bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 23
2 Kings 23
Krio (Krio Fɔs Oli Baybul)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 24 →
1
Kiŋ Josaya kɔl ɔl di lida dɛn na Juda ɛn Jerusɛlɛm.
2
I gɛda ɔl di bigman dɛn na Juda ɛn Jerusɛlɛm, di man dɛn we de mek sakrifays fɔ pipul sin wit di prɔfɛt dɛn ɛn ɔl di pipul dɛn big ɛn smɔl, ɛn kɛr dɛn ɔl go na PAPA GƆD in os. Na bifo dɛn yay i tinap rid lawd wan ɔl wetin rayt na di Kɔvinant Buk we dɛn fɛn na PAPA GƆD in os.
3
Di kiŋ tinap usay kiŋ fɔ tinap ɛn mek di Kɔvinant we bin de bitwin dɛn ɛn PAPA GƆD - dat na fɔ du wetin i se ɛn go akɔdin to ɔl wetin rayt na di buk wit dɛn at ɛn sol. Ɔlman gri se dɛn go go akɔdin to di Kɔvinant.
4
So Josaya gi ɔda to Ilkaya we na di edman fɔ di man dɛn we de mek sakrifays fɔ pipul sin ɛn di man dɛn we de nɛks to am wit di getman dɛn fɔ pul ɔl di tiŋs dɛn we dɛn mek fɔ wɔship Beal, Ashɛra ɛn di sta dɛn na PAPA GƆD in os. I gɛda ɔltin ɛn kɛr dɛn go biɛn di siti na Kidrɔn Vali ɛn bɔn dɛn de; dɔn i kɛr di ashis go na Bɛthɛl.
5
I sak ɔl di man dɛn we de mek sakrifays to lay lay gɔd we di fɔs kiŋ dɛn bin pik na Juda ɛn Jɛrusɛlɛm - dɛn wan dɛn we bin de bɔn insɛns to Beal, to di san, di mun, di planɛt ɛn di sta dɛn.
6
I pul di Ashɛra pol kɔmɔt na PAPA GƆD in os, kɛr am go dɔŋ na Kidrɔn Vali, bɔn am to ashis ɛn skata di ashis na di bɛriŋrɔn usay dɛn de bɛr dɛn ɔdinari mɔtalman.
7
I brok di kwata dɛn we dɛn plebɔy bin de; na dɛn kwata de dɛn uman bin de mek di klos we dɛn de yuz fɔ wɔship Ashɛra.
8
Josaya gɛda ɔl di man dɛn we de mek sakrifays to lay lay gɔd na Juda, briŋ dɛn kam na Jerusɛlɛm; i gɛda dɛn ɔda wan dɛn we bin de bɔn insɛns na Geba ɛn Biashiba ɛn pwɛl dɛn ɔlta dɛn we na de dɛn de mek sakrifays to dɛn gɔd dɛn nia da get we Gɔvna Jɔshwa bil, we de to di lɛfan pat fɔ go to di men get fɔ go insay di siti.
9
Ivin we di man dɛn we de mek sakrifays to lay lay gɔd nɔ bin de wok na di ɔlta na Jerusɛlɛm, dɛn bin de it bred we nɔ gɛt yist wit dɛn ɔda man dɛn we de mek sakrifays fɔ pipul sin.
10
Josaya pwɛl pwɛl Tɔfɛt we na de dɛn bin de wɔship lay lay gɔd na Inɔm Vali fɔ lɛ nɔbɔdi nɔ go de sakrifays in pikin de igen na faya to Molɛk.
11
I pul ɔl dɛn ɔs we de na di domɔt fɔ go insay PAPA GƆD in os we dɛn fɔs kiŋ dɛn na Juda bin put de se, na fɔ wɔship di san, mek dɛn put dɛn de. I bɔn di karej dɛn we dɛn bin de yuz fɔ wɔship. Dɛn tiŋs ya bin de nia wan ɔfis we wan ɔfisa we nem Nethan Mɛlɛk de.
12
Josaya pul di ɔlta dɛn we di kiŋ dɛn na Juda bin dɔn bil pantap di ruf na Kiŋ Eab in kwata ɛn brok brok dɛn, dɔn i pul di ɔda ɔlta dɛn we Kiŋ Manasɛ bil na PAPA GƆD in os; i smash dɛn ɔl pispis ɛn trowe dɛn na Kidrɔn Vali.
13
Josaya pwɛl di ɔlta dɛn we Kiŋ Sɔlɔmɔn bin bil na di ist pat na Jerusɛlɛm na Mawnt Ɔliv fɔ de wɔship da dɔti Ashtorɛt we dɛn Sidonian dɛn de wɔship ɛn da dɔti Kɛmɔsh we dɛn Moabayt dɛn de wɔship ɛn di ɔda dɔti Molɛk we dɛn Amonayt dɛn de wɔship.
14
I brok brok ɔl dɛn ston pila ɛn dɛn imej we dɛn bil fɔ Ashɛra. I kɔba ɔl dɛn tin we i dɔn pwɛl wit mɔtalman bonbon.
15
Josaya pwɛl di ɔlta na Bɛthɛl we Jɛroboam we na Nebat in bɔypikin bil fɔ de wɔship lay lay gɔd; na dis Jɛroboam bin mek Izrɛl kɔmit sin. I brok brok ɔltin pispis ɛn gren am to pawda. I bɔn Ashɛra in imej.
16
Wɛn i tɔn rawnd luk ɛn si se sɔm grev dɛn bin de pantap di il, i pul di bon dɛn we de insay de ɛn bɔn dɛn na di ɔlta fɔ mek di ɔlta insɛf dɔti. Ɔl dis bi lɛkɛ aw nɔmɔ di prɔfɛt bin dɔn tɔk se i go bi.
17
I si ɔda grev so i aks udat grev da wande bi. Dɛn ansa am se na di prɔfɛt we bin kɔmɔt Juda kam tɔk pan di ɔlta na Bɛthɛl ɛn ɔl wetin i dɔn du to di vɛri ɔlta.
18
I tɛl dɛn se lɛ dɛn nɔ tampa wit di prɔfɛt in bon dɛn, so di man dɛnsɛf lɛf di bon dɛn de; wan ɔda prɔfɛt we bin kɔmɔt Sameria insɛf yon bon dɛn bin de de.
19
Josaya pwɛl pwɛl ɔl di ɔda ples dɛn fɔ wɔship lay lay gɔd we dɛn kiŋ dɛn na Izrɛl bin dɔn bil na di siti dɛn na Sameria lɛkɛ aw i du na Bɛthɛl, we na dɛn tin dɛn de bin mek PAPA GƆD vɛks bad bad wan.
20
Josaya kil ɔl di man dɛn we bin de mek sakrifays to lay lay gɔd pantap di ɔlta dɛn ɛn bɔn mɔtalman bon dɛn pantap dɛn, dɔn i tɔn bak go na Jerusɛlɛm.
21
Kiŋ Josaya gi ɔda to di pipul dɛn se lɛ dɛn sɛlibret di fɛstival fɔ mɛmba di tɛm we di enjɛl pas oba fɔ ɔna PAPA GƆD lɛkɛ aw dɛn rayt na di Kɔvinant Buk.
22
Di kayn fɛstival we dɛn sɛlibret, nɔn Kiŋ na Izrɛl ɔ Juda wande nɔ mek in kayn yet, ivin frɔm di tɛm we na dɛn jɔj dɛn bin de rul di kɔntri.
23
Na we Josaya dɔn etin ia na di chia dɛn sɛlibret di fɛstival fɔ mɛmba di tɛm we di enjɛl pas oba, ɛn na Jerusɛlɛm dɛn sɛlibret am.
24
Josaya, fɔ mek shɔ se in go akɔdin to wetin rayt na di Buk we di lɔ rayt pan we Ilkaya fɛn na PAPA GƆD in os, i pul ɔl dɛn wan we de lukgrɔn, we de ple wit mɛrɛsin ɛn majik ɛn mek dayman grap, dɛn wan we de tɔk bɔt wetin go gɛt fɔ bi, dɛn smɔl smɔl gɔd na os ɛn lay lay gɔd dɛn ɛn ɔl dɛn tin dɛn we dɛn de yuz fɔ wɔship lay lay gɔd. I mek shɔ se i klin di wanol Jerusɛlɛm ɛn Juda.
25
Nɔn kiŋ nɔ ɛva de we tan lɛk Josaya fɔ sav PAPA GƆD wit ɔl in at, sol ɛn trɛnk ɛn du wetin rayt na di Lɔ we PAPA GƆD gi Mozis, ɛn kiŋ nɔ ɛva kam afta am we tan lɛk am.
26
Pan ɔl wetin Josaya du PAPA GƆD bin stil vɛks bad bad wan pan Juda bikɔs ɔf wetin Manasɛ du;
27
so i se in go mɔs mek shɔ se in pul Juda kɔmɔt nain pozishɔn lɛ i nɔ de de igen lɛkɛ aw i du Izrɛl. PAPA GƆD se in nɔ go gɛt natin fɔ du wit Jerusɛlɛm ɛn di os we i dɔn pik se na de dɛn go de wɔship am.
28
As fɔ di ɔda tin dɛn we Josaya du we i bin de rul, dɛn ɔl rayt dɔŋ na di istri buk bɔt dɛn kiŋ na Juda.
29
Di tɛm we Josaya bin stil bi kiŋ, Kiŋ Nɛko na Ijipt go na Riva Yufretis fɔ go ɛp di kiŋ na Asiria. Josaya mach go mit am fɔ fɛt bɔt Nɛko atak am ɛn kil am na Mɛgido.
30
Josaya in wokman dɛn put in dedebɔdi na karej kɛr am go Jerusɛlɛm ɛn bɛr am de nain yon grev. Di pipul dɛn mek Josaya in bɔypikin Jɛoaaz kiŋ nain papa in ples.
31
Jɛoaaz bin ol twɛnti-tri ia we i bin kiŋ ɛn i rul na Jerusɛlɛm fɔ tri mɔnt. In mama na Amotal we na Jɛrimaya in gyal pikin, ɛn na Libna i kɔmɔt.
32
Jɛoaaz du wetin nɔ rayt na PAPA GƆD in yay jɛs lɛkɛ aw in fɔstɛm-papa dɛn bin du.
33
Kiŋ Nɛko put am na jel na Ribla na Amath fɔ lɛ i nɔ go rul na Jerusɛlɛm, dɔn i mek di siti de pe taks to am wit tri ɛn af tɔn silva ɛn sɛvinti-fayv pawns gold.
34
Kiŋ Nɛko mek Ilayakim, we na Josaya in bɔypikin kiŋ nain papa in ples, dɔn i chenj Ilayakim in nem to Jɛoyakim. I kɛr Jɛoaaz na Ijipt ɛn na de i go day.
35
Jɛoyakim bin de pe di gold ɛn silva taks we Kiŋ Nɛko aks fɔ. Fɔ lɛ i ebul pe dis taks, i mek ɔlman de pe taks fɔ in land, wit gold ɛn silva. Ɔlman bin gɛt in yon amawnt we i de pe.
36
Jɛoyakim bin ol twɛnti-fayv ia we i bi kiŋ ɛn i rul fɔ ilɛvin ia. In mama na Zɛbida we na Pɛdaya in gyal pikin, ɛn na Ruma i kɔmɔt.
37
Jɛoyakim insɛf du wetin nɔ rayt na PAPA GƆD in yay jɛs lɛkɛ in fɔstɛm-papa dɛn.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25