bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 5
2 Kings 5
Krio (Krio Fɔs Oli Baybul)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 6 →
1
Wan man we nem Neman na bin di ami kɔmanda fɔ di kiŋ na Siria. Neman na bin impɔtant man to in masta, ɛn in masta bin lɛk am bikɔs nain mek PAPA GƆD bin de lɛ dɛn win wa. Neman na bin gud sojaman, bɔt i bin gɛt bad sik nain bɔdi.
2
Wan tɛm we di Sirian dɛn bin go red Izrɛl, dɛn bin kech wan titi ɛn kɛr am go fɔ go wok fɔ Neman in wɛf.
3
Wande di titi tɛl in misis se if nɔmɔ in masta go go to di prɔfɛt na Sameria, i go mɛn ɔl di bad sik nain bɔdi.
4
Neman insɛf go tɛl di kiŋ wetin dis titi we kɔmɔt Izrɛl se.
5
Di kiŋ gi am pamishɔn fɔ go ɛn gi am lɛta fɔ di kiŋ na Izrɛl. Neman ol rod fɔ go ɛn i kɛr bɔt sɔm tri ɔndrɛd ɛn fɔti kilo silva, sɛvinti kilo gold ɛn tɛn sɛt fayn klos.
6
I kɛr di lɛta to di kiŋ na Izrɛl. Dis na wetin bin rayt na di lɛta: “Wɛn yu gɛt dis lɛta, yu fɔ no se na mi sɛn mi wokman Neman to yu fɔ lɛ yu mɛn am. I gɛt bad sik nain bɔdi.”
7
Wɛn di kiŋ na Izrɛl rid di lɛta, i chɛr in klos ɛn se if in na PAPA GƆD we de kil ɛn gi layf bak we mek dis man de sɛn to am se in fɔ mɛn bad sik na bɔdi; I se na we nɔmɔ di man de fɛn fɔ mek plaba wit am.
8
Wɛn Prɔfɛt Ilaɛlsha yɛri se di kiŋ na Izrɛl chɛr in klos, i sɛn go aks am wetin mek i du dat; i se mek i sɛn di man go mit am fɔ lɛ i go no se prɔfɛt de na Izrɛl fɔ tru, tru.
9
Neman go wit in ɔs ɛn karej na Ilaɛlsha in os ɛn brek;
10
Ilaɛlsha sɛn mɛsej to am se lɛ i go was na Riva Jɔdan sɛvin tɛm, dɔn i go wɛl.
11
Bɔt Neman vɛks ɛn tɔn bak go se in bin fil se di prɔfɛt go kɔmɔt na do kam mit am, tinap bifo am ɛn kɔl in Gɔd we na PAPA GƆD in nem, dɔn i paspas in an na di say we di sik de, dɔn i wɛl.
12
I se if Riva Abana ɛn Riva Fapa na Damaskɔs nɔ bɛtɛ pas dɛn riva dɛn na Izrɛl we in bin fɔ dɔn was de ɛn wɛl. I tɔn go bak wit vɛksteshɔn.
13
Bɔt in wokman dɛn koks am se if di prɔfɛt bin tɛl am fɔ du big tin, i bin fɔ du am; so naw we i tɛl am fɔ go was fɔ lɛ i wɛl, lɛ i du am.
14
So Neman insɛf go dɔŋ na Riva Jɔdan ɛn ib insɛf sɛvin tɛm lɛkɛ aw di prɔfɛt tɛl am fɔ du; nain i wɛl; in bɔdi smut so lɛkɛ dɛn smɔl pikin.
15
Neman ɛn ɔl in trup tɔn bak go mit di prɔfɛt ɛn tɛl am se na naw in no se PAPA GƆD nɔ de nɔn we na di wɔl pas Izrɛl, so in de beg am lɛ i tek di prɛzɛnt we i briŋ fɔ am.
16
Bɔt Ilaɛlsha ansa am se wans PAPA GƆD we in de sav de alayv, in nɔ go tek natin nain an. Neman beg am lɛ i tek sɔntin bɔt i nɔ gri.
17
Na de Neman tɛl am se if i nɔ de gri, in de beg lɛ i gi am sɔm di dɔti na di grɔn we tu pan in myul dɛn go tot, so dat in nɔ go de mek sakrifays to ɛni ɔda PAPA GƆD bɔt to PAPA GƆD.
18
I se in de aks PAPA GƆD fɔ fɔgiv am fɔ wan patikla tin; dat na, wɛn in yon kiŋ we in de sav go na Rimɔn in os fɔ go wɔship in gɔd, dɔn i liŋ nain an fɔ lɛ i baw wit am, wɛn in baw to Rimɔn, lɛ PAPA GƆD fɔgiv am fɔ dat.
19
Ilaɛlsha se oke, lɛ i go saful. Bɔt wɛn Neman dɔn go fawe lilibit,
20
Ilaɛlsha in wokman Gɛazi tɔk nain at se in masta nɔ no wetin i de pan na dat lɛ i lɛf Neman da Sirian man ɛn nɔ tek wetin di man briŋ. I swɛ to PAPA GƆD se in de go mit am na rod ɛn pul sɔntin nain an.
21
So i bigin fala Neman. Wɛn Neman tɔn biɛn ɛn si se sɔmbɔdi de fala am, i kam dɔŋ di karej go mit am ɛn aks am if ɔltin ɔlrayt.
22
I ansa am se ɔltin ɔlrayt bɔt nɔmɔ in masta sɛn am to am fɔ tɛl am se in gɛt tu trenja prɔfɛt dɛn we kɔmɔt Ifrem kam fɛn am, so lɛ i sɛn tati-fo kilo silva ɛn tu sɛt klos fɔ dɛn.
23
Neman tɛl am se lɛ i tek siksti-et kilo silva. I gi am di silva insay tu bag ɛn di tu klos. I tɛl tu pan in wokman dɛn fɔ tot di tiŋs dɛn ɛn waka bifo Gɛazi.
24
Wɛn dɛn rich ɔp di il, i tek di lod na dɛn an ɛn put dɛn insay di os, dɔn i mek di man dɛn go.
25
As i go insay di os so i si Ilaɛlsha, na de Ilaɛlsha aks am usay i kɔmɔt; i ansa am se in nɔ go nɔn say.
26
Ilaɛlsha tɛl am se if i nɔ bin no se in spirit bin de fala am te di man kam dɔŋ in karej go mit am; i aks am se if dat na bin di tɛm fɔ tek mɔni, klos, ɔliv gadin ɛn vayn gadin, ship, kaw, wokman ɛn wokuman dɛn;
27
Ilaɛlsha tɛl am se fɔ wetin i dɔn du, Neman in bad sik nain bɔdi go transfa pan in ɛn in jɛnareshɔn dɛn sote go. Frɔm da momɛnt de nain di sik kam pan Gɛazi, in bɔdi ɔl kam chenj ɛn wayt lɛk shatin.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25