bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Jeremiah 49
Jeremiah 49
Kamba (MBIVILIA ŨVOO MŨSEO)
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Ii nĩsyo ndeto ila Mwĩai Ngai waneenie ĩũlũ wa Aamimoni: “Nĩkũlya, Ĩsilaeli no wĩ ana? No wĩ mũndũ ũtonya kwosa ũtiĩwa wake? Nĩkĩ ĩndĩ andũ ala mathaithaa ngai ĩla yĩtawa Moleki mosete kĩsio kya mbaĩ ya Ngati makakĩmesya, na makatũa ndũanĩ syakyo?
2
Ĩndĩ vate nzika ĩvinda nĩyũkĩte, nĩasya ũu nyie Mwĩai Ngai, yĩla nĩtuma wasya wa kaũ wĩw'ĩka, wasya wa kũvithũkĩa ndũa ya Lava ĩla yĩ nthĩ ya Aamimoni. Ndũa ĩsu ĩkatiwa yĩ kĩvumbu kĩthei, na motũi mayo makavĩvw'a. Nĩvo ĩndĩ Ĩsilaeli yĩosa nthĩ yoo, kuma kwa ala mamyosie. Nĩasya ũu nyie Mwĩai Ngai.
3
“Inyw'ĩ andũ ma Esivoni ĩai, nũndũ ndũa ya Ai nĩmbanange! Aka ma ndũa ya Lava ĩai! Ĩkĩai ngũa ngaamu sya makunia na mũiĩa, na kũsemba kũũ na kũũ mwĩ nthĩnĩ wa ngũta sya ndũa, nũndũ ngai yenyu ya Moleki nĩkũtwawa nthĩ ya ũeninĩ, yĩtwaanĩw'a na athembi mayo na athũkũmi mayo.
4
Mwĩkathĩĩaa nũndũ wa myanda yenyu mĩnou nĩkĩ, inyw'ĩ andũ mũte na mũĩkĩĩo? Inyw'ĩ ala mwĩkwatasya ũthwii wenyu ene mũyasya, ‘Nũũ ũla wĩũka kũkita naitũ?’
5
Ngamũetee motĩsyo, kuma kwa onthe ala mamũthyũlũlũkĩte. Kĩla mũndũ akasembanw'a akĩe, athi na nzĩa syake mwene, na vaikethĩwa mũndũ wa kũmbany'a ala meĩthĩwa makĩĩte. Nĩasya ũu nyie Mwĩai Ngai Mũsumbĩ Mwene Ũtonyi W'onthe.
6
Ĩndĩ ĩtina wa ũu, ngatuma Aamimoni maendeea nesa ĩngĩ. Nĩasya ũu nyie Mwĩai Ngai.”
7
Ii nĩsyo ndeto ila Mwĩai Ngai Mwene Ũtonyi W'onthe waneenie ĩũlũ wa Etomu: “Nĩkũlya, Temani no kwĩ ũĩ ĩngĩ? Ũtao ko waĩte kwa ala me na kĩlĩko? Ũĩ woo ko mũthelu?
8
Inyw'ĩ ala mũtũaa Ndetani, vĩndũkai, sembai mũkevithe kũndũ kũliku! Nũndũ nĩngũetee nzyawa sya Esaũ wanangĩko, ĩvindanĩ yĩla nĩmakany'a.
9
Yĩla andũ meũketha nzavivũ, nĩmatialasya imwe mĩsavivũnĩ, ing'ei syooka kũya ũtukũ, syũyaa o kĩla itonya kũkua.
10
Ĩndĩ nyie nĩnĩvenete nzyawa sya Esaũ syĩndũ syonthe, ĩĩ, nĩmbuĩte kũndũ kwoo kũla mevithaa, na yu maitonya kwĩvitha ĩngĩ. Syana syoo, ana-a-ĩthe moo na atũi moo makaminwa, nzyawa sya Esaũ ikathela vyũ.
11
Ndiĩai syana syenyu ila ikw'ĩĩwe nĩ aaĩthe, nakwa ngaisũvĩa syĩkale thayũ; ekai aka menyu ndiwa mambĩkwatye.”
12
Mwĩai Ngai emũkũlya atĩĩ, “Ethĩwa o na andũ ala mataaĩlĩte kũkanw'a nĩmanywie kuma kĩkombenĩ kya ũkany'o, inyw'ĩ nĩmũkavonoka mũte akany'e? Aiee, mũilea kũkanw'a; no nginya mũnyw'e kuma kĩkombenĩ kya ũkany'o.
13
Nũndũ nyie Mwĩai Ngai nĩngwĩvĩta na ĩsyĩtwa yakwa mwene, kana ndũa ya Mbosila ĩkatw'ĩka kĩndũ kya kũtelemya, na kya kũthekeewa nĩ andũ; ĩkaanangwa na ĩitw'ĩka kĩndũ kya kũumanĩwa. Motũi ala mamĩthyũlũlũkĩte makekala me maomboange tene na tene.”
14
Nĩnĩw'ĩte ũtũmani kuma kwa Mwĩai Ngai, na nũtũmĩte mũtũmwa akatavye andũ ma mbaĩ ingĩ atĩĩ, “Ũmbanai vamwe mũke kũkita Etomu, ũkĩlai mũkite nayo!
15
Nũndũ nyie Mwĩai Ngai nĩngũũtw'ĩkĩthya we Etomu, kwĩthĩwa wĩ mũnini mbee wa mbaĩ syonthe; andũ onthe ĩũlũ wa nthĩ makakũvũthya.
16
Maũndũ ma kũtelemya ala wĩkĩte, na ngathĩĩo syaku nikũkengete, we ũla ũtũaa mĩvatĩnĩ ya mavia, na wĩkalaa iĩmanĩ ĩũlũ. Ĩndĩ o na ethĩwa ũtũaa kũndũ kũtũlu, ta kũla ndiũ yakaa ndala ya yo, ngakũtheesya kuma kw'o. Nĩasya ũu nyie Mwĩai Ngai”
17
Mwĩai Ngai easya atĩĩ, “Etomu ĩkatw'ĩka kĩndũ kya kũtelemya, wĩthĩe kĩla mũndũ wĩĩsĩlaa vo na kũmyona, akatelemaa na kũsaanĩw'a nũndũ wa ũthũku mũnene ũla ũmĩkwatĩte.
18
Nyie Mwĩai Ngai nĩasya kana o tondũ naanangie Sondomu na Ngomola na ndũa ila syaithyũlũlũkĩte, no w'o nĩananga Etomu wĩthĩe vai mũndũ ũkatũa vo o na ĩndĩĩ.
19
Ta mũnyambũ wũkĩte kuma kĩthekanĩ kya Yolotani ũvithũkĩe kyũũ kĩlũmu kya malondu, no w'o nyie Mwĩai Ngai ngatuma andũ ma Etomu masemba kwa kĩthũlũmũko maume nthĩ yoo. Nĩvo ĩndĩ nĩmanyuvĩa mũtongoi ũla ngwenda. Nĩkũlya, nũũ ũla ũilyĩ takwa? Nũũ ũtonya kũmbĩta anzilĩthye? Nĩ mũtongoi wĩva ũla ũtonya kũsindana nakwa?
20
Kwoou ĩthukĩĩsyei mũvango mũthũku ũla nyie Mwĩai Ngai nĩvangĩe andũ ma Etomu, na ũndũ ngwenda kwĩkana na ala matwĩe ndũanĩ ya Temani. O na syana syoo ikakusĩthw'a itwawe kũasa; kwa w'o andũ onthe makaseng'a me kũla mekalaa.
21
Kũvalũka kwa Aetomu kũkaumya kĩlitũko kĩnene nginya nthĩ ĩthingithe. Wasya wa kĩĩo kyoo ũkeew'ĩka nginya Ũkanga Mũtune.
22
Mũmaitha akavithũkĩa Mbosila mĩtũkĩ ta ndiũ ĩtheete kuma ĩũlũ ĩtambũũkĩtye nthwau syayo. Mũthenya ũsu ngoo sya asikalĩ ma Moavi, ikeethĩwa na w'ĩa ta ngoo ya mũndũ mũka ũkwaũnya.”
23
Ii nĩsyo ndeto ila Mwĩai Ngai waneenie ĩũlũ wa Ndamasikũ: “Andũ ma ndũa ya Amathi na ya Alivati nĩmavũavũanĩte, nũndũ nĩmew'ĩte ũvoo mũthũku; makw'ĩte ngoo nĩ w'ĩa, mathokoanĩte ta ũkanga ũtatonya kũusya.
24
Andũ ma Ndamasikũ nĩmathelete vinya, nĩmethyũũĩte makĩe, nĩmakwatĩtwe nĩ kũtetema, nĩmakwatĩtwe nĩ woo na kyeva, ta wa mũndũ mũka ũkwaũnya.
25
Asi! Ndũa yaĩ nguma nĩtiĩtwe yĩ nthei, ndũa yausũĩte ũtanu!
26
Mũthenya ũsu anake mayo ma mũika, makavalũkanga nzĩanĩ sya ndũa, na asikalĩ mayo onthe makooawa. Nĩasya ũu nyie Mwĩai Ngai Mwene Ũtonyi W'onthe.
27
Ngakwatya ngũta sya Ndamasikũ mwaki, na ũkaananga myako mĩlũmu ya kwĩvitha ya Mũsumbĩ Mbeni-aatati.”
28
Ii nĩsyo ndeto ila Mwĩai Ngai waneenie ĩũlũ wa mbaĩ ya Ketali, na mosumbĩ ma Asoli ala Nevukatinesa mũsumbĩ wa Mbavilonĩ wasindie: “Ũkĩlai mũthi mũkavithũkĩe Ketali, na mũimina mbaĩ ĩsu ya andũ ma ngalĩko ya wumĩlonĩ wa syũa!
29
Osai maeema moo na ndĩthya syoo sya mbũi na malondu, itambaa sya maeema moo na syĩndũ syoo syonthe. Osai ngamĩle syoo syonthe itw'ĩke syenyu, na andũ makaneena na wasya mũnene mamee atĩĩ, ‘Kwĩ ũtĩsyo ngalĩko syonthe.’
30
“Nyie Mwĩai Ngai nĩasya, ‘Andũ ala mũtũaa Asoli kĩai mĩtũkĩ mũthi kũasa! Ĩkalai ngunganĩ. Nũndũ Nevukatinesa mũsumbĩ wa Mbavilonĩ, nũmũvangĩe mũvango mũthũku, nũmũseũvĩsye mũvango mũthũku.’
31
“Nyie Mwĩai Ngai nĩasya, ‘Ũkĩlai mũkavithũkĩe nthĩ ĩthũmũĩte, ĩla yĩkalaa yĩ ũsũvĩonĩ, ĩte mĩvĩa kana ituĩ sya kũmĩvinga, na andũ mayo mekalaa me oka.
32
Ngamĩle syoo ikatavwa, indo syoo ikatw'ĩkĩthw'a mũtavo. Ngamanyaĩĩkĩsya kĩla ngalĩko, andũ asu menzetwe ithũkũ; ngamaetee wanangĩko kuma kĩla ngalĩko. Nĩasya ũu nyie Mwĩai Ngai.’
33
Asoli ĩkatw'ĩka wĩkalo wa mbĩwa, ĩkatw'ĩka weũ ũte kĩndũ tene na tene. Vai mũndũ ũkatũa vo o na ĩndĩĩ.”
34
Mwambĩlĩĩlyonĩ wa kũsumbĩka kwa Nzetekia mũsumbĩ wa Yuta, Mwĩai Ngai nĩwaneenie na mwathani Yelemia ĩũlũ wa Elamu.
35
Mwĩai Ngai Mwene Ũtonyi W'onthe nĩwaisye atĩĩ, “Ngamina vinya wa aũme ma Elamu ala maathaa na ũta, ala matumĩte nthĩ ya Elamu yĩthĩwa na ũtonyi mwingĩ.
36
Ngatuma kĩseve kĩuutana Elamu kyumĩte kĩla ngalĩko. Nganyaĩĩkĩsya andũ mayo kĩla vandũ ĩũlũ wa nthĩ, na vai nthĩ o na ĩmwe matakethĩwa vo.
37
Ngatuma andũ ma Elamu matelemw'a nĩ amaitha moo, ala mendaa kũmoaa. Nyie Mwĩai Ngai nĩasya kana ũthatunĩ wakwa mwingĩ ngatuma makwatwa nĩ ũthũku. Ngatuma mokitwa nĩ amaitha moo nginya nĩmamine vyũ.
38
Nyie Mwĩai Ngai nĩasya kana ngamina asumbĩ moo na atongoi moo, na kwia kĩvĩla kyakwa kya kĩ-ũsumbĩ kũu Elamu.
39
Ĩndĩ ĩvindanĩ yũkĩte, ngatuma Elamu ĩendeea nesa ĩngĩ. Nĩasya ũu nyie Mwĩai Ngai.”
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52