bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 22
2 Kings 22
Krio (Krio Fɔs Oli Baybul)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 23 →
1
Josaya bin ol et ia we i bi kiŋ ɛn i rul na Jerusɛlɛm fɔ tati-wan ia. In mama nem Jɛdida, Adaya in gyal pikin, ɛn na Bozkath i kɔmɔt.
2
Josaya in du wetin rayt na PAPA GƆD in yay, ɛn du wetin in papa Devid bin de du; i nɔ bɛnbɛn pan natin.
3
Di ia we mek Josaya etin ia we i bi kiŋ, i sɛn in sɛktri we na Shafan, dat na Azalaya in bɔypikin, we Semweso na Mɛshulam in grampikin go na PAPA GƆD in os.
4
Josaya sɛn Shafan to Ilkaya we na di bigman pan dɛn man we de mek sakrifays fɔ pipul sin na PAPA GƆD in os se, mek i rɛdi di mɔni we di getman dɛn na PAPA GƆD in os gɛda na di pipul dɛn an,
5
ɛn an am ova to di man dɛn we dɛn bin dɔn pik fɔ supavays di wok na PAPA GƆD in os fɔ mek dɛn pe di wokman dɛn we de bil PAPA GƆD in os bak;
6
dat na di kapinta dɛn, di bilda dɛn ɛn di mesna dɛn. I se mek dɛn yuz di mɔni fɔ bay bod ɛn di ston dɛn we dɛn de yuz fɔ du di wok.
7
I se di supavaysɔ dɛn na ɔnɛs pipul dɛn so dɛn nɔ go nid fɔ tɔk bɔt aw dɛn yuz di mɔni.
8
Ilkaya tɛl Shafan se in fɛn di Buk we di Lɔ rayt pan insay PAPA GƆD in os. I gi Shafan di buk ɛn i rid am.
9
Dɔn Shafan go bak to di kiŋ go tɛl am se di ɔfisa dɛn dɔn gi di supavaysɔ dɛn ɛn di wokman dɛn di mɔni fɔ wok na PAPA GƆD in os.
10
I tɛl di kiŋ bak se Ilkaya we nain na di edman fɔ di man dɛn we de mek sakrifays fɔ pipul sin gi am buk; so i rid wetin rayt na di buk to di kiŋ.
11
We di kiŋ yɛri wetin rayt na di Buk, i chɛr chɛr in klos.
12
I gi ɔda to Ilkaya we de mek sakrifays fɔ pipul sin, Aikam we na Shafan in bɔypikin, Akbɔ we na Maykaya in bɔypikin, Shafan we na sɛktri ɛn Asaya we nain de atɛnd to di kiŋ se,
13
lɛ dɛn go fɛnɔt to PAPA GƆD fɔ in ɛn di pipul dɛn ɛn ɔlman na Juda bɔt wetin rayt na di buk we dɛn fɛn. I se PAPA GƆD dɔn vɛks bad bad wan pan dɛn bikɔs dɛn fɔstɛm-papa dɛn nɔ du wetin di buk se; i se dɛn nɔ de du wetin di buk se dɛn fɔ du.
14
So Ilkaya we de mek sakrifays fɔ pipul sin, Aikam, Akbɔ, Shafan ɛn Asaya go mit Prɔfɛtɛs Ɔlda we na Shalum in wɛf. Shalum na Tikva in bɔypikin, dɔn Tikva na Aras in bɔypikin. Na Aras bin de inchaj ɔf di rob dɛn na PAPA GƆD in os. Na di sɛkɛn distrikt na Jerusɛlɛm Ɔlda bin tap.
15
Ɔlda tɛl dɛn se lɛ dɛn tɛl di kiŋ se,
16
PAPA GƆD se in go briŋ dombolo kam na di ples ɛn pan ɔl di pipul dɛn we tap de, lɛkɛ aw i rayt na di buk we di kiŋ na Juda dɔn rid.
17
I se PAPA GƆD se bikɔs dɛn dɔn tɔn dɛn bak pan am ɛn bɔn insɛns to ɔda gɔd dɛn we na mɔtalman mek dɛn, in go vɛks pan dɛn ɛn da vɛks de nɔ go dɔn.
18
I se PAPA GƆD se lɛ dɛn tɛl di kiŋ na Juda we sɛn dɛn fɔ go fɛnɔt to am se, in PAPA GƆD we na di PAPA GƆD we Izrɛl de wɔship se,
19
bikɔs i put insɛf dɔŋ ɛn fil sɔri fɔ wetin bi we i yɛri ɔl wetin in di PAPA GƆD dɔn tɔk bɔt di kɔntri ɛn di pipul dɛn, we i se i dɔn swɛ dɛn ɛn dɛn nɔ go bɛtɛ, ɛn fɔ we in di kiŋ chɛr chɛr in klos ɛn kray bifo am, in dɔn yɛri in prea.
20
I se wɛn i day na usay dɛn bɛr in fɔstɛm-papa dɛn dɛn go bɛr am ɛn dɛn go bɛr am fayn. I se i nɔ go si ɔl di dombolo we i dɔn se i go ib na di ples. Di man dɛn kɛr di prɔfɛtɛs in ansa go gi di kiŋ.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25