bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Nehemiah 5
Nehemiah 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 6 →
1
Nĩvo ĩndĩ kwookĩlile kĩĩo kĩnene kya andũ na kya iveti syoo ĩũlũ wa ana‐a‐ĩthe moo Ayuti.
2
Nũndũ kwaĩ amwe ala maisye, Ithyĩ, na ana maitũ, na eĩtu maitũ, nĩ aingĩ: twosei lĩu wa mbaa ngetha, nĩ kana tũye na kwĩkala thayũ.
3
O na kwaĩ amwe ala maisye, Nĩtumĩtye mĩũnda yaitũ, na mĩũnda yaitũ ya mĩsavivũ, na nyũmba sitũ, syĩthĩwe ngwatĩlĩlyo: twosei lĩu wa mbaa ngetha nũndũ wa yũa yĩĩ.
4
O na kwaĩ angĩ ala maisye, Nĩtũkovete mbesa ũndũ wa koti wa mũsumbĩ, na nĩtwiĩte mĩũnda yaitũ na mĩũnda yaitũ ya mĩsavivũ yĩthĩwe ngwatĩlĩlyo.
5
Ĩndĩ yu mĩĩ yaitũ no ta mĩĩ ya ana‐a‐ĩthe maitũ, na syana sitũ nĩ ta syana syoo: na, kaĩ, nĩtũkũete ũkombonĩ ana maitũ na eĩtu maitũ methĩwe athũkũmi, na eĩtu maitũ amwe me ũkombonĩ o na yu: o na tũti na vinya wa kũsiĩĩa ũndũ ũsu; nũndũ andũ angĩ me na mĩũnda yaitũ na mĩũnda yaitũ ya mĩsavivũ.
6
Na yĩla neewie kũĩa kwoo na ndeto isu nĩnathatie mũno.
7
Na ĩndĩ nasũanĩa thayũnĩ wakwa, na nakananĩa na anene me nguma na asumbĩki, na namea, Nĩmũmaumĩthya ũtandĩthyo mbesanĩ kĩla ũmwe kwa mwana‐a‐ĩthe wake. Na namombanĩsya ũmbano mũnene.
8
Na namea, Kwĩanana na ũtonyi witũ ithyĩ nĩtwovoetye ana‐a‐ĩthe maitũ Ayuti, ala mathooew’e i mbaĩ; nenyu nĩmũkwĩtĩkĩla kũmathoosya o na ana‐a‐ĩthe menyu, nao nĩmaĩle ũthooew’a ithyĩ? Na ĩndĩ mavindya ki, na matyaaona ndeto.
9
Na ĩngĩ nasya, Ũndũ ũũ mũkwĩka ti ũseo: mũtyaĩle kũendaa mũkĩmũkĩa Ngai waitũ, nĩ kana i mbaĩ amaitha maitũ itikethĩwe na kĩvũthya?
10
O nakwa, ana‐a‐asa makwa na athũkũmi mwaka, nĩmakovethasya mbesa na lĩu wa mbaa ngetha. Nĩngũmwĩsũva, tũekei ũtandĩthyo ũsu.
11
Nĩngũmwĩsũva, o ũmũnthĩ mũmatũngĩe mĩũnda yoo, na mĩũnda yoo ya mĩsavivũ, na mĩũnda yoo ya mĩthata, na nyũmba syoo, o na kĩlungu kya ĩana kya i mbesa, na kya lĩu wa mbaa ngetha, na mbinyu mbĩthĩ, na mauta, ala mwamaumĩthĩtye.
12
Nĩvo ĩndĩ maisye, Nĩtũũmatũngĩa, na tũtikenda kĩndũ kwoo; now’o tũkwĩka, o tondũ ũkwasya. Nĩvo ĩndĩ nametie athembi, na nameavĩthya, makeke kwĩanana na watho ũsu.
13
Na ũndũ ũngĩ navuunza ngũa yakwa, na nasya, O ta ũu Ngai navuunze kĩla mũndũ aume nyũmbanĩ yake, na ũthũkũminĩ wake, ũla ũtakeanĩsya watho ũũ; o w’o avuunzwe, na kũtiwa e mũthei. Na ũmbano w’onthe wasya, Ameni, na wataĩa Yeova. Na andũ meeka kwĩanana na watho ũsu.
14
Na ũndũ ũngĩ kuma ĩvinda naiiwe nĩthĩwe ngavana woo nthĩ ya Yuta, kuma mwaka wa mĩongo ĩlĩ o kũvika mwaka wa mĩongo ĩtatũ na ĩlĩ wa kũsumbĩka kwa mũsumbĩ Alitasasita, nayo nĩ myaka ĩkũmi na ĩlĩ, nyie na ana‐a‐asa makwa tũtyaaya lĩu wa ngavana.
15
Ĩndĩ makavana ala maĩ mbee wakwa nĩmatw’ĩkie mũio kwa andũ, na moosa kwoo lĩu na mbinyu, o vamwe na sekeli mĩongo ĩna sya vetha; ĩĩ, o na athũkũmi moo nĩmeetũlasya ĩũlũ wa andũ: ĩndĩ nyie ndyaaĩka ũu, nũndũ wa kũmũkĩa Ngai.
16
Ĩĩ, ũndũ ũngĩ naendeea wĩanĩ wa ũvai ũũ, o na tũtyaathooa nthĩ o na ĩĩva: na athũkũmi makwa onthe moombanĩa vo wĩanĩ.
17
Vamwe na ũu mesanĩ yakwa kwaĩ andũ ĩana na mĩongo ĩtano ma Ayuti na asumbĩki, eka asu ala mookie kwitũ kuma mbaĩnĩ ila syatũthyũlũlũkĩte.
18
Na ĩndĩ lĩu ũla waseũvĩtw’e wa mũthenya ũmwe waĩ ng’ombe ĩmwe na malondu thanthatũ manou mũno; o na ngũkũ syaseũvw’a ũndũ wakwa, na mũthenya ũmwe katĩ wa mĩthenya ĩkũmi mbio ya mĩthemba yonthe ya mbinyu: ĩndĩ o na ũu w’onthe ndyaametya lĩu wa ngavana, nũndũ ũkombo waĩ mũito andũnĩ asu.
19
Ame Ngai wakwa, ndilikanĩla ũndũ wa ũseo, w’onthe ũla neekie ũndũ wa andũ aa.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 6 →
All chapters:
1
2
3
4
5
6
7
8
9
10
11
12
13