bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 25
2 Kings 25
Krio (Krio Fɔs Oli Baybul)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Zɛdikaya tɔn pan di Kiŋ Nɛbyukadnɛza na Babilɔn. Wɛn Zɛdikaya dɔn bi kiŋ fɔ nayn ia, nain Kiŋ Nɛbyukadnɛza mach in ami go insay Jerusɛlɛm. Dat bi di tɛn de na di tɛn mɔnt I sɔrawnd di wanol siti ɛn bil militri bes rawnd am.
2
Dis militri bes we Nɛbyukadnɛza mek rawnd Jerusɛlɛm bin de rawnd di siti te di ia we mek Zɛdikaya ilɛvin ia we i bi kiŋ.
3
Bay di tɛm we i de rich di nayn na di mɔnt we mek fɔ mɔnt na di ia, bad bad aŋri bin dɔn bigin mɔna di pipul dɛn ɛn natin nɔ bin de igen fɔ it.
4
So di sojaman dɛn na Jerusɛlɛm brok di wɔl rawnd di siti ɛn rɔnawe na nɛt pas tru di get we de midul di tu wɔl dɛn nia di kiŋ in gadin, ivin we di Babilonian dɛn bin dɔn sɔrawnd di siti. Dɛn rɔnawe go dɔŋ Araba,
5
bɔt di Babilonian dɛn rɔnata di kiŋ ɛn kech am nia Jɛriko; da tɛm de naw in sojaman dɛn ɔl bin dɔn rɔnawe lɛf am.
6
Dɛn kɛr am go to Kiŋ Nɛbyukadnɛza na Ribla ɛn na de dɛn go sɛntɛns am.
7
Dɛn kil ɔl in bɔypikin dɛn korokoro wan bifo in yay. Dɛn pul in tu yay kɔmɔt, tay am wit chen ɛn kɛr am go Babilɔn.
8
Di de we mek sɛvin, insay di fayv mɔnt, na di ia we mek Nɛbyukadnɛza nayntin ia we i bi kiŋ na Babilɔn, na da de de Nɛbyuzaradan we na advaysa to di kiŋ ɛn kɔmanda fɔ di ami go Jerusɛlɛm.
9
I bɔn PAPA GƆD in os, di kiŋ in os ɛn ɔl di os dɛn na Jerusɛlɛm. I bɔn ɔl dɛn impɔtant bildin dɛn.
10
Kɔmanda Nɛbyuzaradan gi ɔda to di Babilɔn ami man dɛn fɔ brok di wɔl rawnd Jerusɛlɛm,
11
dɔn i kech ɔl di pipul dɛn we bin lɛf kɛr dɛn go Babilɔn. I kɛr ɔl dɛn ɔda wan dɛn we bin dɔn krɔs go fɔs oba to usay di kiŋ bin de.
12
Na di wan dɛn we yu go se na di popoliopo nɔmɔ, na dɛn i lɛf na Jerusɛlɛm, ɛn i lɛf dɛn wan dɛn de fɔ de plant greps ɛn de dig di grɔn fɔ plant.
13
Di Babilonian dɛn brok di bras pila dɛn, di stand we de muf ɛn di big bras tank we de insay PAPA GƆD in os ɛn kɛr ɔl di bras go Babilɔn.
14
Dɛn tek di pɔt dɛn, shɔbul, sizɔs fɔ trim wik, di dish dɛn ɛn ɔl di bras tin dɛn we dɛn de yuz na PAPA GƆD in os.
15
Di kɔmanda tek di insɛns pɔt dɛn ɛn di bol dɛn; ɛn ɔl di gold ɛn silva tiŋs dɛn;
16
di bras we bin de pan di tu pila dɛn, wit di bras stand ɛn bras tank dɛn we Sɔlɔmɔn bin mek fɔ PAPA GƆD in os. Di bras bin so bɔku dat nɔbɔdi nɔ ebul we dɛn.
17
Ich pila in ayt na twɛnti-sɛvin fut, ɛn di bras dizayn we bin de pantap wan pila, in ayt na fo ɛn af fut, dɔn dɛn dɛkɔret am wit bras pomigranet frut dizayn ɔl rawnd. Na di sem tin dɛn du to di ɔda wan.
18
Di kɔmanda kech Sɛraya we na di edman fɔ di man dɛn we de mek sakrifays fɔ pipul sin wit in asistant we na Zaɛfinaya ɛn di tri getman dɛn.
19
Pan di wan dɛn we lɛf na di siti, i kech di ɔfisa we de inchaj ɔf di sojaman dɛn ɛn di fayv man dɛn we na advaysa to di kiŋ. I kech di sɛktri we nain na di chif ɔfisa we rɛspɔnsibul fɔ de kip rɛkɔd bɔt di militri ɛn siksti ɔda man dɛn.
20
Kɔmanda Nɛbyuzaradan kech ɔl dɛn pipul ya kɛr dɛn go to Nɛbyukadnɛza na Ribla.
21
Na Ribla we de na Amath di kiŋ gi ɔda se fɔ kil dɛn ɔl. Na so di pipul dɛn na Juda tek kɔmɔt na dɛn kɔntri go Ɛgzayl na Babilɔn.
22
Kiŋ Nɛbyukadnɛza na Babilɔn pik Gɛdalaya we na Aikam in bɔypikin we semweso na Shafan in grampikin fɔ bi gɔvna fɔ di balans pipul dɛn we i lɛf na Juda.
23
Wɛn ɔl di ami ɔfisa ɛn dɛn man dɛn yɛri se na Gɛdalaya di kiŋ na Babilɔn dɔn mek bi gɔvna, dɛn gɛda go mit am na Mizpa. Di wan dɛn we go na Ishmɛl we na Netanaya in bɔypikin, Joanan we na Karia in bɔypikin, Sɛraya we na Tanumɛt in bɔypikin we na Nɛtofatayt, Jaazanaya we na Maakatayt, wit sɔm ɔda man dɛn.
24
Gɛdalaya swɛ to di man dɛn se nɔn rizin nɔ de fɔ lɛ dɛn fred di ɔfisa dɛn we kɔmɔt Babilɔn, ɛn if dɛn biev dɛnsɛf na di land ɛn du wetin di kiŋ na Babilɔn se, ɔltin go go fayn wit dɛn.
25
Bɔt insay di mɔnt we mek sɛvin mɔnt da vɛri ia de, Ishmɛl we na Netanaya in bɔypikin we semweso na Ilayshama in grampikin we kɔmɔt na kiŋ layn gɛda tɛn man dɛn ɛn mek ku. Dɛn kil Gɛdalaya wit di man dɛn we bin de na Juda ɛn di Babilonian dɛn we bin de na Mizpa.
26
Dis mek di balans pipul dɛn we lɛf frɔm big to smɔl fred di Babilonian dɛn ɛn rɔnawe wit di ɔda sojaman dɛn go Ijipt.
27
Di ia we mek Jɛoiakim tati-sɛvin ia we dɛn pul am as kiŋ na Juda, na da ia de Bad-Mɛrodak bi kiŋ na Babilɔn ɛn as i bi kiŋ so i pul Jɛoiakim kɔmɔt na Jel. Dis bi di de we mek twɛnti-sɛvin insay di mɔnt we mek twɛlv na di ia.
28
Bad-Mɛrodak tɔk fayn to Jɛoiakim ɛn ɔna am pas dɛn ɔda kiŋ we bin de jel wit am na Babilɔn.
29
Jɛoiakim chenj in jelman klos ɛn wɛr fayn klos. Di kiŋ mek i de it wit am te i day,
30
ɛn ɛvride i bin de gi am alawans fɔ lɛ i ebul bay in yon smɔl kpɛkpɛkpɛ.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25