bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Jeremiah 38
Jeremiah 38
Kamba (MBIVILIA ŨVOO MŨSEO)
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
1
Sevatia mwana wa Matani, Ngetalia mwana wa Vasuli, Yukali mwana wa Selemia, na Vasuli mwana wa Malikiya nĩmeewie ndeto ila Yelemia watavisye andũ onthe aimea atĩĩ,
2
“Mwĩai Ngai easya kana andũ onthe ala meĩkala Yelũsalemu makooaĩwa kaũnĩ, moawe nĩ yũa na ũwau mũthũku. Ĩndĩ ũla wĩumaala akenengane kũla kwĩ andũ ma Mbavilonĩ akekala thayũ; akatangĩĩa thayũ wake, ndakakw'a.
3
O ta ũu Mwĩai Ngai easya kana vate nzika nũkũnengane ndũa ĩno ũtonyinĩ wa asikalĩ ma mũsumbĩ wa Mbavilonĩ na nĩmeũmĩkwata.”
4
Nĩvo ĩndĩ anini ma mũsumbĩ mamwĩie atĩĩ, “Mũndũ ũũ aĩlĩte kũawa, nũndũ aendee kũtuma asikalĩ ala matialĩte ndũanĩ ĩno vamwe na andũ ala angĩ onthe makw'a ngoo, nũndũ wa maũndũ ala ũkũmatavya. Mũndũ ũũ ndekwendea andũ aa ũseo ĩndĩ emendea ũthũku.”
5
Mũsumbĩ Nzetekia nĩwameie atĩĩ, “Ĩkanai nake ũndũ mũkwenda; nyie nditonya kũmũsiĩĩa.”
6
Kwoou nĩmoosie Yelemia, na mamũtheesya na makanda kĩthimanĩ kya Malikiya mwana wa mũsumbĩ, kĩla kyaĩ kĩwanzanĩ kya asyaĩĩsya. Kĩthima kĩu kĩyaĩ kĩw'ũ, ĩndĩ kyaĩ ndaka. Yelemia nĩwalikile ndakanĩ ĩsu.
7
Mũethiovia ũmwe mũvakũe weetawa Eveti-meleki, ũla wathũkũmaa nyũmbanĩ ya mũsumbĩ, nĩweewie kana nĩmalikilye Yelemia kĩthimanĩ. Ĩvindanĩ yĩu mũsumbĩ ailyĩ Mũvĩanĩ wa Mbengyameni.
8
Eveti-meleki nĩwaumaalile athi vala ve mũsumbĩ na amwĩa atĩĩ,
9
“Mũnene wakwa mũsumbĩ, andũ aa meeka ũndũ mũthũku kũlikya mwathani Yelemia kĩthimanĩ. Nũkũkw'ĩĩa vo nĩ nzaa, nũndũ vai lĩu ũtialĩte ndũanĩ.”
10
Nĩvo ĩndĩ mũsumbĩ weeaĩie Eveti-meleki amwĩa atĩĩ, “Endany'a na aũme mĩongo ĩtatũ kuma vaa mũkakusye mwathani Yelemia mũmumye kĩthimanĩ atanakw'a.”
11
Kwoou Eveti-meleki nĩwoosie aũme asu na alika nyũmbanĩ yaĩ ungu wa vala ũthwii wa mũsumbĩ waiawa. Nĩwoosie itani, na ngũa ndw'ĩku na aitheesya na makanda vala Yelemia waĩ.
12
Nĩvo ĩndĩ Eveti-meleki weeie Yelemia atĩĩ, “Ĩkĩa itani na ngũa isu nzakwava, nĩ kana makanda maikakũũmĩsye.” Yelemia nĩweekie ũu.
13
Nĩmakusisye Yelemia na makanda mamumya kĩthimanĩ. Ĩtina wa ũu Yelemia nĩwaendeeie kwĩkala kĩwanzanĩ kya asyaĩĩsya.
14
Mũsumbĩ Nzetekia nĩwatũmanie mwathani Yelemia akaetwe, na makomanĩa ũlikĩlonĩ wa katatũ wa Ĩkalũ. Nĩweeie Yelemia atĩĩ, “Nĩenda ũkũkũlya ũndũ na ndũkambithe kĩndũ.”
15
Yelemia nĩwakũlilye Nzetekia atĩĩ, “Nakũtavya ũla w'o we ndũũmbũaa? Na o na nakũnenga ũtao, we ndwĩmbĩthukĩĩsya.”
16
Nĩvo ĩndĩ Mũsumbĩ Nzetekia weevĩtie kwa kĩmbithĩ kũla kwĩ Yelemia amwĩa atĩĩ, “Nĩngwĩvĩta ĩsyĩtwanĩ ya Mwĩai Ngai ũla wĩ thayũ na watũnengie thayũ, kana ndikũaa na ndikũnengane ũtonyinĩ wa ala mendaa ũkũaa.”
17
Yelemia nĩweeie Nzetekia atĩĩ, “Mwĩai Ngai Mwene Ũtonyi W'onthe, Ngai wa Ĩsilaeli easya, ‘Ethĩwa ũkeenengane kũla kwĩ anini ma mũsumbĩ wa Mbavilonĩ, ũkatangĩĩa thayũ waku, na ndũa ĩno ndĩkavĩvw'a, naku wĩ na andũ ma mũsyĩ waku mũkaendeea kwĩkala thayũ.
18
Ĩndĩ walea kwĩnengane kũla maĩ, ndũa ĩno ĩkanenganwe ũtonyinĩ wa andũ ma Mbavilonĩ na makamĩvĩvya, naku ndũkavonoka kuma ũtonyinĩ woo.’ ”
19
Mũsumbĩ Nzetekia nĩweeie Yelemia atĩĩ, “Nĩngũkĩa Ayuti ala maendie kũla kwĩ andũ ma Mbavilonĩ, nũndũ nĩndonya kũnenganwe kũla maĩ na mainthĩny'a.”
20
Yelemia nĩwamwĩie atĩĩ, “Ndwĩnenganwe kũla maĩ. Ĩka ũndũ Mwĩai Ngai ũkũkwĩa kwĩsĩla ndetonĩ ila ngũũtavya, na maũndũ maku nĩmekũendeea nesa na ũyĩkala thayũ.
21
Ĩndĩ walea kwĩnengane kũla kwĩ andũ ma Mbavilonĩ, Mwĩai Ngai ambonisye woninĩ ũndũ ũũ:
22
Iveti syonthe ila itialĩte nyũmbanĩ ya kĩ-ũsumbĩ ya mũsumbĩ wa Yuta, nikumaalw'a itwaĩwe anini ma mũsumbĩ wa Mbavilonĩ. Iveti isu itwaĩtwe syĩĩthĩwa iyasya atĩĩ: ‘Anyanyau ala ũĩkĩĩe nĩmakũkengete na nĩmakũsindĩte. Yu nũndũ nyaĩĩ syaku nilikĩte ndakanĩ, anyanyau nĩmakũtiĩte.’
23
“Iveti syaku syonthe na syana syaku ikaumaalw'a itwaĩwe andũ ma Mbavilonĩ, naku we ndũkavonoka kuma ũtonyinĩ woo, ĩndĩ ũkakwatwa nĩ mũsumbĩ wa Mbavilonĩ, na ndũa ĩno ĩkavĩvw'a.”
24
Nĩvo ĩndĩ Nzetekia weeie Yelemia atĩĩ, “Ndũkatavye mũndũ ndeto ila twaneena na ndwĩũawa.
25
Atongoi meew'a kana nĩnĩneenie naku na mayũka vala ũĩ na ũkwĩa, ‘Tũtavye ũndũ weea mũsumbĩ na ũndũ wakwĩa; ndũkatũvithe kĩndũ na tũikũaa,’
26
nĩvo wĩmatavya atĩĩ, ‘Nĩĩsũvaa mũsumbĩ ndakandũnge nyũmba kwa Yonathani ngakw'ĩĩe vo.’ ”
27
Nĩvo ĩndĩ atongoi onthe mookie vala ve Yelemia na mamũkũlya maũndũ asu, nake amasũngĩa o ũndũ mũsumbĩ wamwĩaĩĩte. Kwoou nĩmaekie kũneena nake, nũndũ vai mũndũ waaĩw'a ndeto ila waneenete na mũsumbĩ.
28
Yelemia nĩwaendeeie kwĩkala kĩwanzanĩ kya asyaĩĩsya, nginya mũthenya ũla Yelũsalemu yakwatiwe.
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52