bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 12
2 Kings 12
Krio (Krio Fɔs Oli Baybul)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 13 →
1
Di ia we mek Jeu sɛvin ia as kiŋ na Izrɛl, na da ia de Joash bigin rul na Juda, ɛn i rul fɔ fɔti ia na Jerusɛlɛm. In mama nem Zibia ɛn na Biashiba i kɔmɔt.
2
Joash du wetin rayt na PAPA GƆD in yay bikɔs Jɛoyada we na bin di man we de mek sakrifays fɔ pipul sin bin de gayd am.
3
Bɔt pan ɔl dat dɛn nɔ pwɛl di ples dɛn we dɛn bin de wɔship lay lay gɔd; di pipul dɛn bin stil de bɔn insɛns ɛn ɔfa sakrifays na dɛn ples de.
4
Joash tɛl di man dɛn we de mek sakrifays fɔ pipul sin se, lɛ dɛn gɛda ɔl di mɔni we pipul dɛn de kɛr as kɔlɛkshɔn na PAPA GƆD in os, di taks we dɛn de pe, di mɔni we dɛn de gi fɔ pe vaw ɛn di ɔda mɔni we dɛn kin jɛs gi nɔmɔ fɔ natin;
5
i se lɛ ɔl di man dɛn we de mek sakrifays fɔ pipul sin gɛda ɔl dɛn mɔni ya to di pipul dɛn we de kam to dɛn, fɔ ripia PAPA GƆD in os.
6
Bɔt te Joash de rul fɔ twɛnti-tri ia, di man dɛn we de mek sakrifays fɔ pipul sin nɔ du wan ripia na PAPA GƆD in os.
7
So Kiŋ Joash sɛn kɔl Jɛoyada ɛn in kɔmpin dɛn we na dɛn ɔl de mek sakrifays fɔ pipul sin ɛn aks dɛn wetin mek dɛn nɔ de ripia PAPA GƆD in os. I tɛl dɛn se dɛn nɔ fɔ ol wan sɛnt igen na dɛn an, ɛn dɛn fɔ an ova ɛni mɔni we dɛn kɔlɛkt.
8
Di man dɛn we de mek sakrifays fɔ pipul sin gri se dɛn nɔ go tek mɔni na pɔsin an igen ɛn dɛn nɔ go put an pan PAPA GƆD in os we dɛn de ripia wan igen.
9
Na de Jɛoyada tek wan bɔks, bɔs olpan am ɛn mek am kash bɔks put am na di raytan say nia di ɔlta usay pipul dɛn de pas fɔ go insay PAPA GƆD in os; di man dɛn we de mek sakrifays fɔ pipul sin we de gyad di os bin de put ɔl di mɔni we dɛn bin de gɛda insay di kash bɔks.
10
Ɛnitɛm we di kash bɔks kin ful, di kiŋ in sɛktri ɛn di edman fɔ di man dɛn we de mek sakrifays fɔ pipul sin, kin go kɔnt di mɔni we dɛn kɛr na PAPA GƆD in os ɛn put am na bag.
11
Wɛn dɛn dɔn kɔnt di mɔni dɔn, dɛn kin gi di man dɛn we de supavays di wok na PAPA GƆD in os. Na di mɔni dɛn kin yuz fɔ pe di kapinta dɛn ɛn di bilda dɛn we de wok na di PAPA GƆD in os;
12
dɔn dɛn kin pe di mesna dɛn ɛn di man dɛn we de kɔt ston. Na pan di sem mɔni dɛn kin tek bay bod ɛn dɛn fayn ston fɔ ripia PAPA GƆD in os, ɛn du ɔda smɔl smɔl ripia dɛn na di os.
13
Dɛn nɔ yuz di mɔni fɔ mek dɛn silva bol, sizɔs fɔ trim wik, kɔp, trɔmpɛt, ɔ ɛni ɔda gold ɔ silva tiŋs dɛn fɔ PAPA GƆD in os.
14
Dɛn yuz di mɔni fɔ pe di wokman dɛn na PAPA GƆD in os.
15
Dɛn nɔ bin nid fɔ de chɛk di man dɛn we na dɛn an dɛn bin de put mɔni bikɔs dɛn ɔl bin ɔnɛs.
16
Di mɔni we dɛn bin de gɛda to dɛn wan we de go mek sakrifays fɔ dɛn sin nɔ bin de go insay di bɔks, i bin de go to di man dɛn we de mek sakrifays fɔ pipul sin.
17
Da tɛm de Kiŋ Azaɛl na Siria bin go fɛt wa wit Gath ɛn kapchɔ di siti; dɔn i go bak fɔ go atak Jerusɛlɛm.
18
Bɔt Kiŋ Joash na Juda pul ɔl di tiŋs dɛn na PAPA GƆD in os we in grampapa dɛn we na Jɛoshafat, Jɛoram ɛn Aazaya we dɛn na bin kiŋ na Juda bin dɔn gi fɔ PAPA GƆD in os, wit in yon tiŋs dɛn nain os go gi Kiŋ Azaɛl na Siria. Kiŋ Joash gi Kiŋ Azaɛl ɔl di gold tiŋs dɛn we i mit na PAPA GƆD in os, ɛn di wan we insɛf put de. Dat mek Kiŋ Azaɛl nɔ atak Jerusɛlɛm igen
19
As fɔ di ɔda tin dɛn we Joash du, dɛn ɔl rayt na di istri buk bɔt dɛn kiŋ na Juda.
20
Wande Joash in ɔfisa dɛn mek ku pan am ɛn kil am na Bɛth Milo, na di rod fɔ go dɔŋ na Sila.
21
Di ɔfisa dɛn we kil am na Jozabad we insɛf na Shimeat in bɔypikin wit Jɛozabad we na Shoma in bɔypikin. We Joash day dɛn bɛr am usay dɛn bɛr in grampapa dɛn na Devid in siti, dɔn in bɔypikin we nem Amazaya bigin fɔ rul as kiŋ.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25