sadi sahka hte galaw ai rai yang, nang hta law htam wa na ra ai; nau tin ai myit hte nang galaw ai rai yang nang hta galoi mung law sha na ra ai n rai.

6N teng n man ai hku, nang lu la ai sut gan ni gaw gade n na yang mat mat na ra ai rai tim, dai garai n mat mat yang, dai sut gan gaw nang hpe si du a shakap kata de woi sa mat wa na ra ai.

7Tara n lang ai ni gaw kashun kashe, du daw sai hkaw ai amu hta si htum mat na mara ai; shanhte gaw teng man ai amu galaw na matu ningdang kau ma ai.

8Mara kap ai ni gaw magyi magaw re ai lam hta hkawm sa nga nna; mara n kap ai ni gaw teng man ai amu hpe galaw nga ma ai.

9Azep ai madu jan hte nta e rau nga na hta, nta numgaw ntsa e wa nga na gaw grau kaja nga ai.

10Tara n lang ai masha ni gaw n hkru ai amu hpe tut nawng e, hpang gara nga ma ai; shanhte gaw gade a ntsa e mung, matsan dum ai myit n rawng nga ma ai.

11Rai dum ai wa gaw shi a ari hkrum sha ai shaloi, nyan tang ai masha wa pyi, sharin la lu nga ma ai; hpaji rawng ai wa gaw shi hpe sharin ya sai kaw na hpaji lu la na ra ai.

12Ding hpring ai Karai Kasang gaw tara n lang ai wa a nta hta hpa byin nga ai hpe, chye nga ai rai nna, shi gaw tara n lang ai ni hpe sharun shabyak kau na ra ai.

13Matsan mayan wa a hpyi jahtau ai nsen hpe nang n madat ai rai yang, nang hpe karum la na matu, na a hpyi jahtau ai nsen hpe, kadai mung na ya na ra ai n rai.

14Marai langai ngai, nang hte masin pawt ai rai yang, a katsi sha jaw ai kumhpa a majaw shi hpe masin shakawp ya na rin dai.

15Teng man ai tara hpe hkan shatup nga yang, mai kaja ai masha ni kabu gara nga ma ai; n hkru ai masha ni a matu myit htum gawng run shara rai nga ai.

16Htauli htaula myit rawng nga ai kaw nna yit mat wa ai ni kadai hpe mung Si du wa ala nga ai.

17Sabyi, hte dwi sau mu mai ai lusha hta pyaw daw kadaw nang ai gaw, nang hpe galoi mung sut su shangun nga ai n rai.

18Tara n lang ai ni e, mai kaja ai masha ni hpe shabyin ai nni nkri ni hta shanhte hkum nan bai hkrum sha nga ma ai.

19Aput angun nga nna azep ai num hte rau nga na hta zaibru jang e sa nga na gaw grau mai nga ai.

20Hpaji rawng ai masha ni gaw hpu reng ai sut hta nga nga ai; angawk ai masha ni chyawm gaw shanhte lu tam ai gumhpraw ni hpe, lawan ladan rai jai ginlut kau nga ma ai.

21Matsan dum ai hte myit malang nga u; shaloi asak galu hkra nang nga lu na rin dai, kaga masha ni mung, nang hpe hkungga jaw nna tara rap ra ai hku nang hpe matut mahkai kanawn na ra ai.

22Zai byeng-ya rawng ai hpyen du kaba wa gaw, n-gun ja ai hpyen ni dap jung dahpran da ai mare hpe ka-up la lu nna, shanhte kam hpa nga ai mare bunghku ni hpe, jahten sharun kau lu nga ai.

23Ru yak shoihpa kata kaw nna nang lawt mayu ai rai yang, nang tsun shaga ai ga hpe sadi maja nga u.

24Rai dum ai masha langai mi, ngai hpe madun dan e, shaloi ngai nang hpe myit tsaw myit dap gumrawng gumtawng ai hte myit n chye tau ai wa hpe madun dan na nngai.

25Bungli galaw na matu, ningdang ai lagawn masha gaw, shi hkum hpe shi sat ai wa sha rai nga ai.

26Shi galaw ai lam yawng hta, shi hpa baw hkam la lu na lam hpe sha, myit yu nga ai; ding hpring ai masha wa chyawm gaw jaw ya lu ai hte, nhpaw n-ya gam jaw lu nga ai.

27Tara n lang ai masha ni dai Madu hpe shagu hkungga nawng jau ya ai shaloi, shi dai hpe n dawng nga ai; dai hta grau nna n hkru ai myit akyang hte shanhte nawng jau ai rai yang grau n dawng nga ai.

28Masu magaw ai wa a sakse ga hpe kadai n kam nga ai. Lam shagu hpe hkrang hkrang myit shapraw ai wa a ga hpe chyawm gaw hkap la lu nga ai.

29Ding hpring ai masha ni gaw shanhte hkum hpe kam lu nga ma ai; tara n lang ai masha ni chyawm gaw shanhte hkum shanhte dang lu ai made kaja htum ai hku hpyi hpun shatsawm da nga ma ai.

30Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

31Majan gasat na matu, hpyen gumra ni hpe lu shajin da tim; awng padang jaw ya ai gaw dai Madu sha rai nga ai.

← Chapter 20 Jump to: Chapter 22 →