bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 15
2 Kings 15
Krio (Krio Fɔs Oli Baybul)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Di ia we mek Jɛroboam twɛnti-sɛvin ia we i bi kiŋ na Izrɛl, na da ia de Amazaya in bɔypikin we na Azaraya bi kiŋ na Juda.
2
Na sikstin ia i bin ol we i bi kiŋ ɛn i rul na Jerusɛlɛm fɔ fifti-tu ia. In mama nem Jɛkolaya ɛn na Jerusɛlɛm i kɔmɔt.
3
Azaraya fala in papa Amazaya in gud ɛgzampul ɛn du wetin rayt na PAPA GƆD in yay.
4
Bɔt nɔmɔ i nɔ brok dɛn ɔlta we dɛn bin bil fɔ de mek sakrifays to lay lay gɔd; di pipul dɛn bin stil de bɔn insɛns ɛn ɔfa sakrifays de.
5
PAPA GƆD ib bad sik na Azaraya in bɔdi ɛn na da sik de de pan am te i day. I muf go tap na ɔda ples ɛn lɛf in bɔypikin Jotham fɔ de rul di kɔntri fɔ am.
6
As fɔ di ɔda tin dɛn we Azaraya du, dɛn ɔl rayt na di istri buk bɔt dɛn kiŋ na Juda.
7
We Azaraya day, dɛn bɛr am usay dɛn bɛr in grampapa dɛn na Devid in siti, dɔn in bɔypikin Jotham tek ova as kiŋ.
8
Di ia we mek Azaraya tati-et ia as kiŋ na Juda, na da ia de Jɛroboam in bɔypikin we nem Zɛkaraya bi kiŋ na Izrɛl; na siks mɔnt nɔmɔ i rul fɔ na Sameria.
9
Insɛf kɔmit sin to PAPA GƆD lɛkɛ in fɔstɛm-papa dɛn. Da Jɛroboam we bin mek Izrɛl kɔmit sin, na soso in bad abit insɛf falamakata.
10
Jebɛsh in bɔypikin we nem Shalum mek ku pan Zɛkaraya sansantɛm we ɔlman de si ɛn chuk am kil am; dɔn i tek in ples as kiŋ.
11
Di ɔda tin dɛn we Zɛkaraya du rayt na di istri buk bɔt dɛn kiŋ dɛn na Izrɛl.
12
Na so wetin PAPA GƆD bin dɔn tɛl Jeu kam tek bi. PAPA GƆD bin dɔn tɛl Jeu se in go mek in jɛnareshɔn dɛn rul te rich in gret grampikin.
13
Di ia we mek Uzaya tati-nayn ia as kiŋ na Juda, na da ia de Shalum we na Jebɛsh in bɔypikin bi kiŋ na Izrɛl. Na wan mɔnt insɛf rul fɔ nɔmɔ na Sameria.
14
Naim Gadi in bɔypikin we nem Mɛnaɛm kɔmɔt na Tiza go ɔp na Sameria go atak am ɛn kil am, ɛn tek in ples as kiŋ.
15
Di ɔda tin dɛn we Shalum du, lɛkɛ di ku we i mek, ɔl rayt na di istri buk bɔt dɛn kiŋ na Izrɛl.
16
Na dis sem tɛm ya Mɛnaɛm kɔmɔt Tiza ɛn bigin kil pipul dɛn. I atak Tifsa ɛn bigin kil fitifata na di siti. I plit ɔl di bɛlɛ uman dɛn bɛlɛ, bikɔs i se dɛn nɔ gri mek i tek ova di siti.
17
Di ia we mek Azaraya tati-nayn ia as kiŋ na Juda, na da ia de Gadi in bɔypikin we na Mɛnaɛm bi kiŋ na Izrɛl, ɛn i rul na Sameria fɔ tɛn ia.
18
Insɛf nɔ du wetin rayt na PAPA GƆD in yay. I fala Jɛroboam we bin mek Izrɛl kɔmit sin to PAPA GƆD. Dis Jɛroboam yaso na Nebat in bɔypikin.
19
Kiŋ Pul na Asiria atak di kɔntri, so Mɛnaɛm gi am tati-fo tawzin kilo silva fɔ lɛ i go sɔpɔt am fɔ mek i go sidɔm fayn na pawa na Izrɛl.
20
Mɛnaɛm mek shɔ se ɔlman na Izrɛl pe to Pul. I mek ɔl di jɛntri man dɛn pe fifti fifti silva kɔpɔ. Wɛn Kiŋ Pul gɛt di mɔni i tɔn bak go nain kɔntri ɛn nɔ ambɔgin dɛn igen
21
As fɔ di ɔda tin dɛn we Mɛnaɛm du, dɛn ɔl rayt na di istri buk bɔt dɛn Kiŋ dɛn na Izrɛl.
22
Wɛn Mɛnaɛm day, nain bɔypikin Pekaya bi kiŋ.
23
Di ia we mek Kiŋ Azaraya fifti ia as kiŋ na Juda, na da ia de Mɛnaɛm in bɔypikin we na Pekaya bi kiŋ na Izrɛl. Na Sameria i bin de rul ɛn i rul fɔ tu ia.
24
Pekaya insɛf nɔ du wetin rayt na PAPA GƆD in yay. I falamakata Jɛroboam we na Nebat in bɔypikin we mek Izrɛl kɔmit sin to PAPA GƆD.
25
Na wan pan in chif ɔfisa dɛn we na Peka, dat na Rɛmalaya in bɔypikin mek ku pan am. Peka tek fifti man na Giliad ɛn yuz dɛn fɔ atak Pekaya, Agɔb ɛn Ariɛ insay di kiŋ in os na Sameria ɛn kil dɛn ɔl. Wɛn Peka dɔn kil Pekaya, i tek in ples ɛn bi di kiŋ.
26
Di ɔda tin dɛn we Pekaya du wɛn i de rul, dɛn ɔl rayt na di istri buk bɔt dɛn kiŋ na Izrɛl.
27
Di ia we mek Azaraya fifti-tu ia as kiŋ na Juda, na da ia de Rɛmalaya in bɔypikin we na Peka bi kiŋ na Izrɛl, ɛn i rul na Sameria fɔ twɛnti ia.
28
Peka insɛf nɔ du wetin rayt na PAPA GƆD in yay; i falamakata Nebat in bɔypikin we na Jɛroboam pan di bad we i mek Izrɛl kɔmit to PAPA GƆD.
29
Di tɛm we Peka bin de rul, Kiŋ Tiglat Pilɛsa na Asiria go kapchɔ Ijɔn, Ebɛl Bɛth Maaka, Janoa, Kedɛsh ɛn Ezɔ. I kapchɔ ɔda ples dɛn lɛkɛ Giliad, Galili ɛn ɔl di ɔda ples na Naftali, ɛn kech ɔl di pipul kɛr dɛn go Asiria.
30
Na de Ila in bɔypikin we nem Oshia mek ku pan Peka ɛn kil am, dɔn i tek in ples ɛn bi di kiŋ. Ɔl dis bi di ia we mek Jotham in bɔypikin we na Uzaya twɛnti ia as kiŋ na Juda.
31
As fɔ di ɔda tin dɛn we Peka du, dɛn ɔl rayt na di istri buk bɔt dɛn kiŋ na Izrɛl.
32
Di ia we mek Rɛmalaya in bɔypikin we na Peka tu ia as kiŋ na Izrɛl, na da ia de Uzaya in bɔypikin we na Jotham bi kiŋ na Juda.
33
Na twɛnti fayv ia i bin ol we i bi kiŋ ɛn i rul na Jerusɛlɛm fɔ sikstin ia. In mama na Zedɔk in gyal pikin we nem Jɛrusha.
34
Jotham du wetin rayt na PAPA GƆD in yay lɛkɛ in papa Uzaya.
35
Bɔt nɔmɔ i nɔ bin brok dɛn ɔlta we dɛn bin dɔn bil fɔ de mek sakrifays to lay lay gɔd; di pipul dɛn bin stil de bɔn insɛns, ɛn mek sakrifays de. Na Jotham bil di Nɔth Get na PAPA GƆD in os bak.
36
As fɔ di ɔda tin dɛn we Jotham du dɛn ɔl rayt dɔŋ na di istri buk, bɔt dɛn kiŋ na Juda.
37
Na di tɛm we Jotham bi kiŋ, PAPA GƆD bigin fɔ sɛn Kiŋ Rizin na Aram ɛn Kiŋ Peka na Izrɛl fɔ atak Juda.
38
Wɛn Jotham day dɛn bɛr am na usay dɛn bɛr in fɔstɛm-papa dɛn na Kiŋ Devid in siti. Nain bɔypikin Eaz bi di kiŋ afta am.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25