Proverbs 26

Jinghpaw Common Language Bible © Bible Society of Myanmar, 2009

← Chapter 25 Jump to: Chapter 27 →

1Angawk ai wa hpe shakawn ai gaw n htuk nga ai, dai gaw ginhtawng ta e hkyen hkrat ai hte n mut ta hta marang htu ai zawn rai nga ai.

2Dagam dala ga ni gaw nang dai hpe gingdan ai sha n rai yang, nang hpe n hkra lu nga ai. Dai gaw galoi mung n dung ai sha pyen hkawm ai ntsa malen u ni zawn rai ma ai.

3Gumra hpe lasik hte nang gayat ra ai. Lawze hpe nang gumhtung shakap ya ra ai; dai zawn angawk ai wa hpe mung, shingna hte nang gayat ra nga ai.

4Lachyum n pru ai ga san hpe nang htai ai rai yang, dai hpe san ai wa zawn nang rai nga ndai.

5Lachyum n pru ai ga san hpe lachyum n pru ai mahtai jaw ya u; dai shaloi, san ai wa gaw shi chye dum ai zawn shi n rai taw nga ai hpe chye na wu ai.

6Angawk ai wa hpe shiga sa sa shangun ai gaw, na a lagaw hpe kahtam daw kau ai hte maren rai nga ai. Nang jamjau hpyi sha ai sha rai na ra ai.

7Lagaw hten ai wa lam n mai hkawm ai hte maren, angawk ai wa gaw ga shagawp hpe n chye tsun nga ai.

8Nyan tang ai wa hpe shakawn ai gaw ningwat hta nlung shajup shakap ai hte bung nga ai.

9Angawk ai wa hpaji ga hte lakap nna tsun ai gaw chyaru nang ai wa shi a lata kaw na ju hpe shaw shakut ai wa zawn, rai nga ai hpe shadum nga ai.

10Angawk masha hte chyaru ya hpe hkrup mara nchyang saw ai wa gaw dai amu hte seng ai masha yawng hpe machyi shangun nga ai.

11A gwi gaw shi a nhpat bai nhtang sha ai zawn angawk ai wa gaw shi a angawk ai amu hpe bai nhtang galaw nga ai.

12Shi hpa n tai nga ai shaloi, hpaji rawng nga nngai nga nna marai langai ngai myit la ai wa hta, angawk htum ai wa gaw grau kaja nga ai.

13Lagawn ai masha gaw nta kaw nna, hpa rai n pru hkawm nga a ta? Shi hpa baw hpe hkrit nga ai kun? Hkanghkyi ni hpe rai kun?

14Chyinghka gaw shi a hkinbawng hta kayin nga ai hte maren, lagawn ai wa gaw yup ra hta kayin nga ai.

15Masha nkau mi nau lagawn nga ma ai majaw, shanhte a n-gup kata de lusha hta bang na pyi, n kam nga ma ai.

16Lagawn ai wa gaw, jaw ai myit masa hpe sakse hte tsun shagrin dan lu ai marai sanit hta hpaji grau rawng nngai ngu myit la na ra ai.

17Na a bungli hte n seng n ang ai sha, dai ndang kalang lam hta shang lawm ai gaw lam de pru sa wa nna, gwi a na gang ya ai hte bung nga ai.

18Masha langai mi gaw marai langai mi hpe hkalem sha kau nhtawm, shi gaw shatu shakra ai sha re ngu tsun ai gaw, si shangun lu ai laknak hte ginsup chyai ai masha mana zawn rai nga ai.

20Wan dap e, hpun n nga yang, wan si nga ai; shi htawn ai wa n nga yang, ga law ga la sim nga ai.

21Nra wan n-ga gaw wan hpe grung shangun nga ai; hpun gaw wan hpe chyi shangun nga ai, manghkang shapraw ra ai ni gaw ndang kalang lam hpe shabyin nga ai.

22Kadum kahte ga gaw grai dwi sau nga ai. Dai hpe mayu bang dat na, anhte kade sha tsaw ra nga ga hka!

23N hkru n kaja ai myit mang lam hpe magap da ai dwi sau ai ga gaw ga di bu hta gumhpraw sup tawn ai hte bung nga ai.

24Sawt ai myit rawng ai wa chyawm gaw shalen abawk ai ga a shingdu hta shi a n ju n dawng ai myit hpe makoi da nga ai.

25Dai gaw dwi sau ai ga hpe shapraw ti mung, shi hpe hkum kam et; hpa majaw nga yang, shi a myit masin gaw nten du hkra n dawng n yawt ai myit hte hpring nga ai.

26Shi gaw shi a n dawng n yawt ai myit hpe masu sun da mayu ti mung, shi galaw ai n hkru ai amu ni hpe masha shagu mu mada na mara ai.

27Kaga masha ni a matu, mahkam hkam da ai ni gaw shanhte hkum nan dai hta ahkang la na mara ai; sharut gyi hkra galaw hpang dat ai wa gaw shi nan dai hta agrawp lawm na ra ai.

28Masu magaw ga hte marai langai ngai hpe machyi shangun mayu ai rai yang, nang shi hpe n dawng nga sai re. Sawt ai ga gaw hten run ai hta lai nna, kaga hpa mung n shabyin lu nga ai.

← Chapter 25 Jump to: Chapter 27 →