Nehemiah 7

Kamba (Mbivilia) 1956

← Chapter 6 Jump to: Chapter 8 →

1Na ĩndĩ kweethĩwa, yĩla ũvai wathelile, na namina kũũngamya mĩomo, na asũvĩi ma mĩomonĩ, na aini, na Alivai maiwa.

2Naia mwana‐a‐ia wakwa Aanani, na Aanania ngavana wa nyũmba nene yĩ kĩemo, meaĩe Yelusaleme; nũndũ nake aĩ mũndũ wĩ kĩthito, na akĩaa Ngai kũvĩtũka aingĩ.

3Nakwa namea, Mbingĩlo sya Yelusaleme itikavingũwe kũvika syũa yavyũva; na o yĩla maũngamĩte makĩsyaĩĩsya, mavinge mĩomo, nenyu mũimĩkĩa ivingo: na iai asyaĩĩsya ma ala matwĩe Yelusaleme, kĩla ũmwe ũsyaĩĩsyonĩ wake, na kĩla ũmwe elekele nyũmba yake.

4Na ĩndĩ ndũa yaĩ nthanthau na nene; ĩndĩ andũ maĩ avũthũ nthĩnĩ wayo, na nyũmba ityaĩ mbake.

5Na Ngai wakwa eekĩa ngoonĩ yakwa nũmban’ye anene me ndaĩa, na asumbĩkĩ, na andũ, nĩ kana matalwe mosyaanĩonĩ. Nakwa noona ĩvuku ya mosyaanĩo ma ala mambie kwambata, na neethĩa kũandĩkĩtwe nthĩnĩ wayo atĩĩ:

6Aa nĩo ana ma ĩ kĩlungu kĩnene kya nthĩ, ala mambatie kuma kũtavwanĩ kwa ala matwaiwe, ala Nevukatilesa mũsumbĩ wa Mbaviloni wamatwaĩte, na ala masyokie Yelusaleme na Yuta, kĩla ũmwe ndũanĩ yake;

7ala mookie na Nzeluvaveli, na Yesua, na Neemia, na Asalia, na Laamia, na Naaamani, na Molitekai, na Mbilisani, na Mbisivelethi, na Mbikivai, na Neumu, na Mbaana. Ũtalo wa aũme ma andũ ma Isilaeli:

8Ana ma Valosi, ngili ilĩ na ĩana na mĩongo mũonza na elĩ.

9Ana ma Sevatia, maana atatũ na mĩongo mũonza na elĩ.

10Ana ma Alaa, maana thanthatũ na mĩongo ĩtano na elĩ.

11Ana ma Vaathi‐moavi, ma ana ma Yesua na Yoavu, ngili ilĩ na maana nyanya na ĩkũmi na nyanya.

12Ana ma Elamu, ngili na maana elĩ na mĩongo ĩtano na ana.

13Ana ma Nzatu, maana nyanya na mĩongo ĩna na atano.

14Ana ma Nzakai, maana mũonza na mĩongo thanthatũ.

15Ana ma Mbinui, maana thanthatũ na mĩongo ĩna na nyanya.

16Ana ma Mbevai, maana thanthatũ na mĩongo ĩlĩ na nyanya.

17Ana ma Asikati, ngili ilĩ na maana atatũ na mĩongo ĩlĩ na elĩ.

18Ana ma Atonikamu, maana thanthatũ na mĩongo thanthatũ na mũonza.

19Ana ma Mbikivai, ngili ilĩ na mĩongo thanthatũ na mũonza.

20Ana ma Atini, maana thanthatũ na mĩongo ĩtano na atano.

21Ana ma Ateli, wa Esekia, mĩongo kenda na nyanya.

22Ana ma Asumu, maana atatũ na mĩongo ĩlĩ na nyanya.

23Ana ma Mbenzai, maana atatũ na mĩongo ĩlĩ na ana.

24Ana ma Alivu, ĩana na ĩkũmi na elĩ.

25Ana ma Ngiveoni, mĩongo kenda na atano.

26Andũ ma Mbethi‐leemu na Netova, ĩana na mĩongo nyanya na nyanya.

27Andũ ma Anathothi, ĩana na mĩongo ĩlĩ na nyanya.

28Andũ ma Mbethi‐asimavethi, mĩongo ĩna na elĩ

29Andũ ma Kiliathi‐yealimu, na Kevila, na Mbeelothi, maana mũonza na mĩongo ĩna na atatũ.

30Andũ ma Lama, na Ngeva, maana thanthatũ na mĩongo ĩlĩ na ũmwe.

31Andũ ma Mikimasi, ĩana na mĩongo ĩlĩ na elĩ.

32Andũ ma Mbethi‐eli na Ai, ĩana na mĩongo ĩlĩ na atatũ.

33Andũ ma Nevo ya kelĩ, mĩongo ĩtano na elĩ.

34Ana ma Elamu ya kelĩ, ngili na maana elĩ na mĩongo ĩtano na ana.

35Ana ma Alimu, maana atatũ na mĩongo ĩlĩ.

36Ana ma Yeliko, maana atatũ na mĩongo ĩna na atano.

37Ana ma Loti, na Atiti, na Ono, maana mũonza na miongo ĩlĩ na ũmwe.

38Ana ma Senaa, ngili itatũ na maana kenda na mĩongo ĩtatũ.

39Athembi: ana ma Yetaia, wa nyũmba ya Yesua, maana kenda na mĩongo mũonza na atatũ.

40Ana ma Imeli, ngili na mĩongo ĩtano na elĩ.

41Ana ma Vasuli, ngili na maana elĩ na mĩongo ĩna na mũonza.

42Ana ma Alimu, ngili na ĩkũmi na mũonza.

43Alivai: ana ma Yesua, wa Katimieli, ma ana ma Oteva, mĩongo mũonza na ana.

44Aini: ana ma Asavu, ĩana na mĩongo ĩna na nyanya.

45Asũvĩi ma mĩomonĩ: ana ma Salumu, na ana ma Ateli, na ana ma Talimoni, na ana ma Akuvu, na ana ma Atita, na ana ma Sovai, ĩana na mĩongo ĩtatũ na nyanya.

46Anethini: ana ma Nziia, na ana ma Asiuva, na ana ma Tavaothi,

47na ana ma Kelosi, na ana ma Sia, na ana ma Vatoni,

48na ana ma Levana, na ana ma Akava, na ana ma Salimai,

49na ana ma Aananu, na ana ma Ngiteli, na ana ma Kaali,

50na ana ma Leaia, na ana ma Lesini, na ana ma Nekota,

51na ana ma Ngasamu, na ana ma Usa, na ana ma Vasea,

52na ana ma Mbesai, na ana ma Ameuni, na ana ma Nevisimu,

53na ana ma Mbakivuki, na ana ma Akuva, na ana ma Aliuli,

54na ana ma Mbasiluthi, na ana ma Meita, na ana ma Alasa,

55na ana ma Mbalikosi, na ana ma Sisela, na ana ma Tema,

56na ana ma Nesia, na ana ma Ativa.

57Ana ma athũkũmi ma Solomoni: ana ma Sotai, na ana ma Sovelethi, na ana ma Velita,

58na ana ma Yaala, na ana ma Ndalikoni, na ana ma Ngiteli,

59na ana ma Sevatia, na ana ma Atili, na ana ma Vokelethi‐nzevaimu, na ana ma Amoni.

60Anethini onthe, na ana ma athũkũmi ma Solomoni, maĩ maana atatũ na mĩongo kenda na elĩ.

61Na aa nĩo ala mambatie kuma Teli‐mela, na Teli‐alasa, na Keluvi, na Atoni, na Imeli; ĩndĩ matyaatonya kwĩmanyĩthan’ya nyũmba sya aaĩthe moo, o na mbaĩ yoo, kana nĩ ma Isilaeli:

62ana ma Ndelaia, na ana ma Tovia, na ana ma Nekota, maana thanthatũ na mĩongo ĩna na elĩ.

63Na ma athembi: ana ma Ovaia, na ana ma Mbalisilai, nomo ana ma Akosi, ũla watwaie mwĩĩtu wa Mbalisilai Mũngileati, na eetanĩw’a na syĩtwa yoo.

64Asu nĩmamanthie ĩvuku yoo yĩla matalĩtwe mosyaanĩo, ĩndĩ yĩtyaaoneka: kwondũ wa ũu nĩmatalilwe kwĩthĩwa nĩ avuku na maumw’a ũthembinĩ.

65Na ngavana amea, matikaye syĩndũ ntheu mũno, kũvika kwaũngama mũthembi wĩ na Ulimu na Thumimu.

66Ũmbano w’onthe vamwe waĩ ngili mĩongo ĩna na ilĩ na maana atatũ na mĩongo thanthatũ,

67eka athũkũmi moo aũme na athũkũmi moo eĩtu, namo maĩ ngili mũonza na maana atatũ na mĩongo ĩtatũ na mũonza: na maĩ na aũme ma kwina na aka ma kwina maana elĩ na mĩongo ĩna na atano.

68Mbalasi syoo syaĩ maana mũonza na mĩongo ĩtatũ na thanthatũ; na nyũmbũ syoo, maana elĩ na mĩongo ĩna na itano;

69na ngamĩle syoo, maana ana na mĩongo ĩtatũ na itano; na mang’oi moo, ngili thanthatũ na maana mũonza na mĩongo ĩlĩ.

70Na atongoi amwe ma nyũmba sya aaĩthe nĩmanenganie syĩndũ kwondũ wa ũ wĩa. Ngavana nĩwanenganie sya kwia vala vaiawa ũthwii ilungu ngili sya thaavu, mbakũli mĩongo ĩtano, na ngũa sya athembi maana atano na mĩongo ĩtatũ.

71Na atongoi amwe ma nyũmba sya aaĩthe nĩmanenganie sya kwia vala vaiawa ũthwii wa wĩa ilungu ngili mĩongo ĩlĩ sya thaavu, na latili ngili ilĩ na maana elĩ sya vetha.

72Na ila ala angĩ manenganie nĩ ilungu ngili mĩongo ĩlĩ sya thaavu, na latili ngili ilĩ sya vetha, na ngũa sya athembi mĩongo thanthatũ na mũonza.

73Na ĩndĩ athembi, na Alivai, na asũvĩi ma mĩomonĩ, na aini, na andũ amwe, na Anethini, na Isilaeli onthe, nĩmekalile ndũanĩ syoo. Na yĩla mwei wa mũonza wavikie, ana ma Isilaeli maĩ ndũanĩ syoo.

← Chapter 6 Jump to: Chapter 8 →