bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Jeremiah 50
Jeremiah 50
Kamba (MBIVILIA ŨVOO MŨSEO)
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Ii nĩsyo ndeto ila Mwĩai Ngai waneenie ĩũlũ wa nthĩ ya Mbavilonĩ, na ala matwĩe nthĩnĩ wayo kwĩsĩla kwa mwathani Yelemia:
2
“Tavany'ai na kũnyaĩĩkya ũvoo mbaĩnĩ sya andũ, ũkĩlyai kĩvevelo kya kũmanyĩthya andũ na kũnyaĩĩkya ũvoo, mũikavithe ũndũ o na wĩva! Neenai mwasye, ‘Mbavilonĩ nĩngwate! Ngai ya yo ĩla yĩtawa Mbeli nĩmbĩkĩĩthye nthoni! Ngai ya yo ĩla yĩtawa Melotaki nĩtelemete! Mĩvw'anano ya yo nĩ mbĩkĩĩthye nthoni! Ngai syayo sya mĩvw'anano nitelemete!’
3
“Nũndũ mbaĩ yumĩte ngalĩko ya ĩũlũ nĩyũkĩte kũvithũkĩa Mbavilonĩ. Mbaĩ ĩsu ĩkatuma Mbavilonĩ ĩtiwa yĩ nthei, na vai mũndũ ũkatũa vo; andũ makakĩa na nyamũ o nasyo ikakĩa.”
4
Mwĩai Ngai easya atĩĩ, “Yĩla ĩvinda yĩu yĩvika, andũ ma Ĩsilaeli na ma Yuta makoombana vamwe, na makooka kũmantha nyie Mwĩai Ngai, Ngai woo maĩĩte.
5
Makakũlya nzĩa ya kũthi Saioni na maithi melekele kw'o mayasya, ‘Ũkai tũseũvye ũtianĩo wa tene na tene na Mwĩai Ngai ũla ũtakola o na ĩndĩĩ.’
6
“Andũ makwa mailyĩ ta malondu mau, ala aĩthi moo mamaĩtye makatuma mathi kwanganga iĩmanĩ. Mangangĩte ta malondu kuma kĩĩmanĩ kũthi kalĩmanĩ, na nĩmolĩtwe nĩ wĩkalo woo.
7
Andũ onthe ala mamethĩaa nĩmamoaa, na amaitha moo maneenete makasya atĩĩ, ‘Tũi na ĩvĩtyo nũndũ nĩmavĩtĩsye Mwĩai Ngai, ũla nĩwe wĩkalo woo wa w'o, Mwĩai Ngai wĩkwatyo wa aaũmae moo.’
8
“Inyw'ĩ andũ ma Ĩsilaeli, kĩai mume Mbavilonĩ! Umai nthĩ ĩsu ya Akalitei. Ĩthĩwai ma mbee kuma ta nthenge ila itongoeasya ndĩthya.
9
Nũndũ ngatuma nguthu ya andũ ma nthĩ syĩ ũtonyi kuma ngalĩko ya ĩũlũ ĩvithũkĩa Mbavilonĩ. Makeevanga mokite na Mbavilonĩ na maimĩkwata. Maangi moo makeethĩwa ta ma ngũmbaũ yĩ na ũmanyi ĩathaa ĩteũvĩtya.
10
Mbavilonĩ ĩkatavwa na onthe ala memĩtava makoosa syĩndũ nginya meanĩwe. Nĩasya ũu nyie Mwĩai Ngai.”
11
Mwĩai Ngai easya atĩĩ, “Inyw'ĩ andũ ma Mbavilonĩ ala mwatavie andũ makwa, o na vala nĩmũkwĩw'a mũyo na nĩmũũtana, o na vala mwĩtũvatũva ta moi ĩkũvũa nganũ, na kwany'a ta mbalasi nũme,
12
nthĩ yenyu ĩla mwasyaĩwe ĩkasonokw'a vyũ, nyinyia ũsu wenyu akeekĩĩthw'a nthoni. Ĩkeethĩwa nthĩ ĩla ĩte vata katĩ wa nthĩ syonthe, ĩkeethĩwa weũ na nthĩ nyũmũ ĩte kĩw'ũ.
13
Nũndũ wa ũthatu mwingĩ wa Mwĩai Ngai, ndũa ĩsu ndĩkatũwa ĩngĩ, ĩndĩ ĩkeethĩwa yĩ nthei vyũ; Mũndũ o na wĩva ũla wĩĩsĩla Mbavilonĩ akaseng'a, na kũsaanĩw'a nũndũ wa maũũmĩsye mayo.
14
Inyw'ĩ ala mũathaa na ũta, ĩvangei mũthyũlũlũke Mbavilonĩ mũkite nayo, mĩathei, mũikatialye ĩangi o na yĩmwe, nũndũ nĩmbĩtĩsye nyie Mwĩai Ngai.
15
Myuĩsyei ngemi sya kaũ ngalĩko syonthe, yu Mbavilonĩ nĩyĩnenganĩte ĩkwatwe; myako ya yo mĩlũmu nĩ mbomboku, ngũta syayo nĩ mbanange. Ũũ nĩ ũĩvanĩsyo kuma kwakwa nyie Mwĩai Ngai; kwoou ĩyĩĩvanĩsyei kũla yĩĩ, ĩkanai nayo ũndũ yo yeekie.
16
Siĩĩai andũ maikavande mbeũ Mbavilonĩ, na kũsiĩĩa andũ maikakethe ĩvindanĩ ya ngetha. Nũndũ wa ũvyũ wa amaitha, kĩla mũndũ akasyokea andũ make mwene, na kĩla mũndũ akakĩa athi nthĩ yake mwene.”
17
Mwĩai Ngai easya atĩĩ, “Andũ ma Ĩsilaeli mailyĩ ta malondu masembanĩtw'e na makanyaĩĩkw'a nĩ mĩnyambũ. Mbeenĩ mũsumbĩ wa Asuli nĩwamaminie, nayu Nevukatinesa mũsumbĩ wa Mbavilonĩ nũtũlangĩte mavĩndĩ moo.
18
Kwoou nyie Mwĩai Ngai Mwene Ũtonyi W'onthe, Ngai wa Ĩsilaeli nĩasya kana ngakany'a mũsumbĩ wa Mbavilonĩ na nthĩ yake, o tondũ nakanisye mũsumbĩ wa Asuli.
19
Ngatũnga andũ ma Ĩsilaeli nthĩ yoo, na makaya lĩu wumĩte Kĩĩmanĩ kya Kalimeli na kĩsionĩ kya Mbasani, na mavata moo makeanĩĩw'a tũlĩmanĩ twa Evalaimu na kĩsionĩ kya Ngileati.
20
Ĩvindanĩ yĩu, mavĩtyo ma Ĩsilaeli makamanthwa, ĩndĩ vaikoneka yĩmwe. Naĩ sya Yuta ĩkamanthwa, ĩndĩ vaikoneka ĩmwe, nũndũ ngaekea ala nĩtialya mekale thayũ. Nĩasya ũu nyie Mwĩai Ngai.”
21
Mwĩai Ngai easya atĩĩ, “Ambatai mũkavithũkĩe nthĩ ya Melathaimu, na mũivithũkĩa ala mekalaa Vekoti, Moaei mũmamine vyũ, na mũyĩka maũndũ onthe ala nĩmwĩaĩĩte. Nĩasya ũu nyie Mwĩai Ngai.
22
Kĩlonzo kya kaũ nĩkĩkwĩw'ĩka nthĩ ĩsu, na ve wanangĩko mũnene!
23
Mbavilonĩ yailyĩ ta kĩiva kya kũkũna nthĩ yonthe, ĩndĩ yu nĩ mbalũkye na ĩkatilĩkanga! Mbavilonĩ ĩtw'ĩkĩte kĩndũ kya kũtelemya kwa andũ ma mbaĩ syonthe!
24
We Mbavilonĩ nĩnakwĩkĩĩie mũteo na wakwatw'a, ĩndĩ ndweesĩ kana wĩmũkwatye; nĩweethĩiwe na wakwatw'a, nũndũ nĩwasindanie nakwa nyie Mwĩai Ngai.
25
Nyie Mwĩai Ngai nĩmbingũĩte vala niaa mĩio yakwa ya kaũ, na ngaumya vo mĩio ya kaũ ya ũthatu wakwa, nũndũ nyie Mwĩai Ngai Mũsumbĩ Mwene Ũtonyi W'onthe nĩ na wĩa wa kũtethya, nthĩnĩ wa nthĩ ya Akalitei.
26
Ũkai mũvithũkĩe Mbavilonĩ kuma kĩla ngalĩko, vingũai makũmbĩ mayo, myũmbany'ei vamwe ta ivumbu sya ngetha, myanangei vyũ, na mũikatialye kĩndũ o na kĩmwe!
27
Ũaai asikalĩ mayo onthe, ekai mathi vala mũũthi kũmoaĩa! Kyeva nĩ kwoo, nũndũ mũthenya woo nĩ mũviku, ĩvinda ya kũkanw'a kwoo!
28
“Ĩthukĩĩsye! Wasya wa ala makĩĩte na kũvonoka kuma nthĩ ya Mbavilonĩ, mokĩte kũtavany'a Saioni ũndũ nyie Mwĩai Ngai, Ngai woo neeyĩĩvanĩisye. Ĩĩ, neeyĩĩvanĩisye nũndũ wa Ĩkalũ yakwa.
29
“Ĩtai ala maathaa na ũta mavithũkĩe Mbavilonĩ, ĩtai onthe ala makusasya ũta. Ambai maeema menyu mũmĩthyũlũlũke; mũikatate kũeka mũndũ avonoke. Mĩĩvanĩsyei kwĩanana na meko mayo. Mĩkei o ũndũ yeekie, nũndũ nĩyambũthisye kwa ũng'endu nyie Mwĩai Ngai Ũla Mũtheu wa Ĩsilaeli.
30
Kwoou andũ mayo ma mũika makooaĩwa nzĩanĩ syayo, na asikalĩ mayo onthe ma kaũ makaminwa mũthenya ũsu. Nĩasya ũu nyie Mwĩai Ngai.
31
“Nyie Mwĩai Ngai Mũsumbĩ Mwene Ũtonyi W'onthe nĩasya, ‘Nĩ na ũndũ naku we Mbavilonĩ ũla wĩkathĩĩaa, nũndũ mũthenya waku nĩ mũviku, ĩvinda yĩla nyie ngũũkany'a nĩ ĩviku.
32
We ũla wĩkathĩĩaa ũkaluluutĩka na kũvalũka, na vaikethĩwa wa ũkũkĩlya, ngakwatya mwaki ndũanĩ syaku, na ũkavĩvya syĩndũ syonthe ila ikũthyũlũlũkĩte.’ ”
33
Mwĩai Ngai Mwene Ũtonyi W'onthe easya atĩĩ, “Andũ ma Ĩsilaeli na ma Yuta nĩmeũthĩnw'a. Ala mamatavie nĩmamakwatĩte makamalũmya na nĩmaleete kũmalekya mathi.
34
Ĩndĩ nyie Mũtangĩĩi woo nĩ vinya. Nĩtawa Mwĩai Ngai Mwene Ũtonyi W'onthe. Kwa w'o ngamatetea nĩ kana nĩete mũuo nthĩ yonthe, ĩndĩ ngaete mathĩna kwa ala matũaa Mbavilonĩ.”
35
Mwĩai Ngai easya atĩĩ, “Kaũ ũkookĩa nthĩ ya Mbavilonĩ! Ũkookĩa ala matũaa Mbavilonĩ, atongoi mayo na andũ oĩ mayo!
36
Yĩla kaũ wĩũkĩa ala maaũasya, makatw'ĩka ndia! Yĩla wĩũkĩa asikalĩ moo ngũmbaũ, makaminwa!
37
Yĩla kaũ wĩũkĩa mbalasi syoo na makasya moo ma kaũ, asikalĩ moo ala makomboete, makeethĩwa me na w'ĩa ta aka! Yĩla kaũ wĩũkĩa kũndũ kwoo kũla maiaa ũthwii, ũthwii ũsu ũkatavwa.
38
Nthĩ yoo nĩyĩthĩwe na mũnyao, nĩ kana mbũsĩ syoo ing'ale! Nũndũ Mbavilonĩ nĩ nthĩ yusũĩte ngai sya mĩvw'anano, na andũ nĩmaũũkĩtw'e nĩyo.
39
“Kwoou nyamũ sya weũ ikekalany'a na mbiti vamwe na ndunduuli kũu Mbavilonĩ. Nthĩ ĩsu ndĩkethĩwa na andũ tene na tene, o na ndĩkatũwa ĩvindanĩ yonthe yĩla yũkĩte.
40
Nyie Mwĩai Ngai nĩasya kana o tondũ naanangie Sondomu na Ngomola na ndũa ila syaithyũlũlũkĩte, no w'o nĩananga Mbavilonĩ wĩthĩe vai mũndũ ũkatũa vo o na ĩndĩĩ.
41
“Ve andũ mokĩte kuma nthĩ yĩ ngalĩko ya ĩũlũ, mbaĩ nene ya andũ na asumbĩ aingĩ, nĩmekwĩyũmbany'a kuma kũndũ kũasa mũno.
42
Makwete mbũta na matumo, nĩ andũ athũku mate tei. Mokĩte malĩsĩte mbalasinĩ me na kĩlitũko ta kya ũkanga, mailyĩ asikalĩ mevangĩte kũkita, makũvithũkĩe we Mbavilonĩ!”
43
Mũsumbĩ wa Mbavilonĩ nĩweewie ũvoo woo, na moko make maleela. Nĩwakwatiwe nĩ kĩmako, na woo ta wa mũndũ mũka ũkwaũnya.
44
Ta mũnyambũ wũkĩte kuma kĩthekanĩ kya Yolotani ũvithũkĩe kyũũ kĩlũmu kya malondu, no w'o nyie Mwĩai Ngai ngatuma andũ ma Mbavilonĩ masemba kwa kĩthũlũmũko maume nthĩ yoo. Nĩvo ĩndĩ nĩmanyuvĩa mũtongoi ũla ngwenda. Nĩkũlya, nũũ ũla ũilyĩ takwa? Nũũ ũtonya kũmbĩta anzilĩthye? Nĩ mũtongoi wĩva ũla ũtonya kũsindana nakwa?
45
Kwoou ĩthukĩĩsyei mũvango mũthũku ũla nyie Mwĩai Ngai nĩvangĩe andũ ma Mbavilonĩ, na ũndũ ngwenda kwĩkana na andũ ma nthĩ ya Akalitei. Syana syoo ikakusĩthw'a itwawe kũasa; kwa w'o andũ onthe makaseng'a me kũla mekalaa.
46
Kĩlitũko kya kũkwatwa kwa Mbavilonĩ kĩkatuma nthĩ ĩthingitha, na kĩĩo kyoo kĩkeew'ĩka nĩ nthĩ ila ingĩ syonthe.
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52