bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Nehemiah 4
Nehemiah 4
Kamba (Mbivilia) 1956
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
Ĩndĩ kweethĩwa yĩla Sanavalati wewie kana nĩtũtũngĩĩa ũvai, athilĩka, na akwatwa nĩ woo mũnene, na amathekeea Ayuti mũno.
2
Na aneenea vu mbee wa ana‐a‐ĩthe na ita sya Samalia, na akũlya, Ayuti aa mate na vinya meĩka ata? Makelũlũmĩlya? Makathemba nthembo? Makamina mũthenya o ũmwe? Makokĩlya mavia kuma ivumbunĩ sya mavuthĩ, na nĩ mavĩvye?
3
Na ĩndĩ Tovia Mũamimoni aĩ vakuvĩ nake, na asya, Wako ũũ mekwaka, ethĩwa mbĩwa ĩkambata ĩũlũ, ĩkaomboa ũvai woo wa mavia.
4
Ĩthukĩĩsye, ame Ngai waitũ; nũndũ nĩtũũvũthw’a: na tũnga kũtũvũthya kwoo mĩtwenĩ yoo ene, noimanengane methĩwe mũtavo nthĩ ya kũtavwa;
5
na ndũkavw’ĩke ũthũku woo, na naĩ yoo ndĩkavutwe vala ũĩ; nũndũ nĩmakũthatisye aki mene.
6
Na ĩndĩ nĩtwatũngĩĩe ũvai; na ũvai w’onthe wakwatanw’a kũvika nyunzu ya ũtũlu waw’o: nũndũ andũ maĩ na kwenda kwa kũtethya wĩa.
7
Ĩndĩ kweethĩwa, yĩla Sanavalati, na Tovia, na Alavu, na Aamimoni, na Aasitoti, meewie kana kũtũngĩĩa kwa maũvai ma Yelusaleme nĩkũendeeaa, na moomboku nĩmambĩlĩlw’e kũlindwa, nĩvo ĩndĩ mathilĩkile mũno;
8
na onthe masũanĩa vamwe moke mokite na Yelusaleme, na kwĩkĩa kĩthokoo nthĩnĩ wayo.
9
Ĩndĩ twamũvoya Ngai waitũ, na twaia asyaĩĩsya mũthenya na ũtukũ, nũndũ woo.
10
Na Yuta asya, Vinya wa ala makuaa mĩio nĩ mũoleku, na ve mavuthĩ maingĩ; na kwondũ wa ũu tũtitonya kwaka ũvai.
11
Na nthũ sitũ syasya, Matikamanya, o na kwona, kũvika yĩla twĩlika katĩ woo, na kũmoaa, na kũekethya ũ wĩa.
12
Na kweethĩwa, yĩla Ayuti ala matwĩe vakuvĩ nao mookie, matũtavya mavinda ĩkũmi kuma kũndũ kw’onthe, Mũvaka mũtũsyokee.
13
Kwondũ wa ũu naia andũ kũndũ kwĩ ĩtheo mũno ũtheinĩ wĩ mbĩlĩlo wa ũvai, kũndũ kũthei, naia vo andũ kũatĩĩa mĩvĩa yoo me na mbyũ syoo, na matumo moo, na mata moo.
14
Na nasisya, na nookĩla, na namea ala anene me ndaĩa, na asumbĩki, na andũ ala angĩ, Mũtikamakĩe: lilikanai Mwĩaĩi, ũla mũnene na wa kũtĩsya, na mũimokitĩa ana‐a‐ĩthe menyu, na ana menyu na eĩtu menyu, na iveti syenyu, na nyũmba syenyu.
15
Na kweethĩwa, yĩla amaitha maitũ meewie ũvoo ũsu nũmanyĩkĩte kwitũ, na Ngai nũtw’ĩkĩthĩtye ũsũanĩo woo wa mana, ithyonthe nĩtwasyokie ũvainĩ, kĩla mũndũ wĩanĩ wake.
16
Na kweethĩwa kuma ĩvinda yĩu, nyunzu ya athũkũmi makwa matethisye wĩa, na nyunzu yoo makwete matumo, na ngao, na mata, na tũkoti twa iaa; na asumbĩki mamaũngamĩa nyũmba yonthe ya Yuta.
17
Ala matũngĩĩaa ũvai na ala makuaa mĩio meeyaĩkya moo ene; kĩla mũndũ na kw’oko kũmwe kwake atethya wĩa, na akwata mũio wake wa kaũ na kũla kũngĩ;
18
na aki, kĩla ũmwe eeyovete ũvyũ wake kĩnyunyunĩ kyake, na maaka ta ũu. Na mũvuvi wa soo aĩ vakuvĩ nakwa.
19
Nakwa namea anene me ndaĩa, na asumbĩki, na andũ ala angĩ, Wĩa nĩ mũnene na mwingĩ, na ithyĩ nĩtũtaanĩĩsye ũvainĩ, ũmwe kũasa na ũla ũngĩ:
20
o vala mwĩĩw’a wasya wa soo, tũmbanĩei vau; Ngai waitũ akatũkitĩa.
21
Na ĩndĩ twatethasya wĩa ũu: na nyunzu yoo makwete matumo kuma masangya kũvika yĩla ndata syaumĩlile.
22
O ta ũu ĩvinda yĩu namea andũ, Kĩla mũndũ e na mũthũkũmi wake nakome Yelusaleme, nĩ kana ũtukũ methĩwe asũvĩi maitũ, na makĩtethya wĩa mũthenya.
23
Kwondũ wa ũu nyie, o na ana‐a‐asa makwa, o na athũkũmi makwa, o na andũ ma nguthu ya asũvĩi ala mangatĩĩe, vati ũmwe waitũ waaumya ngũa syake, kĩla ũmwe nĩwaendaa na mũio wake wa kaũ ũsĩnĩ.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13