bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 20
2 Kings 20
Krio (Krio Fɔs Oli Baybul)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 21 →
1
Da tɛm de Kiŋ Ɛzikaya sik bad bad wan ɛn want fɔ day. Prɔfɛt Ayzaya we na Emɔz in bɔypikin go mit am ɛn tɛl am se PAPA GƆD se lɛ i mek shɔ se i du ɔl wetin i fɔ du wantɛm bikɔs i nɔ go wɛl, i go day.
2
Ɛzikaya tɔn in fes to di wɔl ɛn pre to PAPA GƆD se,
3
“E PAPA GƆD, duya mɛmba ɔl wetin a dɔn du ɛn aw a dɔn waka tret wit yu wit ɔl mi at ɛn na wetin rayt bifo yu yay a bin de du.” Ɛzikaya kray bita bita wan.
4
Bifo Ayzaya de lɛf di kiŋ in os, PAPA GƆD kɔl am bak ɛn tɔk to am se,
5
“Go bak go tɛl Ɛzikaya we de lid mi pipul dɛn se, mi PAPA GƆD we nain Papa Devid in PAPA GƆD se, a dɔn yɛri in prea ɛn si di kray we i kray, so a go mek i wɛl. Tri de frɔm tide, lɛ i grap go ɔp na mi os.
6
A go gi am fiftin ia mɔ fɔ liv. A go sev in ɛn dis siti. Di kiŋ na Asiria nɔ go ebul du am natin. Na fɔ Devid in sek ɛn mi yon sek mek a de protɛkt di siti.”
7
Ayzaya tɛl di wokman dɛn we bin de atɛnd to di kiŋ se lɛ dɛn tek fig lif, rɔb rɔb am ɛn put am pan di kiŋ in bwɛl fɔ lɛ i go wɛl.
8
Ɛzikaya bin dɔn aks Ayzaya fɔ tɛl am uskayn sayn in go si fɔ lɛ i no se PAPA GƆD go mek i wɛl ɛn dat tri de frɔm da de de i go ebul fɔ go ɔp na PAPA GƆD in os.
9
Ayzaya tɛl am se na dis kayn sayn i go si we PAPA GƆD go sho am fɔ lɛ i no se i go du wetin i dɔn prɔmis: “I se if Ɛzikaya want di shado fɔ go bifo tɛn stɛp ɔ go biɛn tɛn stɛp.
10
Ɛzikaya ansa se i izi fɔ lɛ shado go bifo tɛn stɛp, so lɛ i go biɛn tɛn stɛp.
11
So Ayzaya pre to PAPA GƆD, ɛn papa GƆD mek di shado go biɛn tɛn stɛp na di stɛp we Kiŋ Eaz bin bil.
12
Da sem tɛm de Kiŋ Mɛlodak Baladan na Babilɔn, we na Baladan in bɔypikin sɛn lɛta ɛn prɛzɛnt to Ɛzikaya we i yɛri se i nɔ wɛl.
13
Ɛzikaya gladi fɔ di trenja dɛn ɛn sho dɛn ɔl wetin i gɛt nain sto: di silva, gold, spays, pafyum wit ɔl in ams ɛn amyunishɔn. Natin nɔ de we Ɛzikaya gɛt we i nɔ sho dɛn.
14
Na de Prɔfɛt Ayzaya go mit Kiŋ Ɛzikaya ɛn aks am usay di man dɛn kɔmɔt ɛn wetin dɛn kam fɔ. Ɛzikaya ansa am se dɛn kɔmɔt fa ples na Babilɔn.
15
I aks am bak se we dɛn kam wetin dɛn si. I ansa am se dɛn si ɔltin nain os, ɛn natin nɔ de pan in jɛntri we i nɔ sho dɛn.
16
Na de Ayzaya tɛl Ɛzikaya se, lɛ i lisin naw to wetin PAPA GƆD de tɔk.
17
I se tɛm go kam we dɛn go kɛr ɔl wetin de nain os ɛn ɔl wetin in fɔstɛm-papa dɛn bin dɔn kip go Babilɔn. I se PAPA GƆD se wan pin sɛf nɔ go lɛf.
18
I se dɛn go kech sɔm pan in fambul dɛn, dɛn pikin ɛn grampikin dɛn kɛr dɛn go Babilɔn. Dɛn go kastret di man dɛn ɛn mek dɛn de wok na di kiŋ in os na Babilɔn.
19
Ɛzikaya ansa am se wetin PAPA GƆD tɔk so fayn. I tink se wans in nɔ day yet dat nɔ go apin.
20
As fɔ di ɔda tin dɛn we Ɛzikaya du, di wɔndaful tin dɛn we i du o, di rɛzɔvua we i mek fɔ kip wata, di tɔnɛl we i mek fɔ mek wata pas go insay di siti, ɔl rayt dɔŋ na di istri buk bɔt dɛn kiŋ na Juda.
21
Wɛn Ɛzikaya day nain bɔypikin Manasɛ bi di kiŋ.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25