bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Jeremiah 29
Jeremiah 29
Kamba (MBIVILIA ŨVOO MŨSEO)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 30 →
1
Ũũ nĩ w'o valũa ũla Mwathani Yelemia watũmie kuma Yelũsalemu ũtwaĩwe atumĩa ala matongoesye andũ, athembi, athani, na andũ onthe ala Nevukatinesa watavie kuma Yelũsalemu amatwaa Mbavilonĩ.
2
Aandĩkie valũa ũũ ĩtina wa Mũsumbĩ Yekonia, inyia wake, athũkũmi make, atongoi ma Yuta na Yelũsalemu, andũ me na ũĩ wa kũseũvya syĩndũ na atwii ma syũma, mamina kũtwawa kuma Yelũsalemu me atave.
3
Valũa ũsu watwaiwe nĩ Elasa mwana wa Savani na Ngemalia mwana wa Ilikia, ala Nzetekia mũsumbĩ wa Yuta watũmĩte vala ve Nevukatinesa mũsumbĩ wa Mbavilonĩ. Valũa ũsu waandĩkĩtwe ta ũũ:
4
“Ũũ nĩw'o Mwĩai Ngai Mwene Ũtonyi W'onthe, Ngai wa Ĩsilaeli ũkũtavya andũ onthe ala waekie matavwa maumw'a Yelũsalemu matwawa Mbavilonĩ:
5
‘Akai nyũmba mwĩkale vo; vandai mĩũnda na mũiya mosyao mayo.
6
Twaanai na mũisyaa syana; manthĩai ana menyu aka, na nenganei eĩtu menyu matwawe, nĩ kana o namo masyae syana. Ingĩvai mwĩ nthĩ ĩsu, na mũikaoleke.
7
Manthĩai ũseo ndũa ĩla nĩmũtwaĩte mũkekale mwĩ atave, na mũimboya nyie Mwĩai Ngai nĩmĩke nesa, nũndũ ndũa ĩsu yaendeea nesa, o nenyu mũkaendeea nesa.’
8
Nyie Mwĩai Ngai Mwene Ũtonyi W'onthe, Ngai wa Ĩsilaeli nĩmwĩa kana mũiketĩkĩle athani menyu na awe ala me katĩ wenyu mamũkenge, o na mũikethukĩĩsye ndoto syoo ila mamũtavasya.
9
Nũndũ memwathanĩa maũndũ ma ũvũngũ ĩsyĩtwanĩ yakwa. Ndyaamatũma. Nĩasya ũu nyie Mwĩai Ngai.
10
“Nyie Mwĩai Ngai nĩasya kana ĩtina wa Mbavilonĩ kũmũsumbĩka vandũ va myaka mĩongo mũonza, ngooka kũla mũĩ na ngeanĩsya watho ũla namũnengie na ngĩmũtũnga nthĩ ĩno yenyu.
11
Nũndũ nyie Mwĩai Ngai nĩnĩsĩ maũndũ ala nĩmũvangĩe. Nĩvangĩte kũmwĩka nesa na ti ũthũku, nĩmũnenge wĩkwatyo ĩvindanĩ yĩla yũkĩte.
12
Nĩvo ĩndĩ nenyu mwĩmbĩkaĩla na kũka kũmboya, nakwa ngeew'a mboya syenyu.
13
Mwamantha mũkambona, ethĩwa mũkamantha na ngoo yenyu yonthe.
14
Nyie Mwĩai Ngai nĩmũĩkĩĩthya kana mwamantha mũkambona, nakwa ngatũngĩĩa moathimo menyu, na ngamũmbany'a kuma mbaĩnĩ syonthe na kũndũ kw'onthe kũla namũlũngĩlĩĩlye, na ngamũtũnga nthĩ yenyu vala namumisye mwatwawa mwĩ atave.
15
“Mwĩasya kana Mwĩai Ngai nũmũnengete athani mwĩ kũu Mbavilonĩ.
16
Ũũ nĩ w'o nyie Mwĩai Ngai ngwasya ĩũlũ wa mũsumbĩ ũla ũsumbĩkaa ekalĩle kĩvĩla kya kĩ-ũsumbĩ kya Ndeviti, na ĩũlũ wa andũ onthe ala matũaa ndũanĩ ĩno, ana-a-ĩthe menyu ala mataatwawa me atave vamwe nenyu.
17
Ngamaetee kaũ, yũa na ũwau mũthũku, na ngamatw'ĩkĩthya ta matunda ma makũyũ mou, mathũku mũno ũkethĩa mũndũ ndatonya kũmaya.
18
Ngaendeea kũmamina na kaũ, yũa na ũwau mũthũku, na ngamatw'ĩkĩthya kĩndũ kya kũtelemya kwa mosumbĩ onthe ma nthĩ; ngamatw'ĩkĩthya kĩumo na kĩndũ kya kũtĩsya, ma kũmenwa na kũvũthw'a nĩ mbaĩ syonthe kũla nĩmanyaĩĩkĩsya.
19
Ngameka ũu nĩkwĩthĩwa nĩmaleile kũmbĩw'a, yĩla naneenie nenyu na kĩthing'ĩĩsyo kwĩsĩla vala ve athũkũmi makwa athani, ĩndĩ mwalea kũmethukĩĩsya. Nĩasya ũu nyie Mwĩai Ngai.
20
Mbĩthukĩĩsyei nyie Mwĩai Ngai, inyw'onthe andũ ala mwataviwe kuma Yelũsalemu mwatwawa Mbavilonĩ:
21
“Ũũ nĩ w'o nyie Mwĩai Ngai Mwene Ũtonyi W'onthe, Ngai wa Ĩsilaeli ngwasya ĩũlũ wa Aavu mwana wa Kolaia na Nzetekia mwana wa Maaseia, ala meũmwathanĩa ũvũngũ ĩsyĩtwanĩ yakwa: Ngamanengane ũtonyinĩ wa Nevukatinesa mũsumbĩ wa Mbavilonĩ, nake akamoaa mũsyaĩĩsye.
22
Makeekwa naĩ wĩthĩe andũ onthe ma Yuta ala mataviwe matwawa Mbavilonĩ makaumanĩaa mũndũ mayasya, ‘Mwĩai Ngai nĩakwĩke ta Nzetekia na ta Aavu, ala mavĩviw'e na mwaki nĩ mũsumbĩ wa Mbavilonĩ.’
23
Makeekwa ũu nĩkwĩthĩwa nĩmeekie naĩ nthũku nthĩnĩ wa Ĩsilaeli, nĩmekĩte ũlaalai na iveti sya atũi moo, na nĩmaneenete ndeto sya ũvũngũ ĩsyĩtwanĩ yakwa o na kau ndyaamatũma. Nyie Mwĩai Ngai nĩasya kana nĩnĩsĩ mothũku ala mekĩte na nĩ ngũsĩ yamo.”
24
Mwĩai Ngai nĩwambĩie nĩneene na Semaia kuma ndũa ya Neelamu nĩmwĩe atĩĩ:
25
“Mwĩai Ngai Mwene Ũtonyi W'onthe, Ngai wa Ĩsilaeli ekwĩa kana nĩwaandĩkĩie andũ onthe ala me Yelũsalemu, na waandĩkĩa mũthembi Nzevania mwana wa Maaseia, vamwe na athembi onthe valũa ũkwasya atĩĩ,
26
“ ‘Mwĩai Ngai nũkũtw'ĩte we Nzevania mũthembi vandũ va mũthembi Yeoiata, nĩ kana ũũngamĩe Ĩkalũ yake na kũkwata kĩla mũndũ wa ndũũka wĩtw'ĩkĩthasya mwathani, ũmwove mĩtĩnĩ ya kwova andũ na ũimwova ngingo.
27
Nĩkĩ ĩndĩ ũtanamũkany'a Yelemia kuma ndũanĩ ya Anathothi, ũla ũkũmwathanĩa?
28
Nũndũ nũtũmanĩte kwitũ ala twĩ Mbavilonĩ atwĩĩte atĩĩ: Mũkekala ĩvinda ĩasa nthĩ ĩla mũtavĩtwe mũkatwawa, kwoou akai nyũmba mwĩkale vo, na vandai mĩũnda mũĩsae mosyao mayo.’ ”
29
Mũthembi Nzevania nĩwasomie valũa ũsu mwathani Yelemia ethukĩĩsye.
30
Nĩvo ĩndĩ Mwĩai Ngai waneenie na Yelemia amwĩa
31
nĩatũmane kwa andũ onthe ala mataviwe matwawa Mbavilonĩ amee atĩĩ, “Ũũ nĩ w'o Mwĩai Ngai ũkwasya ĩũlũ wa Semaia kuma ndũanĩ ya Neelamu: Nĩkwĩthĩwa Semaia nũmwathanĩĩte o na kau ndyaamũtũma, na nũtumĩte mũĩkĩĩa ũndũ wa ũvũngũ,
32
nyie Mwĩai Ngai ngamũsilĩla vamwe na ũsyao wake. Ndakethĩwa na mũndũ o na ũmwe wa nzyawa syake ũla ũkethĩwa thayũ katĩ wa andũ aa, nĩ kana one ũseo ũla nĩmeka andũ makwa, nũndũ atavĩtye andũ ndeto sya kũtuma mang'endea. Nĩasya ũu nyie Mwĩai Ngai.”
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52