bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Nehemiah 6
Nehemiah 6
Kamba (Mbivilia) 1956
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
1
Na ĩndĩ kweethĩwa yĩla Sanavalati na Tovia, na Ngesemu Mwalavu, na amaitha maitũ ala angĩ, mataviw’e nĩnĩtũngĩĩe ũvai, na vati vandũ vavũthũe vatiele nthĩnĩ waw’o (o na kau kũvika ĩvinda yĩu ndyambĩte kũũngamya mĩomo mbingĩlonĩ),
2
Sanavalati na Ngesemu matũmana kwakwa, makĩmbĩa, Ũka, tũkomane mũsyĩ ũmwe ũiĩnĩ wa Ono. Ĩndĩ nĩmasũanĩĩte kũmbĩka naĩ.
3
Nakwa natũma atũmwa kwoo, ngĩmea, Nĩngũtethya wĩa mũnene, na nditonya kũtheea: wĩa ũũngame nĩkĩ, yĩla ngũtia, na kũtheea vala mũĩ?
4
Na matũmana kwakwa mavinda ana o ta ũu; nakwa namasũngĩa o ta ya mbee.
5
Nĩvo ĩndĩ Sanavalati watũmie mũthũkũmi wake kwakwa o ta ũu ĩvinda ya katano e na valũa ũte mũvinge kw’okonĩ kwake,
6
ũla waandĩkĩtwe, Nĩkũneenetwe i mbaĩnĩ, o na Ngesemu easya atĩ we na Ayuti nĩmũũsũanĩa kũng’enda; na nũndũ wa ũu nũkũtũngĩĩa ũvai: naku nũkwenda kwĩthĩwa mũsumbĩ woo, kwĩanana na ndeto isu.
7
O na nĩwiĩte athani matavan’ye ũvoo waku Yelusaleme, makyasya, Ve mũsumbĩ Yuta: na yu mũsumbĩ akatavw’a kwĩanana na ndeto isu. Ĩndĩ yu ũka, tũsũanĩe vamwe.
8
Nĩvo ĩndĩ natũmanie kwake, ngĩmwĩa, Vati maũndũ mekĩkĩte ta asu ala ũkwasya, ĩndĩ nue ũmasũanĩaa na ngoo yaku mwene.
9
Nũndũ onthe nĩmendaa kũtũtĩsya, makyasya, Moko moo makonzethw’a wĩanĩ, ndũkatethw’e. Ĩndĩ yu, ame Ngai, mbĩkĩa moko makwa vinya.
10
Nakwa nathi nyũmbanĩ ya Semaia mwana wa Ndelaia mwana wa Meetaveli, ũla waĩ mũsiĩĩe; nake asya, Tũkomane nyũmbanĩ ya Ngai, nthĩnĩ wa ĩkalũ, na tũivinga mĩomo ya ĩkalũ: nũndũ makooka makũae; ĩĩ, ũtukũ makooka makũae.
11
Nakwa nasya, Mũndũ ũilyĩ takwa nĩwaĩle kũkĩa? Na ve ũũ, ailyĩ takwa, ũla ũtonya kũlika ĩkalũnĩ atangĩĩe thayũ wake? Nyie ndilika.
12
Na namanya, kaĩ, Ngai ndamũtũmĩte; ĩndĩ ambathanĩe wathani ũsu: na Tovia na Sanavalati maĩ manamũtuva.
13
Nĩwatuviwe ũndũ wa ũu, nĩ kana nĩkĩe, na kwĩka ũndũ ũsu, wĩthĩwe naĩ kwakwa, nĩ kana methĩwe na ũndũ ũthũku wa kũngweta, mambũthye.
14
Ame Ngai wakwa, lilikana Tovia na Sanavalati kwĩanana na mawĩa asu moo, o na mwathani mũndũ mũka Noatia, na athani ala angĩ, ala mendaa kũmbĩkĩa w’ĩa.
15
Na ĩndĩ ũvai nĩwathelile mũthenya wa mĩongo ĩlĩ na ĩtano wa mwei wa Eluli, nthĩnĩ wa mĩthenya mĩongo ĩtano na ĩlĩ.
16
Na kweethĩwa, yĩla amaitha maitũ onthe meewie ũu, mbaĩ syonthe ila syatũthyũlũlũkĩte syakĩa, na syathelelw’a ndaĩa methonĩ masyo ene; nũndũ nĩmamanyie kana wĩa ũsu watethiw’e nĩ Ngai waitũ.
17
Na ũndũ ũngĩ mĩthenyanĩ ĩsu anene me ndaĩa ma Yuta mamũtwaĩa Tovia mavalũa maingĩ, na mavalũa ma Tovia mamavikĩa.
18
Nũndũ kwaĩ aingĩ Yuta ala mamwĩavĩthĩsye, nĩkwĩthĩwa aĩ mũthoni wa Sekania mwana wa Alaa; na mwana wake Yeoanani aĩ anatwaa mwĩĩtu wa Mesulamu mwana wa Mbelekia.
19
O na maweta meko make maseo vala nĩĩ, na mamũtũngĩa ndeto syakwa. Na Tovia andetee mavalũa ma kũmbĩkĩa w’ĩa.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
All chapters:
1
2
3
4
5
6
7
8
9
10
11
12
13